ᐃᓕᓯᒪᓃᑦ ᐃᒃᓖᓯᐊᓯᑏᔅ 8:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᔪᕐᑐᓕᔪᓪᓕ ᐱᐅᔪᒥᒃ ᑐᕌᒐᖃᓐᖏᓚᑦ, ᒎᑎᒥᒃ ᓯᕘᕋᖏᒻᒪᑕ, ᐅᓪᓗᖏᑦ ᑕᑭᔫᔪᒫᓐᖏᓚᑦ ᑕᕐᕋᑐᑦ ᑕᑭᔫᔪᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:13 Iomraidhean Croise

ᔫᐱᐅᑉ ᐊᒡᓚᖏᑦ 14:2

ᐱᕈᕐᓯᐊᑎᑐᑦ ᐱᕈᕐᐳᖅ, ᑐᖁᓕᓗᓂᓗ; ᑕᕐᕋᑎᑐᑦ ᕿᒫᕗᖅ, ᐱᑕᖃᕈᓐᓁᕐᓗᓂᓗ.

ᔫᐱᐅᑉ ᐊᒡᓚᖏᑦ 18:5

ᐱᐅᖏᑦᑑᑉ ᖃᐅᒻᒪᖅᑯᑎᖓ ᖃᒥᑕᐅᓂᐊᕐᐳᖅ, ᐃᑯᒪᑎᑕᖓᓗ ᐊᐅᒤᕈᑎᓗᓂ ᐃᑭᒃᑲᓐᓂᕐᓂᐊᕈᓐᓃᕐᐳᖅ.

ᔫᐱᐅᑉ ᐊᒡᓚᖏᑦ 20:5

ᐱᐅᖏᑦᑐᓕᔫᑉ ᖃᓄᐃᓐᖏᑬᓐᓇᕐᓂᖓ ᓁᑦᑑᕗᖅ, ᒎᑎᖃᖏᑦᑑᓪᓗ ᖁᕕᐊᓱᑬᓐᓇᕐᓂᖓ ᓯᕕᑭᑦᑑᓪᓗᓂ.

ᔫᐱᐅᑉ ᐊᒡᓚᖏᑦ 21:30

ᐃᓄᒃ ᐱᐅᖏᑦᑐᓕᔪᖅ ᐊᓯᕈᕐᑕᐅᓇᕐᑐᒧᑦ ᑎᑭᑕᐅᖏᑉᐸᑦ, ᓂᓐᖓᐅᓯᐅᔪᒫᕐᑑᑉ ᐅᓪᓗᖓᓂ ᓴᐳᑎᔭᐅᔪᓐᓇᕋᔭᕐᐹ?

ᐃᓐᖏᕈᑎᑦ 11:5

ᐊᑕᓂᐅᑉ ᐱᓇᓱᐊᑦᓯᐊᕐᑐᖅ ᖃᐅᔨᓴᕐᐹ, ᐱᐅᖏᑦᑐᓕᔪᓪᓕ, ᑲᑉᐱᐊᓱᒃᑎᑦᓯᓂᕐᒥᒡᓗ ᖁᕕᐊᒋᔭᖃᕐᑐᑦ ᐆᒥᒋᕔᑦ.

ᐃᓐᖏᕈᑎᑦ 144:4

ᐃᓄᒃ ᐊᓂᕐᓂᓕᔮᕐᓇᕐᑐᒥ ᐊᓂᕐᓂᕐᑎᑐᑦ ᑍᒤᑉᐳᖅ, ᐅᓪᓗᖏᓪᓗ ᓄᓇᐅᑉ ᑕᕐᕋᓕᓂᖓᑕ ᐃᖏᕐᕋᓂᖓᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 37:1

ᐊᔪᕐᑐᓕᔪᑦ ᐃᓱᒫᓘᑎᒋᓂᐊᕐᓇᒋᑦ, ᑐᓱᒋᓂᐊᕐᓇᒋᓪᓗ ᐱᐅᖏᑦᑐᒥᒃ ᐱᓇᓱᐊᕐᐸᒃᑐᑦ.

ᐃᓐᖏᕈᑎᑦ 39:5

ᐅᓪᓗᒃᑲ ᐊᒡᒐᐅᑉ ᐃᓵᒃᑕᖓᑐᑦ ᑕᑭᑎᒋᕗᑦ! ᐊᕐᕌᒍᐃᓪᓗ ᐃᓅᓂᐊᕐᑕᒃᑲ ᓱᓇᐅᓐᖏᓚᑦ ᓵᖕᓂ; ᐊᕐᕌᒍᒃᑲᓗ ᓱᓇᐅᓐᖏᓚᑦ ᐃᓕᖕᓄᑦ ᐃᓄᐃᓪᓗ ᐃᓅᓯᕐᒥ ᐊᔪᖏᓐᓂᖓᑦ ᐳᔪᑐᐃᓐᓇᐅᕗᖅ! ᓰᓚ

ᐃᓐᖏᕈᑎᑦ 55:23

ᐃᕝᕕᓪᓕ ᒎᑏ, ᐃᑎᕐᓴᒧᑦ ᐊᓯᕈᕐᑕᐅᕕᖕᒧᑦ ᐱᑎᑦᓱᒫᕐᐸᑎᑦ; ᑐᖁᑦᓯᔪᒪᔪᑦ ᐅᐃᕕᕆᒃᓯᔪᓪᓗ ᐃᓄᐃᑦ ᐅᓪᓗᒃᓴᖏᑕ ᐊᕝᕙᖏᓐᓂᒡᓘᓐᓃᑦ ᐃᓅᓂᐊᖏᓚᑦ; ᐅᕙᖓᓕ ᐃᓕᖕᓂᒃ ᑕᑎᖃᕐᓂᐊᕐᐳᖓ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:14

ᖃᐅᔨᒪᕗᖓ ᒎᑎᐅᑉ ᖃᓄᐃᓕᐅᕐᓂᖏᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᒪᑕ. ᓱᓇᒥᒃ ᐃᓚᔭᐅᔪᓐᓇᓐᖏᓚᑦ, ᓱᓇᒥᒡᓘᓐᓃᑦ ᐃᓚᓐᖓᕐᑕᐅᔪᓐᓇᓐᖏᓚᑦ. ᒎᑎᐅᑉ ᓴᓇᓚᐅᕐᒪᒋᑦ ᐃᓄᐃᓪᓗ ᓯᕘᕋᔭᕆᐊᖃᕐᐳᑦ ᒎᑎᐅᑉ ᓵᖓᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:7

ᐅᓄᕐᑐᓂᒃ ᓯᓐᓇᒃᑑᒪᓂᖃᕐᑎᓪᓗᒍ, ᐅᓄᕐᑐᓂᒡᓗ ᐅᖃᐅᓯᕐᑕᖃᕐᑎᓪᓗᒍ ᓱᓕᖏᓐᓂᕐᑕᖃᕐᒪᑦ. ᒎᑎᓕ ᓯᕘᕋᒋᒍᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:12

ᑭᓇᓕ ᖃᐅᔨᒪᕙ ᐃᓅᑉ ᐱᕙᓪᓕᕈᑎᒃᓴᖓᓂᒃ ᐃᓅᓯᕐᒥ, ᐅᓪᓗᐃᑦ ᐃᓅᔭᖏᑦ ᓱᕙᓕᑭᐊᖑᔪᑦ, ᐊᓂᒍᕐᐸᓪᓕᐊᕗᑦ ᑕᕐᕋᕐᑐᑦ? ᑭᐊᓗ ᐃᓄᒃ ᐅᖃᐅᑎᔪᓐᓇᕐᐸᐅᒃ ᐊᑐᕈᒫᕐᑐᓂᒃ ᑖᑦᓱᒪ ᑭᖑᓂᖓᓂ ᓯᕿᓂᐅᑉ ᐊᑖᓂ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:15

ᑕᑯᓯᒪᕗᖓ ᐅᓪᓗᓂ ᐃᓅᓂᓐᓂ ᑐᑭᖃᖏᑦᑐᓂᒃ, ᐃᓄᒃᑕᖃᕐᐳᖅ ᐃᓱᐊᕐᑐᓂᒃ ᑐᖁᓯᒪᔪᓂᒃ ᐃᓱᐊᕐᓂᑎᒃ ᐱᑦᔪᑎᒋᓪᓗᒋᑦ. ᐱᐅᖏᑦᑐᓕᔪᓂᒃᑕᐅᖅ ᐃᓄᒃᑕᖃᕆᕗᖅ ᐊᑯᓂ ᐃᓅᔪᓂᒃ ᐊᔪᕐᑐᓕᓂᑎᒃ ᐱᑦᔪᑎᒋᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:18

ᓈᒻᒪᒃᐳᖅ ᐊᑕᐅᓯᕐᒥᒃ ᑎᒍᒥᐊᕐᓗᑎᑦ ᐂᑉᐸᖓᓗ ᓴᒃᑯᖏᓪᓗᒍ; ᒎᑎᒥᒃ ᓯᕗᕋᔫᑉ ᑕᒪᒃᑯᐊᓕᒫᑦ ᐊᓂᒍᕈᒫᕐᒪᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:8

ᐃᓄᖕᒥᒡᓗ ᓇᓕᐊᓐᓂᒃ ᐊᓄᕆᒥᒃ ᐊᐅᓚᑦᓯᔪᖃᕈᓐᓇᖏᒻᒪᑦ, ᑍᒤᒻᒪᑦ ᐅᓪᓗᒥᒡᓗ ᑐᖁᕕᒃᓴᒥᒃ ᐊᐅᓚᑦᓯᔪᖃᕈᓐᓇᖏᓐᓂᕗᖅ. ᐅᓇᑕᕐᑐᒃᓴᖅ ᓄᖅᑲᕐᑎᑕᐅᖏᒻᒪᑦ ᐅᓇᑕᕐᑎᓪᓗᒋᑦ, ᐱᐅᖏᑦᑐᓕᓂᕐᓗ ᓄᖅᑲᕐᑎᑦᓯᓂᐊᖏᓐᓂᕗᖅ ᐱᓇᓱᐊᕐᑎᒋᔭᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 30:13

ᑍᒤᒻᒪᑦ ᐊᔪᕐᑐᓕᓂᖅ ᑕᒪᓐᓇ ᐃᓕᑦᓯᓐᓄᑦ ᐱᔪᒫᕐᐳᖅ ᐊᕙᓗᕐᔪᐊᑐᑦ ᐃᓚᓐᖓᕐᓯᒪᔪᑐᑦ, ᐊᓂᖓᔪᑐᑦ ᓯᖁᒥᑉᐸᓪᓕᐊᓕᕐᑐᑐᑦ, ᑍᒤᑦᑐᖅ ᐅᕐᕈᓂᐊᕐᐳᖅ ᓂᕆᐅᓇᖏᑦᑐᒥᒃ ᑕᕝᕔᓐᓇᖅ.

ᐂᓮᐊᓯᐅᑉ ᐊᒡᓚᖏᑦ 57:21

ᓮᓕᑦᓯᐊᕐᓇᕐᑐᒥᒃ ᐱᑕᖃᓐᖏᓚᖅ, ᐱᐅᖏᑦᑐᒥᒃ ᐃᓕᖅᑯᓯᖃᕐᑐᓄᑦ, ᒎᑎᒐ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 65:20

ᐃᓅᕋᑖᕐᑐᓂᒃ ᑕᕝᕙᓂ ᐱᑕᖃᕈᒫᓐᖏᓚᖅ ᐅᓪᓗᓂᒃ ᐅᓄᖏᑦᑐᓂᒃ ᐃᓅᓚᐅᑲᑐᐃᓐᓇᕐᑐᓂᒃ, ᐃᑦᑑᓕᕐᑐᓂᒡᓗ ᐃᓅᓯᕆᒋᐊᖃᕐᑕᒥᖕᓂᒃ ᓈᔨᓯᒪᖏᑦᑐᓂᒃ ᐱᑕᖃᕈᒫᖏᓐᓂᕗᖅ; 100ᓂᒃ ᐊᕐᕌᒍᖃᕐᓗᓂ ᑐᖁᔪᖅ ᐃᓅᓱᓗᐊᕐᓂᕋᕐᑕᐅᔪᒫᕐᐳᖅ, ᐊᔪᕐᑐᓕᔪᖅ 100ᓂᒃ ᐊᕐᕌᒍᖃᓕᕐᓗᓂ ᑐᖁᔪᖅ ᐃᓱᒪᓂᕐᓗᒡᕕᐅᓯᒪᔪᒥᒃ ᐅᖃᕐᑕᐅᔪᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 44:10

ᐅᓪᓗᒥᒧᑦ ᑎᑭᓪᓗᒍ ᓱᓕ ᒥᑭᒡᓕᑎᓚᐅᕐᓯᒪᓐᖏᓚᓯ ᐃᓕᑦᓯᓗ ᓯᕗᓕᕕᓂᓯᓗ, ᐅᕙᓐᓂᒃ ᐅᐱᒋᔭᖃᓚᐅᕐᓯᒪᓐᖏᓚᓯ ᐃᓅᓇᓱᐊᓚᐅᕐᓯᒪᓇᓯᓗ ᐱᖁᔭᒃᑲ ᒪᓕᒡᓗᒋᑦ.

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”

ᔪᐊᓇᓯᐅᑉ ᐊᒡᓚᖏᑦ 5:29

ᐃᓗᕕᕐᒥᑦ ᐊᓂᓗᑎᒃ, ᐱᐅᔪᒥᒃ ᐃᓅᓯᖃᓚᐅᕐᑐᑦ, ᒪᑭᑦᓱᒫᕐᐳᑦ ᐃᓅᓂᐊᓕᕐᓗᑎᒃ, ᐱᐅᖏᑦᑐᒥᒡᓕ ᐃᓅᓯᖃᓚᐅᕐᑐᑦ, ᒪᑭᑦᓱᒫᕐᐳᑦ ᐃᖅᑲᑐᕐᑕᐅᓂᐊᓕᕐᓗᑎᒃ.”

ᔧᒥᓯᐅᑉ ᐊᒡᓚᖏᑦ 4:14

ᖃᐅᔨᒪᓐᖏᓚᓯᓕ ᖃᐅᒃᐸᐅᓛᕐᑐᒥᒃ, ᐃᓅᓯᓯ ᖃᓄᐃᑦᑑᓛᕐᒪᖔᑦ? ᐳᔪᕐᑎᑐᑦ ᑍᒤᑉᐳᖅ ᓴᖅᑭᑬᓐᓇᕐᓗᓂ ᑕᕝᕔᓐᓇᕐᓗ ᐊᓯᐅᕗᖅ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.