ᐃᐱᓯᒥᐅᓄᑦ 4:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ;

ᐃᐱᓯᒥᐅᓄᑦ 4:17 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 13:15

ᑍᑦᓱᒪᓂᐅᑎᓪᓗᒍ ᐃᓄᖕᓂᒃ ᔫᑕᒥᐅᓂᒃ ᑕᑯᓚᐅᕐᐳᖓ ᐸᐅᕐᖓᓂᒃ ᕔᓂᒃᓴᓂᒃ ᐃᑦᑏᔧᕕᖕᒥ ᑐᓪᓕᕐᑐᓂᒃ ᓴᐸᑎᐅᑎᓪᓗᒍ, ᓂᐊᖂᔭᒃᓴᓂᒡᓗ ᓇᑲᑎᕐᓯᒪᔪᓂᒃ ᐊᒡᔭᕐᓯᓪᓗᑎᒃ ᓯᐅᑎᖅᑯᕐᑐᔪᖁᑎᒥᖕᓄᑦ ᐅᓯᓕᕐᑐᐃᔪᓂᒃ; ᕔᓂᓂᒡᓗ, ᐸᐅᕐᖓᓂᒡᓗ ᕔᓂᒃᓴᓂᒃ, ᐸᐅᕐᖓᓂᒡᓗ ᐱᒋᓕᖕᓂᒃ, ᐊᓯᖏᓐᓂᒡᓗ ᐅᖁᒤᑦᑐᓂᒃ ᐱᓕᕆᔪᓂᒃ, ᔨᕉᓴᓕᒧᐊᕈᑦᔨᖃᑦᑕᕐᑐᓂᒃ ᐅᓪᓗᖅ ᓴᐸᑎᐅᑎᓪᓗᒍ. ᐃᓂᕐᑎᓚᐅᕐᐸᒃᑲᓕ ᐅᓪᓗᒥ ᑕᕝᕙᓂ ᓂᐅᕐᕈᓯᖃᑦᑕᖁᓇᒋᑦ ᓂᕿᒃᓴᓂᒃ.

ᔨᕆᒤᐊᐅᑉ ᐊᒡᓚᖏᑦ 42:19

“ᐃᓕᑦᓯ ᔫᑕᒥ ᐊᒥᐊᒃᑰᔪᓯ, ᐊᑕᓂᐅᑉ ᐅᖃᐅᑎᕚᓯ, ᐃᓂᕐᑎᕐᓗᓯ ᐄᑦᔨᑉᑎᒧᐊᖁᓐᖏᓚᑦᓯ. ᖃᐅᔨᓕᕆᑦᓯ ᖁᓚᕐᓇᖏᑦᑐᒥᒃ ᐅᓪᓗᒥ ᐃᓂᕐᑎᕋᑦᓯ.

ᒨᓯᓯ ᐱᖓᔪᖏᑦ 15:18

ᐊᖑᓪᓗ ᐊᕐᓇᕐᓗ ᐃᓐᓇᖓᓗᑎᒃ ᐱᖃᑎᒌᒃᐸᑎᒃ ᐅᓱᐊᓗ ᒪᕿᒃᐸᑦ ᑕᒪᕐᒥᒃ ᐅᕕᓂᖕᓂᐊᕆᐊᖃᕐᐳᒃ ᐃᒥᕐᒧᑦ, ᓴᓗᒤᑦᑑᓂᐊᕐᐳᒡᓗ ᑕᒪᕐᒥᒃ ᐅᓐᓄᒃ ᑎᑭᓪᓗᒍ.

ᓘᑲᓯᐅᑉ ᐊᒡᓚᖏᑦ 16:28

ᑕᓪᓕᒪᓂᒃ ᖃᑕᓐᖑᑎᖃᕋᒪ, ᑖᑦᓱᒪ ᐅᖃᐅᑎᓂᐊᕐᒪᒋᑦ, ᐅᕗᖓ ᐋᓐᓂᐊᓇᕐᑐᒧᐊᖁᓇᒋᑦᑕᐅᖅ.’

ᐋᐴᓯᑕᓖᑦ ᐱᓂᐊᕐᓂᖏᑦ 14:15

“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:5

ᓮᓚᓯᒃᑯᒃ ᑎᒧᑎᒃᑯᒃ ᒫᓯᑑᓂᐊᒥᑦ ᑎᑭᒻᒪᑎᒃ, ᐸᐅᓗᓯ ᐊᔪᕆᕐᑐᐃᖏᓐᓇᕐᓂᕐᓴᐅᓕᕐᐳᖅ ᑎᓕᔭᐅᑦᔪᑎᒥᓂᒃ, ᓇᓗᓁᔧᓪᓗᓂ ᔫᑎᓄᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:40

ᐲᑦᑐᕉᓯᐅᑉ ᐅᖃᕐᕕᒋᕔᑦ ᐅᖃᐅᓯᕐᓂᒃ ᐊᒥᓱᓂᒃ ᐊᑐᕐᓗᓂ ᐃᓇᕐᓱᕐᐰᑦ ᐅᖃᐅᑎᓪᓗᒋᑦ, “ᐱᐅᓕᔭᐅᓕᕆᑦᓯ ᐅᑯᐊ ᐃᓅᖃᑎᒌᒡᔪᐊᑦ ᐱᐅᖏᑦᑐᓕᔪᑦ ᐊᓯᕈᕐᑕᐅᓂᒃᓴᖏᓐᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᕉᒪᒥᐅᓄᑦ 1:21

ᒎᑎᒥᒃ ᖃᐅᔨᒪᒐᓗᐊᕐᐳᑦ ᓂᕐᑐᕐᓇᒍᓕ ᒎᑎᖃᕐᑐᑎᑐᑦ ᖁᔭᒋᓇᒍᓘᓐᓃᑦ, ᐃᓱᒪᒋᔭᖏᑦ ᐊᑑᑎᖃᕈᓐᓃᕐᐳᑦ ᐃᓱᒪᖏᓪᓗ ᐃᒃᐱᒍᓱᖏᑦᑐᑦ ᑖᕐᓯᑎᑕᐅᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:12

ᐃᒫᒃ ᓇᓗᓁᕐᓯᓚᐅᕐᓚᖓ ᐃᓚᓯ ᐃᓚᖓᑦ ᐅᖃᕐᐳᖅ, “ᐸᐅᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᐊᐴᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᓰᐸᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “᙭ᔅᑑᓯᒧᑦ ᒪᓕᒃᑎᐅᕗᖓ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:50

ᓇᓗᓁᕐᓯᕕᒋᕙᑦᓯ ᐃᓚᒃᑳ, ᑎᒥ ᐊᐅᖃᕐᑐᖅ ᑭᖑᕐᖑᑦᔨᔪᓐᓇᖏᒻᒪᑦ ᒎᑎᐅᑉ ᐊᑕᓂᐅᕕᖓᓂᒃ, ᓱᕈᔭᑦᑐᕐᓗ ᑭᖑᕐᖑᑦᔨᔪᓐᓇᖏᓐᓂᕗᖅ ᓱᕈᕈᓐᓇᖏᑦᑐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:6

ᐅᓇ ᐃᖅᑲᐅᒪᓯᐅᒃ; ᐅᓄᖏᑦᑐᓂᒃ ᑲᓐᖓᕐᓱᐃᔪᖅ ᐅᓄᖏᑦᑐᓂᒃ ᑲᑎᕐᓱᐃᔪᒫᕐᐳᖅ, ᐅᓄᕐᑐᓂᒡᓗ ᑲᓐᖓᕐᓱᐃᔪᖅ ᐊᒥᓱᓂᒃ ᑲᑎᕐᓱᐃᔪᒫᕆᕗᖅ.

ᒐᓔᑎᐊᒥᐅᓄᑦ 3:17

ᐃᒫᒃ ᐅᖃᕋᓱᐊᕐᐳᖓ; ᒎᑎ ᐊᖏᖃᑎᖃᓚᐅᕐᑐᖅ ᐂᑉᕋᕼᐋᒥᒃ ᐊᖏᕈᑎᖃᕐᓯᒪᓪᓗᓂᓗ ᓴᖑᑎᑦᔮᖏᓐᓂᕋᕐᓗᒍ, ᐱᖁᔧᑦ ᑐᓂᔭᐅᓚᐅᕐᑐᑦ 430 ᐊᕐᕌᒍᐃᑦ ᓈᓯᒪᓕᕐᑎᓪᓗᒋᑦ, ᐊᖏᖃᑎᒌᒍᑕᐅᓯᒪᔪᒥᒃ ᓯᖁᒥᑦᓯᔪᓐᓇᖏᒻᒪᑕ ᒎᑎᐅᓪᓗ ᐊᖏᕈᑎᒋᓯᒪᔭᖓᓂᒃ ᑎᑎᕋᕐᓯᒪᔪᓂᒃ ᐊᑐᕈᓐᓃᕐᑎᑦᓯᔪᓐᓇᕋᑎᒃ.

ᒐᓔᑎᐊᒥᐅᓄᑦ 5:3

ᖃᐅᔨᒪᑦᔪᑎᒃᓴᑦᓯᓐᓂᒃ ᐅᖃᐅᑎᕙᑦᓯ ᑭᐱᔭᐅᔪᖃᕐᐸᑦ ᑖᓐᓇ ᐱᖁᔭᓕᒫᓂᒃ ᒪᓕᒡᓗᓂ ᑭᓯᐊᓂᐅᓂᐊᕐᐳᖅ.

ᐃᐱᓯᒥᐅᓄᑦ 1:22

ᑕᒤᑕᕐᔪᐊᓪᓗ ᑖᑦᓱᒪ ᐃᑎᒐᖏᑕ ᐊᑖᓄᑦ ᐱᑎᓚᐅᕐᐰᑦ, ᑕᒤᓐᓄᓪᓗ ᓂᐊᖁᕆᔭᐅᑎᑉᐹ ᐅᒃᐱᕐᑑᖃᑎᒌᓄᑦ.

ᐃᐱᓯᒥᐅᓄᑦ 4:22

ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᕐᓯᐅᒃ ᐃᓕᖅᑯᓯᕐᓘᑎᐅᕙᓚᐅᕐᑐᑦ ᐊᓚᕐᓗᒋᑦ, ᐃᒃᓯᒎᕐᓂᕐᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᓇᕐᑐᒧᑦ.

ᒨᓯᓯ ᑕᓪᓕᒪᖏᑦ 27:10

ᑍᒤᒻᒪᑦ ᑖᓐᓇ ᓈᓚᒃᑕᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᑦᓯᐊᕐᓗᒋᑦ, ᐅᓪᓗᒥ ᐃᓕᑦᓯᓐᓄᑦ ᑐᓂᔭᒃᑲ.”

ᑯᓘᓯᐊᒥᐅᓄᑦ 2:18

ᐱᑖᕆᔭᒃᓴᑦᓯᓐᓂᑦ ᓴᖑᑎᑕᐅᑦᑍᓕᒋᑦᓯ, ᐊᑦᔨᐅᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓄᑦ ᐂᖏᓕᓂᒡᓗ ᑐᒃᓯᐊᕐᕕᖃᕐᐸᒃᑐᓄᑦ, ᑕᑯᑎᑕᐅᓯᒪᓂᕐᒥᒃ ᑐᓐᖓᕕᖃᕐᑐᓄᑦ, ᑍᒤᑦᑐᑦ ᐱᐅᔪᕆᕗᑦ ᐱᐅᔪᕆᑦᔪᑎᒃᓴᖃᕋᑎᒃ ᐃᓱᒪᑐᐃᓐᓇᕐᒥᖕᓂᒡᓗ ᐋᖅᑮᕙᒃᓗᑎᒃ.

ᑯᓘᓯᐊᒥᐅᓄᑦ 2:4

ᐅᖃᐅᑎᕙᑦᓯ ᑭᓇᒧᓪᓘᓐᓃᑦ ᓯᓔᕐᕆᔭᐅᖁᓇᓯ ᐅᖃᐅᓯᕐᓄᑦ ᑲᔪᖏᕐᓮᔪᓄᑦ, ᓱᓕᔫᔮᕋᓗᐊᕐᐸᑕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᑎᒧᑎᒧᑦ ᓯᕗᓪᓖᑦ 5:21

ᒎᑎᐅᑉ ᓇᔪᒐᓐᖓᓂ ᙭ᔅᑑᓯ ᔩᓱᓯᐅᓪᓗ ᐂᖏᓖᓪᓗ ᓂᕈᐊᕐᑕᐅᓯᒪᔪᑦ ᓇᔪᕐᑕᖏᓐᓂ ᑕᒪᒃᑯᐊ ᐅᖃᐅᓯᕆᔭᒃᑲ ᐃᓕᖕᓄᑦ ᒪᓕᒃᑕᐅᖁᓪᓚᕆᒃᐸᒃᑲ; ᐃᓅᖃᑎᑐᖃᕆᓐᖏᑕᕐᓂᒃ ᓇᕐᕈᖏᓪᓗᑎᑦ, ᓇᓪᓕᐊᑐᐃᓐᓇᖅ ᓇᕐᕈᓇᕐᓯᑎᑦᑍᓕᓗᒍ ᐊᑦᔨᒌᒃᑎᑦᓯᐊᕐᓗᒋᓕ ᐱᓇᓱᐊᕐᕕᒋᒃᑭᑦ.

ᑎᒧᑎᒧᑦ ᓯᕗᓪᓖᑦ 6:13

ᒎᑎᐅᑉ ᓵᖓᓂ ᐃᓅᓯᖃᕐᑎᑦᓯᔫᑉ ᑕᒤᓐᓂᒃ, ᙭ᔅᑑᓯ ᔩᓱᓯᐅᓪᓗ ᓵᖓᓂ ᑖᑦᓱᒪ ᓇᓗᓁᕐᓯᓚᐅᕐᑑᑉ ᐴᓐᑎᐅᓯ ᐰᓛᑑᓯᐅᑉ ᓵᖓᓂ, ᒪᓕᖁᓪᓗᑎᑦ ᐅᖃᐅᑎᕙᒋᑦ,

ᑎᒧᑎᒧᑦ ᐂᑉᐸᖏᑦ 4:1

ᐱᖁᓪᓚᕆᒃᐸᒋᑦ ᒎᑎᐅᑉ ᓵᖓᓂ ᙭ᔅᑑᓯ ᔩᓱᓯᐅᓪᓗ ᑖᓐᓇ ᐃᖅᑲᕐᑐᐃᔪᒫᕐᒪᑦ ᐃᓅᔪᓂᒃ ᑐᖁᖓᔪᓂᒡᓗ, ᑎᑭᑦᓱᒫᕐᒪᓪᓗ ᐊᐅᓚᑦᓯᔭᕐᑐᕐᓗᓂ.

ᐲᑦᑐᕉᓯ ᓯᕗᓪᓖᑦ 1:18

ᖃᐅᔨᒪᑦᓯᐊᕋᑦᓯ ᐊᓯᕈᕐᑐᒃᓴᒧᑦ ᓯᐅᓪᕕᕆᒧᓪᓘᓐᓃᑦ ᒎᓗᒧᓪᓘᓐᓃᑦ ᐊᑭᓕᕐᑕᐅᓯᒪᖏᓐᓇᑦᓯ ᒪᑐᒪᓐᖓᑦ ᐃᓅᓯᕐᒥᑦ ᓱᒃᓴᐅᖏᑦᑐᒥᑦ ᓯᕗᓕᑦᓯᓐᓂᑦ ᐃᓅᓯᕐᑖᕆᓯᒪᔭᑦᓯᓐᓂᑦ ᕿᓚᕈᑦᔮᕐᑕᐅᓚᐅᕐᕋᓯ,

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.