ᐃᓕᓯᒪᓃᑦ ᐃᒃᓖᓯᐊᓯᑏᔅ 8:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑭᓇ ᓯᓚᑐᔪᑎᑐᑦ ᑍᒤᑉᐸ? ᖃᐅᔨᒪᔪᖅ ᓱᓇᑐᐃᓐᓁᑦ ᑐᑭᖏᓐᓂᒃ? ᐊᖑᑎᐅᑉ ᓯᓚᑐᔫᑉ ᓯᓚᑐᓂᖓᑕ ᑮᓇᖓ ᖃᐅᒪᑎᑉᐹ. ᑮᓇᖓᑕᓗ ᐃᓕᕋᓇᕐᓂᖓ ᑕᐅᑦᑐᑦᓯᐊᕆᒃᑎᑉᐹ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:1 Iomraidhean Croise

ᒨᓯᓯ ᓯᕗᓪᓖᑦ 40:8

ᑖᒃᑯᐊᒃ ᑭᐅᕘᒃ, “ᐊᑐᓂᑦ ᓯᓐᓇᒃᑑᒪᖅᑲᐅᕗᒍᒃ, ᓇᓪᓕᐊᓐᓂᒡᓘᓐᓃᓪᓕ ᑐᑭᓯᑎᑕᐅᔪᓐᓇᓐᖏᓚᒍᒃ.” ᔫᓯᐱᐅᓪᓗ ᐅᖃᐅᑎᕚᒃ, “ᒎᑎ ᑭᓯᒥ ᑐᑭᓯᑎᑦᓯᔪᓐᓇᕐᑐᑑᕗᖅ, ᐅᖃᐅᑎᓚᐅᕐᓯᓐᖓ ᑖᒃᑯᓂᖓ.”

ᔫᐱᐅᑉ ᐊᒡᓚᖏᑦ 33:23

ᐂᖏᓕᒧᑦ ᐅᐸᒃᑕᐅᓗᓂ ᐃᑲᔪᕐᑕᐅᔪᓐᓇᕐᓯᖁᓪᓗᒍ, ᒎᑎᐅᑉ ᐂᖏᓕᖁᑎᒐᓴᒡᔪᐊᖏᑕ ᐃᓚᖓᓐᓄᑦ, ᐃᓄᖕᒧᑦ ᓇᓗᓁᕐᓯᔪᒪᓪᓗᓂ ᓱᓇ ᐊᑲᐅᔫᖕᒪᖔᑦ ᑖᑦᓱᒧᖓ;

ᒨᓯᓯ ᐂᑉᐸᖏᑦ 34:35

ᐃᓴᕆᐊᓕᒥᐅᓂᓪᓕ ᒨᓯᓯᐅᑉ ᑮᓇᖓ ᑕᑯᔭᐅᓚᐅᕐᐳᖅ, ᑮᓇᖓᑕ ᖃᐅᒪᓂᖓ, ᑕᕝᕙ ᒨᓯᓯᐅᑉ ᑮᓇᓂ ᒪᑐᐊᕐᒧᑦ ᐅᓕᒃᑲᓐᓂᖃᑦᑕᕐᐹ, ᑕᕝᕗᖓ ᐊᑕᓂᕐᒥᒃ ᐅᖃᖃᑎᖃᕆᐊᕐᑐᕐᓗᓂ ᐅᑎᓚᐅᖏᓐᓂᕐᒥᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:6

ᑐᑭᓯᖁᓪᓗᒋ ᓯᓚᑐᔪᒧᑦ ᐅᖃᓪᓚᖕᓃᑦ ᑐᑭᖏᓐᓂᒃ ᐃᔨᕐᓯᒪᔪᓂᒃ ᓯᓚᑐᔫᓪᓗ ᐅᖃᐅᓯᕆᔭᖏᑎᒍᑦ ᑐᑭᖏᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:8

ᐊᖑᑦ ᐅᖃᐅᓯᐅᑦᓯᐊᕐᐸᒃᐳᖅ ᐱᐅᔪᓂᒃ ᐃᓱᒪᖃᕐᓂᖓ ᐱᓪᓗᒍ, ᐱᐅᖏᑦᑐᓂᒡᓕ ᐃᓱᒪᖃᕐᑐᖅ ᓇᕐᕈᒋᔭᐅᒐᔪᒃᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:24

ᓯᕗᓂᒃᓴᕐᓯᐅᕐᑐᖅ ᓵᓐᖓᕗᖅ ᓯᓚᑐᓂᕐᒧᑦ, ᓯᓔᑦᑐᕐᓕ ᕿᓂᕐᐳᖅ ᓯᓚᕐᔪᐊᑉ ᑭᒡᓕᖓᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:29

ᐱᐅᖏᑦᑐᖅ ᑮᓇᖃᕐᐳᖅ ᐃᓕᕋᓇᕈᓇᕐᑐᒥᒃ, ᐃᓱᐊᕐᑑᓪᓕ ᐃᓕᖅᑯᓯᕆᔭᓂ ᐃᒃᐱᒋᑦᓯᐊᕐᓗᒍ ᐊᑐᕐᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:5

ᓯᓚᑐᔪᖅ ᓴᓐᖏᓂᕐᓴᐅᕗᖅ ᐊᖑᒻᒥᑦ ᓴᖏᔪᕐᔪᐊᒥᑦ, ᖃᐅᔨᑎᑕᐅᓯᒪᓂᖅ ᐱᓪᓚᕆᐅᓂᓴᐅᕗᖅ ᓴᓐᖏᔫᓂᕐᒥᑦ;

ᑖᓂᐊᓕᐅᑉ ᐊᒡᓚᖏᑦ 2:22

ᓇᓗᓁᕐᓯᕙᒃᐳᖅ ᐃᑎᔪᓂᒃ ᐃᔨᕐᓯᒪᔪᓂᒡᓗ; ᑖᕐᑐᒦᑦᑐᑦ ᖃᐅᔨᒪᕔᑦ, ᖃᐅᒪᔫᓪᓗ ᐃᓂᒋᕚ.

ᑖᓂᐊᓕᐅᑉ ᐊᒡᓚᖏᑦ 2:47

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ ᑖᓂᐊᓕᒧᑦ, “ᓱᓕᔪᒥᒃ ᒎᑏᑦ ᒎᑎᓄᑦ ᒎᑎᒋᔭᐅᕗᖅ, ᐊᑕᓂᐅᓪᓗᓂᓗ ᐊᖓᔪᖅᑳᕐᔪᐊᓄᑦ, ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᖅ, ᖃᐅᔨᑦᔪᑎᒐ ᑕᕝᕙ ᓇᓗᓇᕐᑐᒥ ᑕᒪᑐᒥᖓ ᖃᐅᔨᑎᑕᐅᒐᕕᑦ.”

ᒫᑎᐅᓯᐅᑉ ᐊᒡᓚᖏᑦ 17:2

ᐃᓕᓐᓂᐊᕐᑎᑦ ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᑯᒃᓴᐅᓂᖓ ᐊᓯᖑᕐᑎᑕᐅᕗᖅ, ᑮᓇᖓ ᖃᐅᒻᒪᒃᐳᖅ ᓯᕿᓂᐅᑉ ᖃᐅᒪᓂᖓᑐᑦ, ᐊᓐᓄᕌᖏᓪᓗ ᖃᐅᒪᔪᕐᔪᐊᖑᓕᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:13

ᑲᑎᒪᔨᕐᔪᐊᑦ ᑲᒪᓂᐊᓕᕐᐳᑦ ᐲᑦᑐᕉᓯᐅᑉ ᔪᐊᓇᓯᐅᓪᓗ ᓯᕘᕋᖏᓐᓂᖏᖕᓂᒃ, ᖃᐅᔨᒪᓪᓗᑎᒡᓗ ᐃᓕᓐᓂᐊᕐᓯᒪᖏᒻᒪᑎᒃ, ᐃᓄᑐᐃᓐᓇᐅᓪᓗᑎᒃ, ᖃᐅᔨᒪᓚᐅᕐᐳᑦ ᔩᓱᓯᒥᒃ ᐃᓚᖃᖃᑦᑕᓚᐅᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:29

ᒫᓐᓇ ᐊᑕᓃᖅ, ᓯᕘᕋᓵᕆᑦᔪᑎᖏᑦ ᑕᑯᓚᐅᒃᑭᑦ, ᐱᔨᑎᑦ ᐅᖃᐅᓯᕆᖁᔭᕐᓂᒃ ᐅᖃᕈᓐᓇᕐᑎᒃᑭᑦ ᓯᕘᕋᖏᓪᓗᑎᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 6:15

ᑲᑎᒪᔨᕐᔪᐊᑦ ᑲᑎᒪᖃᑕᐅᔪᑦ ᑕᑯᓐᓇᓕᕐᐳᑦ ᓯᑎᐹᓇᓯᒥᒃ ᑮᓇᖓᑕ ᑕᐅᑦᑐᐊ ᑕᑯᕚᑦ ᐂᖏᓕᐅᑉ ᑮᓇᖓᑐᑦ ᑍᒤᓕᕐᑐᖅ.

ᕉᒪᒥᐅᓄᑦ 13:5

ᑍᒤᒻᒪᑦ ᓈᓚᒃᑐᒃᓴᐅᕗᓯ ᐊᐅᓚᑦᓯᔨᐅᔪᓂᒃ, ᐊᑭᓂᐊᕐᑕᐅᓂᖅ ᐱᑦᔪᑎᒋᑐᐃᓐᓇᕐᓇᒍ, ᐃᓱᒪᔮᕈᑎᒃᓴᖃᖏᓐᓂᕐᓴᐅᖁᓪᓗᓯ.

ᐃᐱᓯᒥᐅᓄᑦ 6:19

ᐅᕙᖓᑦᑕᐅᖅ ᑐᒃᓯᐅᑎᓯᓐᖓ, ᑐᓂᓯᕕᐅᖁᓪᓗᖓ ᐅᖃᐅᓯᒃᓴᒥᒃ ᓯᕘᕋᖏᓪᓗᖓ ᐅᖃᓪᓚᒋᐊᖃᓕᕌᖓᒪ ᐅᖃᐅᓰᑦ ᑐᓴᕈᒥᓇᕐᑐᑦ ᓇᓗᓇᕐᓂᖏᑦ ᓇᓗᓁᕈᓐᓇᕐᓗᒋᑦ.

ᒨᓯᓯ ᑕᓪᓕᒪᖏᑦ 28:50

ᐃᓅᖃᑎᒌᒡᔪᐊᖑᓗᑎᒃ ᓯᕘᕋᒋᔭᖃᖏᑦᑑᔪᒫᕐᐳᑦ ᓂᑲᒍᓱᖃᖏᓪᓗᑎᒡᓗ ᑭᓇᓕᒫᒥᒃ, ᐃᓅᓱᒃᑑᒐᓗᐊᓄᑦ ᐃᓄᑐᖃᕐᓄᓪᓗ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᐲᑦᑐᕉᓯ ᐂᑉᐸᖏᑦ 1:20

ᓯᕗᓪᓕᕐᐹᒥᒡᓕ ᑐᑭᓯᔭᕆᐊᖃᕐᐸᓯ ᐅᓇ, ᓇᓚᐅᑦᑍᔪᑦ ᐅᖃᐅᓯᕆᓯᒪᔭᖏᑦ ᒎᑎᐅᑉ ᐅᖃᐅᓯᖏᓐᓃᑦᑐᑦ ᐃᓅᑉ ᓇᖕᒥᓂᖅ ᑐᑭᓕᐅᕆᓂᖏᓐᓄᑦ ᐱᓯᒪᖏᒻᒪᑕ.