13 ᖃᐅᔨᓚᐅᕆᕗᖓ ᓯᕿᓂᐅᑉ ᐊᑖᓂ ᓯᓚᑐᓂᕐᒥᒃ ᑕᑕᒥᓐᓂᐊᕆᔭᓐᓂᒃ.
ᑖᓐᓇ ᐊᕐᓇᖅ ᐂᓚᐅᕐᐳᖅ ᐃᒡᓗᒐᓮᑦ ᐃᓄᖏᓐᓄᑦ ᐃᓱᒪᒋᔭᒥᓂᒃ ᐅᖃᐅᑎᓪᓗᒋᑦ, ᓰᐸᐅᓪᓗ ᐱᑭᕆᐅᑉ ᐃᕐᓂᖓᑕ ᓂᐊᖁᐊ ᓇᑲᑕᐅᕗᖅ ᐃᒋᑕᐅᓪᓗᓂᓗ ᐊᕙᓗᕐᔪᐊᑉ ᖁᓛᒍᑦ ᔪᐊᐱᒧᑦ. ᑕᕝᕙ ᑎᑦᑐᓚᐅᑎᓂ ᓂᓪᓕᕐᑎᑉᐹ ᓇᓗᓁᒃᑯᑕᐅᓪᓗᓂ ᐊᐅᓪᓚᕆᐊᖃᓕᕐᓂᖏᓐᓂᒃ ᐃᒡᓗᒐᓴᖕᓂᑦ, ᐊᖏᕐᕋᒥᓄᓪᓗ ᐅᑎᕐᐳᑦ. ᔪᐊᐱᓗ ᐅᑎᓚᐅᕆᕗᖅ ᔨᕉᓴᓕᒧᑦ ᐊᖓᔪᖅᑳᕐᔪᐊᕐᒧᑦ.
ᐱᐅᖏᑦᑐᒥᒃ ᑕᑯᓯᒪᒋᕗᖓ ᓯᕿᓂᐅᑉ ᐊᑖᓂ ᐊᑐᕐᑕᐅᔪᒥᒃ, ᐃᓄᖕᓂᓪᓗ ᐅᓄᕐᑐᓂᑦ ᐊᑐᕐᑕᐅᓪᓗᓂ:
ᑕᑯᓯᒪᕗᖓ ᐅᓪᓗᓂ ᐃᓅᓂᓐᓂ ᑐᑭᖃᖏᑦᑐᓂᒃ, ᐃᓄᒃᑕᖃᕐᐳᖅ ᐃᓱᐊᕐᑐᓂᒃ ᑐᖁᓯᒪᔪᓂᒃ ᐃᓱᐊᕐᓂᑎᒃ ᐱᑦᔪᑎᒋᓪᓗᒋᑦ. ᐱᐅᖏᑦᑐᓕᔪᓂᒃᑕᐅᖅ ᐃᓄᒃᑕᖃᕆᕗᖅ ᐊᑯᓂ ᐃᓅᔪᓂᒃ ᐊᔪᕐᑐᓕᓂᑎᒃ ᐱᑦᔪᑎᒋᓪᓗᒋᑦ.
ᓯᓚᑐᓂᐅᑉ ᓯᓚᑐᔪᖅ ᓴᓐᖏᔫᑎᑉᐹ, ᓴᓐᖏᓂᕐᓴᐅᓗᓂ ᐊᖓᔪᖅᑳᓂᑦ ᖁᓕᓂᑦ ᐃᒡᓗᒐᓴᒡᔪᐊᓂᒃ ᐊᐅᓚᑦᓯᔨᓂᑦ.
ᐃᓱᒪᒐ ᐊᑐᕋᒃᑯ ᓯᓚᑐᓂᕐᒥᒃ ᑐᑭᓯᔪᒪᓪᓗᖓ ᖃᐅᔨᔪᒪᓪᓗᖓᓗ ᐱᓂᐊᕐᓂᐅᕙᒃᑐᓂᒃ ᓄᓇᒥ, ᐊᒡᓛᑦ ᐃᔩᒃ ᓯᓂᖕᓂᕐᒥᒃ ᖃᐅᔨᕙᒍᓐᓃᕐᑎᓪᓗᒋᒃ ᐅᓪᓗᑯᑦ ᐅᓐᓄᐊᒥᓗ.
ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.
ᑭᓇᓘᓐᓃᑦ ᑲᓄᐃᑲᓪᓚᖕᓂᐊᕐᑐᓄᑦ ᐅᐸᓗᖎᕐᓯᒪᔪᓐᓇᖏᒻᒪᑦ: ᓲᕐᓗ ᐃᖃᓗᐃᑦ ᓄᓗᐊᓄᑦ ᑐᖁᑕᐅᓐᓇᕐᑐᒧᑦ ᑎᑭᒻᒪᑕ, ᐅᕝᕙᓗ ᑎᖕᒥᐊᑦ ᓂᒐᕐᓄᑦ ᑎᑭᒻᒪᑕ, ᑍᒫᒃᑕᐅᖅ ᐃᓄᐃᑦ ᐱᐅᖏᑦᑐᓄᑦ ᖃᓄᐃᓕᓇᕐᑐᓄᑦ ᓂᒐᕐᑎᑕᐅᔪᑐᑦ ᑎᑭᑉᐸᒃᐳᑦ, ᑕᕝᕔᓐᓇᖅ ᐅᐸᓗᐃᔭᐅᓪᓗᑎᒃ.
ᓄᓇᓕᒃᔪᐊᕐᑕᖃᓚᐅᕐᐳᖅ ᒥᑭᔪᓂᒃ ᐃᓄᑭᑦᑑᓪᓗᑎᒃ. ᐊᖓᔪᖅᑳᔪᐊᒥᓪᓕ ᑎᑭᑕᐅᓚᐅᕐᐳᑦ, ᓵᓚᖃᕈᒪᓂᕐᒧᓪᓗ ᐊᕙᓗᔭᐅᓪᓗᑎᒃ, ᓴᐴᓗᑕᕐᓂᒡᓗ ᐅᓇᑕᕐᕕᖕᓂᒃ ᓴᓇᕗᑦ ᐊᕙᑖᓂ.
ᐊᕆᐅᑭᓕ ᐊᖓᔪᖅᑳᕐᔪᐊᑉ ᐅᓇᑕᕐᑐᓴᖁᑎᖏᑕ ᐊᖓᔪᖅᑳᖓᑦ, ᑐᖁᕅᔭᕐᑐᕐᑎᓪᓗᒍ ᐹᐱᓘᓂᒥᐅᑦ ᓯᓚᑐᔪᖁᑎᖏᓐᓂᒃ, ᑖᓂᐊᓕᐅᑉ ᐅᖃᖃᑎᒋᕚ, ᓯᓚᑐᓂᕐᒥᓄᑦ ᐅᖃᐅᓯᕐᓄᓪᓗ ᐋᖅᑭᒃᓱᑦᓯᐊᕐᓯᒪᔪᓄᑦ.
