10 ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.
ᐃᓱᒪᒃᓴᕐᓯᐅᓕᕆᑦ ᒫᓐᓇ, ᐊᑕᓂᐅᑉ ᓂᕈᐊᕐᓯᒪᖕᒪᑎᑦ ᐃᒡᓗᓕᐅᖁᓪᓗᑎᑦ ᐃᑦᔪᕐᓁᑦᑐᒥᒃ; ᓲᖑᔫᓗᑎᑦ, ᐱᓇᓱᐊᕐᓂᐊᕐᐸᑦ.”
ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.
ᐃᕝᕕᓪᓕ, ᓴᐱᓕᕐᑍᓕᒋᑦ! ᐱᔪᓐᓇᕐᓃᓪᓗ ᓴᓐᖐᓕᑎᑦᑍᓕᒍᒃ, ᐱᓂᐊᕐᓂᑎᑦ ᐊᑭᓕᕐᑕᐅᔪᒫᕐᒪᑕ.”
ᓂᓪᓕᐊᕕᒋᒐᒃᑭᑦ ᑕᕝᕙ ᑭᐅᓚᐅᕐᐸᕐᒪ, ᓯᕘᕋᔪᓐᓃᕐᑎᓪᓗᖓ ᑕᕐᓂᕋᓗ ᓲᖑᓯᑎᓪᓗᒍ.
ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐊᑕᓂᖅ ᒎᑎᐅᖕᒪᑦ ᐃᓱᖃᖏᑦᑐᒧᑦ, ᐱᓐᖑᕐᑎᑦᓯᓯᒪᔪᖅ ᓄᓇᕐᔪᐊᕐᒥᒃ ᐃᓱᐊᓃᑦ ᐃᓱᐊᓄᑦ. ᓄᑮᕈᑎᔪᓐᓇᓐᖏᓚᖅ ᑕᖃᔪᓐᓇᕋᓂᓗ, ᓯᓚᑐᓂᖓᓗ ᖃᐅᔨᔭᐅᔪᓐᓇᕋᓂ.
ᐊᑕᓂᕐᒥᒡᓕ ᐅᑕᖅᑭᔪᑦ, ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᔪᒫᕐᐳᑦ, ᐃᓴᕈᕐᒥᖕᓄᑦ ᑎᖏᔪᒫᕐᐳᑦ ᓇᒃᑐᕋᓕᒃᑎᑐᑦ, ᐅᓪᓚᒃᓯᔪᒫᕐᐳᑦ ᑕᖃᓂᐊᕈᓐᓃᕐᓗᑎᒃ, ᐱᓱᓕᕈᒫᕐᐳᑦ ᓅᑮᕈᑎᓂᐊᕈᓐᓃᕐᓗᑎᒡᓗ.
ᐊᑕᓂᖅ ᐅᖃᕐᐳᖅ, ᒫᓐᓇ ᓴᐱᕐᑍᓕᒋᑦ ᔨᕈᐸᐱᐅᓪ, ᓴᐱᕐᑍᓕᒋᓪᓗ ᔮᓱᐊ ᔨᕼᐅᔭᑕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ; ᓴᐱᕐᑍᓕᒋᑦᓯ ᐃᓅᖃᑎᒌᓕᒫᖑᔪᓯ ᑕᒫᓂ ᓄᓇᖃᕐᑐᓯ, ᐱᓇᓱᐊᑦᓯᐊᕆᑦᓯ ᐃᓚᒋᕙᑦᓯ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.
ᔫᑕᒥ ᐃᓴᕆᐊᓕᒥᓗ ᓄᓇᖃᕐᑐᓯ ᐃᓅᖃᑎᒌᒡᔪᐊᓂᑦ ᓇᕐᕈᓇᕐᓂᕋᕐᑕᐅᕙᒃᐳᓯ ᐱᐅᖏᑦᑐᐊᓘᓂᕋᕐᑕᐅᕙᒡᓗᓯᓗ, ᑍᒤᒻᒪᑦ ᓴᐳᑎᔪᒪᕙᑦᓯ, ᓮᒻᒪᕐᑕᐅᑦᔪᑎᒃᓴᐅᓕᕈᒫᕐᐳᓯ ᐊᓯᑦᓯᓐᓄᑦ, ᑲᑉᐱᐊᓱᓐᖏᓕᕆᑦᓯ ᓯᕘᕋᓇᓯᓗ.”
ᐃᒫᒡᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕆᕗᖅ: “ᐃᓕᑦᓯ ᒫᓐᓇ ᐅᖃᐅᓯᕐᓂᒃ ᑐᓴᕐᑐᓯ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᑦ ᐅᖃᐅᓯᐅᕙᓚᐅᕐᑐᑦ ᐊᑦᔨᖏᓐᓂᒃ ᐊᑕᓂᐅᑉ ᐃᒡᓗᖓᑕ ᑐᓐᖓᕕᖏᑦ ᓴᓇᔭᐅᕙᓪᓕᐊᑦᔪᑎᒃᓴᖏᓐᓄᑦ, ᐊᒡᒐᓯ ᓴᓐᖏᔫᑦᓯᐊᕐᓕᑦ ᑐᒃᓯᐊᕐᕕᒡᔪᐊᖅ ᓴᓇᔭᐅᔪᓐᓇᖁᓪᓗᒍ.
ᖃᐅᔨᓴᑦᓯᐊᕆᑦᓯ, ᐅᒃᐱᕐᓂᕐᒥ ᓂᑯᕕᖓᑦᓯᐊᕐᓗᓯ, ᓯᕘᕋᖏᓪᓗᓯ, ᓴᓐᖏᔫᓗᓯᓗ.
ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.
ᐱᔪᓐᓇᕐᓂᕐᔪᐊᖓᑕᓗ ᐱᓇᓱᐊᕐᓂᖓᓂᒃ ᐅᕙᑦᑎᓐᓂ ᐅᒃᐱᕐᑐᓂ, ᐱᔪᓐᓇᕐᓂᕐᔪᐊᒥᒍᑦ ᐱᓇᓱᐊᕐᓯᒪᓂᖓ ᑐᓐᖓᕕᒋᓪᓗᒍ.
ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,
ᑕᕝᕙ ᐊᑕᓂᖅ ᔮᓱᐊᒧᑦ ᐅᖃᓕᕐᐳᖅ ᓈᓂᐅᑉ ᐃᕐᓂᖓᓄᑦ ᐅᖃᐅᑎᓪᓗᒍᓗ, “ᓴᓐᖏᔫᓕᕆᑦ ᓯᕘᕋᔪᐃᓪᓗᑎᓪᓗ; ᐃᓴᕆᐊᓕᒥᐅᑦ ᑕᓯᐅᕐᓂᐊᕋᕕᒋᑦ ᓄᓇᒧᑦ ᑖᒃᑯᓄᖓ ᐅᖃᕕᒡᓗᖓ ᐊᖏᕈᑎᒋᓯᒪᔭᓐᓄᑦ; ᐅᕙᖓ ᐱᖃᑎᒋᓂᐊᕐᐸᒋᑦ.”
ᑭᖑᓪᓕᕐᐹᒥᒡᓕ ᐅᒃᐱᕐᑑᖃᑎᒃᑲ, ᖁᕕᐊᓱᒋᑦᓯ ᐊᑕᓂᕐᒥ. ᑎᑎᕋᐅᓯᕆᓚᐅᕐᑕᓐᓂᒃ ᑖᒃᑯᓂᖓᑦᓮᓐᓇᖅ ᑎᑎᕋᕋᓗᐊᕈᒪ ᖃᓄᐃᒃᓴᓐᖏᓚᖓ, ᓴᐳᑎᔭᐅᑦᔪᑎᒋᒃᑲᓐᓂᕐᓂᐊᕋᑦᓯᐅᒃ.
ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.
ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.
ᓲᖑᓯᑎᑕᐅᖁᓪᓗᓯᓗ ᐱᔪᓐᓇᕐᓂᕐᓄᑦ ᑕᒤᓐᓄᑦ, ᒎᑎᐅᑉ ᐊᔪᒐᖃᖏᓐᓂᖓᓄᑦ ᐱᓐᓇᕐᓇᕐᑐᒧᑦ, ᓱᖁᓯᕐᑍᓕᔪᓐᓇᕐᓯᖁᓪᓗᓯ ᕿᓄᐃᓵᕈᓐᓇᕐᓯᓗᓯ ᖁᕕᐊᓱᖕᓂᖃᕐᓗᓯᓗ.
ᐃᑉᕕᓪᓕ ᐃᕐᓃᒃ ᓴᓐᖏᔫᓕᕆᑦ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᙭ᔅᑑᓯ ᔩᓱᓯᒦᑦᑐᒃᑯᑦ,
ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.
ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”
ᑭᖑᓪᓕᕐᐹᒥᒡᓕ, ᑕᒪᑦᓯ ᐊᑦᔨᒌᒃᑐᒥᒃ ᐃᓱᒪᖃᖃᑎᒌᒃᑐᒃᓴᐅᕗᓯ, ᐃᓚᑦᓱᒋᖃᑦᑕᐅᑎᓗᓯ, ᓇᒡᓕᒃᑎᒌᒡᓗᓯ ᐃᓚᒌᒃᑐᑎᑐᑦ, ᓈᒃᑭᒍᓱᒡᓗᓯ ᒥᑭᒡᓕᑎᕐᓯᒪᓗᓯᓗ.
ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.
ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.
ᐊᑖᑕᐅᔪᓯ ᑎᑎᕋᕐᕕᒋᓚᐅᕐᐸᑦᓯ, ᑖᓐᓇ ᖃᐅᔨᒪᒐᑦᓯᐅᒃ ᐱᒋᐊᕐᓂᖓᓂᑦ ᐱᑕᕾᓐᓇᓚᐅᕐᑐᖅ. ᐃᓅᓱᒃᑑᔪᓯ ᑎᑎᕋᕐᕕᒋᓚᐅᕐᐸᑦᓯ, ᐱᔪᓐᓇᕐᓂᖃᑦᓯᐊᕋᑦᓯ, ᒎᑎᐅᓪᓗ ᐅᖃᐅᓯᖓ ᐃᓗᑦᓯᓐᓃᒻᒪᑦ, ᐱᐅᖏᑦᑐᐊᓗᒡᓗ ᓵᓚᒋᓯᒪᒐᑦᓯᐅᒃ.
ᔫᓇᑕᓂᓗ ᓴᐅᓕᐅᑉ ᐃᕐᓂᖓ, ᒪᑭᑉᐳᖅ ᑍᕕᑎᒧᓪᓗ ᐂᕗᖅ ᕼᐅᕆᔅᒧᑦ, ᓲᖑᓯᑎᒋᐊᓪᓚᒃᐹᓗ ᒎᑎᒥ.
