ᐃᐱᓯᒥᐅᓄᑦ 2:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᐃᐱᓯᒥᐅᓄᑦ 2:10 Iomraidhean Croise

ᐃᓐᖏᕈᑎᑦ 100:3

ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.

ᐃᓐᖏᕈᑎᑦ 119:3

ᐱᐅᖏᑦᑐᓕᓂᕐᒥᒃ ᐊᑐᖏᑦᑐᑦ, ᑖᑦᓱᒪᓕ ᐊᑐᕐᑕᐅᖁᔭᖏᓐᓂᒃ ᒪᓕᒃᑐᑦ.

ᐃᓐᖏᕈᑎᑦ 138:8

ᐊᑕᓂᐅᑉ ᓈᒻᒪᒃᓯᑎᑦᓯᐊᕐᓂᐊᕐᐰᑦ ᐅᕙᓐᓄᑦ ᑐᕌᖓᑎᑕᓂ; ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᑕᓃᖅ, ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ. ᐊᒡᒐᒃᐱᑦ ᐱᒋᐊᓕᓚᐅᕐᑕᖏᑦ ᓄᖅᑲᐅᑎᑦᑍᓕᒃᑭᑦ.

ᐃᓐᖏᕈᑎᑦ 51:10

ᐆᒻᒪᑎᒥᒃ ᓴᓗᒪᔪᒥᒃ ᓴᓇᓚᐅᕆᑦ ᐃᓗᓐᓂ, ᒎᑏ, ᓄᑖᓐᖑᕐᑎᓪᓗᒍᓗ ᐊᓂᕐᓂᕋ ᓈᓚᒎᕐᑐᖅ ᐃᓗᓐᓂ.

ᐃᓐᖏᕈᑎᑦ 81:13

ᐃᓄᖁᑎᒃᑲ ᐅᕙᓐᓂᒃ ᓈᓚᒍᒪᒐᔭᕐᐸᑕ, ᐃᓴᕆᐊᓕᑎᓪᓗ ᐊᑐᕐᑕᐅᖁᔭᓐᓂᒃ ᐃᓅᔪᒪᒐᔭᕐᐸᑕ!

ᐂᓮᐊᓯᐅᑉ ᐊᒡᓚᖏᑦ 19:25

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᓮᒻᒪᕐᑎᓪᓗᒋᑦ ᐅᖃᕈᒫᕐᐳᖅ, “ᓮᒻᒪᕐᑎᑕᐅᒋᑦᓯ ᐃᓄᖁᑎᒃᑲ ᐄᑦᔨᑉᑎᒥᐅᑦ, ᐃᓕᑦᓯᓗ ᐊᓯᕆᐊᒥᐅᑦ ᐱᓐᖑᕐᑎᓚᐅᕐᑕᒃᑲ, ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓪᓗᓯ ᐃᓄᖁᑎᒋᔭᒃᑲ.”

ᐂᓮᐊᓯᐅᑉ ᐊᒡᓚᖏᑦ 29:23

ᑭᖑᕚᒥᖕᓂᒃ ᑕᑯᓕᕈᑎᒃ, ᐊᒡᒐᓐᓄᑦ ᓴᓇᓚᐅᕐᑕᓐᓂᒃ, ᐊᑯᓐᓂᕐᒥᖕᓂ ᐊᑎᕋ ᐃᑦᔪᕐᓁᑎᑦᓱᒫᕐᐹᑦ; ᔧᑰᑉ ᐃᑦᔪᕐᓁᑦᑐᖁᑎᖓ ᐃᑦᔪᕐᓁᑎᑦᓱᒫᕐᐹᑦ, ᑕᑕᒥᓐᓂᐊᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 43:21

ᑖᒃᑯᐊ ᐃᓄᖁᑎᓕᐊᕆᓚᐅᕋᒃᑭᑦ ᐅᕙᓐᓄᑐᐊᖅ ᐱᒋᔭᐅᖁᓪᓗᒋᑦ; ᑖᒃᑯᐊᓗ ᓂᕐᑐᕐᓇᕐᓂᕋ ᐅᖃᐅᓯᕆᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 43:7

ᑕᒪᕐᒥᒃ ᐊᑎᒃᑯᑦ ᕾᖁᔭᐅᓯᒪᔪᑦ, ᐱᓐᖑᕐᑎᓚᐅᕐᑕᒃᑲ ᓂᕐᑐᕐᑕᐅᑦᔪᑎᒃᓴᓐᓄᑦ; ᐋᖅᑭᒃᓱᓚᐅᕋᒃᑭᑦ, ᐃᓄᓕᐊᕆᓪᓗᒋᓪᓗ.”

ᐂᓮᐊᓯᐅᑉ ᐊᒡᓚᖏᑦ 44:21

“ᔧᑰ ᑕᒪᒃᑯᐊ ᐃᖅᑲᐅᒪᒃᑭᑦ, ᐃᓴᕆᐊᓪ ᐱᔨᒋᒐᒃᑭᑦ; ᐱᓐᖑᕐᑎᓚᐅᕋᒃᑭᑦ ᐱᔨᒋᕙᒋᑦ; ᐄᓱᕆᐅᓪ ᐅᕙᓐᓄᑦ ᐳᐃᒍᕐᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 31:33

ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᔪᐊᓇᓯᐅᑉ ᐊᒡᓚᖏᑦ 3:21

ᓱᓕᔪᒥᒡᓕ ᐱᓂᐊᕐᓂᖃᕐᑐᖅ ᖃᐅᒪᔪᒧᐊᕐᐳᖅ, ᐱᓂᐊᕐᓂᖏᑦ ᓴᖅᑭᑎᑕᐅᑦᓯᐊᖁᓪᓗᒋᑦ ᖃᐅᒪᔪᒧᑦ ᒎᑎᒥᑦ ᐱᓯᒪᖕᒪᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:31

ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:36

ᔮᐸᒥ ᐃᓕᓐᓂᐊᕐᑎᑕᖃᓚᐅᕐᐳᖅ ᑕᐱᓴᒥᒃ ᐊᑎᓕᖕᒥᒃ, ᒍᕇᑭᑎᑐᑦ ᑍᔭᐅᔪᒥᒃ ᑑᑲᓯᒥᒃ, ᑖᓐᓇ ᐱᓂᐊᕐᓂᖃᑦᓯᐊᓚᐅᕐᐳᖅ ᐃᑲᔪᑦᓯᐊᕐᐸᒡᓗᓂᓗ ᐊᔪᕐᓴᕐᑐᓄᑦ.

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᕉᒪᒥᐅᓄᑦ 8:29

ᓯᕗᓂᖓᒍᑦ ᓂᕈᐊᕐᓯᒪᔭᓂ ᒎᑎᐅᑉ ᕾᖁᓯᒪᖕᒪᒋᑦᑕᐅᖅ ᐃᕐᓂᕐᒥᓄᑦ ᐊᑦᔨᒋᔭᐅᓕᖁᓪᓗᒋᑦ, ᑖᓐᓇ ᐊᖓᔪᒃᖠᕐᐹᖑᖁᓪᓗᒍ ᐅᒃᐱᕐᑑᖃᑎᒌᑦ ᐊᒥᓱᑦ ᐊᑯᕐᖓᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:9

ᒎᑎᐅᑉ ᐱᓇᓱᐊᖃᑎᒌᒃᑎᒻᒪᑎᒍᑦ; ᒎᑎᐅᑉ ᐱᕈᕐᓰᕕᖁᑎᒋᕚᓯ, ᒎᑎᐅᑉ ᐃᒡᓗᖁᑎᒋᕚᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:17

ᑍᒤᒻᒪᑦ, ᙭ᔅᑑᓯᒧᐊᕐᑐᖃᕐᐸᑦ, ᑖᓐᓇ ᓄᑖᓐᖑᕐᑎᑕᐅᕗᖅ; ᐃᓅᓯᑐᖃᖓ ᐲᕐᑕᐅᕗᖅ, ᑕᑯᒋᑦ, ᓄᑖᖅ ᐱᒋᐊᓕᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:5

ᐅᕙᑦᑎᓐᓂᒡᓕ ᐅᐸᓗᖕᒊᔧᓯᒪᔪᖅ ᑕᒪᑐᒥᖓ ᑕᕝᕙ ᒎᑎ, ᑖᑦᓱᒪ ᐊᓂᕐᓂᕐᒥᒃ ᑐᓂᓯᕕᒋᓯᒪᕚᑎᒍᑦ ᓇᓗᓁᒃᑯᑕᒃᓴᑦᑎᓐᓂᒃ ᖁᓚᕐᓁᕈᑎᒃᓴᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:8

ᒎᑎᐅᓪᓗ ᑐᓂᓯᕕᒋᔪᓐᓇᕐᐹᓯ ᓮᒻᒪᕐᑎᑕᐅᓂᕐᓂᒃ ᐊᒥᒐᖏᑦᑐᓂᒃ, ᑕᒤᓐᓂᒃ ᓈᒻᒪᒃᑐᓂᒃ ᓱᓇᑐᐃᓐᓇᕐᓂᒃ ᐱᑕᕾᓐᓇᖁᓪᓗᓯ ᑐᓂᓯᔪᓐᓇᖁᓪᓗᓯᓗ ᓈᒻᒪᒃᑐᓂᒃ ᐱᐅᔪᒧᑦ ᐱᓇᓱᐊᕈᑎᒃᓴᐅᔪᓂᒃ.

ᒐᓔᑎᐊᒥᐅᓄᑦ 6:15

ᑭᐱᓯᒪᒐᓗᐊᕐᐸᑕ ᑭᐱᓯᒪᖏᒃᑲᓗᐊᕐᐸᑕᓘᓐᓃᑦ ᐊᑐᓐᖏᓚᖅ; ᓄᑖᓐᖑᕐᑎᑕᐅᓂᕐᓕ ᐊᑐᕐᑐᑑᕗᖅ.

ᐃᐱᓯᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ; ᐃᑦᔪᕐᓁᑎᑕᐅᓯᒪᔪᓄᑦ ᐃᐱᓲᓯᒥᐅᓄᑦ, ᐅᒃᐱᕐᓂᖃᑦᓯᐊᕐᑐᓄᑦ ᔩᓱᓯ ᙭ᔅᑑᓯᒥ:

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐃᐱᓯᒥᐅᓄᑦ 2:13

ᒫᓐᓇᓕ ᐃᓕᑦᓯ ᙭ᔅᑑᓯ ᔩᓱᓯᒦᑦᑐᓯ ᓯᕗᕐᖓᒍᑦ ᐅᖓᓯᒃᑐᒦᓚᐅᕐᑐᓯ ᖃᓂᒡᓕᑎᑕᐅᓯᒪᕗᓯ ᙭ᔅᑑᓯᐅᑉ ᐊᐅᖓᓄᑦ.

ᐃᐱᓯᒥᐅᓄᑦ 2:15

ᔫᑎᓪᓗ ᐱᖁᔭᖏᑦ ᐊᕕᓯᒪᑎᑦᓯᔪᑦ ᐊᑐᕈᓐᓃᕐᑎᓚᐅᕐᐰᑦ, ᑖᒃᑯᐊ ᒪᕐᕈᐃᓕᖓᔪᑦ ᐊᑕᐅᓯᓐᖑᕐᑎᑕᐅᖁᓪᓗᒋᑦ ᐃᒻᒥᒍᑦ ᓄᑖᓐᖑᕐᑎᑕᐅᓗᑎᒃ, ᐃᓅᖃᑎᒌᑦᓯᐊᓕᕐᑎᓪᓗᒋᓪᓗ.

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᐃᐱᓯᒥᐅᓄᑦ 2:6

ᐃᓚᒋᓪᓗᒍᓗ ᒪᑭᑎᓚᐅᕐᐹᑎᒍᑦ, ᕿᓚᖕᒥ ᐃᒃᓯᕙᖃᑕᐅᖁᓪᓗᑕ ᔩᓱᓯ ᙭ᔅᑑᓯᒧᑦ.

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᐃᐱᓯᒥᐅᓄᑦ 4:24

ᐃᓅᓯᖅ ᓄᑖᖅ ᐊᑎᓕᕐᓯᐅᒃ, ᐱᓐᖑᕐᑎᑕᐅᓯᒪᔪᖅ ᒎᑎᒧᑦ ᐊᑦᔨᐅᖁᓪᓗᒍ ᓴᖅᑭᑎᑦᓯᓗᓂᓗ ᐃᓅᓯᕐᒥᒃ ᓱᓕᔪᒥᒃ ᐋᖅᑭᑦᓯᐊᕐᓯᒪᔪᒥᒃ ᐃᑦᔪᕐᓁᑦᑐᒥᒡᓗ.

ᒨᓯᓯ ᑕᓪᓕᒪᖏᑦ 32:6

ᑍᒫᒃ ᐊᑕᓂᖅ ᐊᑭᓂᐊᕐᕕᒋᕕᓯᐅᒃ? ᓯᓔᑦᑑᔪᓯ ᑐᑭᖃᖏᑦᑐᓯᓗ ᐃᓅᔪᓯ. ᑖᓐᓇ ᐊᑖᑕᒋᓐᖏᓚᓯᐅᒃ? ᑖᑦᓱᒪ ᓴᓇᓚᐅᓐᖏᓛᓰ? ᑖᑦᓱᒪ ᐱᓐᖑᕐᑎᓚᐅᓐᖏᓛᓰ ᐃᓂᑖᕐᑎᓪᓗᓯᓗ?

ᒨᓯᓯ ᑕᓪᓕᒪᖏᑦ 5:33

ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”

ᐱᓕᐱᒥᐅᓄᑦ 1:6

ᖁᓚᖏᑦᓯᐊᕐᐳᖓᓗ, ᒎᑎ ᑖᓐᓇ ᐃᓗᑦᓯᓐᓂ ᐱᐅᔪᒥᒃ ᐱᒋᐊᕐᑎᑦᓯᓯᒪᔪᖅ, ᑲᔪᓯᑎᑦᓯᓂᐊᕐᒪᑦ ᐱᔭᕇᕐᕕᒃᓴᒧᑦ ᔩᓱᓯ ᙭ᔅᑑᓯᐅᑉ ᐅᓪᓗᖓ ᑎᑭᓪᓗᒍ.

ᐱᓕᐱᒥᐅᓄᑦ 2:13

ᒎᑎ ᐱᓇᓱᐊᕐᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑯᓘᓯᐊᒥᐅᓄᑦ 3:10

ᐃᓅᓯᕐᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᕐᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᕐᑎᑦᓯᔨᓂ ᐊᑦᔨᒋᓗᒍ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:17

ᑖᑦᓱᒪ ᓮᒻᒪᕐᑎᓪᓕᓯ ᐆᒻᒪᑎᑦᓯᒍᑦ ᐱᐅᔪᒥᒡᓗ ᐱᓂᐊᕐᓂᖃᕈᓐᓇᕐᓯᑎᓪᓕᓯ ᐅᖃᕈᓐᓇᕐᓯᑎᓪᓗᓯᓗ.

ᑎᒧᑎᒧᑦ ᓯᕗᓪᓖᑦ 2:10

ᐱᐅᔪᒥᒃ ᐱᓇᓱᐊᕐᓗᑎᒃ, ᐊᕐᓇᑎᑐᑦ ᓈᒻᒪᒃᑐᒥᒃ ᐱᓇᓱᐊᕐᓗᑎᒃ ᒎᑎᒥᒃ ᐅᐱᒋᔭᖃᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 5:10

ᐱᓇᓱᐊᑦᓯᐊᖃᑦᑕᕐᓯᒪᓗᓂ ᐅᖃᐅᓯᐅᑦᓯᐊᖃᑦᑕᓗᓂ; ᕿᑐᕐᖓᒥᓂᒃ ᐱᕈᕐᓮᑦᓯᐊᕐᓯᒪᓗᓂ, ᑐᓐᖓᒋᔭᐅᓗᓂ, ᐃᑦᔪᕐᓁᑦᑐᓪᓗ ᐃᑎᒐᖏᓐᓂᒃ ᐅᐊᓴᖃᑦᑕᕐᓗᓂ, ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓗᓂ, ᐱᐅᔪᒥᒡᓗ ᐱᓇᓱᐊᖃᑦᑕᕐᓗᓂ ᓱᓇᓕᒫᓂᒃ.

ᑎᒧᑎᒧᑦ ᓯᕗᓪᓖᑦ 5:25

ᑍᒫᒃᑕᐅᖅ ᐱᓇᓱᐊᕐᓂᐅᕙᒃᑐᑦ ᓇᓗᓇᖏᒻᒥᒪᑕ; ᐃᓚᖏᑦ ᐱᓇᓱᐊᕐᓂᐅᕙᒃᑐᑦ ᑕᑯᒃᓴᐅᓗᐊᓐᖏᑦᑑᒐᓗᐊᑦ ᓇᓗᓇᕈᓐᓃᓂᐊᕐᒥᔪᑦ.

ᑎᒧᑎᒧᑦ ᓯᕗᓪᓖᑦ 6:18

ᐱᐅᔪᒥᒃ ᐱᓇᓱᐊᖁᒃᑭᑦ, ᐱᓇᓱᐊᑦᓯᐊᕐᓂᒃᑯᑦ ᐊᔪᕐᓴᓐᖏᑦᑑᖁᓪᓗᒋᑦ, ᐊᓐᓂᕈᓱᖁᓇᒋᑦ ᐱᒋᔭᒥᖕᓂᒃ ᐃᑲᔪᖁᓪᓗᒋᓪᓗ ᐃᓅᖃᑎᒥᖕᓄᑦ.

ᑎᒧᑎᒧᑦ ᐂᑉᐸᖏᑦ 2:21

ᐱᐅᖏᓐᓇᕐᑐᓂᒃ ᐊᑐᕐᑍᓕᔪᖃᕈᓐᓇᕐᐸᑦ ᑖᓐᓇ ᐊᑐᒐᒃᓴᓐᖑᕐᑎᑕᐅᓂᐊᕐᐳᖅ ᓇᓪᓕᐅᓐᓂᕐᓯᐅᕐᑐᓂ, ᓴᓂᕐᕙᒃᑕᐅᓯᒪᓂᐊᕐᐳᕐᓗ ᐊᖓᔪᖅᑳᒥᓄᑦ ᐱᓪᓚᕆᖕᒧᑦ ᐊᑐᒐᒃᓴᐅᖁᓪᓗᒍ, ᐊᑐᐃᓐᓇᐅᓗᓂ ᓱᓇᑐᐃᓐᓇᕐᓄᑦ ᐱᐅᔪᓄᑦ ᐊᑐᕐᑐᒃᓴᐅᓗᓂ.

ᑎᒧᑎᒧᑦ ᐂᑉᐸᖏᑦ 3:17

ᒎᑎᐅᑉ ᐃᓄᖁᑎᖓ ᓈᒻᒪᒃᓯᑦᓯᐊᖁᓪᓗᒍ, ᐱᓇᓱᐊᕈᓐᓇᕐᓯᖁᓪᓗᒍᓗ ᐱᐅᔪᓂᒃ ᐱᓇᓱᐊᕐᓂᓕᒫᓂᒃ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᑍᑑᓯᒧᑦ 2:7

ᐃᕝᕕᓪᓕ ᓇᖕᒥᓂᖅ ᑖᒃᑯᓄᖓᓕᒫᖅ ᒪᓕᒐᒃᓴᑦᓯᐊᖑᔪᒃᓴᐅᕗᑎᑦ ᐃᓅᑦᓯᐊᕐᓂᒃᑯᑦ, ᐊᔪᕆᕐᑐᐃᓕᕌᖓᕕᑦ ᓱᓕᑦᓯᐊᕐᓗᑎᑦ ᐱᓪᓚᕆᒃᑐᒥᒃ ᐊᔪᕆᕐᑐᐃᖃᑦᑕᕐᓗᑎᑦ,

ᑍᑑᓯᒧᑦ 3:1

ᐃᖅᑬᑎᒃᑭᑦ ᐊᐅᓚᑦᓯᔨᓂᒃ ᐊᖓᔪᖅᑳᓂᒡᓗ ᓈᓚᑦᓯᐊᖁᓗᒋᑦ, ᐃᒻᒥᖕᓂᒃ ᑐᓂᓯᒪᑦᓯᐊᕐᓗᑎᒃ ᑖᒃᑯᓄᖓ, ᐱᓇᓱᐊᑦᓯᐊᕈᒪᓂᕐᒥᒡᓗ ᖃᖓᓕᒫᒃᑯᑦ ᐊᑐᐃᓐᓇᐅᑦᓯᐊᖁᓪᓗᒋᑦ.

ᑍᑑᓯᒧᑦ 3:14

ᐃᓅᖃᑎᕗᑦ ᐱᓂᐊᑦᓯᐊᕈᓐᓇᕐᓂᕐᒥᒃ ᐃᓕᓐᓂᐊᕈᓐᓇᖁᓪᓗᒋᑦ, ᐃᑲᔪᕐᑕᐅᔭᕆᐊᖃᓪᓚᕆᒃᑐᓂᒃ ᐃᑲᔪᕈᓐᓇᕐᓯᖁᓪᓗᒋᑦ, ᐊᑑᑎᖃᖏᑦᑐᒥᒡᓗ ᐃᓅᓯᖃᖁᓇᒋᑦ.

ᑍᑑᓯᒧᑦ 3:8

ᑕᒪᑦᔭ ᐅᖃᐅᓯᖅ ᓱᓕᔪᖅ. ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᕐᑐᐃᖁᕙᒋᑦ, ᒎᑎᒧᑦ ᐅᒃᐱᕐᑐᑦ ᐱᓇᓱᐊᑦᓯᐊᕈᒪᓂᕐᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᓂᓕᒫᒥᒍᑦ; ᑍᒤᓕᐅᕐᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᓇᕐᑑᓪᓗᑎᒡᓗ ᐃᓄᓕᒫᓄᑦ.

ᐄᑉᕈᐃᓄᑦ 10:24

ᐅᕙᑦᑎᓐᓄᓪᓗ ᑲᒪᒋᑦᓯᐊᖃᑦᑕᐅᑎᓚᐅᕐᑕ ᐃᑲᔪᖃᑦᑕᐅᑎᓗᑕᓗ ᓇᒡᓕᖕᓂᑦᑎᓐᓂᒃ ᓴᖅᑭᑎᑦᓯᖃᑦᑕᐅᑎᓗᑕ ᐱᐅᔪᒥᒡᓗ ᐱᓇᓱᐊᑦᓯᐊᕐᓗᑕ.

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 2:6

ᓇᓪᓕᐊᑦ ᑖᑦᓱᒪᓃᓂᕋᕐᑐᖅ ᐃᓅᔪᒃᓴᐅᕗᖅ ᑖᑦᓱᒪ ᐃᓕᖅᑯᓯᕆᓚᐅᕐᑕᖓᑐᑦ.