ᐃᐱᓯᒥᐅᓄᑦ 4:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᕐᓯᐅᒃ ᐃᓕᖅᑯᓯᕐᓘᑎᐅᕙᓚᐅᕐᑐᑦ ᐊᓚᕐᓗᒋᑦ, ᐃᒃᓯᒎᕐᓂᕐᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᓇᕐᑐᒧᑦ.

ᐃᐱᓯᒥᐅᓄᑦ 4:22 Iomraidhean Croise

ᔫᐱᐅᑉ ᐊᒡᓚᖏᑦ 22:23

ᐊᔪᒐᖃᖏᑦᑐᒧᑦ ᐅᑎᕈᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ, ᐱᐅᖏᑦᑐᓕᓃᓪᓗ ᐲᕈᕕᒋᑦ ᐊᖏᕐᕋᕐᓂᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:18

ᐊᖑᑦ ᐱᐅᖏᑦᑐᖅ ᓯᓔᕐᕆᒃᓯᓇᓱᐊᕐᓂᕐᒥᒃ ᐱᓂᐊᕐᓂᖃᕋᔪᒃᐳᖅ, ᐃᓱᐊᕐᓂᒥᒡᓕ ᐱᓂᐊᕈᑎᓕᒃ ᐱᑖᕐᑎᑕᐅᓗᓂ ᑭᓯᐊᓂᐅᕗᖅ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᔨᕆᒤᐊᐅᑉ ᐊᒡᓚᖏᑦ 49:16

ᑲᑉᐱᐊᓱᒃᑎᑦᓯᓂᕆᖃᑦᑕᕐᑕᑦᓯᓐᓄᑦ, ᐱᐅᔪᕆᓂᑦᓯᓐᓄᓪᓗ ᐅᐃᕕᕐᕆᔭᐅᕗᓯ, ᐃᓈᕈᐃᑦ ᕾᕈᓱᖏᓐᓂ ᐊᖏᕐᕋᖃᕐᐳᓯ, ᐳᕐᑐᔪᒦᓐᓇᓱᐊᕐᓗᓯᓗ ᐊᖏᕐᕋᖃᕈᒪᓪᓗᓯ ᐳᕐᑐᓂᕐᐹᓃᑦᑐᓂᒃ ᓇᒃᑐᕋᓕᐅᑉ ᐃᕙᕕᖃᕐᕕᖏᑎᑐᑦ, ᐃᓂᒋᔭᑦᓯᓐᓂᑦ ᑲᑕᒃᑎᑦᓱᒫᕐᐸᑦᓯ, ᐊᑕᓂᖅ ᐅᖃᕐᐳᖅ.

ᐅᐸᑍᐊᑉ ᐊᒡᓚᖏᑦ 1:3

ᐆᒻᒪᑎᕕᑦ ᐱᐅᔪᕆᓂᖓᑕ ᐅᐃᕕᕆᕚᑎᑦ, ᐃᕝᕕᑦ ᐃᓂᖃᕐᑐᑎᑦ ᕾᕐᑑᑉ ᖁᖕᓇᔪᖏᓐᓂ; ᐳᕐᑐᔪᒥ ᐃᓂᖃᕐᑐᑎᑦ; ᐆᒻᒪᑎᖕᓂ ᐅᖃᕐᑐᑎᑦ: ‘ᑭᐊ ᓄᓇᒧᑦ ᑲᑕᒃᑎᑦᓱᓐᓇᕐᐹᖔ?’

ᕉᒪᒥᐅᓄᑦ 6:6

ᖃᐅᔨᒪᒐᑦᑕ ᐃᓅᓯᑐᖃᕗᖅ ᙭ᔅᑑᓯᐅᑉ ᑭᑭᐊᒃᑐᕐᑕᐅᖃᑎᒋᓚᐅᕐᒪᒍ ᓴᓐᓂᖓᔪᓕᖕᒥ ᑎᒥᐅᑉ ᐊᔪᕐᑐᓕᔪᒪᓂᖓ ᓵᓚᐅᖁᓪᓗᒍ, ᕿᓚᒃᓱᕐᑕᐅᓯᒪᔪᓐᓃᖁᓪᓗᑕᓗ ᐊᔪᕐᓂᕐᒧᑦ.

ᕉᒪᒥᐅᓄᑦ 7:11

ᐊᔪᕐᓂᖅ ᐱᖁᔭᒃᑯᑦ ᐱᕕᒃᓴᒥᓂᒃ ᓇᓂᓯᒐᒥ, ᐅᐃᕕᕆᕚᖓ, ᑖᑦᓱᒨᓇᓗ ᐱᖁᔭᒃᑯᑦ ᑐᖁᑕᐅᓪᓗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᒐᓔᑎᐊᒥᐅᓄᑦ 1:13

ᖁᓚᕐᓇᓐᖏᓚᖅ ᑐᓴᐅᒪᒐᑦᓯ ᐃᓅᓯᕆᓚᐅᕐᑕᓐᓂᒃ ᔫᑎᑦ ᐅᒃᐱᕐᓂᖓᓄᑦ ᐃᓚᒋᔭᐅᓪᓚᕆᒃᑎᓪᓗᖓ. ᒎᑎᐅᑉ ᐅᒃᐱᕐᑐᖁᑎᖏᑦ ᐊᑭᕋᕐᑐᓚᐅᕋᒃᑭᑦ ᓂᑲᒋᓇᒋᑦ ᐊᒃᓱᕉᑎᓪᓗᒋᑦ ᓄᖅᑲᕐᑎᓐᓇᓱᓚᐅᕐᐸᒃᑲ;

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᐃᐱᓯᒥᐅᓄᑦ 4:17

ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ;

ᐃᐱᓯᒥᐅᓄᑦ 4:25

ᑍᒤᒻᒪᑦ, ᓱᓕᖏᓐᓂᖅ ᕿᒪᓕᕐᓯᐅᒃ, ᓱᓕᔪᒥᒡᓕ ᐅᖃᖃᑦᑕᕐᑐᒃᓴᐅᕗᓯ ᐃᓅᖃᑎᑦᓯᓐᓄᑦ, ᑕᒪᑦᑕ ᐃᓚᒌᖑᒐᑦᑕ ᑎᒥᐅᑉ ᐃᓚᖏᓐᓄᑦ ᑕᕝᕙ ᙭ᔅᑑᓯᐅᑉ ᑎᒥᖓᓄᑦ.

ᐃᐱᓯᒥᐅᓄᑦ 4:31

ᒪᒃᑯᐊ ᑕᒪᕐᒥᒃ ᐊᑐᕈᓐᓁᕐᓯᒋᒃ ᐅᒋᐊᓐᖑᓂᖅ, ᓂᓐᖓᕕᒡᔪᐊᕐᓂᖅ, ᓂᓐᖓᖕᓂᖅ, ᕾᒐᓛᖃᑦᑕᐅᑎᓂᖅ ᒥᑕᐅᑎᖃᕐᓂᕐᓗ, ᖃᓄᑐᐃᓐᓇᕐᓗ ᐆᒥᓲᑎᓃᑦ ᑕᒪᕐᒥᒃ.

ᑯᓘᓯᐊᒥᐅᓄᑦ 2:11

ᑖᑦᓱᒪᓂᑦᑕᐅᖅ ᑭᐱᔭᐅᓯᒪᕗᓯ ᐃᓄᐃᑦ ᐊᒡᒐᖏᓐᓅᖏᑦᑐᖅ, ᙭ᔅᑑᓯᐅᑉ ᑭᐱᓯᒪᕚᓯ ᑎᒥᐅᑉ ᐱᔪᒪᔭᖓᓂᑦ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓂᑦᓯᓐᓄᑦ.

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᐄᑉᕈᐃᓄᑦ 12:1

ᑍᒤᒻᒪᑦ, ᐅᓄᕐᑐᕐᔪᐊᓂᒃ ᐅᒃᐱᕐᓂᑯᑦ ᐃᓅᓯᒪᔪᓂᒃ ᐊᕙᑕᖏᕐᑕᐅᓯᒪᒐᑦᑕ, ᐅᕙᑦᑎᓐᓄᑦ ᐊᒡᕕᐊᕐᑐᑦ ᐲᔭᓚᐅᕐᓚᕗᑦ, ᐊᔪᕐᓃᑦ ᐅᕙᑦᑎᓐᓄᑦ ᓂᐱᓐᖓᔪᑦ, ᐅᖁᒤᒃᓴᐅᑎᒋᔭᕗᓪᓗ; ᕿᓄᐃᓵᕐᓗᑕ ᐅᓪᓚᖃᑕᐅᓚᐅᕐᑕ ᑲᔪᓯᓗᑕ ᐅᐸᒐᓱᐊᕐᑕᕗᑦ ᓯᕗᓂᑦᑎᓐᓃᒻᒪᑦ,

ᐄᑉᕈᐃᓄᑦ 3:13

ᖃᐅᑕᒫᓪᓕ ᐃᓕᑦᓯᓐᓄᑦ ᐃᑲᔪᕐᑎᒌᓕᕆᑦᓯ, ᐅᓇ ᐅᖃᐅᓯᐅᓂᖓᓂ, “ᐅᓪᓗᒥ,” ᓇᓪᓕᑦᓯᓐᓂᒃ ᓯᑎᔫᑎᑕᐅᔪᖃᖁᓇᒍ ᐊᔪᕐᓂᐅᑉ ᑕᒻᒪᕐᑎᑦᓯᓂᖓᓄᑦ.

ᔧᒥᓯᐅᑉ ᐊᒡᓚᖏᑦ 1:21

ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.

ᔧᒥᓯᐅᑉ ᐊᒡᓚᖏᑦ 1:26

ᐅᒃᐱᕋᓱᒋᔪᒥᒃ ᐃᓕᑦᓯᓐᓃᑦᑐᖃᕐᐸᑦ, ᐅᖃᓂᓗ ᐊᑐᕐᓂᕐᓗᒃᑍᓕᓂᕐᒧᑦ ᐱᓯᒪᔪᓐᓇᖏᒃᑯᓂᐅᒃ ᐆᒻᒪᑎᓂ ᐅᐃᕕᕆᕚ, ᑕᑉᕙ ᐅᒃᐱᕐᓂᖓ ᐊᑑᑎᖃᓐᖏᓚᖅ.

ᐲᑦᑐᕉᓯ ᓯᕗᓪᓖᑦ 1:18

ᖃᐅᔨᒪᑦᓯᐊᕋᑦᓯ ᐊᓯᕈᕐᑐᒃᓴᒧᑦ ᓯᐅᓪᕕᕆᒧᓪᓘᓐᓃᑦ ᒎᓗᒧᓪᓘᓐᓃᑦ ᐊᑭᓕᕐᑕᐅᓯᒪᖏᓐᓇᑦᓯ ᒪᑐᒪᓐᖓᑦ ᐃᓅᓯᕐᒥᑦ ᓱᒃᓴᐅᖏᑦᑐᒥᑦ ᓯᕗᓕᑦᓯᓐᓂᑦ ᐃᓅᓯᕐᑖᕆᓯᒪᔭᑦᓯᓐᓂᑦ ᕿᓚᕈᑦᔮᕐᑕᐅᓚᐅᕐᕋᓯ,

ᐲᑦᑐᕉᓯ ᓯᕗᓪᓖᑦ 4:3

ᐊᓂᒍᕐᓯᒪᓕᕐᒪᑕ ᐃᓅᓯᕆᓚᐅᕐᑕᓯ ᐅᒃᐱᖏᑦᑐᑦ ᐱᔪᒪᓂᖏᑦ ᒪᓕᒃᓗᒋᑦ, ᐃᓅᓯᒪᒐᑦᓯ ᑲᓐᖑᓇᕐᑐᓕᓂᕐᓂᒃ, ᐃᒃᖠᒍᖕᓂᕐᓂᒃ, ᐋᖓᔮᕐᓂᕐᓂᒃ, ᓄᓕᐊᕐᓂᕐᓂᒃ, ᐃᒥᐊᓗᖕᒧᑦ ᖁᕕᐊᓲᑎᖃᕐᓂᕐᓂᒃ, ᓇᕐᕈᓇᕐᑐᓄᓪᓗ ᑐᒃᓯᐊᖃᑦᑕᕐᓂᕐᓂᒃ ᒎᑎᐅᖏᑦᑐᓄᑦ.

ᐲᑦᑐᕉᓯ ᐂᑉᐸᖏᑦ 2:13

ᐊᑭᓕᕐᑕᐅᔪᒪᕐᐳᑦ ᓯᕐᓕᕿᑎᑕᐅᓂᕐᒥᒃ ᓯᕐᓕᕿᑎᑦᓯᓂᕆᓚᐅᕐᑕᖏᑦ ᒪᓕᒡᓗᒋᑦ, ᖁᕕᐊᒋᔭᖃᕐᐳᑦ ᐱᓂᐊᕐᓂᖃᕐᓗᑎᒃ ᐅᓪᓘᑎᓪᓗᒍ ᓈᒻᒪᒃᓯᑎᑦᓯᓇᓱᐊᕐᓗᑎᒃ ᑎᒥᒥ ᐱᔪᒪᔭᖓᓂᒃ. ᑲᓐᖑᓲᑎᓇᕐᐳᑦ ᓱᕈᕐᑎᕆᓪᓗᑎᒡᓗ, ᓂᕆᖃᑎᒋᓕᕌᖓᒥᓯ ᑍᒪᓐᖓᑦ ᖁᕕᐊᓲᑎᖃᕐᐸᒃᐳᑦ ᓴᒡᓗᑎᖃᕐᓂᕐᒥᒃ.

ᐲᑦᑐᕉᓯ ᐂᑉᐸᖏᑦ 2:7

ᓘᑎ ᓴᐳᑎᓚᐅᕐᐹ, ᐃᓅᓯᖓ ᐃᓗᐊᕐᑐᓚᐅᕐᒪᑦ ᐃᓱᒫᓗᖕᓇᕐᑐᕐᔪᐊᕐᒦᑎᓪᓗᒍ ᓈᒻᒪᖏᑦᑐᕐᔪᐊᒥᒃ ᐃᓕᖅᑯᓯᖃᕐᓗᑎᒃ ᐱᖁᔭᖃᖏᑦᑐᓄᑦ.

ᓴᒧᐃᓕ ᓯᕗᓪᓖᑦ 1:14

ᐃᓔᓪᓗ ᐅᖃᐅᑎᕚ, “ᖃᓄᖅ ᐊᑯᓂᐅᑎᒋᔪᖅ ᐋᖓᔮᕐᓂᐊᕐᐲᑦ? ᐃᒥᐊᓗᒍᓐᓃᕆᑦ ᐋᖓᔮᕈᓐᓂᕐᓗᑎᓪᓗ.”