ᐃᐱᓯᒥᐅᓄᑦ 4:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑖᓐᓇ ᑕᕝᕙ ᐊᖅᑲᓚᐅᕐᑐᖅ ᑖᓐᓇᑦᓮᓐᓇᐅᒋᕗᖅ ᖁᒻᒧᐊᓚᐅᕐᑐᖅ ᕿᓔᑦ ᐅᖓᑖᓄᑦ ᖁᑦᓯᖕᓂᕐᐹᒧᑦ, ᐃᓘᓐᓇᓕᒫᑎᒃ ᐃᓗᒻᒥᕐᑕᐅᖁᓪᓗᒋᑦ.

ᐃᐱᓯᒥᐅᓄᑦ 4:10 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 24:34

ᓱᓕᔪᒥᒃ ᐅᖃᐅᑎᕙᑦᓯ, ᑕᒪᒃᑯᐊ ᓇᓪᓕᐅᑦᑐᒃᓴᓕᒫᑦ ᓇᓪᓕᐅᑎᔪᒫᕐᐳᑦ ᒫᓐᓇ ᑭᖑᕚᖑᖃᑎᒌᑦ ᒪᑯᐊ ᓄᖑᓚᐅᕐᑎᓐᓇᒋᑦ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 1:16

ᑖᑦᓱᒪ ᐱᑦᑎᐊᕐᓂᖓᑕ ᐱᔪᒃᓇᕐᓯᑎᑎᓂᖓ ᐊᖏᔫᓂᑯᖓᓄᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᑎᑉᐹᑎᒍᑦ ᐱᑦᑎᐊᕐᕕᐅᓂᕐᒧᑦ ᓮᒻᒪᕐᑎᑕᐅᕙᓪᓕᐊᖏᓐᓇᕐᓗᑕᓗ.

ᔪᐊᓇᓯᐅᑉ ᐊᒡᓚᖏᑦ 19:24

ᑕᕝᕙ ᐅᓇᑕᕐᑐᒃᓮᑦ ᐃᒻᒥᖕᓄᑦ ᐅᖃᖃᑦᑕᐅᑎᕗᑦ, “ᑖᓐᓇ ᐊᕕᒍᓐᓁᕐᓚᕗᑦ; ᓇᓚᐅᑦᓵᕐᓗᑕᓕ ᒪᑭᑦᓯᒋᐊᖃᑦᑕᓕᕐᑕ ᓇᓪᓕᐊᑦᑕ ᐱᓂᐊᕐᒪᖔᒍ.” ᑕᒪᓐᓇ ᐊᑐᕐᑕᐅᓚᐅᕐᐳᖅ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐊᓐᓄᕌᒃᑲ ᐃᒻᒥᖕᓄᑦ ᐊᑐᓂᑦ ᐊᒡᒍᓚᐅᕐᐰᑦ, ᐅᓕᒡᔪᐊᕋᓗ ᓇᓚᐅᑦᓵᕈᑎᒋᓚᐅᕐᐹᑦ.” ᑕᕝᕙ ᐅᓇᑕᕐᑐᒃᓮᑦ ᑍᒤᓕᐅᓚᐅᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 19:28

ᔩᓱᓯ ᖃᐅᔨᒪᓕᕋᒥ ᓱᓇᓕᒫᑦ ᐱᔭᕇᕐᒪᑕ, ᐊᒡᓔᑦ ᓇᓚᐅᑦᓯᖁᓪᓗᒋᑦ, ᐅᖃᕐᐳᖅ, “ᖀᓕᕐᐳᖓ.”

ᔪᐊᓇᓯᐅᑉ ᐊᒡᓚᖏᑦ 19:36

ᑕᒪᒃᑯᐊ ᐱᓂᐊᕐᓂᐅᓚᐅᕐᐳᑦ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᑖᑦᓱᒪ ᓴᐅᓂᖏᑦ ᓇᒡᒍᕐᑕᐅᔪᒃᓴᐅᓐᖏᓚᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:11

ᐅᖃᕐᓗᑎᒃ, “ᒐᓕᓕᐊᒥᐅᖑᔪᓯ, ᓲᖅ ᕿᓚᖕᒧᑦ ᐋᕐᓗᖓᕕᓰ? ᑖᓐᓇ ᔩᓱᓯ, ᑕᑯᓐᓇᕐᑕᓯ ᕿᓚᖕᒧᐊᕐᑎᓪᓗᒍ, ᐅᑎᓛᕆᕗᖅ ᑍᒫᑦᓮᓐᓇᖅ ᑕᑯᓐᓇᕋᑖᕋᑦᓯᐅᒃ ᖁᒻᒧᐊᒃᑎᓪᓗᒍ ᕿᓚᖕᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:9

ᑍᒫᒃ ᐅᖃᕇᕋᒥ, ᑖᒃᑯᐊ ᑕᑯᓐᓇᕐᑎᓪᓗᒋᑦ ᖁᒻᒧᐊᒃᑎᑕᐅᓕᕐᐳᖅ ᕿᓚᓕᐊᓕᕐᓗᓂ, ᓄᕗᔭᒧᑦ ᑕᑯᒃᓴᐅᔪᓐᓃᕐᓗᓂ ᑖᒃᑯᓄᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 3:18

ᒎᑎᐅᑉ ᓯᕗᓂᖓᓂ ᐅᖃᐅᓯᕆᓯᒪᖕᒪᒍ ᓇᓚᐅᑦᑍᔪᑎᒍᑦ, ᙭ᔅᑑᓯᖁᑎᓂ ᐋᓐᓂᐊᑎᑕᐅᓂᐊᕐᓂᕋᕐᓗᒍ, ᑍᒤᑎᓚᐅᕐᐹᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:2

ᖃᐅᔨᒪᔭᖃᕐᐳᖓ ᙭ᔅᑑᓯᒥᐅᑕᕐᒥᒃ ᐊᕐᕌᒍᑦ 14 ᓯᕗᓂᖓᓂ ᕿᓔᑦ ᐱᖓᔪᖓᓐᓄᑦ ᐱᑎᑕᐅᓚᐅᕐᑐᒥᒃ, ᑭᓯᐊᓂᓕ ᑎᒥᒥᓃᓚᐅᕐᒪᖔᑦ ᑎᒥᒥᓃᓚᐅᖏᒻᒪᖔᓪᓘᓐᓃᑦ ᖃᐅᔨᒪᓐᖏᓚᖓ, ᒎᑎᓕ ᑭᓯᒥ ᖃᐅᔨᒪᕗᖅ.

ᐃᐱᓯᒥᐅᓄᑦ 3:19

ᖃᐅᔨᖁᓪᓗᓯᓗ ᙭ᔅᑑᓯᐅᑉ ᓇᒡᓕᖕᓂᖓᓂᒃ ᖃᐅᔨᔭᐅᔪᓐᓇᕐᑐᑦ ᐅᖓᑖᓃᑦᑐᒥᒃ, ᐃᓗᒻᒥᕐᑕᐅᖁᓪᓗᓯᓗ ᒎᑎᐅᓂᖓᑕ ᐃᓕᖅᑯᓯᓕᒫᖓᓂᒃ.

ᑯᓘᓯᐊᒥᐅᓄᑦ 1:19

ᑖᑦᓱᒪᓂ ᒎᑎᐅᓂᓂ ᐊᑕᖏᕐᓗᒍ ᖁᕕᐊᒋᓚᐅᕐᐹ ᐃᓂᒋᓗᒍ,

ᑯᓘᓯᐊᒥᐅᓄᑦ 2:9

ᒎᑎᐅᑉ ᐃᓕᖅᑯᓯᖓ ᑕᒪᒃᑭᑦᓯᐊᕐᓗᓂ ᙭ᔅᑑᓯᒦᒻᒪᑦ ᑎᒥᖃᕐᓗᓂ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.

ᐄᑉᕈᐃᓄᑦ 4:14

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕐᔪᐊᖃᕋᑦᑕ ᒎᑎᐅᑉ ᓇᔪᒐᖓᓄᑦ ᐂᓯᒪᔪᒥᒃ ᔩᓱᓯᒥᒃ, ᒎᑎᐅᑉ ᐃᕐᓂᖓᓂᒃ, ᐅᒃᐱᕐᓂᕗᑦ ᑎᒍᒥᐊᑦᓯᐊᕐᓚᕗᑦ.

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.

ᐄᑉᕈᐃᓄᑦ 8:1

ᐅᖃᐅᑎᒋᔭᕗᑦ ᐃᒫᒃ ᑐᑭᖃᕐᐳᑦ: ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᕋᑦᑕ, ᕿᓚᖕᒦᑦᑑᑉ ᐊᖓᔪᖅᑳᕐᔪᐊᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ ᐃᒃᓯᕙᔪᒥᒃ,