ᐃᓕᓯᒪᓃᑦ ᐃᒃᓖᓯᐊᓯᑏᔅ 9:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᒪᓐᓇ ᑕᒪᑦᔭ ᐱᐅᖏᑦᑐᖅ ᑕᒪᑭᕐᓗᓂ ᐊᑐᕐᑕᐅᔪᖅ ᓯᕿᓂᐅᑉ ᐊᑖᓂ; ᐊᑦᔨᒌᒃᑐᒥᒃ ᑕᒪᕐᒥᒃ ᐱᓂᐊᕐᕕᐅᖕᒪᑕ. ᓱᓕᔪᒥᒃ ᐃᓄᐃᑦ ᐆᒻᒪᑎᖏᑦ ᑕᒪᕐᒥᒃ ᐱᐅᖏᑦᑐᒥᒃ ᑕᑕᒻᒪᑕ; ᐃᓱᒤᕈᑎᓂᐅᔮᕐᑐᒥᒃ ᐆᒻᒪᑎᖏᑦ ᑕᑕᑉᐳᑦ ᐃᓅᓂᕐᒥᖕᓂ, ᑕᒪᑐᒪᓗ ᑭᖑᓂᖓᒍᑦ ᑐᖁᕙᒃᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:3 Iomraidhean Croise

ᒨᓯᓯ ᓯᕗᓪᓖᑦ 6:5

ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᔫᐱᐅᑉ ᐊᒡᓚᖏᑦ 15:16

ᐃᓄᒃ ᐱᐅᖏᑦᑐᓕᓂᕐᒥᒃ ᐃᒥᖃᑦᑕᕐᐳᖅ ᐃᒥᐅᔮᕐᑎᓪᓗᒍ, ᐄᓛᒃ, ᐃᓄᒃ ᓇᕐᕈᓇᕐᑐᐊᓘᕗᖅ; ᓱᓇᐅᖏᑦᓯᐊᕐᓗᓂᓗ.

ᔫᐱᐅᑉ ᐊᒡᓚᖏᑦ 21:26

ᑐᖁᕙᒃᐳᑦ ᓴᓂᓕᕇᒃᓗᑎᒃ ᐃᓗᕕᕐᓯᒪᓪᓗᑎᒃ, ᓄᓇᐅᓪᓗ ᖁᒡᓗᒋᐊᖏᓐᓄᑦ ᐅᓕᒃᑕᐅᕙᒃᐳᑦ.

ᔫᐱᐅᑉ ᐊᒡᓚᖏᑦ 9:22

ᑕᒪᓐᓇ ᐊᑕᐅᓯᐅᓕᖅᑲᖓᑐᐃᓐᓇᕐᐳᖅ; ᑍᒤᒻᒪᑦ ᐅᖃᕈᓐᓇᕐᐳᖓ, ᑖᑦᓱᒪ ᐊᓯᕈᕐᐰᑦ ᑕᒪᕐᒥᒃ ᐸᓯᔭᒃᓴᐅᖏᑦᑐᑦ ᐱᐅᖏᑦᑐᓕᔪᓪᓗ.

ᐃᓐᖏᕈᑎᑦ 51:5

ᓱᓕᔪᒥᒃ ᐊᔪᕐᑐᓕᓂᕐᒥ ᐃᕐᓂᐊᖑᓚᐅᕐᐳᖓ, ᐊᔪᕐᓂᕐᒥᓗ ᐊᓈᓇᒪ ᓇᑦᔨᐊᕆᓕᓚᐅᕐᐹᖓ.

ᐃᓐᖏᕈᑎᑦ 64:7

ᒎᑎᐅᓪᓕ ᖃᕐᔪᓄᑦ ᐱᑎᒋᐊᕈᒫᕐᐰᑦ; ᑕᕝᕔᓐᓇᕐᓗ ᐃᑭᖃᓕᕐᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:32

ᐱᐅᖏᑦᑐᑦ ᐱᐅᖏᑦᑐᓕᓂᕐᒥᖕᓄᑦ ᐃᒻᒥᓂᒃ ᓵᓚᐅᑎᑉᐳᑦ, ᐃᓱᐊᕐᑐᓪᓕ ᓴᐳᑦᔭᐅᕕᒃᓴᖃᕐᐳᑦ ᐅᐱᒋᔭᐅᓂᕐᒥᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:17

ᐃᓕᓐᓂᐊᓚᐅᕐᐳᖓᓗ ᓯᓚᑐᓂᕐᒥᒃ, ᐃᓱᒤᕈᑎᓂᕐᒥᒡᓗ, ᓯᓔᑦᑑᓂᕐᒥᒡᓗ. ᑐᑭᓯᕗᖓᓕ ᑕᒪᒃᑯᐊ ᐊᓄᕆᒥᒃ ᓲᕐᓗ ᐊᓐᖑᑎᓇᓱᒃᑐᑐᑦ ᑍᒤᑐᐃᓐᓇᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:7

ᐳᔪᕐᓗᒡᓗ ᓄᓇᒧᑦ ᐅᑎᕐᐸᑦ ᐃᓂᒋᓚᐅᕐᑕᒥᓄᑦ, ᐊᒻᒪᓗ ᐊᓂᕐᓂᖅ ᐅᑎᕐᐸᑦ ᒎᑎᒧᑦ ᑐᓂᓯᓚᐅᕐᑐᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:14

ᓯᓚᑐᔪᖅ ᐃᔨᖃᕐᒪᑦ ᓂᐊᖁᕐᒥᓂ, ᓯᓔᑦᑐᕐᓗ ᐱᓱᒃᐳᖅ ᑖᕐᑐᒥ; ᖃᐅᔨᓕᕐᐳᖓᓕ ᑕᒪᕐᒥᒃ ᐱᕙᓪᓕᐊᔪᓄᑦ ᑎᑭᑕᐅᔪᐃᓐᓇᐅᖕᒪᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:2

ᐃᓔᕐᓂᕐᒧᑦ ᕿᒃᓵᒃᑐᑦ ᐃᒡᓗᖓᓄᑦ ᐃᑎᕆᐊᒥᒃ ᐱᐅᓂᕐᓴᐅᕗᖅ ᓂᕆᕕᒡᔪᐊᕐᑐᑦ ᐃᒡᓗᖓᓄᑦ ᐃᑎᕐᓂᕐᒥᑦ, ᐃᓄᓕᒫᑦ ᑕᒪᑐᒥᖓ ᑐᕌᒐᖃᕐᒪᑕ, ᐃᓄᐃᓪᓗ ᐃᓅᔪᓕᒫᑦ ᐆᒻᒪᒻᒥᐅᑕᕆᕚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:25

ᐃᓱᒪᒐ ᕿᓂᕐᑎᓚᐅᕐᐸᕋ ᖃᐅᔨᔪᒪᓪᓗᖓ, ᕿᓂᕐᓗᒍ ᓇᓂᓗᒍᓗ ᓯᓚᑐᓂᖅ, ᓱᓇᑐᐃᓐᓁᓪᓗ ᐋᖅᑭᒃᓯᒪᑦᔪᑎᒋᔭᖏᑦ ᓯᓔᑦᑐᓪᓗ ᐱᐅᖏᑦᑐᓕᑦᔪᓯᖏᑦ, ᓯᓔᑦᑐᓪᓘᓐᓂᑦ ᑐᑮᕈᑎᓂᖏᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:11

ᐱᐅᖏᑦᑐᓕᔪᑦ ᐃᖅᑲᕐᑐᕐᑕᐅᓂᖏᑦ ᐱᓇᓵᕐᑎᑕᐅᒃᐸᑕ, ᑕᕝᕙ ᐃᓄᐃᑦ ᐆᒻᒪᑎᖏᑦ ᐱᐅᖏᑦᑐᓕᔪᒪᓂᕐᒧᑦ ᑲᔪᖏᕐᑎᑕᐅᓕᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:2

ᑕᒪᕐᒥᒡᓕ ᐊᑦᔨᒌᒃᑐᒥᒃ ᓯᕗᓂᒃᓴᖃᕐᐳᑦ ᐃᓱᐊᕐᑐᑦ ᐱᐅᖏᑦᑐᓕᔪᓪᓗ, ᐱᐅᔪᓪᓗ ᐱᐅᖏᑦᑐᓪᓗ, ᓴᓗᒪᔪᑦ ᓴᓗᒤᑦᑐᓪᓗ, ᑐᓂᕐᕈᑎᒃᓴᓂᒡᓗ ᑐᓂᓯᔪᑦ ᑐᓂᕐᕈᓯᖏᑦᑐᓪᓗ. ᑍᒤᒻᒪᑦ ᐃᓄᖕᒧᑦ ᐱᐅᔪᒧᑦ, ᑍᒤᒃᑭᕗᖅ ᓱᓕ ᐊᔪᕐᑐᓕᔪᒧᑦ; ᑍᒤᒃᑭᕗᖅ ᐊᖏᕈᑎᖃᕐᑐᓄᑦ ᐊᖏᕈᑎᖃᕆᐊᒃᓴᕐᓗ ᑲᑉᐱᐊᓱᒃᑐᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:4

ᐃᓅᖃᑕᐅᔪᓪᓕ ᓯᕗᓂᒃᓴᒥᒃ ᓂᕆᐅᖕᓂᖃᕐᐳᖅ, ᕿᒻᒥᖅ ᐆᒪᔪᖅ ᐱᐅᓂᕐᓴᐅᖕᒪᑦ ᓛᔭᒥᑦ ᑐᖁᖓᔪᒥᑦ.

ᔨᕆᒤᐊᐅᑉ ᐊᒡᓚᖏᑦ 16:12

ᐃᓕᑦᓯᓕ ᓯᕗᓕᕕᓂᑦᓯᓐᓂᑦ ᐱᐅᖏᓐᓂᕐᓴᒃᑲᓐᓂᕐᓂᒃ ᐃᓕᖅᑯᓯᖃᓕᕐᐳᓯ, ᑕᑯᔪᓐᓇᕐᐳᓯᓗ ᓇᖕᒥᓂᖅ ᓴᖑᑎᑕᒃᓴᐅᖏᑦᑐᑦ ᐆᒻᒪᑎᓯ ᐱᐅᖏᑦᑐᑦ ᒪᓕᖔᕐᓗᒋᑦ ᐅᕙᓐᓂᒃ ᓈᓚᒍᓐᓃᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᓘᑲᓯᐅᑉ ᐊᒡᓚᖏᑦ 15:17

ᑍᒪᓕ ᐃᖅᑬᓕᕋᒥ ᐃᓱᒪᓕᕐᐳᖅ, ᐊᑖᑕᒪ ᐃᖅᑲᓁᔭᕐᑎᖁᑎᖏᑦ ᓂᕿᒃᓴᒥᒃ ᐊᒥᒐᕐᓯᖏᑦᓯᐊᕐᐳᑦ, ᐅᕙᖓᓕ ᒫᓂ ᐱᕐᓕᓕᕐᐳᖓ!

ᓘᑲᓯᐅᑉ ᐊᒡᓚᖏᑦ 6:11

ᔫᑎᑦ ᓂᓐᖓᒃᐳᑦ ᐅᖃᖃᑎᒌᓕᕐᓗᑎᒃ ᖃᓄᖅ ᔩᓱᓯ ᐱᓂᐊᕐᒪᖔᕐᒥᑦᔪᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 12:23

ᑕᕝᕔᓐᓇᖅ ᐊᑕᓂᐅᑉ ᐂᖏᓕᖓᑕ ᐊᓇᐅᕚ, ᒎᑎᒥᒃ ᓂᕐᑐᕐᓇᕐᑎᑦᓯᖏᒻᒪᑦ; ᖁᐱᕐᕈᓄᑦ ᓂᕆᔭᐅᓪᓗᓂ ᑐᖁᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 26:11

ᐅᓄᕐᑐᐃᕐᓱᕐᖢᖓ ᓱᒋᐊᕐᑕᐅᑎᖃᑦᑕᓚᐅᕐᐸᒃᑲ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᔩᓱᓯᒥᒃ ᐅᒃᐱᕆᔭᖃᕈᓐᓃᖁᓪᓗᒋᑦ ᐅᖃᕐᑎᓐᓇᓱᖃᑦᑕᓚᐅᕐᐸᒃᑲ; ᐊᖏᔪᒥᒃ ᓂᓐᖓᐅᑎᓯᒪᒐᒃᑭᑦ ᐊᑭᕋᕐᑐᕐᓂᕐᒧᑦ ᐊᒡᓛᑦ ᓄᓇᓖᑦ ᐊᓯᖏᓐᓄᑦ ᐅᖓᓯᒃᑐᓄᑦ ᕿᓂᖃᑦᑕᓚᐅᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:24

ᐸᐅᓗᓯ ᐸᓯᔭᒃᓴᐅᖏᓐᓂᕐᒥᓂᒃ ᑍᒫᒃ ᓇᓗᓁᕐᓯᑎᓪᓗᒍ, ᕕᓯᑕᓯᐅᑉ ᕾᒐᓛᕐᕕᒋᕚ, “ᐸᐅᓗᓯ, ᐃᓱᒤᕈᑎᓕᕐᑐᑎᑦ; ᐃᓕᓯᒪᓂᐊᓗᖕᓄᑦ ᑐᑭᖃᕈᓐᓃᕐᑎᑕᐅᕗᑎᑦ.”

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᐲᑦᑐᕉᓯ ᐂᑉᐸᖏᑦ 2:16

ᓱᐊᒃᑕᐅᓚᐅᕐᐳᕐᓕ ᐊᔪᕐᑐᓕᓂᖓ; ᓯᐅᑎᖅᑯᕐᑐᔪᖅ ᐊᑐᕐᑕᖓ ᐅᖃᓚᐅᕐᒪᑦ ᐃᓅᑉ ᐅᖃᐅᓯᖓᓂᒃ ᐊᑐᕐᓗᓂ ᓄᖅᑲᕐᑎᓚᐅᕐᐹᓗ ᓇᓚᐅᑦᑍᔫᑉ ᐱᓂᐊᕐᓂᕐᓗᖕᓂᕆᓇᓱᐊᕐᑕᖓ.