1 ᐃᓕᑦᓯᑦᑕᐅᖅ ᐅᒃᐱᕐᓂᕐᒥ ᑐᖁᖓᓚᐅᕐᐳᓯ, ᐱᐅᖏᑦᑐᓕᓂᕐᒧᑦ ᐊᔪᕐᑐᓕᓂᕐᒧᓪᓗ.
ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.
ᔩᓱᓯᐅᑉ ᑭᐅᕚ, “ᒪᓕᓐᖓ, ᑐᖁᖓᔪᑦ ᑐᖁᔨᐊᒥᖕᓂᒃ ᓇᖕᒥᓂᖅ ᐃᓗᕕᕐᓯᓚᐅᕐᓕᑦ.”
ᐅᓇ ᐃᕐᓂᕋ ᑐᖁᖓᓚᐅᕐᑐᖅ ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᓇᓂᔭᐅᖕᒪᑦ.’ ᑕᕝᕙ ᖁᕕᐊᓱᖃᑎᒌᓕᕐᐳᑦ.
ᒫᓐᓇ ᐊᑲᐅᓈᑦᓯᐊᕐᒪᑦ ᖁᕕᐊᓱᖃᑎᒌᒡᓗᑕ ᓯᕆᓗᑕᓗ, ᓄᑬᑦ ᑐᖁᖓᓚᐅᕐᑐᖅ, ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᒫᓐᓇ ᓇᓂᔭᐅᖕᒥᖕᒪᑦ.’”
ᑎᒡᓕᒃᑎ ᕾᕙᒃᐳᖅ ᑎᒡᓕᒐᕆᐊᕐᑐᕈᒪᓪᓗᓂ ᑐᖁᕅᔪᒪᓪᓗᓂᓗ; ᐅᕙᖓᓕ ᑎᑭᑉᐳᖓ, ᐃᓅᓯᕐᒥᒡᓗ ᐊᔪᕐᓴᕐᓇᖏᑦᑐᒥᒃ ᐱᖃᓕᖁᓪᓗᖏᑦ.
ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.
ᓲᕐᓗᑦᑕᐅᖅ ᐊᑖᑕᐅᑉ ᑐᖁᖓᔪᑦ ᒪᑭᑎᒻᒪᒋᑦ ᐆᒻᒪᕐᑎᓪᓗᒋᓪᓗ, ᑍᒫᒃᑕᐅᖅ ᐃᕐᓂᖅ ᐆᒻᒪᕐᑎᑦᓯᕗᖅ ᐆᒻᒪᕐᑎᑦᓱᒪᔭᒥᓂᒃ.
ᓱᓕᔪᒥᒃ ᐅᖃᐅᑎᕙᑦᓯ, ᐃᑲᕐᕋᖅ ᓇᓪᓕᐅᑎᓂᐊᕐᓯᒪᔪᖅ ᓇᓪᓕᐅᑎᔭᕇᕐᐳᖅ, ᑐᖁᖓᔪᑦ ᒎᑎᐅᑉ ᐃᕐᓂᖓᑕ ᓂᐱᖓᓂᒃ ᑐᓴᕐᕕᖓᑦ, ᑐᓴᕐᑐᑦ ᑖᒃᑯᐊ ᐃᓅᓂᐊᕐᐳᑦ.
᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.
ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ.
᙭ᔅᑑᓯᐅᑉ ᓇᒡᓕᖕᓂᖓᑕ ᐊᐅᓚᒻᒪᑎᒍᑦ, ᐅᒃᐱᕈᓱᒃᑲᑦᑕ ᐃᒫᒃ ᐊᑕᐅᓯᖅ ᑐᖁᓚᐅᕐᒪ ᐃᓄᓕᒫᑦ ᐱᓪᓗᒋᑦ; ᑍᒤᒻᒪᑦ ᐃᓄᓕᒫᑦ ᑖᑦᓱᒧᖓ ᑐᖁᖃᑕᐅᕗᑦ.
ᑐᑭᓯᓯᒪᓂᕐᒥᖕᓂᒃ ᑖᕐᓯᑎᑦᓯᓯᒪᕗᑦ, ᐃᓅᓯᕐᒧᓪᓗ ᒎᑎᐅᑉ ᑐᓂᓯᒪᔭᖓᓄᑦ ᐃᓚᒋᔭᐅᓐᖏᓚᑦ ᓇᓗᓂᕐᒧᑦ ᐃᓗᒥᐅᑕᒥᖕᓄᑦ, ᐆᒻᒪᑎᖏᑕ ᓯᑎᓂᖏᓐᓄᑦ;
ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”
ᒪᑐᒪ ᓯᕗᓂᖓᒍᑦ ᐅᒃᐱᕐᓂᑦᓯᒍᑦ ᑐᖁᖓᓚᐅᕐᑐᓯ ᐊᔪᕐᓂᑦᓯᓐᓄᑦ ᑭᐱᔭᐅᓯᒪᖏᓐᓂᑦᓯᓐᓄᓪᓗ, ᒎᑎᐅᓪᓕ ᐃᓅᓯᕐᑖᕐᑎᓚᐅᕐᐹᓯ ᙭ᔅᑑᓯᒃᑯᑦ, ᐃᓱᒪᒋᔪᓐᓁᕐᕕᒋᓪᓗᑕᓗ ᐊᔪᕐᑐᓕᓂᑦᑎᓐᓂᑦ ᑕᒤᓐᓂᑦ.
ᐅᐃᒡᒐᕐᓂᕐᓕ ᖁᕕᐊᒋᔭᑐᐃᓐᓇᕐᒥᓂᒃ ᐊᑐᕈᒪᔪᖅ ᐆᒪᒐᓗᐊᕐᓗᓂ ᑐᖁᖓᕗᖅ.
ᖃᐅᔨᒪᕗᒍᑦ ᑐᖁᒥᑦ ᓄᒃᑎᕐᓯᒪᒐᑦᑕ ᐃᓅᓯᕐᒧᑦ, ᐅᒃᐱᕐᑑᖃᑎᕗᑦ ᓇᒡᓕᒋᒐᑦᑎᒋᒃ. ᓇᓪᓕᐊᑦ ᓇᒡᓕᒍᓱᖏᑦᑐᖅ ᑖᓐᓇ ᓱᓕ ᑐᖁᒦᑉᐳᖅ.
“ᓵᕐᑏᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ, ᒎᑎᐅᑉ ᐊᓂᕐᓂᖏᓐᓂᒃ 7ᓂᒃ ᐱᖃᕐᑐᒥᑦ ᐅᓪᓗᕆᐊᓂᒡᓗ 7ᓂᒃ ᐱᖃᕐᑐᒥᑦ. ᐱᓂᐊᕐᓂᑎᑦ ᖃᐅᔨᒪᕙᒃᑲ; ᐅᒃᐱᕐᓂᒃᑯᑦ ᐆᒪᓂᕋᕐᑕᐅᒐᕕᑦ, ᑐᖁᖓᒐᓗᐊᕐᑎᓪᓗᑎᑦ.
