ᐃᐱᓯᒥᐅᓄᑦ 4:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᒪᒃᑯᐊ ᑕᒪᕐᒥᒃ ᐊᑐᕈᓐᓁᕐᓯᒋᒃ ᐅᒋᐊᓐᖑᓂᖅ, ᓂᓐᖓᕕᒡᔪᐊᕐᓂᖅ, ᓂᓐᖓᖕᓂᖅ, ᕾᒐᓛᖃᑦᑕᐅᑎᓂᖅ ᒥᑕᐅᑎᖃᕐᓂᕐᓗ, ᖃᓄᑐᐃᓐᓇᕐᓗ ᐆᒥᓲᑎᓃᑦ ᑕᒪᕐᒥᒃ.

ᐃᐱᓯᒥᐅᓄᑦ 4:31 Iomraidhean Croise

ᒨᓯᓯ ᓯᕗᓪᓖᑦ 27:41

ᐄᓴᐅᓪᓗ ᔧᑯ ᐆᒥᒋᓕᕐᐹ ᓮᒻᒪᕐᑎᑕᐅᓯᒪᓂᖓᓄᑦ ᐊᑖᑕᖓᑕ ᓮᒻᒪᕐᑎᓚᐅᕐᒪᒍ, ᐄᓴᓗ ᓂᐱᖃᕐᓗᓂ ᐃᒻᒥᓄᑦ ᐅᖃᓕᕐᐳᖅ, “ᐊᑖᑕᒪ ᕿᒃᓵᒍᑕᐅᕕᒃᓴᖓ ᖃᒡᓕᖕᒪᑦ; ᑭᖑᕐᖓᒍᑦ ᓄᑲᕋ ᔧᑯ ᑐᖁᓛᓕᕐᐸᕋ.”

ᒨᓯᓯ ᓯᕗᓪᓖᑦ 37:21

ᕉᐱᓂᓕ ᑕᒪᑐᒥᖓ ᑐᓴᕋᒥ, ᑖᒃᑯᓇᓐᖓᑦ ᓴᐳᑎᕚ, ᐅᖃᕐᓗᓂ, “ᐅᓇ ᑐᖁᓐᓇᑎᒍ.”

ᒨᓯᓯ ᓯᕗᓪᓖᑦ 37:4

ᐊᖓᔪᖏᓪᓕ ᖃᐅᔨᓕᕋᒥᒃ ᐊᑖᑕᖓᑕ ᓇᒡᓕᒋᓂᕐᓴᕆᖕᒪᒍ ᐃᕐᓂᓕᒫᒥᓂᑦ ᑕᒤᓐᓂᑦ, ᑕᕝᕙ ᐆᒥᒋᓕᕐᐹᑦ ᐊᒡᓛᑦ ᑐᓐᖓᓇᕐᑐᓂᒃ ᐅᖃᐅᑎᔪᓐᓁᓪᓕᓪᓗᒍ.

ᒨᓯᓯ ᓯᕗᓪᓖᑦ 4:8

ᑬᓂᐅᓪᓕ ᓄᑲᓂ ᐂᐱᓕ ᐅᖃᐅᑎᕚ, “ᐊᕗᖓ ᓇᑎᕐᓇᒧᑦ ᐂᓚᐅᕐᓗᒃ.” ᓇᑎᕐᓇᒦᓕᕐᓗᑎᒡᓗ ᑬᓂᐅᑉ ᓄᒃᑲᓂ ᐂᐱᓕ ᓵᓪᓗᒍ ᑐᖁᑉᐹ.

ᓴᒧᐃᓕ ᐂᑉᐸᖏᑦ 13:22

ᐋᑉᓴᓚᐅᓪᓕ ᐋᒻᓇᓐ ᐆᒥᒋᒻᒪᕆᓕᓚᐅᕐᐹ ᓇᔭᖓᓂᒃ ᑕᒫᕆᒥᒃ ᖁᓄᔪᕐᓂᐊᓚᐅᕐᑎᓪᓗᒍ, ᐅᖃᖃᑎᒋᔪᓐᓁᓪᓕᓚᐅᕐᐹᓗ ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᓴᒧᐃᓕ ᐂᑉᐸᖏᑦ 19:27

ᐅᕙᓐᓂᒃ ᓴᒡᓗᕿᑦᓯᓚᐅᕐᒪᑦ ᐃᓕᖕᓄᑦ ᐊᖓᔪᖅᑳᒃ, ᒎᑎᐅᓪᓕ ᐂᖏᓕᖁᑎᒋᔮᕐᐹᑎᑦ; ᑍᒤᒻᒪᑦ ᐱᓇᓱᐊᓕᕆᑦ ᓈᒻᒪᒐᓱᒋᔭᕐᓂᒃ.

ᓴᒧᐃᓕ ᐂᑉᐸᖏᑦ 19:43

ᐃᓴᕆᐊᓕᒥᐅᑦ ᑭᐅᕗᑦ, “ᖁᓕᕕᒃᓱᕐᑐᒥᒃ ᐱᔭᕆᐊᖃᕐᓂᕐᓴᐅᕗᒍᑦ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ, ᐃᓚᒋᒐᓗᐊᕈᑦᓯᐅᒃ ᓱᖕᒪᓕ ᐅᕙᑦᑎᓐᓂᒃ ᓇᕐᕈᕕᓰ? ᐳᐃᒍᕐᑍᓕᒋᑦᓯ ᓯᕗᓪᓕᐅᓪᓗᑕ ᐅᖃᖅᑳᓚᐅᕋᑦᑕ ᐊᖓᔪᖅᑳᕐᔪᐊᕐᒥᒃ ᐅᑎᕐᑎᑦᓯᔪᒪᓪᓗᑕ!” ᔫᑕᐅᓪᓕ ᐃᓄᖏᑦ ᓯᕘᕋᓇᒐᓚᒃᓗᑎᒃ ᐅᖃᓪᓚᖕᓂᕐᓴᐅᓚᐅᕐᐳᑦ ᐊᖓᔪᖅᑳᕐᔪᐊᕐᒥᒃ ᐱᖃᕐᓂᕋᕐᓗᑎᒃ ᐃᓴᕆᐊᓕᒥᐅᑉ ᐃᓄᖏᓐᓂᑦ.

ᐃᓐᖏᕈᑎᑦ 101:5

ᐃᓅᖃᑎᒥᓂᒃ ᐃᔨᕋᕐᑐᕐᓗᓂ ᐅᖃᐅᑎᒃᓴᕐᑐᖅ ᑐᖁᓐᓂᐊᕐᐸᕋ; ᐃᓄᒃ ᐱᓪᓚᕆᐅᓇᓱᐊᕐᑐᖅ ᐱᐅᔪᕆᔪᒥᒡᓗ ᐆᒻᒪᑎᓕᒃ ᐃᓚᒋᔪᒪᓐᖏᓚᕋ.

ᐃᓐᖏᕈᑎᑦ 140:11

ᐊᓯᒥᓂᒃ ᓱᓕᖏᑦᑐᒥᒃ ᐅᖃᐅᓯᖃᓲᑦ ᓄᓇᒥ ᐋᖅᑭᒃᓯᑎᑦᑍᓕᒃᑭᑦ; ᐱᐅᖏᑦᑐᖅ ᐱᓇᓱᐊᓚᐅᕐᓕ ᑲᑉᐱᐊᓵᕆᔪᓂᒃ ᑐᖁᓪᓗᒋᓪᓗ.

ᐃᓐᖏᕈᑎᑦ 15:3

ᐅᖃᕐᒥᓄᓪᓗ ᐅᖃᕐᓂᕐᓘᑎᖅᑲᖏᑦᑐᖅ, ᐱᐅᖏᑦᑐᒥᒡᓗ ᐱᓂᐊᕐᓂᖃᖏᑦᑐᖅ ᐃᓅᖃᑎᒥᓄᑦ, ᐃᓅᖃᑎᒥᓄᓪᓗ ᐅᖃᐅᓯᕐᓗᖕᒥᒃ ᓂᓪᓕᐊᖏᑦᑐᖅ,

ᐃᓐᖏᕈᑎᑦ 37:8

ᓂᓐᖓᐅᒪᓂᐊᕐᓇᒃ, ᓂᓐᖓᐅᒪᔮᕐᓂᕐᓗ ᐊᑐᕐᓂᐊᕐᓇᒍ; ᐃᓱᒪᔮᕐᓂᐊᕐᓇᒃ ᐃᓕᖕᓂᒃ ᐊᑲᐅᖏᑦᑐᒧᑦ ᑎᑭᑕᐅᑎᖁᓇᒃ.

ᐃᓐᖏᕈᑎᑦ 50:20

ᖃᑕᓐᖑᑎᑦᓯᓐᓂᒃ ᐊᑭᕋᕐᑐᕐᓗᒍ ᓂᓪᓕᐊᕗᓯ ᐃᒃᓯᕚᕐᕕᖕᒥ; ᐊᓈᓇᑦᓯ ᐃᕐᓂᖓ ᐊᒡᓚᑦ ᐅᖃᕐᓂᕐᓘᑎᒋᕙᓯ.

ᐃᓐᖏᕈᑎᑦ 64:3

ᐅᖃᕐᒥᖕᓂᒃ ᐃᐱᒃᓮᕗᑦ ᓴᕕᒡᔪᐊᑎᑐᑦ, ᐅᖃᐅᓯᕐᒥᖕᓂᒃ ᐋᖅᑭᒃᓱᐃᕗᑦ ᐱᑎᒃᓯᒧᑦ ᑐᕌᕐᑎᑎᕐᑐᑎᑐᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:12

ᐆᒥᓱᖕᓂᖅ ᐂᕙᓂᕐᒥᒃ ᓴᖅᑭᑎᑦᓯᕗᖅ, ᓇᒡᓕᖕᓂᕐᓕ ᐊᑭᕋᕐᑑᑎᓂᐅᒐᔭᕐᑐᓂᒃ ᒪᑐᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:18

ᐆᒥᓱᖕᓂᕐᒥᒃ ᐃᔨᕐᑐᐊᓕᒃ ᓴᒡᓗᖃᑦᑕᕐᐳᖅ ᐅᖃᐅᓯᕐᒥᒍᑦ, ᐊᓯᒥᓂᒡᓗ ᐅᖃᐅᓯᒃᑯᑦ ᓇᕐᕈᓇᕐᑎᑦᓯᕙᒃᑐᖅ ᓯᓔᑦᑑᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:17

ᓂᓐᖓᒃᓴᕅᑦᑐᖅ ᓯᓔᕐᕈᕐᑐᕐᓗᓂ ᐱᓇᓱᐊᕐᓴᕅᑉᐳᖅ, ᓯᓚᑐᔪᕐᓕ ᐅᐃᒪᔮᕋᓂ ᕿᓄᐃᓵᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:8

ᓂᐱᑭᓪᓗᓂ ᐅᖃᐅᓰᑦ ᒪᒪᕐᑐᑎᑐᑦ ᐅᖁᒻᒥᒐᒃᓴᑎᑐᑦ ᑍᒤᑕᐅᕗᑦ; ᐄᔭᕆᐊᖓᓗ ᐱᐊᒃᑐᑎᑐᑦ ᐊᕿᐊᕈᕐᒨᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:12

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓛᔭᑎᑐᑦ ᓂᓪᓕᐊᔪᑎᑐᑦ ᐃᕐᓯᓇᕐᑎᒋᕗᖅ, ᓮᒪᕕᖃᕐᓂᖓᓕ ᐅᓪᓛᒃᑯᑦ ᐃᕕᒃᓱᒊᑦ ᖃᐅᓯᕐᓂᖓᑕ ᐊᑦᔨᒋᕚ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:23

ᐊᓄᕆ ᐅᓐᓄᐊᓪᓗᐊᒥᑦ ᐱᔪᖅ ᓯᓚᓗᖕᒥᒃ ᓇᒃᓴᕐᒪᑦ, ᐅᖃᕐᓗ ᐊᑭᓂᐊᕐᑐᖅ, ᓂᓐᖓᐅᒪᓂᕐᒥ ᑕᑯᒃᓴᐅᑎᑦᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:20

ᕿᔪᖃᖏᓐᓂᕐᒧᑦ, ᐃᑯᒪ ᖃᒥᑉᐳᖅ; ᐃᓅᖃᑎᒥᓂᒃ ᐅᖃᐅᓯᒃᓴᕐᓂᖅ ᐱᑕᖃᕐᑎᓐᓇᒍ, ᐂᕙᓂᖅ ᓄᖅᑲᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:22

ᐊᖑᑦ ᓂᓐᖓᐅᒪᔪᖅ ᐊᑭᕋᕐᑐᓕᕐᑎᑦᓯᕗᖅ, ᐊᖑᓪᓗ ᓂᓐᖓᐅᒪᓂᒃᑯᑦ ᐱᒋᐊᕐᑐᖅ ᐊᔪᕐᑐᓕᑎᑦᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:9

ᓯᓚᑐᔪᖅ ᐂᕙᖃᑎᖃᕐᐸᑦ ᓯᓔᑦᑐᒥᒃ, ᓯᓔᑦᑐᖅ ᓂᓐᖓᒃᐳᖅ ᐃᔪᕐᓗᓂᓗ, ᑖᑦᓱᒪᓂ ᓮᓕᓂᕐᑕᖃᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:19

ᖃᐅᔨᓯᒪᓐᖑᐊᕐᓗᓂ ᓱᓕᖏᑦᑐᓂᒃ ᐅᖃᐅᓯᖃᕐᑐᖅ, ᐃᓅᖃᑎᒥᓂᒃ ᐃᓅᖃᑎᒌᑦᓯᐊᕈᓐᓃᕐᓇᕐᑐᓂᒃ ᐱᒋᐊᕐᑎᑦᓯᖃᑦᑕᕐᑐᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:9

ᐊᓂᕐᓃᑦ ᑐᐊᕕᕐᑎᓐᓂᐊᕐᓇᒍ ᓂᓐᖓᖕᓂᕐᒧᑦ, ᓂᖓᐅᒪᓂᖅ ᐃᓂᖃᕐᒪᑦ ᓯᓔᑦᑐᑦ ᓈᖏᓐᓂ.

ᔨᕆᒤᐊᐅᑉ ᐊᒡᓚᖏᑦ 6:28

ᐃᓄᖁᑎᒃᑲ ᓯᑎᒃᑎᓐᓂᑰᓕᕐᐳᑦ, ᐃᓕᖅᑯᓯᖃᓕᕐᒪᑕ ᐃᓅᖃᑎᒥᖕᓂᒃ ᑲᑕᒃᑎᑦᓯᓇᓱᖕᓃᓐᓇᕐᒥᒃ, ᖃᑯᕐᓕᒃᑎᑐᑦ ᓴᕕᕋᔭᒃᑎᑐᓪᓗ ᑍᒤᑦᑑᔮᓕᕐᐳᑦ, ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 9:4

ᐃᓚᓐᓇᕆᔭᑎᑦ ᐅᑦᔨᕆᑦᓯᐊᒃᑭᑦ; ᖃᑕᓐᖑᑏᑦ ᐅᒃᐱᕆᑦᑍᓕᒍᒃ, ᖃᑕᓐᖑᑎᒌᑦ ᓴᒡᓗᕿᖃᑦᑕᐅᑎᔪᐃᓐᓇᐅᓕᕐᒪᑕ, ᐃᓚᓐᓈᕇᓪᓗ ᓱᓕᓂᖃᕈᓐᓃᕐᓗᑎᒃ ᐅᖃᐅᓯᖏᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:30

ᓄᓇᓕᖕᓂ ᑕᕝᕙᓂ ᐃᓄᓕᒫᑦ ᐅᐃᒪᔮᓕᕐᐳᑦ, ᐃᓄᐃᓪᓗ ᓇᑭᑐᐃᓐᓇᖅ ᐅᓪᓚᒃᓗᑎᒃ ᑲᑎᓕᕐᐳᑦ; ᐸᐅᓗᓯ ᑎᒍᓪᓗᒍ ᑐᒃᓯᐊᕐᕕᒡᔪᐊᕐᒥᑦ ᐊᓐᓂᓯᕚᑦ, ᑕᕝᕔᓐᓇᖅ ᑐᒃᓯᐊᕐᕕᒡᔪᐊᑉ ᒪᑐᖏᑦ ᒪᑐᔭᐅᕗᑦ.

ᕉᒪᒥᐅᓄᑦ 3:14

ᖃᓂᖏᑦ ᑕᑕᑉᐳᑦ ᐅᖃᕐᓂᕐᓗᖕᓂᕐᒥᒃ ᖃᓯᓕᓇᕐᑐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:20

ᐃᓚᒃᑳ, ᓄᑕᕋᕐᑎᑐᑦ ᐃᓱᒪᖃᕐᓂᐊᕋᓯ; ᐊᔪᕐᓂᕐᒧᑦ ᓄᑕᕋᕐᑎᑑᕐᓗᓯ, ᐃᓱᒪᑦᓯᒍᓪᓕ ᐱᕈᕇᕐᓯᒪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:8

ᑍᒤᒻᒪᑦ ᓇᓪᓕᐅᓐᓂᕐᓯᐅᕐᓂᖅ ᐊᑐᓕᕐᓚᕗᑦ, ᐳᕙᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᔭᕗᑦ ᐱᐅᖏᑦᑐᓕᓂᖅ ᐊᑐᖏᓪᓗᒍ, ᐳᕙᓪᓚᖅᑯᑎᖃᖏᑦᑐᒥᒡᓕ ᓂᐊᖂᔭᕐᒥᒃ ᐃᑦᔪᕐᓁᑦᑐᒥᒃ ᓱᓕᑦᓯᐊᕐᓂᕐᒥᒡᓗ ᐱᖔᓕᕐᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:20

ᓯᕘᕋᒐᒪ ᐃᓱᒪᒋᔭᑦᑐᑦ ᑕᑯᓂᐊᕋᓱᒋᖏᓪᓗᓯ, ᐃᓱᒪᒋᔭᑦᓯᑐᓪᓗ ᑕᑯᔭᐅᓂᐊᕋᓱᒋᓇᖓ ᐃᓕᑦᓯᓐᓄ; ᓯᕘᕋᕗᖓ ᐂᕙᓂᖃᕐᓂᐊᕋᓱᒋᓪᓗᒍ ᐱᓂᕐᓴᐅᔪᒪᔪᖃᕐᓂᐊᕋᓱᒋᓪᓗᒍᓗ, ᓂᓐᖓᐅᒪᓂᕐᑕᖃᕐᓂᐊᕋᓱᒋᕙᕋ, ᓇᖕᒥᓂᕐᓯᐅᕐᓂᕐᑕᖃᕐᓂᐊᕋᓱᒋᓪᓗᒍ, ᐅᖃᕐᓂᕐᓘᑎᓂᖃᕐᓂᐊᕋᓱᒋᕙᕋ ᑎᕐᓕᐊᖃᑦᑕᐅᑎᓂᕐᑕᖃᕐᓂᐊᕋᓱᒋᓪᓗᒍᓗ, ᐃᒻᒥᓂᒃ ᓂᕐᑑᑎᓂᕐᑕᖃᕐᓂᐊᕋᓱᒋᕙᕋ, ᐋᖅᑭᒃᓯᒪᑦᓯᐊᖏᓐᓂᕐᑕᖃᕐᓂᐊᕋᓱᒋᓪᓗᒍᓗ.

ᒐᓔᑎᐊᒥᐅᓄᑦ 5:20

ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ;

ᐃᐱᓯᒥᐅᓄᑦ 4:22

ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᕐᓯᐅᒃ ᐃᓕᖅᑯᓯᕐᓘᑎᐅᕙᓚᐅᕐᑐᑦ ᐊᓚᕐᓗᒋᑦ, ᐃᒃᓯᒎᕐᓂᕐᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᓇᕐᑐᒧᑦ.

ᐃᐱᓯᒥᐅᓄᑦ 4:25

ᑍᒤᒻᒪᑦ, ᓱᓕᖏᓐᓂᖅ ᕿᒪᓕᕐᓯᐅᒃ, ᓱᓕᔪᒥᒡᓕ ᐅᖃᖃᑦᑕᕐᑐᒃᓴᐅᕗᓯ ᐃᓅᖃᑎᑦᓯᓐᓄᑦ, ᑕᒪᑦᑕ ᐃᓚᒌᖑᒐᑦᑕ ᑎᒥᐅᑉ ᐃᓚᖏᓐᓄᑦ ᑕᕝᕙ ᙭ᔅᑑᓯᐅᑉ ᑎᒥᖓᓄᑦ.

ᐃᐱᓯᒥᐅᓄᑦ 4:26

ᓂᓐᖓᒃᑯᑦᓯ ᓂᓐᖓᖕᓂᑦᓯᓐᓄᑦ ᐊᔪᕐᑐᓕᑎᑕᐅᓂᐊᕋᓯ; ᓯᕿᓂᖅ ᓂᐱᑦᓯᐊᕆᓗᒍ ᓂᓐᖓᐅᒪᓂᐊᕋᓯ.

ᑯᓘᓯᐊᒥᐅᓄᑦ 3:19

ᐅᐃᖑᔪᓯ, ᓄᓕᐊᓯ ᓇᒡᓕᒋᓯᒋᒃ, ᐃᓕᕋᓇᕋᓱᐊᕐᓂᐊᕋᓯᓗ ᑖᒃᑯᓄᖓ.

ᑯᓘᓯᐊᒥᐅᓄᑦ 3:8

ᒫᓐᓇᓕ ᒪᑯᐊ ᑕᒪᕐᒥᒃ ᐊᑐᕆᐊᖃᕈᓐᓃᕐᐸᓯ: ᓂᓐᖓᖕᓂᖅ, ᓂᓐᖓᕕᒡᔪᐊᕐᓂᖅ, ᐆᒥᓱᖕᓂᖅ, ᐅᖃᕐᓂᕐᓘᑎᖃᕐᓂᖅ, ᐅᖃᐅᓯᕐᓗᒡᓂᒡᓗ ᖃᓂᑦᓯᓐᓂᑦ ᐊᓂᔪᖃᕐᑍᓕᓕᕐᓕ.

ᑎᒧᑎᒧᑦ ᓯᕗᓪᓖᑦ 3:11

ᓄᓕᐊᖏᑦᑕᐅᖅ ᑍᒫᑦᓮᓐᓇᖅ ᐃᓕᖅᑯᓯᖏᑦ ᐅᐱᒋᔭᐅᔪᒃᓴᐅᕗᑦ, ᐃᓅᖃᓐᓂᐊᕐᑎᐅᖏᓪᓗᑎᒃ, ᐃᓱᒪᖃᑦᓯᐊᕐᓗᑎᒃ, ᑕᒤᑎᒍᓪᓗ ᐅᒃᐱᕆᔭᒃᓴᐅᑦᓯᐊᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 3:3

ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ.

ᑎᒧᑎᒧᑦ ᓯᕗᓪᓖᑦ 5:13

ᓱᓕᒃᑲᓐᓂᖅ, ᓱᓇᓕᕆᔪᒪᔪᓐᓃᕐᐸᒃᑭᕗᑦ, ᐳᓚᕋᑐᐃᓐᓇᓕᕐᓗᑎᒃ, ᐳᓚᕋᑐᐃᓐᓇᕋᑎᒡᓗ ᐃᓅᖃᓐᓂᐊᕐᐸᒃᐳᑦ ᑲᒪᒋᔭᒃᓴᕆᓐᖏᑕᒥᖕᓂᒡᓗ ᐅᖃᐅᓯᖃᕐᐸᓕᕐᓗᑎᒃ.

ᑎᒧᑎᒧᑦ ᐂᑉᐸᖏᑦ 2:23

ᓯᓔᑦᑐᑦ ᐃᓚᒋᓂᐊᕐᓇᒋᑦ, ᓇᓗᓂᕐᒧᑦ ᐊᑭᕋᕐᑑᑎᓃᑦ; ᑕᒪᒃᑯᐊ ᖃᐅᔨᒪᒐᕕᒋᑦ ᐂᕙᐅᑎᓂᕐᒥᒃ ᓴᖅᑭᑎᑦᓯᑐᐃᓐᓇᕐᒪᑕ.

ᑎᒧᑎᒧᑦ ᐂᑉᐸᖏᑦ 3:3

ᑐᓐᖓᓇᖏᑦᑐᓂᒃ, ᐃᓱᒪᒋᔪᓐᓁᕐᕕᖃᕈᓐᓇᖏᑦᑐᓂᒃ, ᐅᖃᐅᑎᒃᓴᕐᑎᓂᒃ, ᐱᔪᒪᔭᓕᒫᒥᖕᓂᒃ ᐊᑐᑐᐃᓐᓇᕐᑐᓂᒃ, ᑲᑉᐱᐊᓵᕆᔨᓂᒃ, ᐱᐅᔪᒥᒃ ᐆᒥᓱᒃᑎᓂᒃ;

ᑍᑑᓯᒧᑦ 1:7

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᑲᒪᔨᐅᒐᒥ ᒎᑎᐅᑉ ᐱᓇᓱᐊᕐᓂᖓᓄᑦ, ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᖅ; ᐱᔪᒪᔭᑐᐃᓐᓇᕐᒥᓂᒃ ᐱᓇᓱᐊᕐᑐᒃᓴᐅᒃᖏᓚ ᓂᓐᖓᒃᓴᕅᑦᑐᒃᓴᐅᓇᓂᓗ, ᐋᖓᔮᕐᑎᐅᔪᒃᓴᐅᓐᖏᓚᖅ, ᐃᓕᕋᓇᕋᓱᐊᕐᑎᐅᓇᓂᓗ ᐱᔪᒪᓗᐊᕐᓂᕐᒧᑦ ᑮᓇᐅᔭᕐᓂᐊᕐᑐᒃᓴᐅᓐᖏᓚᖅ.

ᑍᑑᓯᒧᑦ 2:3

ᑍᒫᒃᑕᐅᖅ ᐊᕐᓁᑦ ᐃᓐᓇᐅᓂᕐᓮᑦ ᐊᔪᕆᕐᑐᒃᑭᑦ ᐃᑦᔪᕐᓁᑦᑐᒥᒃ ᐃᓅᓯᖃᖁᓗᒋᑦ, ᓱᓕᖏᑦᑐᒥᒃ ᐃᓅᖃᑎᒥᖕᓂᒃ ᐅᖃᐅᓯᖃᖃᑦᑕᖁᓇᒋᑦ ᐃᒥᐊᓗᐃᓐᓇᖁᓇᒋᓪᓗ; ᐱᐅᔪᒥᒡᓕ ᐊᔪᕆᕐᑐᐃᖁᓗᒋᑦ.

ᔧᒥᓯᐅᑉ ᐊᒡᓚᖏᑦ 1:19

᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ.

ᔧᒥᓯᐅᑉ ᐊᒡᓚᖏᑦ 3:14

ᐆᒻᒪᑎᑦᓯᒍᑦ ᐊᓐᓂᕈᑦᔨᓂᕐᒥᒃ ᐱᔪᑑᔪᒪᓂᕐᒥᒡᓗ ᐱᖃᕈᑦᓯ, ᓂᕐᑑᑎᓂᐊᕋᓯ ᓴᒡᓗᖁᓇᓯ ᓱᓕᔪᒧᑦ.

ᔧᒥᓯᐅᑉ ᐊᒡᓚᖏᑦ 4:11

ᐃᓕᑦᓯᓐᓄᑦ ᐊᑐᓂᑦ ᓈᒻᒪᒃᓴᖏᓪᓗᓯ ᐅᖃᕐᓂᕐᓗᖃᑦᑕᐅᑎᓂᐊᕋᓯ, ᐅᒃᐱᕐᑑᖃᑎᒌᑦ, ᐅᒃᐱᕐᑑᖃᑎᒥᓂᒃ ᐅᖃᕐᓂᕐᓘᑎᓕᒃ ᐅᕝᕙᓗ ᐃᖅᑲᕐᑐᐃᔪᖅ, ᐱᖁᔭᓂᒃ ᐅᖃᕐᓂᕐᓘᑎᖃᕐᒪᑦ ᐃᖅᑲᕐᑐᐃᓪᓗᓂᓗ. ᐱᖁᔭᓂᒡᓕ ᐃᖅᑲᕐᑐᐃᒍᕕᑦ, ᑕᕝᕙ ᐱᖁᔭᓂᒃ ᒪᓕᒃᑎᐅᓐᖏᓚᑎᑦ ᐃᖅᑲᕐᑐᐃᔨᐅᕗᑎᓪᓕ.

ᐲᑦᑐᕉᓯ ᓯᕗᓪᓖᑦ 2:1

ᑍᒤᒻᒪᑦ, ᐊᔪᕐᑐᓕᑦᔪᑕᐅᔪᓐᓇᕐᑐᓕᒫᑦ ᓄᖅᑲᐅᑎᓕᕐᓯᒋᒃ ᓴᒡᓗᖃᑦᑕᕐᓃᑦ, ᑕᒃᑯᕐᒨᕐᓃᑦ, ᐱᔪᒪᕕᒡᔪᐊᕐᓃᑦ, ᒥᑕᐅᑎᖃᕐᓃᓪᓗ ᖃᓄᑐᐃᓐᓇᖅ.

ᔪᐊᓇᓯ ᓯᕗᓪᓖᑦ 3:12

ᑬᓂᑐᑦ ᑍᒤᑦᑐᒃᓴᐅᓐᖏᓚᓯ, ᑖᓐᓇ ᓵᑖᓇᓯᒥᑦ ᐱᒐᒥ ᓄᑲᓂ ᑐᖁᓚᐅᕐᐹ. ᓱᖕᒪᓪᓗ ᓄᑲᓂ ᑐᖁᓚᐅᕐᐸᐅᒃ? ᐱᓂᐊᕐᓂᖏᑦ ᐱᐅᖏᒻᒪᑕ ᓄᑲᖓᓗ ᐃᓗᐊᕐᑑᖕᒪᑦ.

ᔪᐊᓇᓯ ᓯᕗᓪᓖᑦ 3:15

ᓇᓪᓕᐊᑦ ᐅᒃᐱᕐᑑᖃᑎᒥᓂᒃ ᐆᒥᓱᒃᑐᖅ ᑖᓐᓇ ᐃᓄᐊᕐᑎᐅᕗᖅ, ᖃᐅᔨᒪᕗᓯᓗ ᐃᓄᐊᕐᑎ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐃᓗᒥᐅᑕᖃᖏᒻᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:10

ᕿᓚᖕᒥ ᓂᐱᕐᔪᐊᕐᒥᒃ ᑐᓴᕐᐳᖓ, ᐅᖃᕐᑐᒥᒃ, “ᒫᓐᓇ ᒎᑎᐅᑉ ᐱᐅᓕᒃᓯᓂᖓ ᐱᔪᓐᓇᕐᓂᖓᓗ ᒎᑎᑦᑕᓗ ᐊᑕᓂᐅᕕᖓ ᙭ᔅᑑᓯᖓᑕᓗ ᐱᔪᓐᓇᕐᑎᑕᐅᓂᖓ ᑎᑭᑉᐳᑦ, ᐅᒃᐱᑑᖃᑎᑦᑎᓐᓂᒃ ᐸᓯᒡᓕᕐᑎ ᐃᒋᑕᐅᓯᒪᖕᒪᑦ, ᑍᒪᓐᖓᑦ ᐸᓯᒃᓯᐸᓚᐅᕐᑐᖅ ᐅᓪᓗᒃᑯᑦ ᐅᓐᓄᐊᒃᑯᓪᓗ ᒎᑎᑦᑕ ᓵᖓᓂ.