ᐃᐱᓯᒥᐅᓄᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.

ᐃᐱᓯᒥᐅᓄᑦ 1:10 Iomraidhean Croise

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᐂᒨᓯᐅᑉ ᐊᒡᓚᖏᑦ 9:11

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑍᕕᑎᐅᑉ ᐊᖓᔪᖅᑲᐅᕕᖓ ᑲᑕᒃᓯᒪᔪᖅ ᖃᕝᕕᕐᑎᑦᓱᒫᕐᐸᕋ, ᓱᕋᒃᓯᒪᔪᓪᓗ ᐊᖅᑭᒃᓲᕐᓗᒋᑦ, ᐅᕐᕈᓯᒪᔪᓪᓗ ᒪᑭᑎᓪᓗᒋᑦ, ᐱᐅᓯᕆᓚᐅᕐᓯᒪᔭᖏᑎᑐᓪᓗ ᐅᑎᕐᑎᓪᓗᒋᑦ.

ᒪᓚᑬᑉ ᐊᒡᓚᖏᑦ 3:1

“ᑕᑯᒋᑦ, ᐅᖃᕆᐊᕐᑐᕐᑎᑕᕋ ᑎᓕᕙᕋ ᑖᑦᓱᒪ ᐊᖅᑯᑎᒃᓴᕋ ᓯᕗᓂᓐᓂ ᐅᐸᓗᖎᔭᕐᓂᐊᕐᐹ, ᐊᑕᓂᖅ ᕿᓂᕐᑕᓯ ᑕᕝᕔᓐᓇᖅ ᓴᖅᑭᓐᓂᐊᕐᐳᖅ ᑐᒃᓯᐊᕐᕕᒡᔪᐊᒥᓂ; ᐊᖏᖃᑎᒌᖕᓂᐅᑉ ᐅᖃᕐᑎᖓ ᑖᓐᓇ ᖁᕕᐊᒋᔭᓯ, ᑕᑯᒋᑦ, ᑎᑭᓕᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 25:32

ᐃᓅᖃᑎᒌᒡᔪᐊᓂᑦ ᑕᒤᓐᓂᑦ ᐱᓯᒪᔪᑦ ᓵᖓᓄᑦ ᑲᑎᕐᓱᕐᑕᐅᔪᒫᕐᐳᑦ, ᑕᕝᕙᓂ ᐊᕕᑎᑦᓱᒫᕐᐰᑦ ᒪᕐᕈᐃᓕᓗᒋᑦ ᓲᕐᓗ ᓰᐱᓕᕆᔨ ᐊᕕᑎᑦᓯᕙᖕᒪᑦ ᓰᐱᓂᒃ ᒎᑦᓯᓂᒡᓗ.

ᒫᑯᓯᐅᑉ ᐊᒡᓚᖏᑦ 1:15

ᐅᖃᕐᓗᓂ, “ᒫᓐᓇ ᓇᓪᓕᐅᑎᕗᖅ, ᒎᑎᐅᑉ ᐊᑕᓂᐅᕕᖓ ᖃᒡᓕᕗᖅ; ᖃᕿᐊᓕᕆᑦᓯ, ᐅᖃᐅᓰᑦ ᑐᓴᕈᒥᓇᕐᑐᑦ ᐅᒃᐱᕆᓯᒋᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:11

ᑕᒪᒃᑯᐊᓕ ᑍᒤᓚᐅᕐᐳᑦ ᐅᓗᕆᐊᒋᔭᒃᓴᐅᖁᓪᓗᒋᑦ ᑎᑎᕋᕐᓯᒪᕗᓪᓗ ᐃᓂᕐᑎᕐᑕᐅᖁᓪᓗᑕ, ᐅᕙᒍᑦ ᐃᓱᐊᓄᑦ ᑎᑭᓕᕐᑎᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:3

ᖃᐅᔨᒪᖁᕙᑦᓯᓕ ᙭ᔅᑑᓯ ᐊᖑᑎᓕᒫᓄᑦ ᓂᐊᖁᕆᔭᐅᖕᒪᑦ, ᐊᖑᓪᓗ ᐊᕐᓇᒧᑦ ᓂᐊᖁᕆᔭᐅᓪᓗᓂ, ᙭ᔅᑑᓯᐅᓪᓗ ᒎᑎ ᓂᐊᖁᕆᕚ.

ᒐᓔᑎᐊᒥᐅᓄᑦ 4:4

ᓇᓪᓕᐅᑦᑐᕐᓕ ᓈᒻᒪᓈᑦᓯᐊᕐᑐᖅ ᓇᓪᓕᐅᑎᖕᒪᑦ, ᒎᑎᐅᑉ ᐃᕐᓂᓂ ᑎᓕᓚᐅᕐᐹ, ᐊᕐᓇᒧᑦ ᐃᕐᓂᐊᖑᓪᓗᓂ, ᐱᖁᔭᓄᑦ ᐊᐅᓚᑕᐅᓪᓗᓂ,

ᐃᐱᓯᒥᐅᓄᑦ 1:22

ᑕᒤᑕᕐᔪᐊᓪᓗ ᑖᑦᓱᒪ ᐃᑎᒐᖏᑕ ᐊᑖᓄᑦ ᐱᑎᓚᐅᕐᐰᑦ, ᑕᒤᓐᓄᓪᓗ ᓂᐊᖁᕆᔭᐅᑎᑉᐹ ᐅᒃᐱᕐᑑᖃᑎᒌᓄᑦ.

ᐃᐱᓯᒥᐅᓄᑦ 2:15

ᔫᑎᓪᓗ ᐱᖁᔭᖏᑦ ᐊᕕᓯᒪᑎᑦᓯᔪᑦ ᐊᑐᕈᓐᓃᕐᑎᓚᐅᕐᐰᑦ, ᑖᒃᑯᐊ ᒪᕐᕈᐃᓕᖓᔪᑦ ᐊᑕᐅᓯᓐᖑᕐᑎᑕᐅᖁᓪᓗᒋᑦ ᐃᒻᒥᒍᑦ ᓄᑖᓐᖑᕐᑎᑕᐅᓗᑎᒃ, ᐃᓅᖃᑎᒌᑦᓯᐊᓕᕐᑎᓪᓗᒋᓪᓗ.

ᐃᐱᓯᒥᐅᓄᑦ 3:15

ᐃᒡᓗᒥᐅᖃᑎᒌᓂ ᐃᓚᒌᒃᑐᓂᒃ ᑍᔭᐅᔪᓕᒫᑦ ᕿᓚᖕᒦᑦᑐᑦ ᓄᓇᒦᑦᑐᓪᓗ ᐊᑎᖃᕐᕕᒋᔭᖓᓐᓄᑦ.

ᐃᐱᓯᒥᐅᓄᑦ 3:2

ᖁᓚᕐᓇᓐᖏᓚᖅ ᑐᓴᐅᒪᓕᕋᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑎᓕᔭᐅᑦᔪᑎᖃᕋᒪ ᐃᓕᑦᓯ ᐱᑦᔪᑎᒋᓪᓗᓯ.

ᑯᓘᓯᐊᒥᐅᓄᑦ 1:16

ᑖᑦᓱᒨᓇ ᐱᓐᖑᕐᑎᑕᐅᓯᒪᕗᑦ ᓱᓇᓕᒫᑦᓯᐊᑦ ᕿᓚᖕᒥ ᓄᓇᒥᓗ, ᑕᑯᒃᓴᐅᔪᑦ ᑕᑯᒃᓴᐅᖏᑦᑐᓪᓗ, ᐊᑕᓂᐅᕖᑦ ᐱᔪᓐᓇᕐᓃᑦ ᐊᖓᔪᖅᑲᐅᓃᑦ ᐊᐅᓚᑦᓯᔩᓪᓗ; ᑖᑦᓱᒨᓇ ᐱᓐᖑᕐᑎᑕᐅᓯᒪᕗᑦ ᑖᑦᓱᒧᖓᓗ.

ᑯᓘᓯᐊᒥᐅᓄᑦ 1:20

ᑖᑦᓱᒨᓇᓗ ᓱᓇᓕᒫᑦᓯᐊᑦ ᐃᒻᒥᓄᑦ ᐅᑎᕐᑎᓚᐅᕐᐰᑦ, ᓄᓇᒦᑦᑐᑦ ᕿᓚᖕᒦᑦᑐᓪᓗ, ᓮᒻᒪᕐᑎᓚᐅᕐᐰᑦ ᓴᓐᓂᖓᔪᓕᖕᒥ ᐊᐅᖓᒍᑦ.

ᑯᓘᓯᐊᒥᐅᓄᑦ 3:11

ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.

ᐄᑉᕈᐃᓄᑦ 1:2

ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ.

ᐄᑉᕈᐃᓄᑦ 11:40

ᒎᑎᐅᑉ ᐱᐅᓂᕐᓴᒥᒃ ᓯᕗᓂᖓᒍᑦ ᐋᖅᑭᒃᓱᐃᑦᔪᑎᓚᐅᕐᒪᑎᒍᑦ, ᐱᑦᔪᑎᒃᓴᖃᓚᐅᕐᒪᑦ ᐅᕙᒍᑦ ᐃᓚᒋᔭᐅᑎᓪᓗᑕ ᑭᓯᐊᓂ ᑖᒃᑯᐊ ᓈᒻᒪᒃᓯᑎᑕᐅᖁᓪᓗᒋᑦ.

ᐄᑉᕈᐃᓄᑦ 9:10

ᓂᕿᓄᑦ ᑍᒤᓕᐅᕆᐊᖃᓚᐅᕐᐳᑦ ᐃᒥᒃᓴᒧᓪᓗ ᓱᓇᑐᐃᓐᓇᕐᓂᒡᓗ ᐊᑦᔨᒌᖏᑦᑐᓂᒃ ᓴᓗᒻᒪᕐᑕᐅᑦᔪᑎᒃᓴᒧᑦ ᐱᐅᓯᕆᔭᐅᔪᑦ ᒪᓕᒃᑕᐅᓚᐅᕐᐳᑦ ᓄᑖᖅ ᐋᖅᑭᒋᐊᕐᑕᐅᔪᒫᕐᑐᖅ ᐊᑐᓕᓚᐅᖏᓐᓂᖓᓂ.

ᐲᑦᑐᕉᓯ ᓯᕗᓪᓖᑦ 1:20

ᑖᓐᓇ ᓂᕈᐊᕐᑕᐅᓯᒪᓚᐅᐳᖅ ᓱᓕ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ, ᐅᓪᓗᐃᓪᓕ ᑭᖑᓪᓕᖏᓐᓂ ᓴᖅᑭᑎᑕᐅᓚᐅᕐᐳᖅ ᐱᑦᔪᑎᒋᓪᓗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.