ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10 Iomraidhean Croise

ᒨᓯᓯ ᓯᕗᓪᓖᑦ 37:35

ᐃᕐᓂᖏᑕᓕ ᐸᓂᖏᑕᓗ ᑕᒪᕐᒥᒃ ᓮᒻᒪᕐᓴᕋᓱᐊᕋᓗᐊᕐᐹᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓕ, ᐅᖃᕐᓗᓂᓗ, “ᕿᒃᓵᒻᒪᕆᒡᓗᖓ ᑐᖁᖓᔪᑦ ᐃᓂᖓᓄᐊᖔᕈᒪᓕᕐᐳᖓ ᐃᕐᓂᕋ ᐅᐸᒡᓗᒍ.” ᑕᕝᕙ ᐊᑖᑕᖓᑕ ᑍᒫᒃ ᕿᒃᓴᕕᒡᔪᐊᕈᑎᒋᓚᐅᕐᐹ.

ᑯᕉᓂᑲ ᓯᕗᓪᓖᑦ 22:19

ᐆᒻᒪᑎᓯ ᑕᕐᓂᓯᓗ ᐱᕕᒃᓴᖃᕐᑎᓯᒋᒃ ᕿᓂᕈᓐᓇᖁᓪᓗᓯ ᐊᑕᓂᕐᒥᒃ ᒎᑎᑦᓯᓐᓂᒃ. ᒪᑭᓪᓗᓯ ᓴᓇᓕᕆᑦᓯ ᐊᑕᓂᐅᑉ ᒎᑎᐅᑉ ᐃᑦᔪᕐᓁᑦᑐᕕᖁᑎᖓᓂᒃ, ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑦᔪᕐᓁᑦᑐᖁᑎᖏᓪᓗ ᐃᑎᕐᑎᑕᐅᔪᓐᓇᕐᓯᖁᓪᓗᒋᑦ ᒎᑎᐅᑉ ᐃᒡᓗᖓᓄᑦ ᓴᓇᔭᐅᓯᒪᔪᒧᑦ ᐊᑕᓂᐅᑉ ᐊᑎᖓᓄᑦ.”

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 2:12

ᑕᕝᕙ ᐅᓐᓄᐊᖑᓕᕐᒪᑦ ᒪᑭᑉᐳᖓ, ᐊᖑᑎᓂᒃ ᖃᑦᓰᓐᓇᓂᒃ ᐃᓚᖃᕐᓗᖓ; ᓇᓪᓕᐊᓐᓂᒡᓘᓐᓃᑦ ᐅᖃᐅᑦᔨᓚᐅᓐᖏᓚᖓ ᒎᑎᒪ ᖃᓄᖅ ᐆᒻᒪᑎᒃᑯᑦ ᑐᓂᓯᕕᒋᓚᐅᕐᒪᖔᖓ ᔨᕉᓴᓕᒥ ᐱᓇᓱᐊᖁᓪᓗᖓ; ᐆᒪᔪᓂᒡᓘᓐᓃᑦ ᓇᒃᓴᓚᐅᓐᖏᓚᖓ ᐃᑭᒪᕕᒋᔭᒪ ᐊᓯᐊᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 4:2

ᐱᖃᑎᒋᔭᓂ ᓴᒥᐊᕆᐊᒥᐅᓪᓗ ᐅᓇᑕᕐᑐᒃᓴᖁᑎᖏᑕ ᓵᖓᓂ ᐅᖃᓚᐅᕐᐳᖅ, “ᖃᓄᕐᖏᒃᑯᐊ ᔫᑎᕐᓗᐊᓗᐃᑦ ᐱᓇᓱᓕᕐᑐᑦ? ᐃᒃᑯᐊ ᓴᓇᒋᐊᓪᓚᒐᓱᒃᑐᑦ ᐃᒡᓗᒐᓴᖕᓃᒃ? ᐃᒃᑯᐊ ᑐᓂᕐᕈᓯᖃᑦᑕᕐᓂᕐᒥᒍᑦ ᐱᔭᕇᕐᓂᐊᕋᓱᒋᔫᑦ ᓴᓇᔭᒥᖕᓂᒃ ᐅᓪᓗᒥᒃ ᐊᑕᐅᓯᕐᒥᒃ? ᐅᔭᕋᖕᓂᒃ ᓴᓇᔪᓐᓇᕐᐹᑦ ᓱᕋᒃᑎᕐᓯᒪᔪᓂᒃ ᐃᑯᐊᓪᓚᒃᓯᒪᔪᓂᒡᓗ ᖃᓕᕇᕌᓗᖕᓂᒃ?”

ᓂᕼᐃᒤᐊᐅᑉ ᐊᒡᓚᖏᑦ 4:6

ᑲᔪᓯᓚᐅᕐᐳᒍᓪᓕ ᓴᓇᔭᑦᑎᓐᓂᒃ ᐊᕙᓗᕐᔪᐊᕐᒥᒃ, ᐊᑯᓂᐅᓗᐊᖏᑦᑐᕐᓗ ᐊᕝᕙᕈᓚᐅᕐᐹᑦ ᐳᕐᑐᓂᖓ, ᐃᓄᐃᑦ ᑲᑦᓱᖎᒻᒪᕆᓚᐅᕐᒪᑕ ᓴᓇᔭᒥᖕᓂᒃ.

ᔫᐱᐅᑉ ᐊᒡᓚᖏᑦ 10:21

ᒫᓐᓇᕈᓗᒃ ᑕᕝᕙᐅᔪᓐᓃᓛᓕᕋᒪ ᐅᑎᒃᑲᓐᓂᕐᓂᐊᕈᓐᓃᕐᓗᖓ, ᓄᓇᒧᑦ ᑖᕐᑐᒧᑦ ᑕᑯᒃᓴᐅᓇᕐᑐᕐᑕᖃᖏᑦᑐᒧᑦ,

ᔫᐱᐅᑉ ᐊᒡᓚᖏᑦ 10:22

ᓄᓇᒧᑦ ᑖᕐᑐᕐᔪᐊᒧᑦ ᓇᓗᓕᕐᓇᕐᑐᒧᓪᓗ, ᑕᕝᕙᓂ ᖃᐅᒪᔪᖅ ᑖᕐᑐᕐᔪᐊᑎᑐᑦ ᑍᒤᑉᐳᖅ.”

ᔫᐱᐅᑉ ᐊᒡᓚᖏᑦ 21:13

ᐃᓅᓂᕐᒥᖕᓂ ᐊᔪᕐᓴᖏᑦᓯᐊᕐᓗᑎᒃ ᐃᓅᕙᒃᐳᑦ, ᐃᓱᒫᓘᑎᖃᖏᑦᓯᐊᕐᓗᑎᒡᓗ ᑐᖁᕙᒃᓗᑎᒃ.

ᐃᓐᖏᕈᑎᑦ 6:5

ᑐᖁᔪᓂᑦ ᐃᖅᑲᐅᒪᔭᐅᖏᓐᓇᕕᑦ; ᑐᖁᖓᔪᓪᓗ ᐃᓂᖏᓐᓂ ᑭᐊ ᖁᔭᒋᓂᐊᕐᐹᑏᑦ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:28

ᐃᓅᖃᑏᑦ ᐅᖃᐅᑎᑦᑍᓕᒍᒃ, “ᐊᖏᕐᕋᓕᕆᑦ ᖃᐅᒃᐸᑦ ᕾᓛᕆᕗᑎᑦ, ᖃᐅᒃᐸᑦ ᑐᓂᓯᕕᒋᓛᕐᐸᒋᑦ.” ᑐᓂᓯᑲᐅᑎᒋᔪᓐᓇᕐᑎᓪᓗᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:3

ᓄᕗᔧᑦ ᐃᒪᖃᓕᕈᑎᒃ ᓄᓇᒧᑦ ᑯᕕᕙᒃᐳᑦ, ᓇᐹᕐᑐᖅ ᓇᑲᑕᐅᒍᓂ ᐅᕐᕈᕗᖅ ᐅᓪᓘᑉ ᓇᓛᓄᑦ ᐅᓐᓄᐊᓪᓘᓐᓃ ᓇᓛᓄᑦ, ᓇᐹᕐᑐᖅ ᐅᕐᕈᕕᖕᒥᓃᓪᓗᓂ ᑕᕝᕙ ᓇᓚᓕᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:6

ᐱᕈᕐᓯᐊᒃᓮᑦ ᓄᓇᒧᑦ ᑲᓐᖓᕐᓲᑎᒋᒃᑭᑦ ᐅᓪᓛᒃᑯᑦ, ᐅᓐᓄᒃᐸᓪᓗ ᐊᒡᒐᑎᑦ ᓱᓕᐊᒃᓴᖃᕈᓐᓃᕐᑎᑦᑍᓕᒃᑭᑦ; ᖃᐅᔨᒪᖏᓐᓇᕕᑦ ᓇᓕᐊᒃ ᑲᔪᓯᑦᓯᐊᕐᓂᐊᕐᒪᖔᑦ, ᐅᓇᓘᓐᓃᑦ ᐅᓇᖔᕐᓘᓐᓃᑦ, ᑕᒪᕐᒥᒡᓘᓐᓃᑦ ᐱᐅᔪᐃᓐᓇᐅᓂᐊᕐᒪᖔᑎᒃ.

ᐂᓮᐊᓯᐅᑉ ᐊᒡᓚᖏᑦ 38:10

“ᐃᓱᒪᓚᐅᕐᐳᖓ, ᐃᓅᓯᕐᒪ ᐃᓅᔪᒥᓇᑦᓯᐊᕐᓂᖓᓂ ᐊᐅᓪᓚᕆᐊᖃᕋᓱᒋᓪᓗᖓ; ᑐᖁᖓᔪᑦ ᐃᑎᕐᑕᕐᕕᖓᒍᑦ; ᐃᓅᓯᕋ ᑭᐱᔭᐅᓂᐊᕋᓱᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 29:13

ᕿᓂᕈᑦᓯᓐᖓ ᓇᓂᓂᐊᕐᐸᑦᓯᓐᖓ ᐃᓗᖏᕐᓱᕐᓗᓯ ᕿᓂᓕᕈᑦᓯᓐᖓ ᓇᓂᓂᐊᕐᐸᑦᓯᓐᖓ.

ᒨᓯᓯ ᓯᑕᒪᖏᑦ 13:30

ᑬᓚᐱᐅᑉ ᐃᓄᐃᑦ ᓂᐸᖏᖁᕔᑦ ᒨᓯᓯᐅᑉ ᓵᖓᓂ, ᐅᖃᕐᓗᓂᓗ, “ᐊᑏ ᒫᓐᓇ ᑖᕗᖓ ᐂᓕᕐᑕ ᐱᑖᕆᔭᕐᑐᓕᕐᓗᒍ, ᐊᔪᖏᓐᓇᑦᑕ ᓵᓚᒋᔪᓐᓇᑦᓯᐊᕋᑦᑎᒍ.”

ᒫᑎᐅᓯᐅᑉ ᐊᒡᓚᖏᑦ 20:7

ᑖᒃᑯᐊ ᑭᐅᕚᑦ, ‘ᐱᓇᓱᒋᐊᕐᑐᖁᔭᐅᓗᑕ ᑎᓕᔭᐅᓚᐅᖏᓐᓇᑦᑕ.’ ᑖᑦᓱᒪ ᐅᖃᐅᑎᕔᑦ, ‘ᐱᓇᓱᐊᕆᐊᕐᑐᓕᕆᑦᓯ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖕᒥ.’

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᔪᐊᓇᓯᐅᑉ ᐊᒡᓚᖏᑦ 4:34

ᔩᓱᓯᐅᑉ ᐅᖃᐅᑎᕔᑦ, “ᓂᕆᔭᒃᓴᒃᑲ ᑕᕝᕙ ᑎᓕᔨᒪ ᐱᔪᒪᔭᖓᓂᒃ ᓈᓚᒡᓗᖓ, ᐱᓇᓱᐊᕐᑕᐅᖁᓯᒪᔭᖓᓗ ᐱᔭᕇᕐᓗᒍ.

ᔪᐊᓇᓯᐅᑉ ᐊᒡᓚᖏᑦ 5:4

ᐊᑕᓂᐅᑉ ᐂᖏᓖᖓ ᑕᓯᕐᒧᐊᕐᐸᖕᒪᑦ ᐃᒪᖓᓂᒃ ᐊᐅᓚᑎᑦᓯᔭᕐᑐᕐᓗᓂ. ᓇᓪᓕᐊᓪᓗ ᓯᕗᓪᓕᕐᐸᐅᓪᓗᓂ ᐃᒫᓄᐊᕐᑐᖅ ᐊᐅᓚᑎᑕᐅᕋᑖᕐᑎᓪᓗᒍ ᐋᖅᑭᒃᑕᐅᕙᓚᐅᕐᐳᑦ ᖃᓄᐃᑦᑐᑐᐃᓐᓇᕐᒥᒃ ᖃᓂᒻᒪᓯᖃᕋᓗᐊᕐᐸᑦ.]

ᔪᐊᓇᓯᐅᑉ ᐊᒡᓚᖏᑦ 9:4

ᐅᓪᓘᓂᖓᓂ ᑎᓕᔨᒪ ᐱᓂᐊᕐᓂᖏᑦ ᐱᓂᐊᒐᒃᓴᕆᕙᕗᑦ; ᐅᓐᓄᐊᖑᔪᒫᕐᒪᑦ ᑭᐊᓘᓐᓃᑦ ᐱᓇᓱᐊᕐᕕᒋᔪᓐᓇᖏᑕᖓᓂᒃ.

ᕉᒪᒥᐅᓄᑦ 12:11

ᐊᒃᓱᕈᕐᓗᓯ ᐱᓇᓱᐊᕆᑦᓯ ᐃᕿᐊᓱᒃᑍᓕᓗᓯ, ᐊᓂᕐᓂᒃᑯᑦ ᑲᑦᓱᖎᕐᓯᒪᑦᓯᐊᕐᓗᓯ, ᐊᑕᓂᖅ ᐱᔨᑦᓯᕐᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:10

ᑎᒧᑎ ᑎᑭᑉᐸᑦ, ᑐᓐᖓᓱᒃᑎᑦᓯᐊᕐᓯᐅᒃ ᐃᓕᑦᓯᓐᓃᓐᓂᖓᓂ, ᐊᑕᓂᐅᑉ ᐱᓇᓱᐊᖁᔭᖓᓂᒃ ᐱᓇᓱᐊᕐᒪᑦ, ᐅᕙᑦᑐᑦᑕᐅᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:24

ᖃᐅᔨᒪᕕᓰ ᐅᓪᓚᖕᓂᒃᑯᑦ ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᔪᑦ ᑕᒪᕐᒥᒃ ᐱᓇᓱᐊᕐᒪᑕ, ᐊᑕᐅᓯᐅᓪᓕ ᓵᓚᒃᓴᕐᓂᖅ ᐱᕚ? ᑍᒤᒻᒪᑦ ᐅᓪᓚᒋᑦᓯ ᓵᓚᖃᐅᑎᒃᓴᖅ ᐱᓇᓱᐊᕐᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:26

ᑍᒤᒻᒪᑦ ᑕᒪᐅᖎᓐᓇᖅ ᐅᓪᓚᑐᐃᓐᓇᓐᖏᓚᖓ; ᑎᒡᓘᑎᔪᑎᑐᓪᓗ ᑍᒤᒃᑭᕗᖓ, ᑕᒪᐅᖎᓐᓇᖅ ᑎᒡᓗᒋᐊᖃᑦᑕᓐᖏᓚᖓ.

ᐃᐱᓯᒥᐅᓄᑦ 5:16

ᓇᐅᒃᑯᑐᐃᓐᓇᖅ ᐱᕕᒃᓴᕆᔭᓯ ᐊᑐᑦᓯᐊᕋᓱᐊᕐᓯᐅᒃ, ᐅᓪᓗᐃᑦ ᑖᒪᒃᑯᐊ ᐱᐅᖏᑦᑐᐊᓘᖕᒪᑕ.

ᑯᓘᓯᐊᒥᐅᓄᑦ 3:23

ᓱᓇᑐᐃᓐᓇᕐᒥᒃ ᐱᓇᓱᐊᕈᕕᑦ, ᐊᒃᓱᕈᕐᓗᑎᑦ ᐱᓇᓱᐊᖃᑦᑕᕆᑦ, ᐊᑕᓂᕐᒧᑦ ᐱᓇᓱᐊᕐᑐᑎᑐᑦ ᐃᓄᖕᓅᖏᑦᑐᖅ.

ᓴᒧᐃᓕ ᓯᕗᓪᓖᑦ 10:7

ᑕᒪᒃᑯᐊ ᓇᓗᓁᒃᑯᑍᑦ ᐃᓕᖕᓄᑦ ᑎᑭᑉᐸᑕ, ᐱᓇᓱᐊᕈᓐᓇᕐᑕᕐᓂᒃ ᐱᓇᓱᐊᕐᑐᒃᓴᐅᕗᑎᑦ, ᒎᑎᐅᑉ ᐃᓚᒋᓂᐊᕐᒪᑎᑦ.