ᐃᐱᓯᒥᐅᓄᑦ 6:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑐᒃᓯᐊᑦᓮᓐᓇᕆᑦᓯ ᐊᓂᕐᓂᒃᑯᑦ, ᑐᒃᓯᐊᕈᑎᖃᕐᓗᓯ ᓱᓇᑐᐃᓐᓇᕐᓂᒃ ᕿᓄᓗᓯᓗ. ᐃᒃᐱᒍᓱᑦᓯᐊᕆᑦᓯ ᓴᐱᓕᕐᑍᓕᓗᓯ, ᑐᒃᓯᐅᑦᔨᕙᒡᓗᓯ ᐃᑦᔪᕐᓁᑎᑕᐅᓯᒪᔪᓂᒃ ᑕᒤᓐᓂᒃ,

ᐃᐱᓯᒥᐅᓄᑦ 6:18 Iomraidhean Croise

ᐊᑕᓃᑦ ᓯᕗᓪᓖᑦ 8:52

“ᑕᑯᓐᓇᓚᐅᕆᑦ ᐱᔨᕕᑦ ᕿᓄᓂᖓᓂᒃ, ᐃᓄᖁᑎᑎᓪᓗ ᐃᓴᕆᐊᓕᑏᑦ ᕿᓄᒃᐸᑕ, ᓈᓚᒃᐸᒡᓗᒋᑦ ᐃᓕᖕᓄᑦ ᓂᓪᓕᐊᔭᕌᖓᑕ.

ᐊᑕᓃᑦ ᓯᕗᓪᓖᑦ 8:54

ᓲᓗᒨᓂ ᑐᒃᓯᐊᕇᕋᒥ ᑐᒃᓯᐅᑦᔨᔭᕇᕋᒥᓗ ᐊᑕᓂᕐᒧᑦ, ᓂᑯᕕᑉᐳᖅ ᑐᓂᕐᕈᓯᕐᕕᐅᑉ ᓵᖓᓂᑦ, ᓰᖅᑯᖓᕕᒋᕋᑖᕐᑕᒥᓂ ᑕᓖᖕᓂᓗ ᖁᒻᒧᑦ ᐃᓵᒡᓗᒋᒃ;

ᐊᑕᓃᑦ ᓯᕗᓪᓖᑦ 8:59

ᐊᑕᓂᐅᑉ ᒎᑎᑦᑕ ᑕᒪᓐᓇ ᐃᖅᑲᐅᒤᓐᓇᕐᓕᐅᒃ ᑐᒃᓯᐊᕐᓂᕆᔭᕗᑦ, ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐱᔨᓂᓗ ᐃᓄᖁᑎᓂᓗ ᓂᑲᒋᓕᒋᑦ ᐱᔭᕆᐊᖃᕐᑕᖏᓐᓂᒡᓗ ᖃᐅᑕᒫᑦ ᑐᓂᓯᕕᒋᓗᓂᒋᑦ.

ᐊᑕᓃᑦ ᓯᕗᓪᓖᑦ 9:3

ᐊᑕᓂᐅᓪᓗ ᐅᖃᕐᕕᒋᕚ, “ᑐᒃᓯᐊᕐᓂᑎᑦ ᕿᓄᓂᑎᓪᓗ ᑐᓴᕐᐸᒃᑲ, ᑐᒃᓯᐊᕐᕕᒡᔪᐊᖅ ᑖᓐᓇ ᐃᑦᔪᕐᓁᓕᑎᑉᐸᕋ ᓴᓇᓚᐅᕐᑍᑦ; ᐃᓂᒋᓂᐊᕐᓕᕐᐸᕋᓗ ᑐᒃᓯᐊᕐᕕᐅᖁᓪᓗᖓ ᐃᓱᖃᖏᑦᑐᒧᑦ, ᒥᐊᓂᕆᓂᐊᕐᐸᕋ ᓴᐳᑎᕙᒡᓗᒍᓗ ᑍᒪᓐᖓᓕᒫᖅ.

ᐃᔅᑕᐅᑉ ᐊᒡᓚᖏᑦ 4:8

ᐱᖁᔭᓕᐊᕆᔭᐅᔫᓪᓗ ᐅᖃᐅᓯᕐᑕᖏᑕ ᐊᑦᔨᖏᓐᓂᒃ ᕼᐊᑕᒃ ᑐᓂᓯᕕᒋᕚ ᓲᓴᒥ ᓴᖅᑭᑎᑕᐅᓯᒪᔪᓂᒃ, ᔫᑎᑦ ᑐᖁᕋᕐᑕᐅᖁᓪᓗᒋᑦ, ᑖᒃᑯᐊᓗ ᐃᔅᑕᕐᒧᑦ ᑕᑯᔭᐅᖁᕔᑦ ᑕᒪᑐᒥᖓᓗ ᑐᑭᓯᑎᑕᐅᖁᕚ, ᐊᖓᔪᖅᑳᕐᔪᐊᕐᒧᐊᕈᓐᓇᕐᒪᖔᓪᓗ ᐃᓗᖏᕐᑐᕐᓗᓂ ᕿᓄᕕᖃᖁᓪᓗᒍ ᐊᖓᔪᖅᑳᕐᔪᐊᕐᒥᒃ ᓴᐳᑦᔭᐅᖁᔨᓗᓂᓗ ᐃᓅᖃᑎᒥᓂᒃ.

ᔫᐱᐅᑉ ᐊᒡᓚᖏᑦ 27:10

ᐊᔪᒐᖃᖏᑦᑐᖅ ᖁᕕᐊᓲᑎᒋᔪᓐᓇᕐᐸᐅᒃ? ᒎᑎᓗ ᑍᒪᓐᖓᑦ ᓂᓪᓕᐊᕕᒋᖃᑦᑕᕋᔭᕐᐸᐅᒃ?

ᐃᓐᖏᕈᑎᑦ 4:1

ᑐᓴᓚᐅᓐᖓ ᐃᓕᖕᓄᑦ ᓂᓪᓕᐊᓕᕈᒪ ᒎᑏ, ᐃᓱᐊᕐᑑᓪᓗᑎᑦ ᒎᑎᒋᒐᒃᑭᑦ! ᐅᖁᒤᒃᓴᕐᓂᓐᓂᑦ ᐅᕿᒡᓕᑎᑉᐸᕐᒪ ᓈᒃᑭᒋᓚᐅᓐᖓ, ᑐᒃᓯᐊᕐᓂᕋᓗ ᑐᓴᕐᓗᒍ.

ᐃᓐᖏᕈᑎᑦ 6:9

ᐊᑕᓂᐅᑉ ᑐᒃᓯᐊᕐᓂᕋ ᑐᓴᕐᒪᒍ, ᓂᑲᒋᔭᐅᔪᒪᓂᕐᒧᑦ ᓂᓪᓕᐊᓂᕋ ᑐᓵᖕᒪᒍ, ᐊᑕᓂᐅᑉ ᑐᒃᓯᐊᕐᓂᕋ ᐱᕚ.

ᐂᓮᐊᓯᐅᑉ ᐊᒡᓚᖏᑦ 26:16

ᐊᑕᓃᖅ, ᐅᖁᒤᒃᓴᓕᕌᖓᒥᒃ ᐃᓕᖕᓂᒃ ᕿᓂᓕᕐᐸᒃᐳᑦ, ᐃᓗᖏᕐᑐᕐᓗᑎᒃ ᑐᒃᓯᐊᓕᖃᑦᑕᕐᒪᑕ, ᐃᓕᖕᓄᑦ ᓱᒋᐊᕐᑕᐅᓕᕌᖓᒥᒃ.

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᑖᓂᐊᓕᐅᑉ ᐊᒡᓚᖏᑦ 9:20

ᐅᖃᓪᓚᒃᑎᓪᓗᖓ ᑐᒃᓯᐊᕐᑎᓪᓗᖓᓗ, ᖃᕿᐊᓕᕐᑎᓪᓗᖓᓗ ᐊᔪᕐᓂᓐᓂᒃ, ᐃᓅᖃᑎᒪᓗ ᐃᓴᕆᐊᐊᓕᑎᑦ ᐊᔪᕐᓂᖏᓐᓂᒃ, ᕿᓄᑎᓪᓗᖓᓗ ᐊᑕᓂᕐᒧᑦ ᒎᑎᓐᓄᑦ ᖃᖅᑲᖅ ᐃᑦᔪᕐᓁᑦᑐᖅ ᐱᒋᔭᖓ ᐱᓪᓗᒍ.

ᕼᐆᓯᐊᑉ ᐊᒡᓚᖏᑦ 12:4

ᐃᓛᒃ, ᐹᖃᑎᖃᓚᐅᕐᐳᖅ ᐂᖏᓕᒥᒃ ᓵᓚᖃᕐᓗᓂᓗ, ᖁᕝᕕᐅᕐᓗᓂ ᖁᕕᐊᒋᔭᐅᔪᒪᓕᓚᐅᕐᐳᖅ ᑖᑦᓱᒧᖓ. ᐱᑎᓕᒥ ᒎᑎᒥᒃ ᖃᐅᔨᓚᐅᕐᐳᖅ, ᑍᑲᓂᓗ ᒎᑎᐅᑉ ᐅᖃᕐᕕᒋᓚᐅᕐᐹ;

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 17:21

ᑕᒪᒃᑯᐊᓕ ᐊᓂᕐᓂᕐᓗᐃᑦ ᑐᒃᓯᐊᕐᓂᕐᒧᑦ ᓂᕆᑦᑍᓕᓂᕐᒧᓪᓗ ᑭᓯᐊᓂ ᐊᓂᑎᑕᐅᔪᓐᓇᕐᐳᑦ; ᐊᓯᐊᒍᓪᓕ ᐊᓂᑎᑕᐅᔪᓐᓇᓐᖏᓚᑦ.]

ᒫᑎᐅᓯᐅᑉ ᐊᒡᓚᖏᑦ 26:41

ᖃᐅᔨᓴᕆᓯ ᑐᒃᓯᐊᕐᓗᓯᓗ ᐱᐅᖏᑦᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ; ᐊᓂᕐᓂᖅ ᐱᔪᒪᑦᓯᐊᕋᓗᐊᕐᐳᖅ, ᑎᒥᓕ ᓴᓐᖐᑉᐳᖅ.”

ᒫᑯᓯᐅᑉ ᐊᒡᓚᖏᑦ 13:33

ᖃᐅᔨᒪᓇᓱᐊᑦᓯᐊᕆᑦᓯ, ᖃᐅᔨᓴᑦᓯᐊᕐᓗᓯ; ᖃᖓ ᓇᓪᓕᐅᑎᔪᒫᕐᒪᖔ ᖃᐅᔨᒪᖕᒋᓐᓇᑦᓯᐅᒃ.

ᒫᑯᓯᐅᑉ ᐊᒡᓚᖏᑦ 14:38

ᐃᖅᑯᒪᒋᑦᓯ ᑐᒃᓯᐊᕐᓗᓯ ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ; ᐊᓂᕐᓂᖅ ᐱᔪᒪᑦᓯᐊᕋᓗᐊᕐᐳᖅ, ᑎᒥᓕ ᓴᓐᖐᑉᐳᖅ.”

ᓘᑲᓯᐅᑉ ᐊᒡᓚᖏᑦ 21:36

ᑍᒪᓐᖓᑦ ᖃᐅᔨᓴᑦᓮᓐᓇᕆᑦᓯ, ᑐᒃᓯᐊᖃᑦᑕᕐᓗᓯ ᐱᔪᓐᓇᕐᓂᖃᕐᑎᑕᐅᖁᓪᓗᓯ ᐊᓂᒍᐃᔪᓐᓇᖁᓪᓗᓯ ᑕᒪᒃᑯᐊ ᐱᔪᒫᕐᑐᑦ ᐊᑐᓕᕐᐸᑕ, ᓇᖏᕈᓐᓇᖁᓪᓗᓯᓗ ᐃᓅᑉ ᐃᕐᓂᖓᑕ ᓵᖓᓂ.”

ᓘᑲᓯᐅᑉ ᐊᒡᓚᖏᑦ 22:46

ᐅᖃᐅᑎᓪᓗᒋᑦ, “ᓱᖕᒪᑦ ᓯᓂᒃᐱᓰ? ᒪᑭᒋᑦᓯ ᑐᒃᓯᐊᕐᓗᓯ ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ.”

ᓘᑲᓯᐅᑉ ᐊᒡᓚᖏᑦ 3:26

ᓈᒡᒊ ᒫᑎᐅᑉ ᐃᕐᓂᕆᕚ, ᒫᑎ ᒪᑕᑍᐊᓯᐅᑉ ᐃᕐᓂᕆᕚ, ᒪᑕᑍᐊᓯ ᓰᒥᓂᐅᑉ ᐃᕐᓂᕆᕚ, ᓰᒥᓂ ᔫᓯᑭᐅᑉ ᐃᕐᓂᕆᕚ, ᔫᓯᑭ ᔫᑕᐅᑉ ᐃᕐᓂᕆᕚ,

ᓘᑲᓯᐅᑉ ᐊᒡᓚᖏᑦ 3:37

ᓔᒥᑭ ᒥᑑᓴᓚᐅᑉ ᐃᕐᓂᕆᕚ, ᒥᑑᓴᓚ ᐃᓅᑭᐅᑉ ᐃᕐᓂᕆᕚ, ᐃᓅᑭ ᔭᕆᑎᐅᑉ ᐃᕐᓂᕆᕚ, ᔭᕆᑎ ᒪᕼᐊᓚᓕᐅᑉ ᐃᕐᓂᕆᕚ, ᒪᕼᐊᓚᓕᐅ ᑬᓇᓂᐅᑉ ᐃᕐᓂᕆᕚ,

ᐋᐴᓯᑕᓖᑦ ᐱᓂᐊᕐᓂᖏᑦ 1:14

ᐊᑕᖏᕐᓗᑎᒃ ᐊᑕᐅᓯᐅᓕᖅᑲᖓᑦᓯᐊᕐᓗᑎᒃ ᑲᑦᓱᖕᒊᕐᓯᒪᑦᓯᐊᕐᓗᑎᒃ ᑐᒃᓯᐊᖃᑦᑕᓚᐅᕐᐳᑦ, ᐊᕐᓁᑦ ᐃᓚᒋᓪᓗᒋᑦ ᒥᐊᕆᓗ ᔩᓱᓯᐅᑉ ᐊᓈᓇᖓ, ᖃᑕᓐᖑᑎᖏᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 10:2

ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒃ ᐃᒃᐱᒋᔭᖃᑦᓯᐊᕐᓗᓂ ᐃᒡᓗᒥᐅᖃᑎᓂ ᐃᓚᒋᓪᓗᒋᑦ, ᑐᓂᓯᖃᑦᑕᓚᐅᕐᐳᖅ ᐃᓄᖕᓄᑦ ᐊᓐᓂᕈᓱᒐᓂ, ᒎᑎᒧᑦ ᑐᒃᓯᐊᖃᑦᑍᓐᓇᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 12:5

ᑍᒤᒻᒪᑦ ᐲᑦᑐᕉᓯ ᑎᒍᔭᐅᓯᒪᕕᖕᒦᓕᓚᐅᕐᐳᖅ; ᐃᓚᒌᒃᑐᓪᓕ ᐅᒃᐱᕐᑑᖃᑎᒌᑦ ᐃᓗᖏᕐᓱᕐᓗᑎᒃ ᒎᑎᒧᑦ ᑐᒃᓯᐊᕈᑎᒋᓚᐅᕐᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:4

ᐅᕙᒍᓪᓕ ᑍᒪᓐᖓᑦ ᐱᓇᓱᐊᕐᓂᐊᕐᐳᒍᑦ ᑐᒃᓯᐊᕐᓂᕐᒥᒃ ᐊᔪᕆᕐᑐᐃᓂᕐᒥᒡᓗ.”

ᕉᒪᒥᐅᓄᑦ 12:12

ᓂᕆᐅᖕᓂᑦᓯᓄᑦ ᖁᕕᐊᓱᒃᑎᑕᐅᒋᑦᓯ, ᐊᒃᓱᕈᑎᑕᐅᓂᕐᒥᒃ ᕿᓄᐃᓵᕆᑦᓯ, ᑐᒃᓯᐊᑦᓮᓐᓇᕐᓗᓯ.

ᕉᒪᒥᐅᓄᑦ 8:15

ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”

ᒐᓔᑎᐊᒥᐅᓄᑦ 4:6

ᕿᑐᕐᖓᕆᔭᐅᓕᕋᑦᓯᓗ, ᒎᑎᐅᑉ ᐃᕐᓂᕐᒥ ᐊᓂᕐᓂᖓ ᐃᓗᑦᓯᓐᓄᐊᕐᑎᑉᐹ, ᑖᓐᓇ ᓂᓪᓕᐊᔪᖅ, “ᐋᐸ, ᐊᑖᑖᒃ!”

ᐃᐱᓯᒥᐅᓄᑦ 1:16

ᒎᑎᒧᑦ ᖁᔭᓕᑦᔪᑎᒌᓐᓇᓕᕐᐸᑦᓯ, ᑐᒃᓯᐊᓕᕌᖓᒪᓗ ᐃᖅᑲᐅᒪᖃᑦᑕᕐᐸᑦᓯ,

ᐃᐱᓯᒥᐅᓄᑦ 2:22

ᑖᑦᓱᒨᓇ ᐃᓕᑦᓯᑦᑕᐅᖅ ᐃᒡᓗᓕᐊᖑᖃᑕᐅᓕᕐᐳᓯ ᒎᑎᒧᑦ ᐃᓂᒋᔭᒃᓴᐅᖁᓪᓗᓯ.

ᐃᐱᓯᒥᐅᓄᑦ 3:18

ᐃᑦᔪᕐᓁᑎᑕᐅᓯᒪᔪᓪᓗ ᐊᑕᐅᑦᓯᒃᑯᑦ ᑐᑭᓯᔪᓐᓇᖁᓪᓗᓯ ᙭ᔅᑑᓯᐅᑉ ᓇᒡᓕᖕᓂᖓᑕ ᓯᓕᖕᓂᖓᓂᒃ ᑕᑭᓂᖓᓂᒃ ᐳᕐᑐᓂᖓᓂᒃ ᐃᑎᓂᖓᓂᒡᓗ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᐃᐱᓯᒥᐅᓄᑦ 6:19

ᐅᕙᖓᑦᑕᐅᖅ ᑐᒃᓯᐅᑎᓯᓐᖓ, ᑐᓂᓯᕕᐅᖁᓪᓗᖓ ᐅᖃᐅᓯᒃᓴᒥᒃ ᓯᕘᕋᖏᓪᓗᖓ ᐅᖃᓪᓚᒋᐊᖃᓕᕌᖓᒪ ᐅᖃᐅᓰᑦ ᑐᓴᕈᒥᓇᕐᑐᑦ ᓇᓗᓇᕐᓂᖏᑦ ᓇᓗᓁᕈᓐᓇᕐᓗᒋᑦ.

ᐱᓕᐱᒥᐅᓄᑦ 1:4

ᑍᒪᓐᖓᓪᓗ ᑐᒃᓯᐅᑎᓕᕌᖓᑦᓯ, ᑐᒃᓯᐊᖃᑦᑕᕐᐳᖓ ᖁᕕᐊᓱᑦᓯᐊᕐᓗᖓ.

ᐱᓕᐱᒥᐅᓄᑦ 4:6

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ.

ᑯᓘᓯᐊᒥᐅᓄᑦ 1:3

ᑍᒪᓐᖓᑦ ᒎᑎᒧᑦ ᖁᔭᓕᖃᑦᑕᕐᐳᒍᑦ, ᔩᓱᓯ ᙭ᔅᑑᓯᐅᑉ ᐊᑖᑕᖓᓄᑦ, ᐃᓕᑦᓯᓐᓂᒃ ᑐᒃᓯᐅᑦᔨᓕᕌᖓᑦᑕ.

ᑯᓘᓯᐊᒥᐅᓄᑦ 1:4

ᑐᓴᕐᑎᑕᐅᓯᒪᓕᕋᑦᑕ ᐅᒃᐱᕐᓂᑦᓯᓐᓂᒃ ᙭ᔅᑑᓯ ᔩᓱᓯᒥ, ᓇᒡᓕᒍᓱᖕᓂᑦᓯᓐᓂᒡᓗ ᐃᑦᔪᕐᓁᑎᑕᐅᓯᒪᔪᓕᒫᓂᒃ.

ᑯᓘᓯᐊᒥᐅᓄᑦ 4:2

ᑐᒃᓯᐊᕐᓂᕐᒧᑦ ᑲᔪᓯᑦᓯᐊᕆᑦᓯ, ᖃᐅᔨᓴᑦᓯᐊᖃᑦᑕᕐᓗᓯ ᖁᔭᓕᖃᑦᑕᕐᓗᓯᓗ ᒎᑎᒧᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:17

ᑍᒪᓐᖓᑦ ᑐᒃᓯᐊᑦᓮᓐᓇᕆᑦᓯ,

ᑎᒧᑎᒧᑦ ᓯᕗᓪᓖᑦ 2:1

ᓯᕗᓪᓕᕐᐹᒥᒡᓕ, ᐱᖁᔨᕗᓐᖓ ᕿᓄᑦᔪᑎᖃᕐᓂᖅ ᑐᒃᓯᐊᖃᑦᑕᕐᓂᖅ ᑐᒃᓯᐅᑦᔨᓂᖅ, ᖁᔭᓕᓃᓪᓗ ᒎᑎᒧᑦ ᑐᓂᕐᕈᑕᐅᖃᑦᑕᖁᕙᒃᑲ ᐃᓄᐃᑦ ᑕᒪᕐᒥᒃ ᐱᑦᔪᑎᒋᓪᓗᒋᑦ,

ᑎᒧᑎᒧᑦ ᐂᑉᐸᖏᑦ 1:3

ᒎᑎ ᖁᔭᒋᕙᕋ ᑖᒃᓇ ᐱᔨᑦᓯᕐᑕᕋ ᐃᓱᒫᓗᑎᖃᕐᓇᖓ, ᓲᕐᓗᑦᑕᐅᖅ ᓯᕗᓕᕕᓂᒃᑲ ᑍᒤᓚᐅᕐᒪᑕ, ᑍᒪᓐᖓᑦ ᐃᖅᑲᐅᒪᖃᑦᑕᐸᒋᑦ ᑐᒃᓯᐊᓕᕌᖓᒪ ᐅᓐᓄᒃᑯᑦ ᐅᓪᓗᒃᑯᓪᓗ.

ᐰᓕᒨᓂᒧᑦ 1:5

ᑐᓴᕐᑎᑕᐅᓯᒪᒐᒪ ᐃᑦᔪᕐᓁᑎᑕᐅᓯᒪᔪᓕᒫᓄᑦ ᓇᒡᓕᒍᓱᖕᓂᕐᓂᒃ ᐅᒃᐱᕐᓂᓂᒃᓗ ᐊᑕᓂᕐᒧᑦ ᔩᓱᓯᒧᑦ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᔫᑎᐅᑉ ᐊᒡᓚᖏᑦ 1:20

ᐃᓕᑦᓯᓕ ᓇᒡᓕᒋᔭᒃᑲ, ᐃᓕᑦᓯᓐᓂᒃ ᐱᕙᓪᓕᐊᑎᓕᕆᑦᓯ ᐅᒃᐱᕐᓂᑯᑦ ᐃᑦᔪᕐᓁᑦᑐᒃᑯᑦ; ᑐᒃᓯᐊᕐᓗᓯ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ;

ᓴᒧᐃᓕ ᓯᕗᓪᓖᑦ 1:12

ᕼᐋᓇ ᑲᔪᓯᓪᓗᓂ ᑐᒃᓯᐊᕐᑎᓪᓗᒍ ᐊᑕᓂᕐᒧᑦ, ᐃᓔ ᑕᑯᓐᓇᕐᐳᖅ ᖃᓂᖓᓂᒃ.