ᐃᓕᓯᒪᓃᑦ ᐃᒃᓖᓯᐊᓯᑏᔅ 8:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓱᓕ ᑐᑭᖃᖏᑦᑐᒥᒃ ᐱᑕᑲᕆᕗᖅ ᓄᓇᒥ, ᐃᓄᐃᑦ ᐃᓱᐊᕐᑐᖅ ᐱᓂᐊᕐᕕᐅᕙᖕᒥᖕᒪᑕ ᐊᔪᕐᑐᓕᔪᑦ ᐱᓂᐊᕐᕕᐅᓂᒃᓴᖏᓐᓂᒃ, ᐊᔪᕐᑐᓕᔪᓪᓗ ᐃᓱᐊᕐᑐᑦ ᐱᓂᐊᕐᕕᐅᓂᒃᓴᖏᓐᓂᒃ ᐱᓂᐊᕐᕕᐅᕙᒃᑐᑦ. ᐅᖃᕐᐳᖓ, ᑕᒪᓐᓇ ᑐᑭᖃᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:14 Iomraidhean Croise

ᔫᐱᐅᑉ ᐊᒡᓚᖏᑦ 1:22

ᑕᒪᒃᑯᐊᓕ ᑍᒤᒃᑲᓗᐊᕐᒪᑕ, ᔫᐱ ᐸᓯᒃᓯᖏᓐᓇᒥ ᒎᑎᒥᒃ ᑕᒪᑐᒧᖓ ᐊᔪᕐᑐᓕᓚᐅᓐᖏᓚᖅ.

ᔫᐱᐅᑉ ᐊᒡᓚᖏᑦ 21:7

ᓱᖕᒪᓪᓕᑭᐊᖅ ᐱᐅᖏᑦᑐᓕᔪᑦ ᐆᒪᑯᑖᒃᑎᑕᐅᕙᑦ? ᐃᓄᑐᖃᓐᖑᕐᐸᒃᐳᑦ, ᐊᔪᖏᑦᑑᓕᕐᓗᑎᒃ ᐱᔪᓐᓇᕐᓂᖃᕐᓗᑎᒡᓗ.

ᔫᐱᐅᑉ ᐊᒡᓚᖏᑦ 27:12

ᑕᑯᒋᑦ, ᓇᖕᒥᓂᖅ ᑕᑯᓯᒪᓕᕐᐸᓯ ᑕᒪᑦᓯ; ᓱᖕᒪᓪᓕ ᑐᑭᖃᖏᑦᑐᓂᒃ ᐅᖃᓪᓚᓕᕐᐱᓰ?”

ᐃᓐᖏᕈᑎᑦ 73:3

ᐱᐅᔪᕆᔪᓂᒃ ᑐᓱᓚᐅᕋᒪ, ᑕᑯᒐᒪ ᐱᐅᖏᑦᑐᓕᔪᑦ ᐊᔪᕐᓴᖏᑦᓯᐊᕐᓂᖏᓐᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:5

ᐱᐅᖏᑦᑐᓕᓂᕐᓂᒃ ᑕᑯᓯᒪᕗᖓ ᓯᕿᓂᐅᑉ ᐊᑖᓂ, ᐊᖓᔪᖅᑳᓂᑦ ᐱᒋᐊᕐᑎᑕᐅᓯᒪᔪᓂᒃ:

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:14

ᓯᓚᑐᔪᖅ ᐃᔨᖃᕐᒪᑦ ᓂᐊᖁᕐᒥᓂ, ᓯᓔᑦᑐᕐᓗ ᐱᓱᒃᐳᖅ ᑖᕐᑐᒥ; ᖃᐅᔨᓕᕐᐳᖓᓕ ᑕᒪᕐᒥᒃ ᐱᕙᓪᓕᐊᔪᓄᑦ ᑎᑭᑕᐅᔪᐃᓐᓇᐅᖕᒪᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:4

ᓱᓕ ᖃᐅᔨᓚᐅᕆᕗᖓ ᓴᓇᓂᓕᒫᑦ ᓴᓇᔪᓐᓇᑦᓯᐊᕐᓃᓪᓗ ᑐᓱᒋᔭᐅᖕᒪᑕ ᐊᓯᖏᓐᓄᑦ. ᑕᒪᓐᓇ ᑐᑭᖃᖏᒻᒪᑦ ᐊᓄᕆᒥᒡᓗ ᐊᖑᓯᓇᓱᑐᐃᓐᓇᕐᓂᐅᔮᕐᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:8

ᐃᓄᑐᐊᕐᑕᖃᕐᐳᖅ ᐃᓅᖃᑎᖃᕋᓂᓗ: ᐃᕐᓂᖃᓐᖏᓚᖅ ᖃᑕᓐᖑᑎᖃᕋᓂᓗ. ᑭᓯᐊᓂ ᐊᒃᓱᕈᕐᓗᓂ ᓴᓇᓂᖓ ᐃᓱᓕᑦᓱᓐᓇᓐᖏᓚᖅ, ᐃᔨᖏᒡᓗ ᐱᖃᕈᒪᓂᕐᒥᒃ ᓈᒻᒪᒃᓯᔪᓐᓇᓐᖏᓛᒃ. ᐊᐱᕆᓚᐅᕐᓯᒪᓐᖏᓚᕐᓕ, “ᑭᓇᒥᒃ ᓴᓇᒍᑦᔨᕗᖓ? ᓇᖕᒥᓂᕐᓗ ᖁᕕᐊᓱᖕᓂᒃᓴᓐᓂᒃ ᐊᓯᐅᔨᑦᓗᖓ?” ᑕᒪᓐᓇ ᑐᑭᖃᓐᖏᓚᖅ ᐱᓂᐊᕐᓂᕐᓗ ᖁᕕᐊᓇᖏᑦᑑᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:15

ᑕᑯᓯᒪᕗᖓ ᐅᓪᓗᓂ ᐃᓅᓂᓐᓂ ᑐᑭᖃᖏᑦᑐᓂᒃ, ᐃᓄᒃᑕᖃᕐᐳᖅ ᐃᓱᐊᕐᑐᓂᒃ ᑐᖁᓯᒪᔪᓂᒃ ᐃᓱᐊᕐᓂᑎᒃ ᐱᑦᔪᑎᒋᓪᓗᒋᑦ. ᐱᐅᖏᑦᑐᓕᔪᓂᒃᑕᐅᖅ ᐃᓄᒃᑕᖃᕆᕗᖅ ᐊᑯᓂ ᐃᓅᔪᓂᒃ ᐊᔪᕐᑐᓕᓂᑎᒃ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 12:1

“ᐊᑕᓂᖅ ᐃᓱᐊᕐᓃᑦ ᓱᕐᕋᒍᓐᓇᖏᒻᒪᑦ, ᓇᓗᓕᕐᓯᒪᑦᔪᑎᒋᔭᒃᑲ ᓵᖕᓄᑦ ᓴᖅᑭᑦᓱᒪᕙᒃᑲ, ᓱᖕᒪᑦ ᐱᐅᖏᑦᑐᓕᔪᑦ ᐱᔪᓐᓇᑦᓯᐊᕐᐹᑦ? ᐅᒃᐱᖏᑦᑐᓪᓗ ᑲᔪᓯᑦᓯᐊᕐᓗᑎᒃ?

ᒪᓚᑬᑉ ᐊᒡᓚᖏᑦ 3:15

ᐊᒡᓛᑦ ᐱᐅᔪᕆᔪᑦ ᓮᒻᒪᕐᑎᑕᐅᓯᒪᕗᑦ; ᐱᐅᖏᑦᑐᓕᔪᑦ ᐊᔪᕐᓴᕈᓐᓁᕐᐸᓪᓕᐊᑐᐃᓐᓇᓐᖏᓚᑦ ᒎᑎᒥᒡᓗ ᐆᒃᑐᕋᕋᓗᐊᕐᒪᑕ ᑲᒪᒋᔭᐅᓐᖏᓚᑦ.’”