ᐃᐱᓯᒥᐅᓄᑦ 1:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᒪᓐᓇᓗ ᐱᔪᓐᓇᕐᓂᕐᔪᐊᓂ ᐊᑐᕐᓗᓂᐅᒃ ᙭ᔅᑑᓯ ᒪᑭᑎᓚᐅᕐᐹ ᑐᖁᖓᔪᓂᑦ ᑕᓕᕐᐱᖕᒥᓂᓗ ᐃᖏᑎᓚᐅᕐᐹ ᕿᓚᖕᒥ.

ᐃᐱᓯᒥᐅᓄᑦ 1:20 Iomraidhean Croise

ᐃᓐᖏᕈᑎᑦ 110:1

ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.”

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”

ᒫᑎᐅᓯᐅᑉ ᐊᒡᓚᖏᑦ 26:64

ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕐᐳᑎᑦ. ᑕᒪᑦᓯᓕ ᐅᖃᐅᑎᕙᑦᓯ, ᑕᒪᑐᒪ ᑭᖑᕐᖓᓂ ᐃᓅᑉ ᐃᕐᓂᖓ ᑕᑯᔪᒫᕐᐸᓯ ᐱᔪᓐᓇᕐᓂᐅᑉ ᑕᓕᕐᐱᐊᓂ ᐃᒃᓯᕙᔪᖅ, ᕿᓚᐅᓪᓗ ᓄᕗᔭᖏᑎᒍᑦ ᑎᑭᓕᕐᑎᓪᓗᒍ.”

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᒫᑯᓯᐅᑉ ᐊᒡᓚᖏᑦ 14:62

ᔩᓱᓯᐅᑉ ᑭᐅᕚ, “ᐅᕙᖓᐅᕗᖓ; ᑕᒪᑦᓯ ᑕᑯᔪᒫᕐᐳᓯ ᐃᓅᑉ ᐃᕐᓂᖓ ᐊᔪᒐᖃᖏᑦᑑᑉ ᑕᓕᕐᐱᐊᓂ ᐃᒃᓯᕙᑎᓪᓗᒍ, ᕿᓚᖕᒥᓪᓗ ᐊᖅᑲᓕᕐᑎᓪᓗᒍ ᓄᕗᔭᑎᒍᑦ!”

ᒫᑯᓯᐅᑉ ᐊᒡᓚᖏᑦ 16:19

ᑕᕝᕙ ᐊᑕᓂᖅ ᔩᓱᓯ, ᑖᒃᑯᓄᖓ ᐅᖃᓪᓚᒌᕋᒥ, ᕿᓚᓕᐊᕐᑎᑕᐅᕗᖅ, ᒎᑎᐅᑉ ᑕᓕᕐᐱᐊᓄᑦ ᐃᖏᑦᓴᕐᑐᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 10:18

ᐃᓅᓯᓐᓂᒃ ᐊᕐᓵᕐᑕᐅᔪᓐᓇᓐᖏᓚᖓ ᑭᓇᒧᓪᓘᓐᓃᑦ, ᓇᖕᒥᓂᕐᓕ ᐃᓱᒪᕐᓱᕐᓗᖓ ᑐᓂᕐᕈᑎᒋᕙᕋ. ᐱᔪᓐᓇᕐᓂᖃᕐᐳᖓ ᑐᓂᕐᕈᑎᒋᓗᒍ, ᐱᔪᓐᓇᕐᓂᖃᕆᕗᖓᓗ ᐊᒻᒪ ᐅᑎᕐᑎᓪᓗᒍ; ᑕᒪᑐᒥᖓ ᑍᒫᒃ ᐊᑖᑕᒪ ᐱᖁᓚᐅᕐᐹᖓ ᐱᓇᓱᐊᖁᓪᓗᖓ.”

ᔪᐊᓇᓯᐅᑉ ᐊᒡᓚᖏᑦ 10:30

ᐅᕙᖓᓗ ᐊᑖᑕᓗ ᐊᑕᐅᓯᐅᕗᒍᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:40

ᒎᑎᐅᓪᓕ ᒪᑭᑎᓚᐅᕐᐹ ᐅᓪᓗᑦ ᐱᖓᔪᐊᓐᓂ ᑕᑯᔭᐅᑎᓪᓗᒍᓗ;

ᐋᐴᓯᑕᓖᑦ ᐱᓂᐊᕐᓂᖏᑦ 26:8

ᓱᖕᒪᓪᓕ ᐃᓕᑦᓯ ᐅᕙᓃᑦᑐᓯ ᐅᒃᐱᕆᔪᓐᓇᓐᖏᓚᓯᐅᒃ ᒎᑎᐅᑉ ᑐᖁᖓᔪᓂᒃ ᐆᒻᒪᕐᑎᑦᓯᔪᓐᓇᕐᓂᖓ?

ᐋᐴᓯᑕᓖᑦ ᐱᓂᐊᕐᓂᖏᑦ 4:10

ᖃᐅᔨᒪᓕᕆᑦᓯ ᑕᒪᑦᓯ ᐃᓴᕆᐊᓕᒥᐅᓕᒫᓪᓗ, ᐅᓇ ᓵᑦᓯᓐᓃᑦᑐᖅ; ᔩᓱᓯ ᙭ᔅᑑᓯ ᓈᓴᕇᑎᒥᐅᑉ ᐱᔪᓐᓇᕐᓂᖓᒍᑦ; ᑖᑦᓱᒪ ᑭᑭᐊᒃᑐᓚᐅᕐᑕᑦᓯ, ᒎᑎᐅᓪᓕ ᑐᖁᒥᑦ ᒪᑭᑎᓚᐅᕐᑕᖓᑕ ᐋᖅᑭᓚᐅᕐᐹ; ᒫᓐᓇ ᓵᑦᓯᓐᓂ ᓇᖏᓕᕐᐳᖅ ᖃᓄᐃᖏᑦᓯᐊᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᕉᒪᒥᐅᓄᑦ 1:4

ᐃᑦᔪᕐᓁᑦᑐᒥᒃ ᐃᓅᓯᖃᕐᓂᕐᒥᒍᑦ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᑕᐅᓚᐅᕐᐳᖅ ᐱᔪᓐᓇᕐᓂᕐᔪᐊᒃᑯᑦ ᒪᑭᓚᐅᕐᓂᕐᒥᒍᑦ ᑐᖁᒥᑦ, ᑖᓐᓇᐅᕗᖅ ᔩᓱᓯ ᙭ᔅᑑᓯ ᐊᑕᓂᕗᑦ.

ᕉᒪᒥᐅᓄᑦ 8:34

ᑭᓇ ᐃᒋᑕᒃᓴᓐᖑᕐᑎᑦᓯᔪᓐᓇᕐᐹ ᑕᑯᒋᑦ ᙭ᔅᑑᓯ ᔩᓱᓯᐅᑉ, ᑐᖁᓚᐅᕐᑑᑉ, ᑐᖁᒥᓪᓗ ᒪᑭᓚᐅᕐᑑᑉ, ᒎᑎᐅᓪᓗ ᑕᓕᕐᐱᐊᓃᑦᑑᑉ, ᑖᑦᓱᒪ ᑕᕝᕙ ᑐᒃᓯᐅᑎᖃᑦᑕᕐᐹᑎᒍᑦ.

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᐱᓕᐱᒥᐅᓄᑦ 3:10

᙭ᔅᑑᓯ ᖃᐅᔨᑦᓯᐊᕈᒪᕙᕋ ᒪᑭᓐᓂᖓᑕ ᐱᔪᓐᓇᕐᓂᖓ, ᐊᒃᓱᕈᕐᑎᑕᐅᓂᖓᓗ ᐃᓚᖏᐅᑎᕕᒋᔪᒪᕙᕋ, ᑐᖁᓂᖓᓗ ᐊᑦᔨᒋᔪᒪᓪᓗᒍ,

ᑯᓘᓯᐊᒥᐅᓄᑦ 1:16

ᑖᑦᓱᒨᓇ ᐱᓐᖑᕐᑎᑕᐅᓯᒪᕗᑦ ᓱᓇᓕᒫᑦᓯᐊᑦ ᕿᓚᖕᒥ ᓄᓇᒥᓗ, ᑕᑯᒃᓴᐅᔪᑦ ᑕᑯᒃᓴᐅᖏᑦᑐᓪᓗ, ᐊᑕᓂᐅᕖᑦ ᐱᔪᓐᓇᕐᓃᑦ ᐊᖓᔪᖅᑲᐅᓃᑦ ᐊᐅᓚᑦᓯᔩᓪᓗ; ᑖᑦᓱᒨᓇ ᐱᓐᖑᕐᑎᑕᐅᓯᒪᕗᑦ ᑖᑦᓱᒧᖓᓗ.

ᑯᓘᓯᐊᒥᐅᓄᑦ 3:1

ᑕᕝᕙ ᙭ᔅᑑᓯ ᒪᑭᖃᑎᒋᓯᒪᒍᑦᓯᐅᒃ, ᐹᓃᑦᑐᓂᒃ ᐃᓱᒪᖃᕆᑦᓯ, ᙭ᔅᑑᓯ ᑕᑉᐹᓃᒻᒪᑦ, ᒎᑎᐅᑉ ᑕᓕᕐᐱᐊᓂ ᐃᒃᓯᕙᓪᓗᓂ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᐄᑉᕈᐃᓄᑦ 10:12

᙭ᔅᑑᓯᓕ ᐊᑕᐅᓯᐊᕐᓗᓂ ᑐᓂᕐᕈᓯᐅᑎᓚᐅᕐᐳᖅ ᑐᖁᑕᐅᖁᓪᓗᒍ ᐊᔪᕐᓃᑦ ᐱᓪᓗᒋᑦ, ᒫᓐᓇᓕ ᐃᒃᓯᕙᓕᕐᐳᖅ ᒎᑎᐅᑉ ᑕᓕᕐᐱᐊᓂ,

ᐄᑉᕈᐃᓄᑦ 13:20

ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,

ᐄᑉᕈᐃᓄᑦ 2:9

ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.

ᐲᑦᑐᕉᓯ ᓯᕗᓪᓖᑦ 1:3

ᒎᑎ ᓂᕐᑐᕐᓚᕗᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᓂᑲᒍᓱᖕᓂᖓᑕ ᐊᖏᔪᐊᓘᓂᖓᓄᑦ ᐃᓅᓯᕐᑖᕐᑎᒻᒪᑎᒍᑦ ᓄᑖᒥᒃ ᑕᒪᑐᒨᓇ ᓂᕆᐅᒋᔭᒃᓴᖃᑦᓯᐊᓕᕐᑎᑉᐹᑎᒍᑦ ᑐᖁᖓᔪᓂᑦ ᒪᑭᑎᑦᓯᓂᕐᒥᒍᑦ ᔩᓱᓯ ᙭ᔅᑑᓯᒥᒃ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:17

ᑕᑯᒐᒃᑯ, ᐃᑎᒐᖏᓐᓄᑦ ᐅᕐᕈᕗᖓ ᑐᖁᔪᑎᑐᑦ. ᑕᓕᕐᐱᖕᒥᓄᓪᓗ ᐊᒃᑐᕐᓗᓂᖓ ᐅᖃᐅᑎᕚᖓ, “ᑲᑉᐱᐊᓱᖕᓇᒃ, ᓯᕗᓪᓕᕐᐹᖑᕗᖓ ᑭᖑᓪᓕᕐᐹᖑᓪᓗᖓᓗ