ᐃᐱᓯᒥᐅᓄᑦ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑐᒃᓯᐊᕐᐳᖓᓗ ᐅᒃᐱᕐᓂᑯᑦ ᙭ᔅᑑᓯ ᐃᓂᖃᖁᓪᓗᒍ ᐆᒻᒪᑎᑦᓯᓐᓂ; ᑖᑦᓱᒪᓂ ᐊᒫᖃᓕᖁᓪᓗᓯ ᑐᓐᖓᕕᖃᓕᖁᓪᓗᓯᓗ ᓇᒡᓕᖕᓂᕐᒥ,

ᐃᐱᓯᒥᐅᓄᑦ 3:17 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 13:6

ᓯᕿᓂᖅ ᓄᐃᖕᒪᑦ, ᐱᕈᓕᕐᑑᒐᓗᐊᑦ ᐆᑕᐅᕗᑦ; ᐊᒫᖃᖏᓐᓇᒥᒃ ᐊᑯᓂᐅᖏᑦᑐᖅ ᐸᓂᕐᐳᑦ.

ᓘᑲᓯᐅᑉ ᐊᒡᓚᖏᑦ 6:48

ᐃᒫᒃ ᐊᑦᔨᖃᕐᐳᑦ; ᐃᓄᒃ ᐃᒡᓗᓕᐅᕐᑐᖅ; ᓄᓇ ᐃᓗᑐᔪᒥᒃ ᐃᑎᕐᓴᓕᐅᕐᓗᒍ, ᕾᕐᑐᖅ ᑎᑭᓐᓇᒥᐅᒃ ᑐᓐᖓᕕᓕᐊᕆᕚ ᐃᒡᓗᓕᐊᒥᓄᑦ; ᑰᒑᓗᒃ ᖄᒥᓕᕐᒪᑦ, ᐃᒡᓗᒧᓪᓗ ᑰᓕᕐᒪᑦ, ᐃᒡᓗ ᐊᐅᓚᑦᔭᒍᓐᓇᓐᖏᓚᖅ ᑐᖓᕕᖃᑦᓯᐊᕐᒪᑦ,

ᔪᐊᓇᓯᐅᑉ ᐊᒡᓚᖏᑦ 14:17

ᑖᓐᓇᐅᕗᖅ ᐊᓂᕐᓂᖅ ᓱᓕᔪᒥᑦ ᐱᔪᖅ, ᓯᓚᕐᔪᐊᕐᒥᐅᑦ ᐱᔪᓐᓇᓐᖏᑕᖓᑦ, ᑕᑯᔪᓐᓇᖏᓐᓇᒥᑦᔪᒃ ᖃᐅᔨᒪᖏᓐᓇᒥᑦᔪᒡᓗ; ᐃᓕᑦᓯᓕ ᖃᐅᔨᒪᕙᓯ, ᐃᓕᑦᓯᓐᓃᒻᒪᑦ, ᐃᓗᓯᓐᓃᓐᓂᐊᕐᒪᓪᓗ.

ᔪᐊᓇᓯᐅᑉ ᐊᒡᓚᖏᑦ 14:23

ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.

ᔪᐊᓇᓯᐅᑉ ᐊᒡᓚᖏᑦ 17:23

ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᓪᓚᕆᐅᓕᖁᓪᓗᒋᑦ, ᓯᓚᕐᔪᐊᕐᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᕐᑐᑦ.

ᔪᐊᓇᓯᐅᑉ ᐊᒡᓚᖏᑦ 6:56

ᓇᓪᓕᐊᑦ ᑎᒥᓐᓂᒃ ᓂᕆᔪᖅ, ᐊᐅᓐᓂᒡᓗ ᐃᒥᕐᓗᓂ ᑖᓐᓇ ᐅᕙᓐᓃᑉᐳᖅ, ᐅᕙᖓᓗ ᑖᑦᓱᒪᓃᓪᓗᖓ.

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:6

ᐅᕙᖓ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓚᐅᕐᐳᖓ, ᐊᐴᓗᓯ ᐃᒥᕐᒥᒃ ᑯᕕᓯᓚᐅᕐᐳᖅ, ᒎᑎᓕ ᐱᕈᕐᑎᑦᓯᓚᐅᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:1

ᒫᓐᓇᓕ ᓂᖀᑦ ᑐᓂᕐᕈᑕᐅᓯᒪᔪᑦ ᒎᑎᓐᖑᐊᓄᑦ ᐱᑦᔪᑎᒋᓪᓗᒋᑦ. ᖃᐅᔨᒪᕗᒍᑦ ᐅᖃᐅᓯᐅᕙᒃᑐᖅ ᓱᓕᖕᒪᑦ “ᐃᓘᓐᓇᑕ ᖃᐅᔨᒪᑎᑕᐅᓂᕐᒥᒃ ᐱᑎᑕᐅᓯᒪᕗᒍᑦ,” ᐅᓇ “ᖃᐅᔨᒪᑎᑕᐅᓂᖅ,” ᐱᐅᔪᕆᑎᑦᓯᕗᖅ, ᓇᒡᓕᖕᓂᕐᓕ ᐋᖅᑭᒃᓱᐃᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:5

ᐃᓕᑦᓯᓐᓂᒃ ᖃᐅᔨᓴᕆᑦᓯ ᐅᒃᐱᕐᓂᕐᒦᒻᒪᖔᑦᓯ. ᐆᒃᑐᕆᑦᓯ ᐃᓕᑦᓯᓐᓂᒃ; ᖃᐅᔨᒪᓐᖏᓚᓰ ᔩᓱᓯ ᙭ᔅᑑᓯ ᐃᓗᑦᓯᓐᓃᒻᒪᑦ? ᐅᒃᐱᕐᓂᕐᒥ ᓱᓕᖏᒃᑯᑦᓯ ᑭᓯᐊᓂ ᖃᐅᔨᒐᔭᓐᖏᓚᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᒐᓔᑎᐊᒥᐅᓄᑦ 5:6

᙭ᔅᑑᓯ ᔩᓱᓯᒥ ᑭᐱᓯᒪᓂᖅ ᑭᐱᓯᒪᖏᓐᓂᕐᓗ ᐊᑐᖏᒻᒪᑎᒃ, ᐅᒃᐱᕐᓂᒃᑯᓪᓕ ᐱᓇᓱᐊᕐᓂᖅ ᓇᒡᓕᖕᓂᒃᑯᑦ ᐊᑐᕐᑐᑑᕗᖅ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑯᓘᓯᐊᒥᐅᓄᑦ 2:7

ᐊᒫᖃᑦᓯᐊᓕᕆᑦᓯ ᑖᑦᓱᒪᓂ, ᐃᓅᓯᓯᓗ ᑖᑦᓱᒪᓂ ᐋᖅᑭᒃᓱᓕᕐᓯᐅᒃ, ᐅᒃᐱᕐᓂᑦᓯ ᓴᓐᖏᒃᑎᑉᐸᓪᓕᐊᑎᓪᓗᒍ ᑖᑦᓱᒪᓂ, ᑍᒫᒃ ᐃᓕᓐᓂᐊᕐᑎᑕᐅᓚᐅᕋᑦᓯ, ᐊᖏᔪᒥᒡᓗ ᖁᔭᓕᓂᖃᓕᕆᑦᓯ.

ᔪᐊᓇᓯ ᓯᕗᓪᓖᑦ 4:16

ᒎᑎᐅᓪᓗ ᓇᒡᓕᖕᓂᖓ ᐅᕙᑦᑎᓐᓄᑦ ᓇᖕᒥᓂᖅ ᖃᐅᔨᒪᓪᓗᒍ ᐅᒃᐱᕆᕙᕗᑦ. ᒎᑎ ᓇᒡᓕᖕᓂᐅᖕᒪᑦ, ᓇᒡᓕᖕᓂᕐᒦᑦᑐᕐᓗ ᒎᑎᒦᑉᐳᖅ, ᒎᑎᓗ ᑖᑦᓱᒪᓃᓪᓗᓂ.

ᔪᐊᓇᓯ ᓯᕗᓪᓖᑦ 4:4

ᕿᑐᕐᖔᑯᓗᒃᑲ, ᒎᑎᒧᑦ ᐱᒋᔭᐅᕗᓯ, ᑖᒃᑯᓂᖓᓗ ᓵᓚᖃᕐᐳᓯ; ᑖᓐᓇ ᐃᓗᑦᓯᓐᓃᑦᑐᖅ ᐱᔪᓐᓇᕐᓂᕐᓴᐅᖕᒪᑦ ᓯᓚᕐᔪᐊᕐᒥᑦᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:20

ᑕᑯᒋᑦ, ᒪᑐᒦᑉᐳᖓ ᑎᒡᓗᒃᑐᕐᓗᖓᓗ, ᓂᐱᓐᓂᒃ ᑐᓴᕐᑐᖃᕐᐸᑦ ᒪᑐᐃᕈᑦᔭᐅᒍᒪ, ᑕᑦᓱᒧᖓ ᐃᑎᕐᓂᐊᕐᐳᖓ ᓂᕆᖃᑎᒋᓂᐊᕐᐸᕋ, ᑖᑦᓱᒪᓗ ᓂᕆᖃᑎᒋᓗᓂᖓ.