ᐃᐱᓯᒥᐅᓄᑦ 5:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ.

ᐃᐱᓯᒥᐅᓄᑦ 5:6 Iomraidhean Croise

ᐊᑕᓃᑦ ᐂᑉᐸᖏᑦ 18:20

ᐃᓱᒪᒐᓗᐊᕐᐳᑎᑦ ᐃᓱᒪᒃᓴᕐᓯᐅᑦᓯᐊᕐᓗᑎᑦ ᐱᓇᓱᐊᕐᓂᕋᕐᓗᑎᑦ ᐱᔪᓐᓇᑦᓯᐊᕐᓂᕋᕐᓗᑎᓪᓗ ᐅᓇᑕᐅᑎᑎᒍᑦ ᑭᓯᐊᓂ ᑕᒪᒃᑯᐊ ᐅᖃᐅᓯᑐᐃᓐᓇᐅᕗᑦ ᐱᓂᐊᕐᓂᕐᑕᖃᕋᑎᒃ, ᑭᓇᒥᒃ ᐃᑲᔪᕐᑎᒃᓴᕐᑖᕋᕕᑦ? ᐅᕙᑦᑎᓐᓂᒃ ᐊᑭᕋᕐᑐᕋᓱᒃᐲᑦ?

ᐃᓐᖏᕈᑎᑦ 78:31

ᒎᑎᐅᑉ ᓂᓐᖓᐅᒪᓂᖓᓄᑦ ᑎᑭᑕᐅᓚᐅᕐᐳᑦ, ᑐᖁᓪᓗᒋᓪᓗ ᓴᓐᖏᓂᕐᐹᖏᑦ, ᐅᕐᕈᑎᓚᐅᕐᐰᓪᓗ ᐃᓴᕆᐊᓕᑏᑦ ᐊᔪᖏᓐᓂᕐᐹᖏᑦ.

ᔨᕆᒤᐊᐅᑉ ᐊᒡᓚᖏᑦ 27:9

ᓈᓚᒃᑕᕐᓴᕆᓐᖏᓚᓯ ᓇᓚᐅᑦᑍᔪᖁᑎᓯ, ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᓯ, ᓯᓐᓇᒃᑐᓂᒡᓗ ᑐᑭᓯᐅᒪᓇᓱᐊᕐᑎᖁᑎᓯ, ᐊᓂᕐᓂᓕᕆᔨᖁᑎᓯ, ᐊᖓᒃᑯᖁᑎᓯᓗ ᐅᖃᕐᐸᒃᑐᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐱᔨᑦᓯᕈᒪᖏᓐᓂᕅᓪᓗᑎᒃ ᐃᓕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 29:31

“ᐊᐅᓪᓚᕈᑦᔭᐅᓯᒪᔪᓕᒫᑦ ᐅᖃᐅᑎᒃᑭᑦ ᐃᒫᒃ ᐊᑕᓂᖅ ᐅᖃᐅᓯᖃᕐᐳᖅ, ‘ᓯᒤᐊ ᓂᕼᐃᓚᒥ ᓄᓇᓕᒃ ᐱᓪᓗᒍ, ᓯᒤᐊ ᐃᓕᑦᓯᓐᓄᑦ ᐱᔪᒫᕐᑐᒃᓴᓂᒃ ᐅᖃᐅᓯᖃᓚᐅᕐᒪᑦ ᑎᓕᓚᐅᖏᒃᑲᓗᐊᕐᑕᕋ ᑍᒫᒃ ᐅᖃᖁᓗᒍ, ᓱᓕᖏᑦᑐᒥᒃ ᐃᓕᑦᓯᓐᓂᒃ ᐅᒃᐱᓕᕐᑎᑦᓯᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 37:9

ᐃᒫᒃ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐅᐃᕕᕐᕆᑦᑍᓕᒋᑦᓯ ᐃᓱᒪᓗᓯ ᑲᐅᓪᑎᐊᒥᐅᑦ ᐊᐅᓪᓚᕈᑎᒃ ᐅᑎᕐᓂᐊᖏᓐᓇᓱᒋᓕᕐᓗᒋᑦ, ᑖᒃᑯᐊᓕ ᐅᑎᕐᓂᐊᕆᕗᑦ.

ᒤᑲᐅᑉ ᐊᒡᓚᖏᑦ 3:5

“ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐃᓄᖁᑎᒃᑲ ᑕᒻᒪᕐᑎᑕᐅᕗᑦ ᓇᓚᐅᑦᑍᓂᕐᓗᒃᑐᓄᑦ, ᓮᓕᑦᓯᐊᕐᓂᕐᒥᒃ ᐊᖏᕈᑎᖃᕐᐸᒃᐳᑦ ᓂᕆᑎᑦᓯᔨᒥᖕᓂᒡᓗ, ᓂᕿᒃᓴᖃᕐᑎᑦᓯᖏᑦᑐᓄᓪᓗ ᓯᕘᕋᓵᕆᕙᒃᑐᑦ ᐅᓇᑕᕆᐊᕐᑐᕐᓂᐊᕐᓂᕋᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:4

ᔩᓱᓯᐅᑉ ᑭᐅᕔᑦ, “ᖃᐅᔨᓴᑦᓯᐊᖃᑦᑕᕆᑦᓯ, ᑕᒻᒪᕐᑎᑕᐅᖁᓇᓯ ᓇᓪᓕᐊᓐᓄᑦ.

ᒫᑯᓯᐅᑉ ᐊᒡᓚᖏᑦ 13:22

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᕈᒫᕐᒪᑕ ᓇᓗᓁᒃᑯᑕᕐᓂᒃ ᓴᖅᑭᑎᑦᓯᔪᒫᕐᐳᑦ ᑲᒪᓇᕐᑐᓕᓂᕐᓂᒡᓗ, ᑕᒻᒪᕐᑎᑦᓯᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᓐᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑯᓯᐅᑉ ᐊᒡᓚᖏᑦ 13:5

ᔩᓱᓯᐅᑉ ᐅᖃᐅᑎᕔᑦ, “ᖃᐅᔨᓴᑦᓯᐊᕆᑦᓯ ᐅᐃᕖᕐᕆᔭᐅᖁᓇᓯ.

ᕉᒪᒥᐅᓄᑦ 1:18

ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᓂᖏᓐᓄᑦ ᓱᓕᓂᕐᒥᒃ ᐊᒡᕕᐊᕐᓯᔪᓄᑦ ᐱᐅᖏᑦᑐᓕᐅᕐᓂᕐᒥᖕᓄᑦ.

ᑯᓘᓯᐊᒥᐅᓄᑦ 2:18

ᐱᑖᕆᔭᒃᓴᑦᓯᓐᓂᑦ ᓴᖑᑎᑕᐅᑦᑍᓕᒋᑦᓯ, ᐊᑦᔨᐅᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓄᑦ ᐂᖏᓕᓂᒡᓗ ᑐᒃᓯᐊᕐᕕᖃᕐᐸᒃᑐᓄᑦ, ᑕᑯᑎᑕᐅᓯᒪᓂᕐᒥᒃ ᑐᓐᖓᕕᖃᕐᑐᓄᑦ, ᑍᒤᑦᑐᑦ ᐱᐅᔪᕆᕗᑦ ᐱᐅᔪᕆᑦᔪᑎᒃᓴᖃᕋᑎᒃ ᐃᓱᒪᑐᐃᓐᓇᕐᒥᖕᓂᒡᓗ ᐋᖅᑮᕙᒃᓗᑎᒃ.

ᑯᓘᓯᐊᒥᐅᓄᑦ 2:4

ᐅᖃᐅᑎᕙᑦᓯ ᑭᓇᒧᓪᓘᓐᓃᑦ ᓯᓔᕐᕆᔭᐅᖁᓇᓯ ᐅᖃᐅᓯᕐᓄᑦ ᑲᔪᖏᕐᓮᔪᓄᑦ, ᓱᓕᔫᔮᕋᓗᐊᕐᐸᑕ.

ᑯᓘᓯᐊᒥᐅᓄᑦ 2:8

ᖃᐅᔨᓴᕆᑦᓯ ᑭᓇᒧᓪᓘᓐᓃᑦ ᐊᔪᓕᕐᕕᒋᓂᐊᕐᑕᑦᓯᓐᓄᑦ ᐱᑎᑕᐅᑦᑍᓕᓗᓯ ᑐᑭᖃᖏᑦᑐᓄᑦ ᐃᓄᐃᑦ ᓯᓚᑐᓂᖏᑕ ᐋᖅᑭᒃᑕᖏᓐᓄᑦ, ᐃᓄᑐᐃᓐᓁᑦ ᐃᓕᖅᑯᓯᖏᓐᓄᑦ, ᐊᓂᕐᓂᐅᔪᓄᑦ ᓯᓚᕐᔪᐊᕐᒥ ᐊᐅᓚᑕᐅᓯᒪᔪᓄᑦ, ᙭ᔅᑑᓯᒥᓐᖔᖏᑦᑐᓄᑦ.

ᑯᓘᓯᐊᒥᐅᓄᑦ 3:6

ᑕᒪᒃᑯᐊ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᑦᓱᒫᕐᒪᑦ ᒎᑎᒥᒃ ᓈᓚᖏᑦᑐᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:3

ᓇᓪᓕᐊᓐᓄᑐᐃᓐᓇᖅ ᐅᐃᕕᕆᔭᐅᑦᑍᓕᒋᑦᓯ ᖃᓄᑐᐃᓐᓇᖅ; ᐅᓪᓗᖅ ᑖᓐᓇ ᓇᓪᓕᐅᑎᔪᒫᕐᒪᑦ ᐃᓄᐃᑦ ᑭᓯᐊᓂ ᐅᒃᐱᕈᒪᖏᓐᓂᖃᓚᐅᕐᑎᓪᓗᒋᑦ, ᐱᖁᔭᖃᖏᑦᑐᕐᔪᐊᖅ ᓴᖅᑭᓚᐅᕐᑎᓪᓗᒍ, ᐊᓯᕈᕐᑕᐅᓂᕐᔫᑉ ᕿᑐᕐᖓᖓ.

ᐄᑉᕈᐃᓄᑦ 13:9

ᑕᒻᒪᕐᑎᑕᐅᑦᑍᓕᒋᑦᓯ ᐊᔪᕆᕐᑑᓯᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᑦᔨᐅᖏᑦᑐᓄᓪᓗ; ᐱᐅᔪᒻᒪᕆᐅᕗᖅ ᐃᓗᒃᑯᑦ ᓲᖑᑎᑕᐅᓂᕐᒥᒃ ᐱᓯᒪᓗᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᓂᕿᓄᑦ ᐱᓇᓂ, ᓂᕿᓄᑦ ᒪᓕᒐᒃᓴᓂᒃ ᒪᓕᒃᑑᒐᓗᐊᑦ ᐃᑲᔪᕐᑕᐅᓯᒪᖏᒻᒪᑕ.

ᐄᑉᕈᐃᓄᑦ 3:19

ᑕᕝᕙ ᑕᑯᕗᒍᑦ ᓄᓇᒃᓴᒥᓄᑦ ᐃᑎᕈᓐᓁᓕᓚᐅᕐᒪᑕ ᐅᒃᐱᖏᓐᓂᕐᒧᑦ.

ᐲᑦᑐᕉᓯ ᓯᕗᓪᓖᑦ 2:8

ᐊᓯᖏᓐᓂ ᐅᖃᕐᓯᒪᔪᖃᕆᕗᖅ, “ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᕐᐳᖅ ᐹᓪᓚᒃᑎᑦᓯᔪᒫᕐᓗᓂᓗ.” ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.

ᔪᐊᓇᓯ ᓯᕗᓪᓖᑦ 4:1

ᓇᒡᓕᒋᔭᒃᑲ, ᐊᓂᕐᓃᑦ ᑕᒪᕐᒥᒃ ᐅᒃᐱᕆᓂᐊᕋᓯᒋᒃ, ᐊᓂᕐᓃᓪᓕ ᐆᒃᑐᕐᓯᒋᒃ ᒎᑎᒥᑦ ᐱᖕᒪᖔᑕ; ᐊᒥᓱᑦ ᓇᓚᐅᑍᔫᓐᖑᐊᕐᑐᑦ ᓇᒧᑐᐃᓐᓇᖅ ᐂᓯᒪᖕᒪᑕ ᓯᓚᕐᔪᐊᕐᒧᑦ.