ᐃᓕᓯᒪᓃᑦ ᐃᒃᓖᓯᐊᓯᑏᔅ 9:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑕᒪᕐᒥᒡᓕ ᐊᑦᔨᒌᒃᑐᒥᒃ ᓯᕗᓂᒃᓴᖃᕐᐳᑦ ᐃᓱᐊᕐᑐᑦ ᐱᐅᖏᑦᑐᓕᔪᓪᓗ, ᐱᐅᔪᓪᓗ ᐱᐅᖏᑦᑐᓪᓗ, ᓴᓗᒪᔪᑦ ᓴᓗᒤᑦᑐᓪᓗ, ᑐᓂᕐᕈᑎᒃᓴᓂᒡᓗ ᑐᓂᓯᔪᑦ ᑐᓂᕐᕈᓯᖏᑦᑐᓪᓗ. ᑍᒤᒻᒪᑦ ᐃᓄᖕᒧᑦ ᐱᐅᔪᒧᑦ, ᑍᒤᒃᑭᕗᖅ ᓱᓕ ᐊᔪᕐᑐᓕᔪᒧᑦ; ᑍᒤᒃᑭᕗᖅ ᐊᖏᕈᑎᖃᕐᑐᓄᑦ ᐊᖏᕈᑎᖃᕆᐊᒃᓴᕐᓗ ᑲᑉᐱᐊᓱᒃᑐᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:2 Iomraidhean Croise

ᒨᓯᓯ ᓯᕗᓪᓖᑦ 24:3

ᐅᖃᕕᒃᑎᓐᓂᐊᕋᒃᑭᑦ ᐊᑕᓂᐅᑉ ᐊᑎᖓᓂ ᕿᓚᐅᑉ ᓄᓇᐅᓪᓗ ᒎᑎᖓᓄᑦ, ᐃᕐᓂᕐᒪ ᓄᓕᐊᒃᓴᖓᓂᒃ ᓂᕈᐊᖁᓇᒃ ᑬᓇᓂᒥᐅᑦ ᐸᓂᖓᓐᓂᒃ ᓄᓇᖅᑲᑎᖏᔭᓐᓂᒃ.

ᔫᐱᐅᑉ ᐊᒡᓚᖏᑦ 9:22

ᑕᒪᓐᓇ ᐊᑕᐅᓯᐅᓕᖅᑲᖓᑐᐃᓐᓇᕐᐳᖅ; ᑍᒤᒻᒪᑦ ᐅᖃᕈᓐᓇᕐᐳᖓ, ᑖᑦᓱᒪ ᐊᓯᕈᕐᐰᑦ ᑕᒪᕐᒥᒃ ᐸᓯᔭᒃᓴᐅᖏᑦᑐᑦ ᐱᐅᖏᑦᑐᓕᔪᓪᓗ.

ᐃᓐᖏᕈᑎᑦ 73:3

ᐱᐅᔪᕆᔪᓂᒃ ᑐᓱᓚᐅᕋᒪ, ᑕᑯᒐᒪ ᐱᐅᖏᑦᑐᓕᔪᑦ ᐊᔪᕐᓴᖏᑦᓯᐊᕐᓂᖏᓐᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:19

ᐃᓄᖕᓄᑦ ᖃᓄᐃᓐᓂᕆᔭᐅᕙᒃᑐᑦ ᐆᒪᔪᓂᑦᑕᐅᖅ ᐊᑐᕐᑕᐅᕙᖕᒥᖕᒪᑕ; ᐊᑦᔨᒌᒥᒃ ᖃᓄᐃᓐᓇᕐᑐᒧᑦ ᑎᑭᑕᐅᕙᖕᒪᑕ: ᓲᕐᓗ ᐂᑉᐸᖓ ᑐᖁᕐᒪᑦ ᐊᒻᒪᑦᑕᐅᖅ ᐊᓯᐊ ᑐᖁᒋᓪᓗᓂ. ᑕᒪᕐᒥᒃ ᐊᑦᔨᒌᒃᑐᒥᒃ ᐊᓂᕐᓂᖃᕐᐴᒃ; ᐃᓄᒃ ᐊᔪᖏᓐᓂᕐᓴᐅᓐᖏᓚᖅ ᐆᒪᔪᒥᑦ, ᐃᓛᒃ ᑕᒪᕐᒥᒃ ᑐᑭᖃᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:6

ᐃᓅᒐᓗᐊᕈᓂ ᐊᕐᕌᒍᓂᒃ 1,000ᓂᒃ ᒪᕐᕈᐃᕐᑑᑎᓪᓗᐊᖏᓐᓂᒃ, ᐱᐅᔪᒥᒡᓗ ᖃᐅᔨᖏᓪᓗᓂ. ᑕᒪᕐᒥᒡᓕ ᐊᑕᐅᓯᕐᒧᑦ ᐂᖏᓛᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:18

ᓈᒻᒪᒃᐳᖅ ᐊᑕᐅᓯᕐᒥᒃ ᑎᒍᒥᐊᕐᓗᑎᑦ ᐂᑉᐸᖓᓗ ᓴᒃᑯᖏᓪᓗᒍ; ᒎᑎᒥᒃ ᓯᕗᕋᔫᑉ ᑕᒪᒃᑯᐊᓕᒫᑦ ᐊᓂᒍᕈᒫᕐᒪᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:2

ᐃᓔᕐᓂᕐᒧᑦ ᕿᒃᓵᒃᑐᑦ ᐃᒡᓗᖓᓄᑦ ᐃᑎᕆᐊᒥᒃ ᐱᐅᓂᕐᓴᐅᕗᖅ ᓂᕆᕕᒡᔪᐊᕐᑐᑦ ᐃᒡᓗᖓᓄᑦ ᐃᑎᕐᓂᕐᒥᑦ, ᐃᓄᓕᒫᑦ ᑕᒪᑐᒥᖓ ᑐᕌᒐᖃᕐᒪᑕ, ᐃᓄᐃᓪᓗ ᐃᓅᔪᓕᒫᑦ ᐆᒻᒪᒻᒥᐅᑕᕆᕚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:3

ᑕᒪᓐᓇ ᑕᒪᑦᔭ ᐱᐅᖏᑦᑐᖅ ᑕᒪᑭᕐᓗᓂ ᐊᑐᕐᑕᐅᔪᖅ ᓯᕿᓂᐅᑉ ᐊᑖᓂ; ᐊᑦᔨᒌᒃᑐᒥᒃ ᑕᒪᕐᒥᒃ ᐱᓂᐊᕐᕕᐅᖕᒪᑕ. ᓱᓕᔪᒥᒃ ᐃᓄᐃᑦ ᐆᒻᒪᑎᖏᑦ ᑕᒪᕐᒥᒃ ᐱᐅᖏᑦᑐᒥᒃ ᑕᑕᒻᒪᑕ; ᐃᓱᒤᕈᑎᓂᐅᔮᕐᑐᒥᒃ ᐆᒻᒪᑎᖏᑦ ᑕᑕᑉᐳᑦ ᐃᓅᓂᕐᒥᖕᓂ, ᑕᒪᑐᒪᓗ ᑭᖑᓂᖓᒍᑦ ᑐᖁᕙᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 43:6

ᐊᖑᑎᑦ, ᐊᕐᓁ, ᓄᑕᖅᑲᑦ, ᐊᖓᔪᖅᑳᕐᔪᐊᓪᓗ ᐸᓂᖏᑦ, ᑖᒃᑯᐊᓕᒫᑦ ᓂᐳᔭᕋᑕᐅᑉ ᑲᒪᒋᔭᐅᑎᓚᐅᕐᑕᖏᑦ ᒋᑕᓔᐊᒧᑦ ᐊᕼᐂᑲᐅᑉ ᐃᕐᓂᖓᓄᑦ ᓴᕙᓂᐅᑉ ᐃᕐᖑᑕᖓᓄᑦ ᐊᒡᓛᑦ ᐸᕉᒃᓗ ᓂᕅᐊᐅᑉ ᐃᕐᓂᖓ ᔨᕆᒤᐊᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐃᓚᐅᑎᑕᐅᒋᓪᓗᑎᒃ.

ᒪᓚᑬᑉ ᐊᒡᓚᖏᑦ 3:15

ᐊᒡᓛᑦ ᐱᐅᔪᕆᔪᑦ ᓮᒻᒪᕐᑎᑕᐅᓯᒪᕗᑦ; ᐱᐅᖏᑦᑐᓕᔪᑦ ᐊᔪᕐᓴᕈᓐᓁᕐᐸᓪᓕᐊᑐᐃᓐᓇᓐᖏᓚᑦ ᒎᑎᒥᒡᓗ ᐆᒃᑐᕋᕋᓗᐊᕐᒪᑕ ᑲᒪᒋᔭᐅᓐᖏᓚᑦ.’”

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᓴᒧᐃᓕ ᓯᕗᓪᓖᑦ 14:26

ᐃᓄᐃᑦ ᑕᒪᐅᖓ ᑎᑭᓐᓇᒥᒃ ᓇᐹᕐᑐᓕᖕᒧᑦ, ᐃᒍᑦᓮᑦ ᓂᕿᖏᓐᓂᒃ ᕼᐊᓂᓂᒃ ᑕᒪᓐᓇ ᑕᑕᑉᐳᖅ ᑰᒐᕐᑐᓂᒃ, ᑭᓯᐊᓂᓕ ᓇᓪᓕᐊᓪᓘᓐᓃᑦ ᓂᕆᓚᐅᓐᖏᓚᖅ; ᑲᑉᐱᐊᓱᒧᑦ ᓴᐅᓕᐅᑉ ᐊᖏᕈᑎᓕᐊᕆᓚᐅᕐᑕᖓᓂᒃ.