ᐃᔅᑕᐅᑉ ᐊᒡᓚᖏᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓂᕆᕕᒡᔪᐊᕐᓂᖏᑕ ᐅᓪᓗᐃᑦ 7ᖓᓐᓂ, ᐊᖓᔪᖅᑳᕐᔪᐊᖅ ᐃᒥᕋᒥ ᕔᓂᒥᒃ ᐋᖓᔮᒐᓚᓕᓚᐅᕐᐳᖅ ᖁᕕᐊᓱᓕᕐᓗᓂᓗ, ᑎᓕᓯᓕᕐᐳᖅ ᓇᖕᒥᓂᖅ ᐱᔨᒥᓂᒃ 7ᓂᒃ ᐃᒡᔪᐃᕐᑕᐅᓯᒪᔪᓂᒃ ᐅᑯᓂᖓ ᒥᕼᐅᒪᓐ, ᐱᑦᔾᑕ, ᕼᐊᕐᐴᓇ, ᐱᒡᔅᑕ, ᐊᐸᒐᔅᑕ, ᔨᑦᓴᕐ, ᑳᑲᓯᓗ.

ᐃᔅᑕᐅᑉ ᐊᒡᓚᖏᑦ 1:10 Iomraidhean Croise

ᒨᓯᓯ ᓯᕗᓪᓖᑦ 43:34

ᓂᕿᒃᓮᓪᓗ ᔫᓯᐱᐅᑉ ᓵᖓᓂᑦ ᐋᑎᕐᑕᐅᕗᑦ ᑖᒃᑯᓄᖓ, ᐱᓐᔭᒥᓂᐅᓪᓕ ᓂᕆᓂᐊᕐᑕᖏᑦ ᑕᓪᓕᒤᕐᑐᓪᓗᐊᕐᑐᒥᒃ ᐊᓯᓕᒫᒥᓂᑦ ᐊᖏᓂᕐᓴᐅᑎᓪᓗᒋᑦ ᐊᑐᐃᓐᓇᕈᕐᑎᕐᑕᐅᕗᑦ. ᑕᕝᕙ ᓂᕆᕗᑦ ᐃᒥᕐᓗᑎᒡᓗ ᖁᕕᐊᓱᖃᑎᖃᕐᓗᑎᒃ ᑖᑦᓱᒥᖓ.

ᓴᒧᐃᓕ ᐂᑉᐸᖏᑦ 13:28

ᑕᕝᕙ ᐋᑉᓴᓚᐅᑉ ᐱᔨᓂ ᐅᖃᐅᑎᕔᑦ, “ᖃᐅᔨᓴᕐᓂᐊᕐᐳᓯ ᐋᒻᓇᒥᒃ ᐋᖓᔮᓕᑐᐊᕐᐸᑦ, ᐱᖁᔨᓕᑐᐊᕈᒪ ᑐᖁᓐᓂᐊᕐᐸᓯ. ᑲᑉᐱᐊᓱᒃᑍᓕᒋᑦᓯ; ᐅᕙᖓ ᑎᓕᓯᒐᒪ ᐸᓯᔭᒃᓴᐅᓂᐊᕐᐳᖓ ᓯᕘᕋᑦᑍᓕᒋᑦᓯ ᑲᑦᓱᖓᑦᑍᓕᓗᓯᓗ!”

ᐃᔅᑕᐅᑉ ᐊᒡᓚᖏᑦ 1:9

ᐊᖓᔪᖅᑳᕐᔪᐊᓪᓗ ᓄᓕᐊᖓ ᑯᐃᓐ ᕚᔅᑎ ᓂᕆᕕᒃᔪᐊᕐᑎᑦᓯᓚᐅᕆᕗᖅ ᐊᕐᓇᓂᒃ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅ ᐃᒡᓗᕐᔪᐊᖓᓂ.

ᐃᔅᑕᐅᑉ ᐊᒡᓚᖏᑦ 3:15

ᐅᓪᓚᒃᑏᓪᓗ ᑕᕝᕙᓐᖓᑦ ᐊᐅᓪᓚᕐᐳᑦ, ᑐᐊᕕᕐᓗᑎᒃ ᐊᖓᔪᖅᑳᕐᔪᐊᑉ ᐱᖁᔨᓂᖓ ᒪᓕᒡᓗᒍ, ᐱᖁᔭᕐᓗ ᑖᓐᓇ ᓴᖅᑭᑕᐅᓚᐅᕆᕗᖅ ᓲᓴᒥ ᐊᖓᔪᖅᑳᕐᔪᐊᑉ ᐃᒡᓗᖓᓂ. ᐊᖓᔪᖅᑳᕐᔪᐊᕐᓕ ᕼᐂᒪᓂᓗ ᐃᒃᓯᕙᖃᑎᒌᓕᕐᐴᒃ ᐃᒥᕐᓗᑎᒡᓗ; ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᖁᐊᕐᓵᖓᓕᕐᑎᓪᓗᒋᑦ ᑕᒪᑐᒧᖓ.

ᐃᔅᑕᐅᑉ ᐊᒡᓚᖏᑦ 7:9

ᕼᐊᕐᐴᓇᓕ ᐊᖓᔪᖅᑳᕐᔪᐊᑉ ᐱᔨᖓᑦ ᐊᕐᓇᕐᓂᐊᕈᓐᓁᓪᓕᑎᑕᐅᓯᒪᔪᖅ ᑕᕝᕙᓂ ᓇᔫᑎᔪᖅ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᖅ, “ᑕᑯᒋᑦ! ᕿᒥᑦᓯᕕᒃᑕᖃᕐᐳᖅ, 75ᓂᒃ ᐃᑎᒐᖕᓂᒃ ᐳᕐᑐᓂᓕᖕᒥᒃ, ᕼᐂᒪᓂᐅᑉ ᓴᓇᔭᐅᖁᓚᐅᕐᑕᖓᓂᒃ ᐃᒡᓗᖓᑕ ᓴᓂᐊᓂ ᒧᐊᑎᑬᒥᒃ ᕿᒥᑦᓯᕕᒋᔪᒪᓪᓗᓂᐅᒃ, ᑖᑦᓱᒥᖓ ᐊᖓᔪᖅᑳᕐᔪᐊᑉ ᐃᓅᓯᖓᓂᒃ ᓴᐳᑦᔨᓚᐅᕐᑐᒥᒃ, ᖃᐅᔨᑎᑦᓯᓚᐅᕐᓂᕐᒥᓄᑦ!” ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᑕᕝᕙᓂ ᕼᐂᒪᓂ ᕿᒥᑕᐅᓕᕐᓕ!”

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:1

ᕔᓂᑐᕐᓂᖅ ᒥᑕᐅᑎᖃᕐᑎᑦᓯᕗᖅ, ᓴᓐᖏᔪᒥᒡᓗ ᐃᒥᐊᓗᖕᓂᖅ ᐱᑦᓯᐊᕈᓐᓃᕐᑎᑦᓯᕗᖅ; ᑕᒪᑐᒧᖓᓗ ᑕᒻᒪᕐᑎᑕᐅᔪᖅ ᓯᓚᑐᔫᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:4

ᑕᒪᓐᓇ ᐊᖓᔪᖅᑳᕐᔪᐊᕐᓯᐅᑕᐅᓐᖏᓚᖅ, ᓕᒧᐃᓖ, ᐊᖓᔪᖅᑳᕐᔪᐊᖅ ᕔᓂᒥᒃ ᐃᒥᕐᑐᒃᓴᐅᓐᖏᓚᑦ, ᐊᐅᓚᑦᓯᔨᐅᔪᑦ ᐃᒥᐊᓗᖕᒥᒃ ᓴᓐᖏᔪᒥᒃ ᐃᒥᕈᒪᔪᒃᓴᐅᓐᖏᓚᑦ;

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:19

ᓂᕆᕕᒃᔪᐊᕐᓂᖅ ᐃᒡᓚᕐᓂᕐᒥᒃ ᓄᐃᑎᑦᓯᕗᖅ, ᕔᓂᓗ ᖁᕕᐊᓱᒃᑎᑦᓯᓪᓗᓂ; ᑮᓇᐅᔭᕐᓕ ᑕᒤᓐᓂᒃ ᓄᐃᑎᑦᓯᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 16:25

ᑍᒤᓚᐅᕐᐳᖅ ᐃᒥᕐᓂᕐᒧᑦ ᖁᕕᐊᓱᓕᕋᒥᒃ ᐅᖃᕐᐳᑦ, “ᓵᒻᓲᓂ ᕾᖁᔭᐅᓚᐅᕐᓕ, ᑕᑯᕋᓐᓈᕐᑎᓐᓂᐊᕐᒪᑎᒍᑦ.” ᑕᕝᕙ ᓵᒻᓲᓂ ᐂᔭᐅᕗᖅ ᑎᒍᔭᐅᒪᕕᖕᒥᑦ, ᑕᑯᕋᓐᓈᕐᑎᑉᐰᓪᓗ. ᓇᖏᕐᑎᑕᐅᓪᓗᓂᓗ ᓱᑬᑦ ᓇᐸᔪᑦ ᐊᑯᕐᖓᓐᓂ;

ᐃᓗᐊᕐᓮᔩᑦ ᐊᒡᓚᖏᑦ 19:6

ᑖᒃᑯᐊᒃ ᐊᖑᑏᒃ ᒪᕐᕉᒃ ᐃᒃᓯᕙᖃᑎᒌᓚᐅᕐᐴᒃ ᓂᕆᖃᑎᒌᒡᓗᑎᒃ ᐃᒥᖃᑎᒌᒡᓗᑎᒡᓗ; ᐊᕐᓇᐅᓪᓗ ᐊᑖᑕᖓᑕ ᐊᖑᑦ ᐅᖃᐅᑎᕚ, “ᑐᓐᖓᓱᒡᓗᑎᑦ ᓯᓂᒃᑕᒃᑲᓐᓂᑬᓐᓇᕆᑦ ᖁᕕᐊᓱᒡᓗᑎᓪᓗ.”

ᕉᑎᐅᑉ ᐅᓂᒃᑲᐅᓯᓂᖓ 3:7

ᐳᐊᓯᓕ ᓂᕆᔭᕇᕋᒥ ᐃᒥᕇᕋᒥᓗ ᖁᕕᐊᓱᑦᓯᐊᓕᕐᐳᖅ, ᓂᐊᖂᔭᒃᓮᓪᓗ ᑲᑎᓯᒪᔪᑦ ᐅᖓᓪᓕᕐᐸᖓᓄᑦ ᐃᓂᓪᓚᒃᐳᖅ, ᑕᕝᕙᓂᓗ ᓯᓂᓕᕐᓗᓂ. ᑕᕝᕙ ᕉᑎ ᑐᓵᔭᐅᑦᑍᓕᒪᓪᓗᓂ ᐳᐊᓯᐅᑉ ᑭᓗᐊᓄᑦ ᐃᓐᓇᕐᐳᖅ.