ᐃᐱᓯᒥᐅᓄᑦ 4:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑖᑦᓱᒪᓗ ᑐᓂᕐᕈᓯᐊᕐᑎᓚᐅᕐᐰᑦ ᐃᓚᖏᑦ ᐋᐴᓯᑕᓕᓐᖑᕐᑎᓪᓗᒋᑦ, ᐃᓚᖏᑦ ᓇᓚᐅᑦᑍᔪᓐᖑᕐᑎᓪᓗᒋᑦ, ᐃᓚᖏᑦ ᓵᒋᐊᕐᑎᑦᓯᔨᓐᖑᕐᑎᓪᓗᒋᑦ, ᐃᓚᖏᑦ ᐅᒃᐱᕐᑐᓄᑦ ᑕᓯᐅᕐᑎᓐᖑᕐᑎᓚᐅᕐᐰᑦ ᐊᔪᕆᕐᑐᐃᔨᓐᖑᕐᑎᓪᓗᒋᓪᓗ.

ᐃᐱᓯᒥᐅᓄᑦ 4:11 Iomraidhean Croise

ᑯᕉᓂᑲ ᐂᑉᐸᖏᑦ 15:3

ᐃᓴᕆᐊᓕᒥᐅᑦ ᐊᑯᓂᐊᓗᒃ ᒎᑎᒥ ᓱᓕᔪᒦᓚᐅᖏᒻᒪᑕ, ᑐᓂᕐᕈᓯᕐᑎᑦᓯᔨᒥᒡᓗ ᐃᓕᓮᔨᖃᕋᑎᒃ, ᐱᖁᔭᖃᕋᑎᒡᓗ;

ᔨᕆᒤᐊᐅᑉ ᐊᒡᓚᖏᑦ 3:15

ᐰᕐᓯᔨᑖᕐᑎᓐᓂᐊᕐᐸᑦᓯᓗ ᐅᕙᓐᓂᒃ ᓈᓚᑦᓯᐊᕐᑐᓂᒃ, ᑕᓯᐅᕐᓯᖁᓪᓗᒋᑦ ᓯᓚᑐᓗᑎᒃ ᑐᑭᓯᒪᑦᓯᐊᕐᓗᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:1

ᐃᓚᒌᒃᑐᓂ ᐊᓐᑎᐅᑭᐊᒥ ᓇᓚᐅᑦᑍᔪᓂᒃ ᐊᔪᕆᕐᑐᐃᔨᓂᒡᓗ ᐱᑕᖃᓚᐅᕐᐳᖅ, ᐸᕐᓇᐹᓯ, ᓯᒥᐅᓂ ᑍᔭᐅᔪᖅ ᕿᕐᓂᕐᑕᒥᒃ, ᓗᓯᐅᓯᓗ ᓮᕆᓂᒥᐅᖅ, ᒪᓁᓂᓗ ᐊᖓᔪᖅᑳᕐᔪᐊᕐᒥ ᐃᕉᑕᓯᒥ ᐱᕈᕐᓴᓚᐅᕐᑐᖅ, ᓴᐅᓗᓯᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:8

ᖃᐅᑎᓪᓗᒍ ᐊᐅᓪᓚᕋᑦᑕ ᓯᓴᕆᐊᒧᑦ ᑎᑭᑉᐳᒍᑦ; ᑕᕝᕙᓂ ᑐᔪᕐᒥᕗᒍᑦ ᐱᓕᑉᐴᓯᐅᑉ ᓵᒋᐊᕐᑎᑦᓯᔨᐅᑉ ᐃᒡᓗᖓᓂ, ᑖᓐᓇ 7 ᓂᕈᐊᕐᑕᐅᓚᐅᕐᑐᑦ ᐃᓚᖓᑦ ᔨᕉᓴᓕᒻᒥ ᐃᑲᔪᕐᑎᐅᖁᓪᓗᒋᑦ.

ᕉᒪᒥᐅᓄᑦ 12:7

ᓇᓪᓕᐊᑦ ᐱᔨᑦᓯᕐᓂᕐᒥᒃ ᑐᓂᕐᕈᓯᐊᕈᓂ ᐱᔨᑦᓯᕐᓕ; ᐃᓕᓐᓂᐊᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐃᓕᓐᓂᐊᕐᑎᑦᓯᓕ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:4

ᐊᓂᕐᓂᐅᓪᓕ ᑐᓂᕐᕈᑎᖏᑦ ᐊᑦᔨᒌᓐᖏᓚᑦ, ᐊᓂᕐᓂᕐᓕ ᑐᓂᓯᔪᖅ ᑖᓐᓇᑦᓮᓐᓇᐅᕗᖅ;

ᐃᐱᓯᒥᐅᓄᑦ 2:20

ᐃᒡᓗᓕᐊᖑᖃᑕᐅᓕᕐᓗᓯᓗ ᐋᐴᓯᑕᓖᑦ ᓇᓚᐅᑦᑍᔪᓪᓗ ᑐᓐᖓᕕᓕᐊᕆᓚᐅᕐᑕᖓᓐᓄᑦ, ᑐᓐᖓᕕᖕᒧᓪᓕ ᑎᕆᖅᑯᕆᔭᐅᕗᖅ ᑕᕝᕙ ᙭ᔅᑑᓯ ᔩᓱᓯ.

ᐃᐱᓯᒥᐅᓄᑦ 3:5

ᓯᕗᓕᕕᓂᑦᑎᓐᓄᑦ ᑕᒪᓐᓇ ᓇᓗᓇᕐᑎᑕᐅᓚᐅᕐᑐᖅ ᑐᑭᓯᔭᐅᓂᖅ ᐊᔪᕐᓇᕐᑎᑕᐅᓚᐅᕐᐳᖅ ᐃᓅᑎᓪᓗᒋᑦ, ᒫᓐᓇᓕ ᓇᓗᓇᕈᓐᓃᕐᑎᑕᐅᕗᖅ ᐊᐴᓯᑕᓕᖁᑎᖏᓐᓄᑦ ᐃᑦᔪᕐᓁᑦᑐᓄᑦ ᓇᓚᐅᑦᑍᔪᓄᓪᓗ ᐊᓂᕐᓂᒃᑯᑦ.

ᐃᐱᓯᒥᐅᓄᑦ 4:8

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᖁᑦᓯᖕᓂᕐᐹᒧᑦ ᖁᒻᒧᐊᒃᑲᒥ ᑎᒍᔭᐅᓯᒪᔪᑦ ᓇᒃᓴᓚᐅᕐᐰᑦ, ᑐᓂᕐᕈᑎᓂᒡᓗ ᑐᓂᓯᓪᓗᓂ ᐃᓄᖕᓄᑦ.”

ᑎᒧᑎᒧᑦ ᐂᑉᐸᖏᑦ 4:5

ᐃᕝᕕᓪᓕ ᐃᓕᖕᓂᒃ ᐱᓯᒪᑦᓯᐊᕆᐊᖃᕐᐳᑎᑦ, ᐅᖁᒤᑦᑐᓂᒃ ᕿᓄᐃᓵᕈᑎᖃᕐᓗᑎᑦ, ᓵᒋᐊᕐᑎᑦᓯᓂᕐᒥᒃ ᐱᓇᓱᐊᕆᑦ, ᐱᔭᒃᓴᕆᔭᑎᑦ ᐱᓇᓱᐊᑦᓯᐊᕐᓗᒋᑦ.

ᐄᑉᕈᐃᓄᑦ 5:12

ᒫᓐᓇᐅᓕᕐᑐᖅ ᐊᔪᕆᕐᑐᐃᔪᓐᓇᕐᓯᓯᒪᓕᕋᓗᐊᕐᐳᓯ, ᓱᓕᓕ ᐊᔪᕆᕐᑐᕐᑕᐅᔭᕆᐊᖃᕐᐳᓯ ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᕐᑕᐅᓕᓵᕐᑐᓄᑦ ᐊᑐᕐᑕᐅᕙᒃᑐᓂᒃ. ᓱᓕ ᐃᒻᒧᒃᑐᖃᑕᕆᐊᖃᕐᐳᓯ, ᓂᕿᓪᓚᕆᖕᒥᒃ ᓱᓕ ᐊᔪᕋᑦᓯ;

ᔫᑎᐅᑉ ᐊᒡᓚᖏᑦ 1:17

ᐃᖅᑲᐅᒪᔪᒃᓴᐅᕗᓯ ᓇᒡᓕᖕᓇᕐᑐᓯ, ᐅᖃᐅᓯᐅᓯᒪᔪᓂᒃ ᐱᓛᕐᑐᓂᒃ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐋᐴᓯᑕᓕᑯᑎᖏᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:14

ᐃᒡᓗᒐᓴᒡᔪᐊᓪᓗ ᐊᕙᓗᕐᔪᐊᖓ ᑐᓐᖓᕕᖃᕐᐳᖅ 12ᓂᒃ, ᑐᓐᖓᕕᖏᓪᓗ ᑎᑎᕋᕐᓯᒪᒋᕗᑦ ᓄᕐᕋᐅᔭᐅᑉ ᐋᐴᓯᑕᓕᖏᑕ ᐊᑎᖏᓐᓂᒃ 12ᓂᒃ.