ᐃᐱᓯᒥᐅᓄᑦ 4:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑍᒤᒻᒪᑦ, ᓱᓕᖏᓐᓂᖅ ᕿᒪᓕᕐᓯᐅᒃ, ᓱᓕᔪᒥᒡᓕ ᐅᖃᖃᑦᑕᕐᑐᒃᓴᐅᕗᓯ ᐃᓅᖃᑎᑦᓯᓐᓄᑦ, ᑕᒪᑦᑕ ᐃᓚᒌᖑᒐᑦᑕ ᑎᒥᐅᑉ ᐃᓚᖏᓐᓄᑦ ᑕᕝᕙ ᙭ᔅᑑᓯᐅᑉ ᑎᒥᖓᓄᑦ.

ᐃᐱᓯᒥᐅᓄᑦ 4:25 Iomraidhean Croise

ᐊᑕᓃᑦ ᓯᕗᓪᓖᑦ 13:18

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖃᖓ ᐱᑦᑎᓕᒥᐅᑕᖅ ᐅᖃᓕᕐᐳᖅ ᑖᑦᓱᒧᖓ, “ᐅᕙᖓᑦᑕᐅᖅ ᒎᑎᒧᑦ ᐅᖃᕐᑎᒋᔭᐅᕗᖓ ᐃᕝᕕᑎᑐᑦ, ᐊᑕᓂᖅ ᑎᓕᓯᓯᒪᕗᖅ ᐂᖏᓕᒥᒃ ᐅᖃᐅᑎᔭᐅᖁᓪᓗᑎᑦ ᐊᖏᕐᕋᐅᖃᑎᒋᔭᕆᐊᖃᕋᒃᑭᑦ ᓂᕆᓗᑎᑦ ᐃᒥᕈᓐᓇᖁᓪᓗᑎᑦ.” ᑭᓯᐊᓂ ᑖᓐᓇ ᓴᒡᓗᓪᓗᓂ ᑍᒫᒃ ᐅᖃᕐᐳᖅ.

ᐃᓐᖏᕈᑎᑦ 119:29

ᐱᓂᐊᕐᓃᑦ ᓱᓕᖏᑦᑐᑦ ᐅᕙᓐᓂᑦ ᐅᖓᓯᒃᓯᑎᓚᐅᒃᑭᑦ; ᐱᑦᓯᐊᕐᓂᕐᓄᓪᓕ ᐱᖁᔭᕐᓂᒃ ᐃᓕᓴᕐᑎᓚᐅᓐᖓ.

ᐃᓐᖏᕈᑎᑦ 15:2

ᐃᓱᐊᕐᑐᒥᒃ ᐃᓅᔪᖅ, ᐱᓂᐊᕐᓂᖃᕐᑐᕐᓗ ᐃᓱᐊᕐᑐᒥᒃ, ᓱᓕᔪᓂᒡᓗ ᐅᖃᐅᓯᖃᕐᑐᖅ ᐆᒻᒪᑎᒥᓂᑦ;

ᐃᓐᖏᕈᑎᑦ 52:3

ᐱᐅᖏᑦᑐᒥᒃ ᐅᖓᓂᕐᓴᐅᕗᑎᑦ ᐱᐅᔪᒥᑦ, ᓴᒡᓗᖃᑦᑕᕐᓂᕐᓴᐅᓪᓗᑎᓗ ᓱᓕᔪᒥᒃ ᐅᖃᖃᑦᑕᕐᓂᕐᓂᑦ. ᓰᓚ

ᒨᓯᓯ ᐂᑉᐸᖏᑦ 23:7

“ᓱᓕᖏᑦᑐᒥᒃ ᐸᓯᔭᒃᓴᓐᖑᕐᑎᑦᓯᓇᓱᐊᕐᓂᖅ ᐃᓕᑦᓯᓐᓂᑦ ᐅᖓᓯᒡᓕ, ᐸᓯᔭᒃᓴᐅᖏᑦᑐᒥᒃ ᓈᒻᒪᓈᕐᓯᒪᔪᒥᒡᓗ ᑐᖁᑕᐅᑎᑦᓯᔪᒃᓴᐅᓐᖏᓚᓯ, ᓇᓪᓕᐊᓐᓂᑐᐃᓐᓇᖅ ᓯᕗᓂᕐᓗᓕᕐᑎᑦᓯᓂᐊᕐᐳᖓ ᑍᒫᒃ ᐱᐅᖏᑦᑐᒥᒃ ᐱᔪᖃᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:17

ᓱᓕᔪᒥᒃ ᐅᖃᐅᓯᖃᕐᑐᖅ ᐃᓱᐊᕐᑐᒥᒃ ᓇᓗᓁᕐᓯᔪᓐᓇᕐᐳᖅ, ᓱᓕᖏᑦᑑᓪᓕ ᐅᖃᐅᓯᕆᔭᖏᑦ ᐅᐃᕕᕆᒃᓯᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:19

ᓱᓕᑦᓯᐊᕐᑐᑦ ᐅᖃᐅᓰᑦ ᐳᐃᒍᕐᑕᐅᓂᐊᓐᖏᓚᑦ ᐃᓱᖃᖏᑦᑐᒧᑦ, ᓴᒡᓗᑐᔫᓪᓕ ᐅᖃᐅᓯᖏᑦ ᑕᕝᕔᓐᓇᖅ ᐊᓯᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:22

ᓴᒡᓗᑐᔪᓂᒃ ᐅᖃᐅᓯᓖᑦ ᐊᑕᓂᐅᑉ ᓇᕐᕈᒋᕔᑦ, ᐱᓂᐊᕐᓂᖃᕐᑐᓪᓕ ᒪᓕᑦᓯᐊᖏᓐᓇᕐᓗᑎᒃ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:6

ᓴᓗᕿᑦᓯᓂᒃᑯᑦ ᐱᐅᔪᓂᒃ ᐱᑖᕐᑐᕐᓂᖅ ᐊᔪᕐᓴᓕᑦᓴᐅᑎᒋᑦᔪᑎᒃᓴᐅᕗᖅ ᑐᖁᒦᑦᔪᑎᒃᓴᐅᓪᓗᓂᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:28

ᐃᖅᑲᕐᑐᐃᕕᖕᒥ ᖃᐅᔨᓚᐅᕐᑐᑐᑦ ᐃᓚᐅᓂᐊᕐᓇᒃ ᐃᓅᖃᑎᖕᓄᑦ ᐱᑦᔪᑎᖃᖏᑦᑐᒧᑦ, ᐅᐃᕕᕆᒃᓯᒐᔭᕋᕕᑦ ᓱᓕᖏᑦᑐᒥᒃ ᐅᖃᕈᕕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:7

ᐅᖃᐅᓯᕆᔭᒃᑲ ᓴᖅᑭᑎᑦᓯᓂᐊᕐᐳᑦ ᓱᓕᔪᒥᒃ; ᐱᐅᖏᑦᑐᓂᒃ ᐅᖃᐅᓯᖃᕐᓂᖅ ᖃᓂᓐᓄᑦ ᓇᕐᕈᓇᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 63:8

ᐅᖃᓚᐅᕐᒪᑦ, “ᑖᒃᑯᐊ ᐃᓄᖁᑎᒋᕙᒃᑲ, ᐃᕐᓂᕆᒐᒃᑭᑦ ᓱᓕᖏᑦᑐᓂᒃ ᐅᕙᓐᓄᑦ ᐱᓂᐊᕐᓂᖃᕐᓂᐊᓐᖏᓚᑦ.” ᑍᒤᒻᒪᑦ ᑕᕝᕙ ᐱᐅᓕᔨᑖᕆᓚᐅᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 9:15

ᐃᓄᑐᖃᐅᔪᑦ ᐅᐱᒋᔭᐅᔪᓪᓗ ᑕᕝᕙ ᓂᐊᖂᕗᑦ, ᓱᓕᖏᑦᑐᒥᒃ ᓇᓚᐅᑦᑍᕙᒃᑐᑦ ᐃᓕᓮᕙᒃᑐᓪᓗ ᑕᕝᕙ ᐸᒥᐅᖑᕗᑦ;

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᒨᓯᓯ ᐱᖓᔪᖏᑦ 19:11

“ᑎᒡᓕᒃᑐᒃᓴᐅᓐᖏᓚᑎᑦ, ᓴᒡᓗᔪᒃᓴᐅᓇᒃᓗ, ᓯᓔᕐᕆᒃᓯᔪᒃᓴᐅᓇᒡᓗ ᐊᓯᖕᓂᒃ.

ᓴᑲᕅᐊᐅᑉ ᐊᒡᓚᖏᑦ 8:16

ᐃᒫᒃ ᑕᕝᕙ ᐃᓕᑦᓯᓐᓄᑦ ᐱᐅᓯᕆᔭᐅᖁᔭᒃᑲ: ᓱᓕᔪᒥᒃ ᐃᓕᑦᓯᓐᓄᑦ ᐅᖃᐅᓯᖃᖃᑦᑕᕐᓗᓯ. ᐃᖅᑲᕐᑐᐃᕕᖕᓂᓗ, ᓱᓕᑦᓯᐊᕐᑐᒥᒃ ᓮᒻᒪᕐᓮᔪᒥᒡᓗ ᐃᖅᑲᕐᑐᐃᖃᑦᑕᕐᓗᓯ.

ᓴᑲᕅᐊᐅᑉ ᐊᒡᓚᖏᑦ 8:19

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᕉᒪᒥᐅᓄᑦ 12:5

ᑍᒫᒃᑕᐅᖅ ᙭ᔅᑑᓯᒥ ᐊᒥᓲᓪᓗᑕ, ᑎᒥᐅᕗᒍᑦ ᐊᑕᐅᓯᕐᒥ, ᐊᑐᓂ ᐊᒃᑐᐊᖃᑦᑕᐅᑎᓪᓗᑕ ᐅᕙᑦᑎᓐᓄᑦ ᑎᒥᒦᑦᑐᑎᑐᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:17

ᓂᐊᖂᔭᐅᑉ ᐊᑕᐅᓯᐅᓂᖓᓄᑦ, ᐅᕙᒍᑦ ᐅᓄᕋᓗᐊᕐᑐᒍᑦ, ᑎᒥᒥ ᐊᑕᐅᓯᐅᕗᒍᑦ, ᓂᐊᖂᔭᕐᒥᑦ ᐊᑕᐅᓯᕐᒥᑦ ᐱᖃᑕᐅᒐᑦᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:14

ᑖᑦᓱᒧᖓ ᐅᖃᐅᑎᒋᓚᐅᕋᑦᓯ ᐃᓕᑦᓯᓐᓂᒃ ᐅᐱᒍᓲᑎᖃᕐᓂᕋᕐᓗᖓ, ᑲᓐᖑᓱᒃᑎᓚᐅᓐᖏᓚᑦᓯᓐᖓ, ᐃᓕᑦᓯᓐᓄᑦ ᐅᖃᐅᓯᕆᓚᐅᕐᑕᕗᑦ ᑕᒪᕐᒥᒃ ᓱᓕᖕᒪᑕ, ᐃᓕᑦᓯᓐᓂᒃ ᐅᐱᒍᓲᑎᖃᓚᐅᕐᓂᕗᑦ ᑍᑑᓯᒧᑦ ᓴᖅᑭᑕᐅᕗᑦ ᓴᒡᓗᓯᒪᖏᓐᓇᑦᑕ.

ᐃᐱᓯᒥᐅᓄᑦ 4:15

ᐅᕙᒍᓪᓕ ᓱᓕᔪᒥᒃ ᐅᖃᓪᓚᒃᑐᒃᓴᐅᕗᒍᑦ ᓇᒡᓕᖕᓂᒃᑯᑦ, ᐱᕈᕐᐸᓪᓕᐊᔪᒃᓴᐅᒐᑦᑕ ᑕᒤᑦᑎᒍᑦ ᙭ᔅᑑᓯᒧᑦ, ᑕᕝᕙ ᓂᐊᖂᔪᒧᑦ.

ᐃᐱᓯᒥᐅᓄᑦ 4:22

ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᕐᓯᐅᒃ ᐃᓕᖅᑯᓯᕐᓘᑎᐅᕙᓚᐅᕐᑐᑦ ᐊᓚᕐᓗᒋᑦ, ᐃᒃᓯᒎᕐᓂᕐᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᓇᕐᑐᒧᑦ.

ᐃᐱᓯᒥᐅᓄᑦ 4:31

ᒪᒃᑯᐊ ᑕᒪᕐᒥᒃ ᐊᑐᕈᓐᓁᕐᓯᒋᒃ ᐅᒋᐊᓐᖑᓂᖅ, ᓂᓐᖓᕕᒡᔪᐊᕐᓂᖅ, ᓂᓐᖓᖕᓂᖅ, ᕾᒐᓛᖃᑦᑕᐅᑎᓂᖅ ᒥᑕᐅᑎᖃᕐᓂᕐᓗ, ᖃᓄᑐᐃᓐᓇᕐᓗ ᐆᒥᓲᑎᓃᑦ ᑕᒪᕐᒥᒃ.

ᐃᐱᓯᒥᐅᓄᑦ 5:30

ᑖᑦᓱᒪ ᑎᒥᖓᑕ ᓱᓇᑐᐃᓐᓇᕆᖕᒪᑎᒍᑦ.

ᑯᓘᓯᐊᒥᐅᓄᑦ 3:8

ᒫᓐᓇᓕ ᒪᑯᐊ ᑕᒪᕐᒥᒃ ᐊᑐᕆᐊᖃᕈᓐᓃᕐᐸᓯ: ᓂᓐᖓᖕᓂᖅ, ᓂᓐᖓᕕᒡᔪᐊᕐᓂᖅ, ᐆᒥᓱᖕᓂᖅ, ᐅᖃᕐᓂᕐᓘᑎᖃᕐᓂᖅ, ᐅᖃᐅᓯᕐᓗᒡᓂᒡᓗ ᖃᓂᑦᓯᓐᓂᑦ ᐊᓂᔪᖃᕐᑍᓕᓕᕐᓕ.

ᑯᓘᓯᐊᒥᐅᓄᑦ 3:9

ᐃᓕᑦᓯᓐᓄᑦ ᓴᒡᓗᖃᑦᑕᐅᑎᓂᐊᕋᓯ, ᐃᓅᓯᑐᖃᓯ ᐃᓕᖅᑯᓯᖏᓪᓗ ᖁᔭᓈᕐᓯᒪᓕᕋᑦᓯᐅᒃ,

ᑎᒧᑎᒧᑦ ᓯᕗᓪᓖᑦ 1:10

ᓄᓕᐊᕐᓂᒃᑯᑦ ᐊᔪᕐᑐᓕᔪᑦ, ᐊᑦᔨᒥᖕᓅᕐᑐᑦ, ᑎᒡᓕᒃᐸᒃᑐᑦ, ᓴᒡᓗᕙᒃᑐᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᒃᑐᑦ, ᖃᓄᑐᐃᓐᓇᕐᓗ ᓱᓕᔪᒥᒃ ᐊᔪᕆᕐᑑᓯᕐᒥᒃ ᐊᑭᕋᕐᑐᕐᐸᒃᑐᑦ.

ᑎᒧᑎᒧᑦ ᓯᕗᓪᓖᑦ 4:2

ᑍᒤᑦᑐᑦ ᐊᔪᕆᕐᑐᐃᓃᑦ ᓯᐊᒻᒪᒃᑎᑕᐅᓯᒪᕗᑦ ᓱᓕᓐᖏᑦᑐᑎᒍᑦ ᐅᐃᕕᕆᒃᓯᓪᓗᑎᒃ ᐃᓱᒪᖏᑦ ᐃᒃᐱᖕᓂᐊᓂᖃᕈᓐᓃᕐᐳᑦ ᓴᕕᕋᔭᖕᒧᑦ ᐆᓇᕐᓯᑎᑕᐅᓯᒪᔪᒧᑦ ᐆᑕᕐᑕᐅᓯᒪᔪᑎᑐᑦ.

ᑍᑑᓯᒧᑦ 1:12

ᑖᒃᑯᐊ ᑯᕇᑕᒥᐅᑦ ᐃᓚᖓᑦ, ᓇᖕᒥᓂᖅ ᓇᓚᐅᑦᑍᔪᖁᑎᖓᑦ ᓱᓕᓪᓗᓂ ᐅᖃᓚᐅᕐᐳᖅ, “ᑯᕇᑕᒥᐅᑦ ᓴᒡᓗᑐᔪᕗᑦ, ᓇᒡᓕᖕᓂᖃᕋᑎᒃ, ᐃᕿᐊᑕᐅᓪᓗᑎᒡᓗ, ᓂᕆᔪᐊᓗᑐᐃᓐᓁᑦ.”

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᐄᑉᕈᐃᓄᑦ 12:1

ᑍᒤᒻᒪᑦ, ᐅᓄᕐᑐᕐᔪᐊᓂᒃ ᐅᒃᐱᕐᓂᑯᑦ ᐃᓅᓯᒪᔪᓂᒃ ᐊᕙᑕᖏᕐᑕᐅᓯᒪᒐᑦᑕ, ᐅᕙᑦᑎᓐᓄᑦ ᐊᒡᕕᐊᕐᑐᑦ ᐲᔭᓚᐅᕐᓚᕗᑦ, ᐊᔪᕐᓃᑦ ᐅᕙᑦᑎᓐᓄᑦ ᓂᐱᓐᖓᔪᑦ, ᐅᖁᒤᒃᓴᐅᑎᒋᔭᕗᓪᓗ; ᕿᓄᐃᓵᕐᓗᑕ ᐅᓪᓚᖃᑕᐅᓚᐅᕐᑕ ᑲᔪᓯᓗᑕ ᐅᐸᒐᓱᐊᕐᑕᕗᑦ ᓯᕗᓂᑦᑎᓐᓃᒻᒪᑦ,

ᔧᒥᓯᐅᑉ ᐊᒡᓚᖏᑦ 1:21

ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.

ᐲᑦᑐᕉᓯ ᓯᕗᓪᓖᑦ 2:1

ᑍᒤᒻᒪᑦ, ᐊᔪᕐᑐᓕᑦᔪᑕᐅᔪᓐᓇᕐᑐᓕᒫᑦ ᓄᖅᑲᐅᑎᓕᕐᓯᒋᒃ ᓴᒡᓗᖃᑦᑕᕐᓃᑦ, ᑕᒃᑯᕐᒨᕐᓃᑦ, ᐱᔪᒪᕕᒡᔪᐊᕐᓃᑦ, ᒥᑕᐅᑎᖃᕐᓃᓪᓗ ᖃᓄᑐᐃᓐᓇᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 16:11

ᐅᖃᐅᑎᕚ, “ᕿᓚᒃᓱᕐᑕᐅᒍᒪ ᐊᒃᓱᓈᓄᑦ ᐊᑐᓚᐅᕐᓯᒪᖏᑦᑐᓄᑦ, ᓴᓐᖐᓕᒐᔭᕐᐳᖓ, ᐃᓄᑐᐃᓐᓇᑎᑑᓕᕐᓗᖓ.”