ᐃᐱᓯᒥᐅᓄᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᐃᐱᓯᒥᐅᓄᑦ 2:3 Iomraidhean Croise

ᒨᓯᓯ ᓯᕗᓪᓖᑦ 5:3

ᐋᑕᒥᓕ ᐊᕐᕌᒍᖃᓕᕐᓗᓂ 130ᓂᒃ, ᐃᕐᓂᖃᓚᐅᕐᐳᖅ ᐃᒻᒥᑐᑦ ᑕᐅᑦᑐᓕᖕᒥᒃ, ᑖᓐᓇᓗ ᐊᑎᖃᕐᑎᖕᐹ ᓰᑎᒥᒃ.

ᒨᓯᓯ ᓯᕗᓪᓖᑦ 6:5

ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᔫᐱᐅᑉ ᐊᒡᓚᖏᑦ 14:4

ᑭᓇ ᓴᓗᒪᔪᒥᒃ ᓴᖅᑭᑎᑦᓯᔪᓐᓇᕐᐹ ᓴᓗᒪᖏᑦᑐᒥᑦ? ᐃᓄᓕᒫᑦ ᐃᑦᔪᕐᓁᑦᑐᖃᖏᒻᒪᑕ.

ᔫᐱᐅᑉ ᐊᒡᓚᖏᑦ 25:4

ᖃᓄᕐᓕ ᐃᓄᒃ ᒎᑎᐅᑉ ᓵᖓᓂ ᐃᓱᐊᕐᓂᕋᕐᑕᐅᔪᓐᓇᕐᐹ? ᖃᓄᕐᓗ ᐊᕐᓇᒧᑦ ᐃᕐᓂᐊᖑᓯᒪᔪᖅ ᐃᑦᔪᕐᓁᑦᑑᔪᓐᓇᕐᐹ?

ᐃᓐᖏᕈᑎᑦ 51:5

ᓱᓕᔪᒥᒃ ᐊᔪᕐᑐᓕᓂᕐᒥ ᐃᕐᓂᐊᖑᓚᐅᕐᐳᖓ, ᐊᔪᕐᓂᕐᒥᓗ ᐊᓈᓇᒪ ᓇᑦᔨᐊᕆᓕᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᒫᑯᓯᐅᑉ ᐊᒡᓚᖏᑦ 4:19

ᐃᓅᓯᐅᑉ ᑕᒪᑐᒪ ᐃᓱᒪᔮᕐᓇᕐᓂᖓᓄᑦ, ᐊᔪᕐᓴᖏᑦᑐᒪᓂᕐᒧᓪᓗ, ᐊᓯᖏᓐᓄᓪᓗ ᐱᔪᒪᕕᒃᔪᐊᕐᓂᕐᓄᑦ ᑎᑭᕝᕕᐅᓕᕋᒥᒃ ᐅᖃᐅᓰᑦ ᐃᐱᑎᑕᐅᕗᑦ ᑕᒪᒃᑯᓄᖓ, ᐱᕈᕐᕕᐅᔪᓐᓇᕐᓯᓇᑎᒃ.

ᔪᐊᓇᓯᐅᑉ ᐊᒡᓚᖏᑦ 1:13

ᑖᒃᑯᐊ ᐃᕐᓂᐊᖑᕗᑦ, ᐊᖑᒻᒥᑦ ᐱᓇᑎᒃ ᑎᒥᐅᓪᓘᓐᓃᑦ ᐱᔪᒪᔭᖓᓂᑦ, ᐃᓅᓪᓗ ᐱᔪᒪᔭᖓᓂᑦ ᐱᖕᒥᓇᑎᒃ, ᒎᑎᒥᓪᓕ ᐃᕐᓂᐊᖑᕗᑦ.

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᐋᐴᓯᑕᓖᑦ ᐱᓂᐊᕐᓂᖏᑦ 14:16

ᓯᕗᓂᑦᑎᓐᓂ ᒎᑎᐅᑉ ᐃᓄᓕᒫᑦ ᐃᓱᒪᕐᓱᕐᑎᓚᐅᕐᐰᑦ ᐱᔪᒪᔭᖏᓐᓄᑦ;

ᕉᒪᒥᐅᓄᑦ 1:24

ᑍᒤᒻᒪᑦ ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᓕᓂᕐᓄᑦ ᐃᓗᒥᖕᓂᑦ ᐱᔪᒪᓂᕆᔭᖏᓐᓄᑦ, ᑎᒥᒥᖕᓂᒡᓗ ᐃᒻᒥᖕᓄᑦ ᐅᐱᓐᓇᕐᕈᓐᓃᑎᑦᓯᓂᕐᒧᑦ.

ᕉᒪᒥᐅᓄᑦ 11:30

ᐃᓕᑦᓯᑦᑕᐅᖅ ᒎᑎᒥᒃ ᓈᓚᖏᑦᑑᓚᐅᕋᑦᓯ ᒫᓐᓇᓕ ᓂᑲᒋᔭᐅᓚᕿᕗᓯ ᑍᒃᑯᐊ ᓈᓚᖏᓐᓂᖏᓐᓄᑦ,

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᕉᒪᒥᐅᓄᑦ 2:14

ᔫᑎᐅᖏᑦᑐᑦ ᐱᖁᔭᖃᖏᒃᑲᓗᐊᕐᓗᑎᒃ ᐃᓕᖅᑯᓯᕐᒥᒃᑎᒍᑦ ᐱᖁᔭᑦ ᐊᑐᖁᔭᖏᓐᓂᒃ ᐊᑐᓲᖑᒋᕗᑦ, ᐱᖁᔭᖃᕐᒪᑕ ᐃᓕᖅᑯᓯᕐᒥᒃᑎᒍᑦ, ᐱᖁᔭᓂᒃ ᐱᓯᒪᖏᒃᑲᓗᐊᕐᓗᑎᒃ.

ᕉᒪᒥᐅᓄᑦ 5:10

ᒎᑎᒥᒃ ᐊᑭᕋᕐᑐᕐᑎᐅᓚᐅᕐᑐᒍᑦ ᒫᓐᓇ ᒎᑎᒥᒃ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᓕᕐᐳᒍᑦ ᐃᕐᓂᖓᑕ ᑐᖁᖓᒍᑦ, ᐊᖏᓂᕐᓴᒥᒡᓕ ᒫᓐᓇ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᔪᒍᑦ ᐱᐅᓕᔭᐅᔪᒫᓕᕐᐳᒍᑦ ᑖᑦᓱᒪ ᐃᓅᓯᖓᒍᑦ.

ᕉᒪᒥᐅᓄᑦ 5:9

ᑍᒤᒻᒪᓪᓕ, ᒫᓐᓇ ᐸᓯᔭᒃᓴᐅᔪᓐᓃᕐᑎᑕᐅᕗᒍᑦ ᑖᑦᓱᒪ ᐊᐅᖓᓄᑦ, ᐊᖏᓂᕐᓴᒥᒡᓗ ᑖᑦᓱᒨᓇ ᐱᐅᓕᔭᐅᔪᒫᕐᐳᒍᑦ ᒎᑎᐅᑉ ᓂᓐᖓᐅᓯᖓᓂᑦ.

ᕉᒪᒥᐅᓄᑦ 6:12

ᑍᒤᒻᒪᑦ ᐊᔪᕐᓂᖅ ᐊᐅᓚᑦᓯᔨᐅᔪᓐᓃᕐᓕ ᑎᒥᑦᓯᓐᓂ ᑐᖁᔪᒃᓴᒥ, ᑎᒥᑦᓯ ᐱᔪᒪᕕᒡᔪᐊᕐᓂᖏᑦ ᓈᓚᒍᓐᓁᕐᓯᒋᒃ.

ᕉᒪᒥᐅᓄᑦ 7:18

ᖃᐅᔨᒪᕗᖓ ᐱᐅᔪᒥᒃ ᐃᓗᓐᓃᑦᑐᖃᖏᒻᒪᑦ, ᑕᕝᕙ ᑎᒥᓐᓂ. ᓈᒻᒪᒃᑐᒥᒃ ᐱᔪᒪᓂᖃᕋᓗᐊᕐᐳᖓ, ᑭᓯᐊᓂᓕ ᐱᔪᓐᓇᓐᖏᓚᕋ.

ᕉᒪᒥᐅᓄᑦ 9:22

ᒎᑎᐅᑉ ᓂᓐᖓᖕᓂᓂ ᑕᑯᔭᐅᖁᒐᒥᐅᒃ ᐱᔪᓐᓇᕐᓂᓂᓗ ᖃᐅᔨᔭᐅᖁᒐᒥᐅᒃ, ᐃᓗᓕᖅᑯᑎᓕᐊᖑᓯᒪᔪᑦ ᐊᑯᓂ ᕿᓄᐃᓵᕈᑎᒋᕔᑦ ᓂᓐᖓᖕᓂᖓᓄᑦ ᐊᓯᕈᕐᑕᐅᔪᒃᓴᐅᓪᓗᑎᒃ ᓴᓇᔭᐅᓯᒪᔪᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:7

ᑭᐊ ᐃᓅᖃᑎᖕᓂᑦ ᐊᔪᖏᓐᓂᕐᓴᐅᑎᑉᐹᑏᑦ? ᓱᓇᒥᒡᓕ ᐱᓯᒪᕕᑦ ᑐᓂᕐᕈᓯᐊᕆᓐᖏᑕᕐᓂᒃ? ᑐᓂᓯᕕᐅᓯᒪᒍᕕᑦ, ᓱᖕᒪᓪᓕ ᐃᓕᖕᓂᒃ ᓂᕐᑐᕐᐲᑦ? ᐱᓯᒪᔧᑦ ᑐᓂᕐᕈᓯᐊᕆᓯᒪᓐᖏᑕᕐᑐᑦ ᐱᓕᕐᓗᒎ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᒐᓔᑎᐊᒥᐅᓄᑦ 3:22

ᐊᒡᓔᑦ ᓇᓗᓁᕐᓯᕗᑦ, ᐃᓘᓐᓇᑎᒃ ᐊᔪᕐᓂᕐᒧᑦ ᐱᑎᑕᐅᓯᒪᓂᖏᓐᓂᒃ, ᑍᒤᒻᒪᑦ ᐊᖏᕈᑕᐅᓯᒪᔪᖅ ᑐᓐᖓᕕᖃᕐᑐᖅ ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ ᑐᓂᔭᐅᔪᓐᓇᖁᓪᓗᒍ ᐅᒃᐱᕐᑐᓄᑦ.

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᐃᐱᓯᒥᐅᓄᑦ 4:22

ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᕐᓯᐅᒃ ᐃᓕᖅᑯᓯᕐᓘᑎᐅᕙᓚᐅᕐᑐᑦ ᐊᓚᕐᓗᒋᑦ, ᐃᒃᓯᒎᕐᓂᕐᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᓇᕐᑐᒧᑦ.

ᑯᓘᓯᐊᒥᐅᓄᑦ 1:21

ᐃᓕᑦᓯᓗ, ᐅᖓᓯᒃᑐᒦᓚᐅᕐᑐᓯ ᐊᑭᕋᕐᑐᕐᑎᐅᓪᓗᓯᓗ ᑖᑦᓱᒧᖓ ᐃᓱᒪᑦᓯᒍᑦ ᐊᔪᕐᑐᓕᓂᑦᓯᓐᓄᓪᓗ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:13

᙭ᔅᑑᓯᒥᐅᑕᐅᖃᑎᒃᑲ, ᖃᐅᔨᒪᖏᑦᑑᖁᓐᖏᓚᑦᓯ ᓯᓂᓕᕐᓯᒪᔪᓂᒃ, ᕿᒃᓵᒍᑎᖃᓗᐊᖁᓇᓯ ᐊᓯᑦᓯᑐᑦ ᓂᕆᐅᒋᔭᒃᓴᖃᖏᑦᑐᑎᑐᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:6

ᑍᒤᒻᒪᑦ ᓯᓂᒃᑐᒃᓴᐅᓐᖏᓚᒍᑦ ᐊᓯᑦᑎᑐᑦ; ᐃᖅᑯᒪᔪᒃᓴᐅᕗᒍᓪᓕ ᐃᒃᐱᒍᓱᑦᓯᐊᕐᓗᑕᓗ.

ᑎᒧᑎᒧᑦ ᓯᕗᓪᓖᑦ 6:9

ᐊᒃᓗᐃᑦᑐᒪᔪᓪᓕ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᐅᑎᓂᐊᕐᐳᑦ, ᓂᒐᕐᑎᑕᐅᓗᑎᒃ, ᓯᓔᓐᓂᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐃᒃᖠᒎᕐᓂᕐᓄᓪᓗ ᐊᔪᓕᕐᓇᕐᑐᓄᑦ ᑕᒪᓐᓇ ᑕᕝᕙ ᐃᓄᖕᓂᒃ ᑲᑕᒃᑎᑦᓯᕙᒃᑐᖅ ᐊᓯᕈᕐᑕᐅᑎᑦᓯᕙᒡᓗᓂᓗ.

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᐲᑦᑐᕉᓯ ᓯᕗᓪᓖᑦ 1:14

ᕿᑐᕐᖓᑎᑐᑦ ᓈᓚᑦᓯᐊᖃᑦᑕᕆᑦᓯ, ᐃᓅᓯᓯᓗ ᐱᐅᖏᑦᑐᓄᑦ ᐊᐅᓚᑕᐅᓕᕐᑎᑦᑍᓕᓗᒍ ᓲᕐᓗ ᑍᑦᓱᒪᓂᑐᑦ ᖃᐅᔨᒪᖏᑦᑑᓚᐅᕈᓯᑦᓯᑐᑦ,

ᐲᑦᑐᕉᓯ ᐂᑉᐸᖏᑦ 2:14

ᐊᓯᓐᓂᐊᕈᒪᓂᕐᒥᒃ ᑕᑯᓐᓇᒐᑐᐊᖃᕐᐳᑦ, ᐊᔪᕐᑐᓕᔪᒪᓂᖏᓪᓗ ᓈᒻᒪᒃᓯᔪᓐᓇᓐᖏᓚᑦ. ᓴᓐᖐᑦᑐᓂᒃ ᑕᓯᐅᕐᓯᕙᒃᐳᑦ ᐊᔪᓕᕐᕕᒋᓂᐊᕐᑕᖏᓐᓄᑦ. ᐆᒻᒪᑎᖏᑦ ᐱᔪᒪᕕᒡᔪᐊᕐᓂᕐᒥᒃ ᐃᓕᓐᓂᐊᕐᓯᒪᕗᑦ. ᑖᒃᑯᐊ ᒎᑎᐅᑉ ᓂᓐᖓᐅᓯᖓᓃᓕᕇᕐᐳᑦ!

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᔪᐊᓇᓯ ᓯᕗᓪᓖᑦ 2:16

ᒪᑯᐊ ᑕᕝᕙ ᓯᓚᕐᔪᐊᕐᒦᑦᑐᑦ, ᑎᒥᐅᑉ ᐃᒃᖠᒎᕐᓂᖏᑦ ᑕᑯᔭᒃᑯᑦ ᐱᔪᒪᔭᖃᓗᐊᕐᓃᑦ ᐃᓅᓯᒃᑯᓪᓗ ᐊᔪᖏᓐᓇᓱᒋᓗᐊᕐᓃᑦ, ᑕᒪᒃᑯᐊ ᐊᑖᑕᒥᑦ ᐱᓐᖏᓚᑦ ᓯᓚᕐᔪᐊᕐᒥᓪᓕ ᐱᕗᑦ.

ᔪᐊᓇᓯ ᓯᕗᓪᓖᑦ 2:8

ᑍᒤᒻᒪᑦ ᐱᖁᔭᒥᒃ ᓄᑖᒥᒃ ᑎᑎᕋᕐᕕᒋᓕᕐᐸᑦᓯ, ᓱᓕᓂᖓ ᓴᖅᑭᑎᑕᐅᖕᒪᑦ ᙭ᔅᑑᓯᒥ ᐃᓕᑦᓯᓐᓂᓗᑦᑕᐅᖅ, ᑖᕐᑐᕐᔪᐊᖅ ᐊᓂᒍᕐᒪᑦ ᖃᐅᒪᔪᕐᓗ ᓱᓕᔪᖅ ᖃᐅᒪᑎᑦᓯᓕᕇᕐᐳᖅ.