ᐃᐱᓯᒥᐅᓄᑦ 6:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᖓᔪᖅᑳᖑᔪᓯ, ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᑍᒫᑦᓮᓐᓇᕐᑕᐅᖅ ᐱᓂᐊᕐᕕᒋᓯᒋᒃ, ᐃᓕᕋᓇᕐᓵᕐᑍᓕᒋᑦᓯᓗ ᓯᕘᕋᓵᕆᓂᒃᑯᑦ, ᐃᖅᑲᐅᒪᓗᓯ ᑕᒪᑦᓯ ᐊᖓᔪᖅᑳᖃᕋᑦᓯ ᐊᑕᐅᓯᕐᒥᒃ ᕿᓚᖕᒦᑦᑐᒥᒃ, ᑖᑦᓱᒪᓂᓗ ᐃᓄᐃᑦ ᐊᑦᔨᒌᖏᑦᑐᒥᒃ ᐱᓂᐊᕐᕕᐅᓐᖏᓚᑦ.

ᐃᐱᓯᒥᐅᓄᑦ 6:9 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 5:5

ᐃᓅᖃᑎᒌᒃᑲᓗᐊᕐᑐᒍᑦ ᔫᑎᐅᖃᑎᒋᒐᑦᑎᒍ, ᕿᑐᕐᖓᕗᑦ ᑍᒃᑯᑎᑐᓇᖅ ᕿᑐᕐᖓᖏᑎᑐᑦ ᐱᐅᔫᑎᒋᓐᖏᓛᑦ? ᐸᓂᑦᑕ ᐃᓚᖏᑦ ᐊᒡᓛᑦ ᓂᐅᕐᕈᑎᐅᓯᒪᕗᑦ ᐱᔨᑲᑖᖑᓂᐊᓕᕐᓗᑎᒃ. ᐊᔪᓕᕐᐳᒍᑦ ᐱᕈᕐᓰᕕᖁᑎᕗᑦ ᕔᓂᓕᐅᕐᕕᒃᐳᓪᓗ ᑎᒍᔭᐅᓯᒪᓕᕐᒪᑕ.”

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᐃᓐᖏᕈᑎᑦ 140:12

ᖃᐅᔨᒪᕗᖓ ᐊᑕᓂᖅ ᓴᖅᑭᑎᑦᓯᑦᓯᐊᕐᓂᐊᕐᒪᑦ ᓱᖕᒪᑦ ᐋᓐᓂᐊᑎᑕᐅᓂᕐᑕᖃᕐᒪᖔᑦ, ᐃᑲᔪᕐᑕᐅᔭᕆᐊᓖᓪᓗ ᓈᒻᒪᓈᑦᓯᐊᕐᑐᒥᒃ ᐱᓇᓱᐊᕐᕕᒋᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 47:6

ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᑖᓂᐊᓕᐅᑉ ᐊᒡᓚᖏᑦ 3:6

ᓇᓪᓕᐊᑦ ᐹᒻᒪᒃᑎᖏᑦᑐᖅ ᑐᒃᓯᐊᕐᓇᓂᓗ, ᑕᕝᕔᓐᓇᖅ ᐃᒋᑕᐅᓂᐊᕐᐳᖅ ᐃᑯᒪᒧᑦ ᐃᑯᐊᓚᔪᒧᑦ.”

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 22:10

ᑕᕝᕙ ᐱᔩᑦ ᐊᖅᑯᑎᓄᐊᕐᐳᑦ ᑕᑯᔭᓕᒫᒥᖕᓂᒃ ᐃᓄᖕᓂᒃ ᑲᑎᑦᑎᕗᑦ, ᐱᐅᔪᓂᒃ ᐱᐅᖏᑦᑐᓂᒡᓗ ᖃᓄᐃᑦᑐᑐᐃᓐᓇᕐᓂᒃ; ᑖᓐᓇᓗ ᑲᑎᑎᑕᐅᕕᖕᒥ ᓂᕆᕕᒃᔪᐊᕐᕕᒃ ᑕᑕᑦᓯᐊᕐᐳᖅ ᐃᓄᖕᓂᒃ.

ᒫᑎᐅᓯᐅᑉ ᐊᒡᓚᖏᑦ 22:8

ᑕᕝᕙ ᐱᔨᓂ ᐅᖃᐅᑎᕔᑦ, ‘ᑲᑎᑎᑕᐅᔪᓄᑦ ᓂᕆᕕᒃᔪᐊᒃᓴᖁᑎᒃᑲ ᐊᑐᐃᓐᓇᐅᓕᕐᐳᑦ, ᕾᖁᓯᒪᔭᒃᑲᓕ ᑕᕝᕗᓐᖓᕐᑐᒃᓴᐅᓐᖏᓚᑦ.

ᒫᑎᐅᓯᐅᑉ ᐊᒡᓚᖏᑦ 24:48

ᐱᔨᑦᓯᐊᕙᐅᖏᑦᑐᕐᓕ ᐃᓱᒪᓕᕈᓂ, ‘ᐊᖓᔪᖅᑳᕋ ᓱᓕ ᐊᑯᓂᐊᓗᒃ ᑎᑭᑦᔮᓐᖏᓚᖅ,’

ᒫᑎᐅᓯᐅᑉ ᐊᒡᓚᖏᑦ 24:51

ᑕᕝᕙ ᐊᖓᔪᖅᑳᖓᑕ ᓱᒋᐊᕐᓗᒍ ᐃᒋᒃᑲᔭᕐᐹ, ᑕᒃᑯᕐᒨᕐᑐᑦ ᓱᒋᐊᕐᑕᐅᕕᒋᔭᖓᓄᑦ; ᑕᕝᕙᓂ ᕿᐊᓂᖃᕋᔭᕐᐳᑦ ᐊᒡᓕᕈᓛᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 7:12

“ᑍᒤᒻᒪᑦ ᐃᓅᖃᑎᑦᓯᓐᓄᑦ ᐱᓇᓱᐊᕐᕕᐅᔪᒪᓂᑦᓯᑎᑐᑦ, ᑍᒫᓪᓗᐊᖅ ᐱᓇᓱᐊᕐᑐᒃᓴᐅᕗᓯ: ᑕᒪᓐᓇ ᑍᒤᓕᐅᕐᓂᖅ ᒨᓯᓯᐅᑉ ᐱᖁᔭᖏᑕ ᑐᑭᒋᖕᒪᒍ, ᓇᓚᐅᑦᑍᔪᓪᓗ ᐊᔪᕆᕐᑐᐃᑦᔪᑎᒋᓪᓗᓂᐅᒃ.”

ᓘᑲᓯᐅᑉ ᐊᒡᓚᖏᑦ 6:31

ᐃᓅᖃᑎᖕᓂᑦ ᖃᓄᖅ ᐱᓂᐊᕐᕕᐅᔪᒪᒍᕕᑦ, ᑍᒫᒃᑕᐅᖅ ᑖᒃᑯᓇᓐᖓ ᐱᓂᐊᕐᕕᐅᒐᔭᓐᖑᐊᕐᓗᑎᑦ ᐱᓂᐊᕐᕕᒋᒃᑭᑦ.

ᔪᐊᓇᓯᐅᑉ ᐊᒡᓚᖏᑦ 13:13

ᐊᔪᕆᕐᑐᐃᔨᒥᒃ ᐊᑕᓂᕐᒥᒡᓗ ᑍᕙᑦᓯᓐᖓ; ᓇᓛᒍᑦ ᐅᖃᕐᐳᓯ, ᑖᓐᓇᐅᒐᒪ.

ᐋᐴᓯᑕᓖᑦ ᐱᓂᐊᕐᓂᖏᑦ 10:34

ᐲᑦᑐᕉᓯ ᐅᖃᓯᕗᖅ: “ᒫᓐᓇ ᑐᑭᓯᕗᖓ ᒎᑎ ᐃᓔᓐᓇᕐᓯᐅᖏᒻᒪᑦ, ᐃᓄᓕᒫᓪᓕ ᐊᑦᔨᒌᒃᑎᒻᒪᒋᑦ.

ᕉᒪᒥᐅᓄᑦ 2:11

ᒎᑎᐅᑉ ᐃᓄᓕᒫᑦ ᐊᑦᔨᒌᒃᑎᒻᒪᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:2

ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᐃᑦᔪᕐᓁᑎᑕᐅᓯᒪᔪᓄᑦ ᔩᓱᓯ ᙭ᔅᑑᓯᒃᑯᑦ, ᐃᑦᔪᕐᓁᑎᑕᐅᖁᓪᓗᒋᑦ ᕾᖁᔭᐅᓯᒪᔪᓕᒫᓄᑦ ᑐᒃᓯᐊᕐᐸᒃᑐᓄᓪᓗ ᐊᑕᓂᐅᑉ ᔩᓱᓯ ᙭ᔅᑑᓯᐅᑉ ᐊᑎᖓᓄᑦ, ᐊᑕᓂᕆᔭᒥᖕᓄᑦ ᐊᑕᓂᕆᔭᑦᑎᓐᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:22

ᐃᓄᖕᒧᑦ ᓂᐅᕕᐊᖑᓯᒪᑎᓪᓗᒍ ᐊᑕᓂᕐᒧᑦ ᕾᖁᔭᐅᔪᖅ ᐊᑕᓂᐅᑉ ᐱᒋᔭᐅᔪᓐᓃᕐᑎᒻᒪᒍ. ᑍᒫᒃᑕᐅᖅ ᐃᓄᖕᒧᑦ ᓂᐅᕕᐊᖑᓯᒪᑎᓐᓇᒍ ᕾᖁᔭᐅᔪᖅ ᙭ᔅᑑᓯᐅᑉ ᓇᖕᒥᓂᕐᑖᕆᕚ.

ᒨᓯᓯ ᑕᓪᓕᒪᖏᑦ 10:17

ᐊᑕᓂᖅ ᒎᑎᒋᔭᓯ ᒎᑎᒋᔭᐅᔪᓕᒫᓂᑦ ᐊᖏᓂᕐᓴᐅᖕᒪᑦ ᐱᔪᓐᓇᕐᓂᕐᐹᖑᓪᓗᓂᓗ. ᐱᔪᓐᓇᕐᑐᕐᔪᐊᖑᕗᖅ ᐊᔪᒐᖃᖏᑦᑐᕐᔪᐊᖑᓪᓗᓂᓗ, ᓯᕘᕋᒋᔭᐅᔪᒃᓴᐅᕗᕐᓗ. ᐃᓄᖕᓂᒡᓗ ᐃᓔᓐᓇᕐᓯᐅᓐᖏᓚᖅ, ᓯᓔᕐᕆᔭᐅᔪᓐᓇᕋᓂᓗ.

ᑯᓘᓯᐊᒥᐅᓄᑦ 3:25

ᐱᐅᖏᑦᑐᓕᔪᕐᓕ ᐊᑭᓕᕐᑕᐅᔪᒫᕐᐳᖅ ᐱᐅᖏᑦᑐᓕᓯᒪᓂᖓ ᒪᓕᒡᓗᒍ, ᐃᓅᑉ ᑭᓇᐅᑦᔪᓯᖓ ᑲᒪᒋᔭᐅᖏᒻᒪᑦ.

ᑯᓘᓯᐊᒥᐅᓄᑦ 4:1

ᐊᖓᔪᖅᑳᖑᔪᓯ ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᓈᒻᒪᒃᑐᒥᒃ ᐱᐅᔪᒥᒡᓗ ᐱᓂᐊᕐᕕᒋᓯᒋᒃ, ᖃᐅᔨᒪᓗᓯ ᐊᖓᔪᖅᑳᖃᕋᑦᓯᑦᑕᐅᖅ ᕿᓚᖕᒥ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᔧᒥᓯᐅᑉ ᐊᒡᓚᖏᑦ 2:8

ᐊᖓᔪᖅᑳᔪᐊᑉ ᐱᖁᔭᖓ ᐊᑐᑦᓯᐊᕈᑦᓯᐅᒃ ᒎᑎᐅᑉ ᐅᖃᐅᓯᖏᑦ ᒪᓕᒃᓗᒋᑦ, ᐃᒫ, “ᐃᓅᖃᑏᑦ ᐃᓕᒃᑐᑦ ᓇᒡᓕᒋᔭᒃᓴᕆᕙᑦ” ᑕᑉᕙ ᓈᒻᒪᒃᑐᒥᒃ ᐱᕗᑎᑦ.

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᓴᒧᐃᓕ ᓯᕗᓪᓖᑦ 15:17

ᓴᒧᐃᓕᓗ ᐅᖃᕐᐳᖅ, “ᒥᑭᔫᑎᓪᓗᑎᑦ ᐃᔨᕕᑦ ᓵᖓᓂ, ᐊᖓᔪᖅᑳᖑᓐᖏᓚᑏᑦ ᐃᓴᕆᐊᓕᒥᐅᑦ ᑭᖑᕚᖏᓐᓅᑦ? ᐊᑕᓂᐅᑉ ᐅᕐᓱᕐᑎᓚᐅᕐᐹᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓴᕆᐊᓕᒥᐅᓄᑦ.