ᐃᐱᓯᒥᐅᓄᑦ 6:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᖃᐅᔨᒪᒐᑦᓯ ᐱᓂᐊᑦᓯᐊᕐᓂᖏᑦ ᒪᓕᒡᓗᒋᑦ, ᐊᑕᓂᐅᑉ ᐊᑭᓕᕈᒫᕐᒪᒋᑦ ᐊᑐᓂᑦ, ᓂᐅᕕᐊᖑᓯᒪᓂᕐᒧᑦ ᐱᔨᐅᒐᓗᐊᕐᐸᑦ ᐱᔨᐅᖏᒃᑲᓗᐊᕐᐸᓪᓘᓐᓃᑦ.

ᐃᐱᓯᒥᐅᓄᑦ 6:8 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:18

ᐊᖑᑦ ᐱᐅᖏᑦᑐᖅ ᓯᓔᕐᕆᒃᓯᓇᓱᐊᕐᓂᕐᒥᒃ ᐱᓂᐊᕐᓂᖃᕋᔪᒃᐳᖅ, ᐃᓱᐊᕐᓂᒥᒡᓕ ᐱᓂᐊᕈᑎᓕᒃ ᐱᑖᕐᑎᑕᐅᓗᓂ ᑭᓯᐊᓂᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:18

ᓇᓗᓇᖏᑦᑐᒥᒃ, ᓯᕗᓂᒃᓴᕐᑕᖃᕐᒪᑦ, ᓂᕆᐅᒋᔧᑦ ᑭᐱᔭᐅᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 20:7

ᑖᒃᑯᐊ ᑭᐅᕚᑦ, ‘ᐱᓇᓱᒋᐊᕐᑐᖁᔭᐅᓗᑕ ᑎᓕᔭᐅᓚᐅᖏᓐᓇᑦᑕ.’ ᑖᑦᓱᒪ ᐅᖃᐅᑎᕔᑦ, ‘ᐱᓇᓱᐊᕆᐊᕐᑐᓕᕆᑦᓯ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖕᒥ.’

ᒫᑎᐅᓯᐅᑉ ᐊᒡᓚᖏᑦ 5:12

ᖁᕕᐊᓱᒋᑦᓯ ᓯᕆᓗᓯᓗ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ, ᓇᓚᐅᑦᑍᔪᑦᑕᐅᖅ ᑍᒤᓕᐅᕐᑕᐅᓚᐅᕐᒪᑕ ᓯᕗᓂᑦᓯᓐᓂ.”

ᒫᑎᐅᓯᐅᑉ ᐊᒡᓚᖏᑦ 6:1

“ᑲᒪᑦᓯᐊᕆᑦᓯ ᐅᒃᐱᕐᓂᕐᒥᒃ ᐱᓇᓱᐊᕐᓂᓯ ᐊᓯᑦᓯᓐᓄᑦ, ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕐᓗᓯ ᐱᖁᓇᓯ; ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕈᑦᓯ, ᐊᑭᓕᕐᑕᐅᓂᒃᓴᖃᖏᓐᓇᑦᓯ ᐊᑖᑕᑦᓯᓐᓂᑦ ᕿᓚᖕᒦᑦᑐᒥᑦ.

ᒫᑎᐅᓯᐅᑉ ᐊᒡᓚᖏᑦ 6:4

ᑐᓂᕐᕈᓯᕐᓃᑦ ᖃᐅᔨᔭᐅᓂᐊᖏᒻᒪᑦ; ᐊᑖᑕᕕᓪᓗ ᑕᒤᓐᓂᒃ ᑕᑯᓐᓇᕐᑑᑉ ᐊᑭᓕᕈᒫᕐᐹᑎᑦ.”

ᓘᑲᓯᐅᑉ ᐊᒡᓚᖏᑦ 14:14

ᑕᕝᕙ ᓮᒻᒪᕐᑎᑕᐅᓂᐊᕐᐳᑎᑦ, ᑖᒃᑯᐊ ᓂᕆᔭᕐᑐᕐᑎᑎᔪᒃᑎᒃᓴᖃᖏᒻᒪᑕ ᐃᓕᖕᓂᒃ. ᐊᑭᓕᕐᑕᐅᔪᒫᕐᐳᑎᓪᓕ ᐃᓗᐊᕐᑐᑦ ᑐᖁᖓᔪᓂᑦ ᒪᑭᕝᕕᐊᓂ.”

ᓘᑲᓯᐅᑉ ᐊᒡᓚᖏᑦ 6:35

ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:13

ᐊᓂᕐᓂᕐᒧᑦ ᐊᑕᐅᓯᕐᒧᑦ ᐹᑉᑎᑕᐅᓯᒪᒐᑦᑕ ᑎᒥᒥ ᐊᑕᐅᓯᐅᖁᓪᓗᑕ; ᔫᑎᑦ ᒍᕇᑭᓪᓗ, ᐱᔨᐅᔪᑦ ᐱᔨᐅᖏᑦᑐᓪᓗ, ᑕᒪᑦᑕᓗ ᐃᒥᕐᑎᑕᐅᕗᒍᑦ ᐊᓂᕐᓂᕐᒥᑦ ᐊᑕᐅᓯᕐᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᑯᓘᓯᐊᒥᐅᓄᑦ 3:11

ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.

ᑯᓘᓯᐊᒥᐅᓄᑦ 3:24

ᖃᐅᔨᒪᒐᑦᓯ ᐊᑕᓂᕐᒥᑦ ᐊᑭᓕᕐᑕᐅᔪᒫᕋᑦᓯ ᑭᖑᕐᖑᑎᔭᒃᓴᐅᑎᑕᖓᓂᒃ ᐊᑭᓕᕐᑕᐅᓗᓯ; ᐊᑕᓂᖅ ᙭ᔅᑑᓯ ᐱᔨᑦᓯᕋᑦᓯᐅᒃ.

ᑯᓘᓯᐊᒥᐅᓄᑦ 3:25

ᐱᐅᖏᑦᑐᓕᔪᕐᓕ ᐊᑭᓕᕐᑕᐅᔪᒫᕐᐳᖅ ᐱᐅᖏᑦᑐᓕᓯᒪᓂᖓ ᒪᓕᒡᓗᒍ, ᐃᓅᑉ ᑭᓇᐅᑦᔪᓯᖓ ᑲᒪᒋᔭᐅᖏᒻᒪᑦ.

ᐄᑉᕈᐃᓄᑦ 10:35

ᑍᒤᒻᒪᑦ ᓴᐱᓕᕐᑍᓕᒋᑦᓯ ᑕᑎᖃᕐᓂᑦᓯᓐᓂᒃ, ᑕᒪᓐᓇ ᐊᖏᔪᒥᒃ ᐊᑭᓕᕐᑕᐅᓂᒃᓴᖃᕐᒪᑦ.

ᐄᑉᕈᐃᓄᑦ 11:26

ᐃᓱᒪᖃᓚᐅᕋᒥ ᐱᑦᓯᐊᕐᑕᐅᖏᓐᓂᖅ ᒥᑕᐅᑕᐅᓂᕐᓗ ᙭ᔅᑑᓯ ᐱᑦᔪᑎᒋᓪᓗᒍ ᐊᖏᓂᕐᓴᒥᒃ ᐊᔪᕐᓴᖏᑦᔪᑎᒃᓴᐅᓇᓱᒋᓪᓗᒍ ᐄᑦᔨᑉᑎᒥᐅᑦ ᐱᖁᑎᕐᔪᐊᖏᓐᓂᑦ, ᓯᕗᓂᒃᓴᒥ ᐊᑭᓕᐅᑕᐅᔪᒫᕐᓂᖅ ᐃᓱᒪᒋᓪᓗᓂᐅᒃ.