ᐃᐱᓯᒥᐅᓄᑦ 5:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐃᐱᓯᒥᐅᓄᑦ 5:2 Iomraidhean Croise

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᒨᓯᓯ ᐂᑉᐸᖏᑦ 29:18

ᑕᕝᕙ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑕᒃᓴᕆᕙᑎᑦ; ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᐅᖕᒪᑦ ᐊᑕᓂᕐᒧᑦ; ᑎᐱᖓᓗ ᒪᒪᕐᑑᓪᓗᓂ ᐊᑕᓂᕐᒧᑦ, ᐃᑯᐊᓪᓚᒃᑕᐅᓪᓗᓂ ᑐᓂᕐᕈᑕᐅᖕᒪᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:25

ᑕᕝᕙ ᑭᖑᓂᖓᒍᑦ ᑖᒃᑯᓇᓐᖓᑦ ᑎᒍᓗᒋᑦ, ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᑕᒃᓴᕆᕙᑎᑦ ᑐᓂᕐᕈᓯᐅᑎᒋᓗᒋᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᔪᓄᑦ ᐃᓚᓕᐅᑎᖁᓪᓗᒋᑦ, ᑕᒪᒃᑯᐊ ᑎᐱᖏᑦ ᒪᒪᕐᑑᖕᒪᑕ ᐊᑕᓂᕐᒧᑦ; ᑐᓂᕐᕈᓯᕈᑎᐅᓪᓗᑎᒡᓗ ᐃᑯᐊᓚᑦᓯᓂᒃᑯᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 1:17

ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 3:16

ᑐᓂᕐᕈᓯᕐᑎᐅᑉ ᐃᑯᐊᓚᑎᑕᒃᓴᕆᕔᑦ ᑐᓂᕐᕈᓯᕐᕕᖕᒥ ᓂᕿᒃᓴᐅᖁᓪᓗᒋᑦ, ᑖᒃᑯᐊ ᐃᑯᐊᓚᑎᑦᓯᓂᒃᑯᑦ ᑐᓂᕐᕈᑎᒃᓴᐅᖕᒪᑕ, ᑎᐱᖓᓗ ᒪᒪᕐᓗᓂ ᑐᓐᓄᓕᒫᖏᒃ ᐊᑕᓂᐅᑉ ᐱᒋᕔᑦ.

ᐂᒨᓯᐅᑉ ᐊᒡᓚᖏᑦ 5:21

“ᓇᓪᓕᐅᓐᓂᕐᓯᐅᕐᕕᓯ ᐆᒥᒋᕙᒃᑲ ᓇᕐᕈᒋᓪᓗᒋᑦ, ᑐᒃᓯᐊᕆᐊᕐᓯᒪᓂᓯᓗ ᖁᕕᐊᒋᓐᖏᓚᒃᑲ.

ᒨᓯᓯ ᓯᑕᒪᖏᑦ 7:21

ᐃᓐᓇᐅᖏᑦᑐᒥᒃᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ.

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᔪᐊᓇᓯᐅᑉ ᐊᒡᓚᖏᑦ 13:34

ᐱᖁᔭᒥᒃ ᓄᑖᒥᒃ ᑐᓂᓯᕕᒋᕙᑦᓯ, ᓇᒡᓕᒃᑎᒌᖁᓪᓗᓯ; ᓲᕐᓗ ᓇᒡᓕᒋᓚᐅᕋᑦᓯ, ᑍᒫᒃᑕᐅᖅ ᐃᓕᑦᓯᓐᓄᑦ ᓇᒡᓕᒃᑎᒌᒃᑐᒃᓴᐅᒋᕗᓯ.

ᔪᐊᓇᓯᐅᑉ ᐊᒡᓚᖏᑦ 6:51

ᐅᕙᖓ ᓂᐊᖂᔭᐅᕗᖓ ᐆᒪᔪᖅ ᕿᓚᖕᒥᑦ ᐱᓯᒪᔪᖅ; ᑭᓇᑐᐃᓐᓇᖅ ᑕᕝᕙᓐᖓᑦ ᓂᐊᖂᔭᑐᕐᑐᖅ, ᐃᓅᓯᖃᓕᕐᓂᐊᕐᐳᖅ ᐃᓱᖃᖏᑦᑐᒧᑦ; ᓂᐊᖂᔭᕐᓗ ᑐᓂᓂᐊᕐᑕᕋ ᐃᓅᓯᖃᓕᕐᑎᑦᑎᔪᓇᕐᐳᖅ ᓯᓚᕐᔪᐊᕐᒥᐅᓂᒃ, ᑖᓐᓇ ᑕᑉᕙ ᑎᒥᒐ.”

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᕉᒪᒥᐅᓄᑦ 4:25

ᑖᓐᓇ ᑐᖁᑕᐅᓚᐅᕐᐳᖅ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᒪᑭᑎᑕᐅᓚᐅᕆᕗᖅ ᒎᑎᒧᑦ ᐸᓯᔭᒃᓴᐅᔪᓐᓃᖁᓪᓗᑕ.

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᕉᒪᒥᐅᓄᑦ 8:37

ᑕᒪᒃᑯᐊᓕ ᐊᑐᕐᑍᓐᓇᕆᒐᓗᐊᕐᓗᒋᑦ ᓵᓚᖃᕐᑎᑕᐅᓪᓚᕆᒃᐳᒍᑦ ᑖᑦᓱᒨᓇ ᓇᒡᓕᒋᔨᑦᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:14

ᖃᓄᐃᓕᐅᕐᓂᓕᒫᓯ ᓇᒡᓕᖕᓂᒃᑯᑦ ᐱᓇᓱᐊᕐᓯᒋᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:7

ᐳᕙᓪᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᓚᐅᕐᑕᓯ ᐲᔭᓕᕐᓯᐅᒃ ᓄᑖᒥᒃ ᓂᐊᖂᔭᒃᓴᐅᓂᐊᕋᑦᓯ ᐳᕙᓪᓚᖅᑯᑎᖃᖏᑦᑐᒥᒃ, ᖃᐅᔨᒪᕗᖓ ᐳᕙᓪᓚᖅᑯᑎᖃᖏᑦᑑᒐᑦᓯ. ᖄᖏᕐᑕᐅᕕᖕᒥ ᓇᓪᓕᐅᓐᓂᕐᓯᐅᕐᓂᕗᑦ ᐱᔭᕇᕐᓯᒪᓕᕐᒪᑦ, ᓄᕐᕋᐅᔮᕐᑐᖁᑎᕗᑦ ᙭ᔅᑑᓯ ᑐᓂᕐᕈᑕᐅᔭᕇᕐᓯᒪᓕᕐᒪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:14

ᒎᑎᓕ ᖁᔭᒋᔭᐅᓕ, ᙭ᔅᑑᓯᒃᑯᑦ ᓵᓚᖃᕐᓂᕐᒧᑦ ᑕᓯᐅᕐᐸᖕᒪᑎᒍᑦ, ᐅᕙᑦᑎᒍᓪᓗ ᖃᐅᔨᔭᐅᕙᓪᓕᐊᑎᑦᓯᖕᒪᑦ ᙭ᔅᑑᓯᒥᒃ ᑎᐱᑦᓯᐊᕆᒃᑐᒧᑦ ᒪᒪᕐᓮᔪᑎᑐᑦ ᓇᒧᑐᐃᓐᓇᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:15

᙭ᔅᑑᓯᐅᑉ ᑎᐱᑦᓯᐊᕆᒃᓴᐅᑎᒋᕚᑎᒍᑦ ᒎᑎᒧᑦ ᐱᐅᓕᔭᐅᓯᒪᔪᓄᑦ ᐊᓯᐅᔪᒫᕐᑐᓄᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᒐᓔᑎᐊᒥᐅᓄᑦ 1:4

ᑖᓐᓇ ᐃᒻᒥᓂᒃ ᑐᓂᓚᐅᕐᐳᖅ ᐊᔪᕐᓂᑦᑎᓐᓂᑦ ᐱᐅᓕᔪᒪᓪᓗᑕ ᒫᓐᓇ ᐱᐅᖏᑦᑐᒥᑦ ᐊᑐᕐᑕᑦᑎᓐᓂᑦ, ᒎᑎᐅᑉ ᐊᑖᑕᑦᑕ ᐱᖁᔨᓂᖓᒍᑦ;

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐃᐱᓯᒥᐅᓄᑦ 3:17

ᑐᒃᓯᐊᕐᐳᖓᓗ ᐅᒃᐱᕐᓂᑯᑦ ᙭ᔅᑑᓯ ᐃᓂᖃᖁᓪᓗᒍ ᐆᒻᒪᑎᑦᓯᓐᓂ; ᑖᑦᓱᒪᓂ ᐊᒫᖃᓕᖁᓪᓗᓯ ᑐᓐᖓᕕᖃᓕᖁᓪᓗᓯᓗ ᓇᒡᓕᖕᓂᕐᒥ,

ᐃᐱᓯᒥᐅᓄᑦ 3:19

ᖃᐅᔨᖁᓪᓗᓯᓗ ᙭ᔅᑑᓯᐅᑉ ᓇᒡᓕᖕᓂᖓᓂᒃ ᖃᐅᔨᔭᐅᔪᓐᓇᕐᑐᑦ ᐅᖓᑖᓃᑦᑐᒥᒃ, ᐃᓗᒻᒥᕐᑕᐅᖁᓪᓗᓯᓗ ᒎᑎᐅᓂᖓᑕ ᐃᓕᖅᑯᓯᓕᒫᖓᓂᒃ.

ᐃᐱᓯᒥᐅᓄᑦ 4:15

ᐅᕙᒍᓪᓕ ᓱᓕᔪᒥᒃ ᐅᖃᓪᓚᒃᑐᒃᓴᐅᕗᒍᑦ ᓇᒡᓕᖕᓂᒃᑯᑦ, ᐱᕈᕐᐸᓪᓕᐊᔪᒃᓴᐅᒐᑦᑕ ᑕᒤᑦᑎᒍᑦ ᙭ᔅᑑᓯᒧᑦ, ᑕᕝᕙ ᓂᐊᖂᔪᒧᑦ.

ᐃᐱᓯᒥᐅᓄᑦ 4:2

ᑍᒪᓐᖓᑦ ᒥᑭᓕᑎᕐᓯᒪᓗᓯ ᐱᐅᔪᕆᖏᓪᓗᓯᓗ, ᕿᓄᐃᓵᕐᓗᓯ, ᐃᓕᑦᓯᓐᓄᑦ ᐊᑐᓂᑦ ᓇᒡᓕᖕᓂᕐᒥᒃ ᓴᖅᑭᑎᑦᓯᒋᑦᓯ ᐃᑲᔪᕐᑎᒌᖕᓂᒃᑯᑦ,

ᐃᐱᓯᒥᐅᓄᑦ 5:15

ᑍᒤᒻᒪᑦ ᐃᒃᐱᒍᓱᑦᓯᐊᕆᑦᓯ ᐃᓅᓯᑦᓯᓐᓂᒃ, ᓯᓔᑦᑐᑎᑐᑦ ᐃᓅᖏᓪᓗᓯ ᓯᓚᑐᔪᑎᑐᓪᓕ ᐃᓅᒋᑦᓯ.

ᐃᐱᓯᒥᐅᓄᑦ 5:25

ᐃᓕᑦᓯ ᐊᖑᑎᐅᔪᓯ, ᓄᓕᐊᓯ ᓇᒡᓕᒋᓯᒋᒃ, ᙭ᔅᑑᓯᐅᑦᑕᐅᖅ ᐅᒃᐱᕐᑑᖃᑎᒌᑦ ᓇᒡᓕᒋᓚᐅᕐᒪᒋᑦ ᐃᒻᒥᓂᒡᓗ ᑐᓂᓪᓗᓂ ᑖᒃᑯᐊ ᐱᓪᓗᒋᑦ.

ᒨᓯᓯ ᑕᓪᓕᒪᖏᑦ 27:6

ᑐᓂᕐᕈᓯᕐᕕᖕᒥᒃ ᐋᖅᑭᒃᓱᐃᓂᐊᕈᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ ᐋᖅᑭᒃᓱᕐᓯᒪᔪᒃᓴᐅᖕᒪᑕ ᐅᔭᕋᖕᓄᑦ ᐃᓚᓐᖔᑎᕐᓯᒪᖏᑦᑐᓄᑦ. ᑕᕝᕙᓂᓗ ᑐᓂᕐᕈᓯᕐᕕᖕᒥ ᑐᓂᕐᕈᓯᕐᑐᒃᓴᐅᕗᓯ ᑐᖁᑕᒃᓴᓂᒃ ᐃᑯᐊᓚᑕᐅᔪᒃᓴᓂᒡᓗ,

ᐱᓕᐱᒥᐅᓄᑦ 4:18

ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.

ᑯᓘᓯᐊᒥᐅᓄᑦ 3:14

ᑕᒪᒃᑯᐊᓕ ᖄᖏᑎᒍᑦ ᐊᑎᓯᓯᒪᓗᓯ ᓇᒡᓕᖕᓂᕐᒥᒃ, ᑖᓐᓇ ᑕᒤᓐᓂᒃ ᑲᑎᓐᖓᑎᑦᓯᖕᒪᑦ ᓈᒻᒪᑦᓯᐊᕐᑐᒥᒡᓗ ᐊᑕᐅᓯᐅᓂᖃᕐᑎᑦᓯᓪᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:9

ᐅᒃᐱᕐᑑᖃᑎᒌᓄᓪᓕ ᓇᒡᓕᒃᑎᒌᖕᓂᕐᒥᒃ ᑎᑎᕋᕐᕕᒋᔭᕆᐊᖃᓐᖏᓚᑦᓯ, ᓇᖕᒥᓂᖅ ᒎᑎᒧᑦ ᐊᔪᕆᕐᑐᕐᑕᐅᓯᒪᒐᑦᓯ ᖃᓄᖅ ᓇᒡᓕᒃᑎᒌᒃᑐᒃᓴᐅᖕᒪᖔᑦᓯ.

ᑎᒧᑎᒧᑦ ᓯᕗᓪᓖᑦ 2:6

ᐃᒻᒥᓂᒃ ᑐᓂᓚᐅᕐᐳᖅ ᐊᑭᓖᑦᔪᔨᔪᒪᓪᓗᓂ ᐃᓄᓕᒫᓂᒃ; ᑕᒪᓐᓇ ᓈᒻᒪᑦᓯᐊᕐᑐᒥᒃ ᒎᑎᐅᑉ ᐱᓇᓱᐊᕈᑎᒋᓚᐅᕐᐹ ᐱᐅᓕᕐᓯᓂᓂ ᖃᐅᔨᔭᐅᖁᓪᓗᒍ.

ᑎᒧᑎᒧᑦ ᓯᕗᓪᓖᑦ 4:12

ᓇᕐᕈᒋᔭᐅᑦᑍᓕᒋᑦ ᐃᓅᒃᓱᒃᑑᓃᑦ ᐱᑦᔪᑎᒋᓗᒍ, ᐅᒃᐱᕐᑐᓄᓪᓕ ᒪᓕᒐᒃᓴᐅᓕᕆᑦ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ, ᓇᒡᓕᖕᓂᒃᑯᑦ, ᐅᒃᐱᕐᓂᒃᑯᓪᓗ, ᐃᓗᐊᕐᑐᓕᓂᒃᑯᓪᓗ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 8:3

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᑦ ᐊᑐᓂᑦ ᑎᓕᔭᐅᓯᒪᕙᒃᐳᑦ ᐆᒪᔪᓂᒃ ᑐᖁᑦᓯᓪᓗᑎᒃ ᑐᓂᕐᕈᓯᖁᓪᓗᒋᑦ ᒎᑎᒧᑦ, ᑍᒤᒻᒪᑦᑕᐅᖅ ᑖᓐᓇ ᑐᓂᕐᕈᓯᕐᓂᕐᒥᒃ ᐱᔭᒃᓴᖃᕐᑐᒃᓴᐅᒋᕗᖅ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᐄᑉᕈᐃᓄᑦ 9:23

ᑕᒪᒃᑯᐊ ᕿᓚᖕᒦᑦᑐᓄᑦ ᐊᑦᔨᒋᔭᐅᔪᑦ ᓴᓗᒻᒪᕐᑕᐅᔭᕆᐊᖃᓚᐅᕐᐳᑦ ᑕᒪᒃᑯᑎᒎᓇᖅ, ᕿᓚᖕᒦᑦᑐᓪᓕ ᑐᓂᕐᕈᓯᕈᑕᐅᔭᕆᐊᖃᕐᐳᑦ ᐱᐅᓂᕐᓴᒥᒃ ᑕᒪᒃᑯᓇᖓᑦ ᑐᓂᕐᕈᑕᐅᕙᒃᑐᓂᑦ.

ᐄᑉᕈᐃᓄᑦ 9:26

ᑍᒤᒃᑯᓂ ᐋᓐᓂᐊᑎᑕᐅᖃᑦᑕᕋᔭᓚᐅᕐᐳᖅ ᐅᓄᕐᑐᐃᓱᕐᓗᓂ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ. ᑭᓯᐊᓂᓕ, ᒫᓐᓇ ᓴᖅᑭᓯᒪᕗᖅ ᐊᑕᐅᓯᐊᑐᐃᓐᓇᕐᓗᓂ, ᓯᓚᕐᔫᑉ ᓇᒡᒐᑖ ᖃᒡᓕᓕᕐᑎᓪᓗᒍ, ᐊᔪᕐᓂᕐᒥᒃ ᐲᕐᓯᖁᓪᓗᒍ ᓇᖕᒥᓂᖅ ᑐᓂᕐᕈᑎᒋᓂᕐᒥᒍᑦ.

ᐲᑦᑐᕉᓯ ᓯᕗᓪᓖᑦ 4:8

ᐊᖏᓂᕐᐹᒥᒡᓕ ᓱᓕᓪᓚᕆᒃᑐᒥᒃ ᓇᒡᓕᒃᑎᒌᒃᑐᒃᓴᐅᕗᓯ ᐃᓕᑦᓯᓐᓄᑦ, ᓇᒡᓕᖕᓂᐅᑉ ᑲᒪᒋᔪᓐᓇᕐᒪᒋᑦ ᐊᔪᕐᑐᓕᓃᑦ ᐊᒥᓱᑦ.

ᔪᐊᓇᓯ ᓯᕗᓪᓖᑦ 3:16

ᑍᒫᒃ ᓇᒡᓕᖕᓂᖅ ᖃᓄᐃᑦᑑᖕᒪᖔᑦ ᖃᐅᔨᑦᔪᑎᖃᕐᐳᒍᑦ: ᑖᓐᓇ ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᐅᕙᑦᑎᓐᓄᑦ. ᐅᕙᒍᑦᑕᐅᖅ ᑍᒫᑦᓮᓐᓇᖅ ᐃᓅᓯᑦᑎᓐᓂᒃ ᑐᓂᓯᔪᒃᓴᐅᒋᕗᒍᑦ ᐅᒃᐱᕐᑑᖃᑎᕗᑦ ᐱᑦᔪᑎᒋᓗᒋᑦ.

ᔪᐊᓇᓯ ᓯᕗᓪᓖᑦ 3:23

ᑖᑦᓱᒪᓗ ᐱᖁᔭᖓ ᐃᒤᑦᑑᕗᖅ: ᐃᕐᓂᖓᑕ ᐊᑎᖓᓄᑦ ᔩᓱᓯ ᙭ᔅᑑᓯᒧᑦ ᐅᒃᐱᖁᓪᓗᑕ, ᐅᕙᑦᑎᓐᓄᓪᓗ ᓇᒡᓕᒋᖃᑦᑕᐅᑎᓪᓗᑕ ᑖᑦᓱᒪ ᑍᒫᒃ ᐱᖁᓚᐅᕐᒪᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.