ᐃᐱᓯᒥᐅᓄᑦ 3:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᒡᓗᒥᐅᖃᑎᒌᓂ ᐃᓚᒌᒃᑐᓂᒃ ᑍᔭᐅᔪᓕᒫᑦ ᕿᓚᖕᒦᑦᑐᑦ ᓄᓇᒦᑦᑐᓪᓗ ᐊᑎᖃᕐᕕᒋᔭᖓᓐᓄᑦ.

ᐃᐱᓯᒥᐅᓄᑦ 3:15 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 33:16

ᑍᒃᑯᓇᓂ ᐅᓪᓗᓂ ᔫᑕᒥᐅᑦ ᐱᐅᓕᔭᐅᔪᒫᕐᐳᑦ, ᔨᕉᓴᓕᒥᐅᓪᓗ ᐃᓕᒪᓱᖏᓪᓗᑎᒃ ᐃᓅᔪᒫᕐᐳᑦ ᑍᔭᐅᔪᒫᕐᐳᓪᓗ ‘ᐊᑕᓂᖅ ᐃᓱᐊᕐᓯᑦᔪᑎᒋᕙᕗᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 11:26

ᓇᓂᒐᒥᐅᒃ, ᐊᓐᑎᐅᑭᐊᒧᐊᕈᑎᕚ. ᑖᒃᑯᐊᒃ ᐊᕐᕌᒍᓕᒫᖅ ᓈᓪᓗᒍ ᐅᒃᐱᕐᑑᖃᑎᒌᓂᑦ ᑲᑎᒪᖃᑎᖃᖃᑦᑕᓚᐅᕐᐴᒃ, ᐅᓄᕐᑐᒻᒪᕆᐊᓗᖕᓂᒃ ᐃᓕᓐᓂᐊᕐᑎᑦᓯᕘᒃ; ᐊᓐᑎᐅᑭᐊᒥ ᐅᒃᐱᕐᑐᑦ ᑍᔭᐅᓕᓚᐅᕐᐳᑦ ᓯᕗᓪᓕᕐᐹᒥᒃ ᙭ᔅᑑᓯᒥᐅᓂᒃ.

ᐃᐱᓯᒥᐅᓄᑦ 1:10

ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.

ᐃᐱᓯᒥᐅᓄᑦ 1:21

ᑕᕝᕙᓂ ᙭ᔅᑑᓯ ᐊᐅᓚᑦᓯᑎᑉᐹ ᕿᓚᖕᒥᐅᑦ ᐊᐅᓚᑦᓯᔨᖏᓐᓂᑦ ᑕᒤᓐᓂᑦ ᐊᔪᖏᓐᓂᕐᓴᕐᔪᐊᖑᑎᓪᓗᒍ, ᐱᔪᓐᓇᕐᑎᑕᐅᔪᓂᑦ, ᐱᔪᓐᓇᕐᓂᕐᓂᑦ, ᐊᑕᓂᐅᓂᓪᓗ; ᐊᖓᔪᖅᑲᐅᓂᖓᑕᓗ ᑍᔭᐅᑦᔪᑎᖓ ᐊᖏᓂᕐᐸᐅᕗᖅ ᓯᓚᕐᔪᐊᕐᒥ ᐊᖓᔪᖅᑲᐅᕙᒃᑐᓕᒫᓂᑦ ᑕᒤᓐᓂᑦ, ᐱᔪᒫᕐᑐᒥᓗᑦᑕᐅᖅ.

ᐃᐱᓯᒥᐅᓄᑦ 3:14

ᑕᒪᓐᓇ ᐱᑦᔪᑎᒋᓪᓗᒍ ᐊᑖᑕᐅᑉ ᓵᖓᓂ ᓰᖅᑯᕐᐳᖓ,

ᐃᐱᓯᒥᐅᓄᑦ 3:16

ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,

ᑯᓘᓯᐊᒥᐅᓄᑦ 1:20

ᑖᑦᓱᒨᓇᓗ ᓱᓇᓕᒫᑦᓯᐊᑦ ᐃᒻᒥᓄᑦ ᐅᑎᕐᑎᓚᐅᕐᐰᑦ, ᓄᓇᒦᑦᑐᑦ ᕿᓚᖕᒦᑦᑐᓪᓗ, ᓮᒻᒪᕐᑎᓚᐅᕐᐰᑦ ᓴᓐᓂᖓᔪᓕᖕᒥ ᐊᐅᖓᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:17

“‘ᓯᐅᑎᖃᕐᑑᑉ ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᑐᓂᓯᕕᒋᓂᐊᕐᐸᒃᑲ ᓂᕿᒃᓴᒥᒃ ᒫᓇᒥᒃ ᐃᔨᕐᓯᒪᔪᒥᒃ, ᑐᓂᓯᕕᒋᓗᒋᓪᓗ ᐅᔭᕋᖕᒥᒃ ᖃᑯᕐᑕᒥᒃ, ᑕᕝᕙᓂ ᐊᑎᖏᑦ ᓄᑖᑦ ᑎᑎᕋᕐᓯᒪᓂᐊᕐᐳᑦ ᐊᓯᖏᓐᓄᑦ ᖃᐅᔨᒪᔭᐅᖏᑦᑐᑦ ᑐᓂᓯᕕᐅᔫᑉ ᑭᓯᒥ ᖃᐅᔨᒪᓂᐊᕐᐰᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.