ᐃᐱᓯᒥᐅᓄᑦ 1:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ; ᐃᑦᔪᕐᓁᑎᑕᐅᓯᒪᔪᓄᑦ ᐃᐱᓲᓯᒥᐅᓄᑦ, ᐅᒃᐱᕐᓂᖃᑦᓯᐊᕐᑐᓄᑦ ᔩᓱᓯ ᙭ᔅᑑᓯᒥ:

ᐃᐱᓯᒥᐅᓄᑦ 1:1 Iomraidhean Croise

ᒨᓯᓯ ᓯᑕᒪᖏᑦ 12:7

ᒨᓯᓯᒧᓪᓕ ᐱᔨᓐᓄᑦ ᑍᒤᓕᐅᕐᐸᓐᖏᓚᖓ; ᑖᓐᓇ ᓱᖁᓯᔪᐃᑦᑑᖕᒪᑦ ᐃᒡᓗᓐᓂ.

ᓘᑲᓯᐅᑉ ᐊᒡᓚᖏᑦ 16:10

ᒥᑭᔪᑯᓗᖕᒥᒃ ᑲᒪᑦᓯᐊᕐᑐᖅ, ᐊᖏᔪᓂᒃ ᑲᒪᑦᓯᐊᕈᓐᓇᕐᐳᖅ; ᒥᑭᔪᑯᓗᖕᓂᒃ ᑲᒪᑦᓯᐊᖏᑦᑐᖅ ᐊᖏᔪᓂᒃ ᑲᒪᑦᓯᐊᕈᓐᓇᖏᓐᓂᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 16:15

ᑭᖑᓂᖓᒍᑦ ᐹᑉᑎᑕᐅᕗᖅ ᐃᒡᓗᒥᐅᖃᑎᓕᒫᖏᓪᓗ, ᑖᑦᓱᒪ ᑐᓐᖓᓴᕐᐹᑎᒍᑦ ᐅᖃᕐᓗᓂ, “ᕾᒋᑦᓯ, ᐃᒡᓗᓐᓂ ᑐᔪᕐᒥᓚᐅᕆᑦᓯ ᓱᓕᔪᒥᒃ ᐊᑕᓂᕐᒧᑦ ᐅᒃᐱᓕᕋᓱᒋᒍᑦᓯᓐᖓ.” ᐃᓇᒻᒪᑎᒍᑦ ᑕᕝᕙᓃᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:19

ᐃᐱᓲᓯᒧᑦ ᑎᑭᓐᓇᒥᒃ ᐃᓚᓂ ᐳᕆᓯᓚ ᐊᑯᐃᓚᓗ ᕿᒪᒃᐹᒃ; ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᓗᓂ, ᔫᑎᑦ ᐅᖃᖃᑎᒋᕔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:21

ᕿᒪᓕᕋᒥᒋᑦ ᐅᖃᐅᑎᕔᑦ, “ᒎᑎ ᐱᖁᔨᒃᐸᑦ ᐃᓕᑦᓯᓐᓄᑦ ᐅᑎᓛᕆᕗᖓ.” ᐅᒥᐊᒃᑯᑦ ᐃᐱᓲᓯᒥᑦ ᐊᐅᓪᓚᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 9:13

ᐊᓇᓁᐊᓯ ᑭᐅᕗᖅ, “ᐊᑕᓃᖅ, ᑖᑦᓱᒥᖓ ᑐᓴᐅᒪᒐᒪ ᐃᓄᖕᓂᑦ ᐅᓄᕐᑐᓂᑦ, ᑖᓐᓇ ᐃᓄᖁᑎᖕᓄᑦ ᔨᕉᓴᓕᒻᒥ ᐊᖏᔪᐊᓗᖕᒥᒃ ᐱᐅᖏᑦᑐᓂᒃ ᐱᓇᓱᐊᖃᑕᕐᓯᒪᓂᖓᓂᒃ;

ᕉᒪᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᒧᑦ ᕾᖁᔭᐅᓯᒪᔪᒥᑦ, ᓂᕈᐊᕐᑕᐅᓯᒪᔪᒥᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᓐᖔᕐᑐᓂᒃ ᐊᔪᕆᕐᑐᐃᖁᓪᓗᒍ.

ᕉᒪᒥᐅᓄᑦ 1:7

ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ: ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ ᖃᓄᐃᖏᑦᓯᐊᕐᑎᑦᓯᓂᖓᓂᒡᓗ.

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:12

ᓇᖕᒥᓂᖅ ᐊᒡᒐᑦᑎᓐᓄᑦ ᐊᒃᓱᕈᕐᓇᕐᑐᒥᒃ ᐱᓇᓱᐊᕐᐳᒍᑦ. ᓇᕐᕈᓇᕐᓂᕋᕐᑕᐅᔭᕌᖓᑦᑕ, ᓮᒻᒪᕐᑎᑦᓯᕙᒃᐳᒍᑦ; ᐊᑭᕋᕐᑐᕐᑕᐅᓕᕅᒐᑦᑕ, ᕿᓄᐃᓵᕈᑎᒋᕙᒃᐸᕗᑦ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:17

ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:1

ᐸᐅᓗᓯᒥᑦ, ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ, ᐅᒃᐱᕐᑑᖃᑎᑦᑎᓐᓂᓪᓗ ᑎᒧᑎᒥᑦ. ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᒎᑎᐅᓪᓗ ᐃᓄᖁᑎᖏᓐᓄᑦ ᐊᑬᐊᒦᑦᑐᓄᑦ.

ᒐᓔᑎᐊᒥᐅᓄᑦ 1:1

ᐸᐅᓗᓯᒥᑦ ᐋᐴᓯᑕᓕᓐᖑᕐᑎᑕᐅᓯᒪᔪᒥᑦ ᐃᓄᖕᓂᐅᖏᑦᑐᖅ ᐃᓄᒃᑎᒎᖏᑦᑐᕐᓘᓐᓃᑦ, ᔩᓱᓯ ᙭ᔅᑑᓯᒥᓪᓕ ᒎᑎᒥᓪᓗ ᐊᑖᑕᒥᑦ, ᑖᓐᓇ ᔩᓱᓯᒥᒃ ᒪᑭᑎᑦᓯᓚᐅᕐᑐᖅ ᑐᖁᖓᔪᓂᑦ.

ᒐᓔᑎᐊᒥᐅᓄᑦ 3:26

᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᒐᓔᑎᐊᒥᐅᓄᑦ 3:9

ᐂᑉᕋᕼᐋᒻ ᐅᒃᐱᕐᒪᑦ ᓮᒻᒪᕐᑕᐅᓚᐅᕐᐳᖅ; ᑍᒫᒃᑕᐅᖅ ᐅᒃᐱᕐᑐᓕᒫᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕆᕗᑦ ᐂᑉᕋᕼᐋᒻᑎᑐᑦ.

ᐃᐱᓯᒥᐅᓄᑦ 1:15

ᑕᒪᓐᓇ ᐱᑦᔪᑎᒋᓪᓗᒍ, ᑐᓴᕐᓯᒪᓂᓐᓂᑦ ᐅᒃᐱᕐᓂᑦᓯᓐᓂᒃ ᐊᑕᓂᑦᑎᓐᓄᑦ ᔩᓱᓯᒧᑦ ᒎᑎᐅᓪᓗ ᐃᓄᖁᑎᖏᓐᓂᒃ ᓇᒡᓕᒍᓱᖕᓂᑦᓯᓐᓂᒃ,

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᐃᐱᓯᒥᐅᓄᑦ 2:13

ᒫᓐᓇᓕ ᐃᓕᑦᓯ ᙭ᔅᑑᓯ ᔩᓱᓯᒦᑦᑐᓯ ᓯᕗᕐᖓᒍᑦ ᐅᖓᓯᒃᑐᒦᓚᐅᕐᑐᓯ ᖃᓂᒡᓕᑎᑕᐅᓯᒪᕗᓯ ᙭ᔅᑑᓯᐅᑉ ᐊᐅᖓᓄᑦ.

ᐃᐱᓯᒥᐅᓄᑦ 2:6

ᐃᓚᒋᓪᓗᒍᓗ ᒪᑭᑎᓚᐅᕐᐹᑎᒍᑦ, ᕿᓚᖕᒥ ᐃᒃᓯᕙᖃᑕᐅᖁᓪᓗᑕ ᔩᓱᓯ ᙭ᔅᑑᓯᒧᑦ.

ᐃᐱᓯᒥᐅᓄᑦ 6:21

ᐊᒻᒪᑦᑕᐅᖅ ᓱᓕ ᖃᐅᔨᒪᖁᓪᓗᓯ ᖃᓄᐃᒻᒪᖔᕐᒪ ᓱᓕᕆᖕᒪᖔᕐᒪᓗ, ᑍᑭᑰᓯᐅᑉ ᑕᒤᓐᓂᒃ ᐅᖃᐅᑎᔪᒫᕐᐹᓯ. ᖃᑕᓐᖑᑎᒋᒐᑦᑎᒍ ᓇᓪᓕᖕᓇᕐᑐᖅ ᓱᖁᓯᔪᐃᑦᑑᓪᓗᓂ ᐊᑕᓂᕐᒥᒃ ᐱᔨᑦᓯᕐᑐᖅ.

ᑯᓘᓯᐊᒥᐅᓄᑦ 1:2

ᐃᑦᔪᕐᓁᑎᑕᐅᓯᒪᔪᓄᑦ ᑯᓘᓯᐊᒦᑦᑐᓄᑦ, ᐅᒃᐱᕐᑑᖃᑎᑦᑎᓐᓄᑦ ᐅᒃᐱᕐᓂᕐᒥᑦᓯᐊᕐᑐᓄᑦ: ᒎᑎᐅᑉ ᐊᑖᑕᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᖃᓄᐃᖏᑦᓯᐊᕐᑎᓪᓕᓯᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:13

ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ.