ᐃᐱᓯᒥᐅᓄᑦ 1:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐅᒃᐱᕐᑑᖃᑎᒌᑦ ᑎᒥᒋᖕᒪᒋᑦ, ᑖᑦᓱᒪᓗ ᐊᑕᖏᐅᒪᑦᓯᐊᕐᓂᖓᑕ ᐃᓗᒻᒥᕐᑎᑉᐰᑦ ᑕᒪᕐᒥᒃ ᓱᓇᓕᒫᑦ ᑕᒤᓐᓂ.

ᐃᐱᓯᒥᐅᓄᑦ 1:23 Iomraidhean Croise

ᔪᐊᓇᓯᐅᑉ ᐊᒡᓚᖏᑦ 1:16

ᑖᑦᓱᒪ ᐱᑦᑎᐊᕐᓂᖓᑕ ᐱᔪᒃᓇᕐᓯᑎᑎᓂᖓ ᐊᖏᔫᓂᑯᖓᓄᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᑎᑉᐹᑎᒍᑦ ᐱᑦᑎᐊᕐᕕᐅᓂᕐᒧᑦ ᓮᒻᒪᕐᑎᑕᐅᕙᓪᓕᐊᖏᓐᓇᕐᓗᑕᓗ.

ᕉᒪᒥᐅᓄᑦ 13:5

ᑍᒤᒻᒪᑦ ᓈᓚᒃᑐᒃᓴᐅᕗᓯ ᐊᐅᓚᑦᓯᔨᐅᔪᓂᒃ, ᐊᑭᓂᐊᕐᑕᐅᓂᖅ ᐱᑦᔪᑎᒋᑐᐃᓐᓇᕐᓇᒍ, ᐃᓱᒪᔮᕈᑎᒃᓴᖃᖏᓐᓂᕐᓴᐅᖁᓪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:6

ᐱᓇᓱᐊᕐᓃᓪᓗ ᐊᑦᔨᒌᓐᖏᓚᑦ, ᒎᑎᓕ ᑖᓐᓇᑦᓮᓐᓇᐅᕗᖅ ᐱᔪᓐᓇᕐᓂᕐᑖᑎᑦᓯᔪᖅ ᐃᓘᓐᓇᖏᓐᓂᒃ ᐊᑐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:28

ᒎᑎ ᑍᒫᒃ ᐱᑎᑦᓯᒍᓂ, ᑕᕝᕙ ᐃᕐᓂᖅ ᒎᑎᐅᑉ ᐊᑖᓄᑦ ᓇᖕᒥᓂᖅ ᐱᑎᓐᓂᐊᕆᕗᖅ, ᑖᑦᓱᒪ ᐊᑖᓄᑦ ᐱᑎᑦᓯᓯᒪᔪᒧᑦ, ᒎᑎ ᓱᓇᓕᒫᓄᑦ ᐊᐅᓚᑦᓯᔨᐅᓕᖁᓪᓗᒍ.

ᐃᐱᓯᒥᐅᓄᑦ 2:16

ᑐᖁᓂᕐᒥᒍᓪᓗ ᓴᓐᓂᖓᔪᓕᖕᒥ ᐊᑭᕋᕇᖕᓂᖅ ᓄᖑᑎᓚᐅᕐᐹ; ᓴᓐᓂᖓᔪᓕᒃᑯᓪᓗ ᐊᑕᐅᓯᓐᖑᕐᑎᓚᐅᕐᐹᑎᒍᑦ ᑎᒥᒥ ᐃᓅᖃᑎᒌᓕᕐᑎᓪᓗᑕᓗ ᒎᑎᒧᑦ ᐅᑎᕐᑎᓪᓗᑕ.

ᐃᐱᓯᒥᐅᓄᑦ 3:10

ᒫᓐᓇᐅᓕᕐᑐᒃᑯᑦ ᐅᒃᐱᕐᑑᖃᑎᒌᑎᒍᑦ, ᒎᑎᐅᑉ ᓱᓇᑐᐃᓐᓇᓕᒫᑎᒍᑦ ᓯᓚᑐᓂᕐᔪᐊᖓ ᖃᐅᔨᔭᐅᔪᓐᓇᕐᓯᖁᓪᓗᒍ ᐊᐅᓚᑦᑎᔨᐅᕙᒃᑐᓄᑦ ᐱᔪᓐᓇᕐᓂᖃᕐᑐᓄᓪᓗ ᕿᓚᖕᒥᐅᓄᑦ.

ᐃᐱᓯᒥᐅᓄᑦ 3:19

ᖃᐅᔨᖁᓪᓗᓯᓗ ᙭ᔅᑑᓯᐅᑉ ᓇᒡᓕᖕᓂᖓᓂᒃ ᖃᐅᔨᔭᐅᔪᓐᓇᕐᑐᑦ ᐅᖓᑖᓃᑦᑐᒥᒃ, ᐃᓗᒻᒥᕐᑕᐅᖁᓪᓗᓯᓗ ᒎᑎᐅᓂᖓᑕ ᐃᓕᖅᑯᓯᓕᒫᖓᓂᒃ.

ᐃᐱᓯᒥᐅᓄᑦ 4:10

ᑖᓐᓇ ᑕᕝᕙ ᐊᖅᑲᓚᐅᕐᑐᖅ ᑖᓐᓇᑦᓮᓐᓇᐅᒋᕗᖅ ᖁᒻᒧᐊᓚᐅᕐᑐᖅ ᕿᓔᑦ ᐅᖓᑖᓄᑦ ᖁᑦᓯᖕᓂᕐᐹᒧᑦ, ᐃᓘᓐᓇᓕᒫᑎᒃ ᐃᓗᒻᒥᕐᑕᐅᖁᓪᓗᒋᑦ.

ᐃᐱᓯᒥᐅᓄᑦ 4:12

ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ.

ᐃᐱᓯᒥᐅᓄᑦ 4:13

ᑕᒪᑦᑕ ᑎᑭᐅᑎᓚᐅᖏᓐᓂᑦᑎᓐᓂ ᐅᒃᐱᕐᓂᑯᑦ ᐊᑕᐅᓯᐅᓕᖅᑲᖓᔪᒧᑦ ᖃᐅᔨᓂᕐᒧᓪᓗ ᒎᑎᐅᑉ ᐃᕐᓂᖓᓂᒃ, ᐅᒃᐱᕐᓂᕐᒥ ᐱᕈᕇᑦᓯᐊᕐᓂᕐᒧᑦ ᑎᑭᐅᑎᖁᓪᓗᑕ, ᙭ᔅᑑᓯᐅᑉ ᐃᓅᓯᖓᑕ ᓱᓇᒥᑦᓯᐊᕐᓂᖓ ᐊᒡᓛᑦ ᓇᓪᓕᕈᓐᓇᕐᓯᓗᒍ;

ᐃᐱᓯᒥᐅᓄᑦ 4:4

ᑎᒥ ᐊᑕᐅᓯᐅᖕᒪᑦ ᐊᓂᕐᓂᕐᓗ ᐊᑕᐅᓯᐅᓪᓗᓂ, ᓲᕐᓗᑦᑕᐅᖅ ᕾᖁᔭᐅᓯᒪᒐᑦᓯ ᒎᑎᒧᑦ ᓂᕆᐅᒋᔭᒃᓴᖃᖁᓪᓗᓯ ᐊᑕᐅᓯᕐᒥᒃ,

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᑯᓘᓯᐊᒥᐅᓄᑦ 2:19

ᑖᒃᑯᐊ ᓂᐊᖁᕐᒥᒃ ᓴᒃᑯᐃᓯᒪᕗᑦ, ᑕᕝᕙᓐᖓᑦ ᑎᒥᓕᒫᖅ ᓂᕆᑎᑕᐅᖕᒪᑦ ᑲᑎᓐᖓᑎᑕᐅᓪᓗᓂᓗ ᓇᒡᒍᐊᓄᑦ ᓄᑭᖕᓄᓪᓗ, ᐱᕈᕐᐸᓪᓕᐊᕗᕐᓗ ᒎᑎᐅᑉ ᐱᕈᕐᐸᓪᓕᐊᕕᐅᖁᔭᖓᓄᑦ.

ᑯᓘᓯᐊᒥᐅᓄᑦ 3:11

ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.

ᑯᓘᓯᐊᒥᐅᓄᑦ 3:15

᙭ᔅᑑᓯᐅᑉ ᓮᒻᒪᕐᑎᑦᓯᓂᖓᑕ ᐆᒻᒪᑎᓯ ᐊᐅᓚᓪᓕᒋᑦ, ᕾᖁᔭᐅᓯᒪᒐᑦᓯ ᑎᒥᐅᖁᓪᓗᓯ ᐊᑕᐅᓯᕐᒥ. ᑕᒪᓐᓇᓗ ᖁᔭᓕᑦᔪᑎᒋᓯᐅᒃ.