ᐃᓕᓯᒪᓃᑦ ᐃᒃᓖᓯᐊᓯᑏᔅ 7:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᓂᕐᓃᑦ ᑐᐊᕕᕐᑎᓐᓂᐊᕐᓇᒍ ᓂᓐᖓᖕᓂᕐᒧᑦ, ᓂᖓᐅᒪᓂᖅ ᐃᓂᖃᕐᒪᑦ ᓯᓔᑦᑐᑦ ᓈᖏᓐᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:9 Iomraidhean Croise

ᒨᓯᓯ ᓯᕗᓪᓖᑦ 4:8

ᑬᓂᐅᓪᓕ ᓄᑲᓂ ᐂᐱᓕ ᐅᖃᐅᑎᕚ, “ᐊᕗᖓ ᓇᑎᕐᓇᒧᑦ ᐂᓚᐅᕐᓗᒃ.” ᓇᑎᕐᓇᒦᓕᕐᓗᑎᒡᓗ ᑬᓂᐅᑉ ᓄᒃᑲᓂ ᐂᐱᓕ ᓵᓪᓗᒍ ᑐᖁᑉᐹ.

ᓴᒧᐃᓕ ᐂᑉᐸᖏᑦ 13:22

ᐋᑉᓴᓚᐅᓪᓕ ᐋᒻᓇᓐ ᐆᒥᒋᒻᒪᕆᓕᓚᐅᕐᐹ ᓇᔭᖓᓂᒃ ᑕᒫᕆᒥᒃ ᖁᓄᔪᕐᓂᐊᓚᐅᕐᑎᓪᓗᒍ, ᐅᖃᖃᑎᒋᔪᓐᓁᓪᓕᓚᐅᕐᐹᓗ ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᓴᒧᐃᓕ ᐂᑉᐸᖏᑦ 13:28

ᑕᕝᕙ ᐋᑉᓴᓚᐅᑉ ᐱᔨᓂ ᐅᖃᐅᑎᕔᑦ, “ᖃᐅᔨᓴᕐᓂᐊᕐᐳᓯ ᐋᒻᓇᒥᒃ ᐋᖓᔮᓕᑐᐊᕐᐸᑦ, ᐱᖁᔨᓕᑐᐊᕈᒪ ᑐᖁᓐᓂᐊᕐᐸᓯ. ᑲᑉᐱᐊᓱᒃᑍᓕᒋᑦᓯ; ᐅᕙᖓ ᑎᓕᓯᒐᒪ ᐸᓯᔭᒃᓴᐅᓂᐊᕐᐳᖓ ᓯᕘᕋᑦᑍᓕᒋᑦᓯ ᑲᑦᓱᖓᑦᑍᓕᓗᓯᓗ!”

ᓴᒧᐃᓕ ᐂᑉᐸᖏᑦ 13:32

ᔫᓇᑖᑉᓕ ᑍᕕᑎᐅᑉ ᖃᑕᓐᖑᑎᖓᑕ ᓯᒥᐊᑉ ᐃᕐᓂᖓ, ᐅᖃᕐᐳᖅ, “ᐊᖓᔪᖅᑳᒃ, ᐃᒃᑯᐊ ᐃᕐᓂᓕᒫᑎᑦ ᑐᖁᑕᐅᖏᑦᑐᑦ, ᐋᒻᓇᑐᐊᕐᓕ ᑐᖁᕗᖅ, ᖃᐅᔨᒪᔪᒃᓴᐅᕗᑎᑦ ᐋᑉᓴᓚᒻᒥᒃ ᑐᑭᑖᕇᓚᐅᕐᓯᒪᖕᒪᑦ ᑐᖁᑦᓯᓛᕈᒪᓪᓗᓂ ᑍᑦᓱᒪᓂ ᐋᒻᓇᓐ ᖁᓄᔪᕐᓂᐊᓚᐅᕐᑎᓪᓗᒍ ᓇᔭᖓᓂᒃ ᑕᒫᕆᒥᒃ.

ᓴᒧᐃᓕ ᐂᑉᐸᖏᑦ 19:43

ᐃᓴᕆᐊᓕᒥᐅᑦ ᑭᐅᕗᑦ, “ᖁᓕᕕᒃᓱᕐᑐᒥᒃ ᐱᔭᕆᐊᖃᕐᓂᕐᓴᐅᕗᒍᑦ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ, ᐃᓚᒋᒐᓗᐊᕈᑦᓯᐅᒃ ᓱᖕᒪᓕ ᐅᕙᑦᑎᓐᓂᒃ ᓇᕐᕈᕕᓰ? ᐳᐃᒍᕐᑍᓕᒋᑦᓯ ᓯᕗᓪᓕᐅᓪᓗᑕ ᐅᖃᖅᑳᓚᐅᕋᑦᑕ ᐊᖓᔪᖅᑳᕐᔪᐊᕐᒥᒃ ᐅᑎᕐᑎᑦᓯᔪᒪᓪᓗᑕ!” ᔫᑕᐅᓪᓕ ᐃᓄᖏᑦ ᓯᕘᕋᓇᒐᓚᒃᓗᑎᒃ ᐅᖃᓪᓚᖕᓂᕐᓴᐅᓚᐅᕐᐳᑦ ᐊᖓᔪᖅᑳᕐᔪᐊᕐᒥᒃ ᐱᖃᕐᓂᕋᕐᓗᑎᒃ ᐃᓴᕆᐊᓕᒥᐅᑉ ᐃᓄᖏᓐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:17

ᓂᓐᖓᒃᓴᕅᑦᑐᖅ ᓯᓔᕐᕈᕐᑐᕐᓗᓂ ᐱᓇᓱᐊᕐᓴᕅᑉᐳᖅ, ᓯᓚᑐᔪᕐᓕ ᐅᐃᒪᔮᕋᓂ ᕿᓄᐃᓵᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:29

ᓂᓐᖓᒃᓴᕅᖏᑦᑐᖅ ᐊᖏᔪᒥᒃ ᑐᑭᓯᐅᒪᓂᕐᒥᒃ ᐱᓯᒪᕗᖅ, ᓂᓐᖓᒃᓴᕅᑦᑐᕐᓕ ᓯᓔᓐᓂᕐᒥᒃ ᐊᖏᒡᓕᑎᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:32

ᓂᓐᖓᒃᓴᕅᖏᑦᑐᖅ ᐊᔪᖏᑦᑐᕐᔪᐊᒥᑦ ᐱᐅᓂᕐᓴᐅᕗᖅ, ᐊᓂᕐᓂᕐᒥᓂᒡᓗ ᐊᐅᓚᑦᓯᔪᓐᓇᕐᑐᖅ ᐱᐅᓂᕐᓴᐅᒋᕗᖅ ᐃᒡᓗᒐᓴᒡᔪᐊᓂᒃ ᓵᓚᖃᕐᑐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:8

ᐃᖅᑲᕐᑐᐃᕕᖕᒧᑦ ᑐᐊᕕᕐᓂᐊᕐᓇᒃ; ᐱᔭᕇᕐᐸᑦ ᖃᓄᐃᓕᐅᕐᓂᐊᕋᕕᑦ, ᐃᓅᖃᑎᕕᑦ ᑲᓐᖑᓇᕐᑐᒦᑎᑉᐸᑎᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:10

ᐃᒫᒃ ᐅᖃᕐᓂᐊᕐᓇᒃ, “ᓱᖕᒪᑦ ᐅᓪᓗᐃᑦ ᐊᑐᓚᐅᕐᑕᕗᑦ ᐱᐅᓂᕐᓴᐅᕙᑦ ᐅᓪᓗᓂᑦ ᒫᓐᓇ ᐊᑐᕐᑐᓂᑦ?” ᑍᒫᒃ ᐊᐱᕆᑎᓪᓗᑎᑦ ᓯᓚᑐᔪᑎᑐᑦ ᐃᓱᒪᖏᓐᓇᕕᑦ.

ᔫᓇᐅᑉ ᐊᒡᓚᖏᑦ 4:3

ᒫᓐᓇᓕ ᐊᑕᓃᖅ, ᐃᓅᓯᕋ ᑎᒍᓕᕈᒃ, ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”

ᔫᓇᐅᑉ ᐊᒡᓚᖏᑦ 4:8

ᓯᕿᓂᐅᓪᓗ ᓄᐃᓂᖓᓂᑦ ᒎᑎᐅᑉ ᐊᑐᐃᓐᓇᕈᕐᐹ ᐊᓄᕆ ᐆᓇᕐᑐᖅ ᓯᕿᓂᐅᑉ ᓄᐃᕕᖓᑕ ᓇᓛᓂᑦ, ᓯᕿᓂᕐᓗ ᔫᓇᐅᑉ ᓂᐊᖁᐊᓄᑦ ᐊᑭᖕᒥᒃᐳᖅ, ᔫᓇᓗ ᓄᑭᖃᕈᓐᓁᑲᓴᓕᕐᐳᖅ ᑕᒪᑐᒧᖓ ᐊᑭᖕᒥᒃᑐᒧᑦ. ᕿᓚᓈᕐᐳᕐᓗ ᑐᖁᔪᒪᓪᓗᓂ, ᑐᒃᓯᐊᕐᐳᕐᓗ, ᐅᖃᕐᓗᓂ: “ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”

ᔫᓇᐅᑉ ᐊᒡᓚᖏᑦ 4:9

ᒎᑎᐅᓪᓕ ᔫᓇ ᐅᖃᐅᑎᕚ, “ᓂᓐᖓᒡᓗᑎᑦ ᓈᒻᒪᓈᕋᓗᐊᕐᐲᑦ? ᑖᑦᓱᒧᖓ ᐱᕈᕐᑐᒧᑦ?” ᔫᓇᓗ ᐅᖃᕐᐳᖅ: “ᓂᓐᖓᖕᓂᕋ ᓈᒻᒪᓈᕐᐳᖅ, ᓂᓐᖓᖕᓂᕐᒧᑦ ᐊᒡᓛᑦ ᑐᖁᒐᓗᐊᕈᒪ ᖃᓄᐃᒃᓴᓐᖏᓚᖓ!”

ᒫᑯᓯᐅᑉ ᐊᒡᓚᖏᑦ 6:19

ᐃᕉᑎᐊᓯᐅᑉ ᔪᐊᓇᓯ ᑐᖁᑕᐅᑦᔪᑎᒃᓴᕐᓯᐅᖃᑦᑕᓚᐅᕐᐹ. ᑭᓯᐊᓂ ᑐᖁᑕᐅᑎᑦᓱᓐᓇᓚᐅᓐᖏᓛ.

ᒫᑯᓯᐅᑉ ᐊᒡᓚᖏᑦ 6:24

ᓂᕕᐊᕐᓯᐊᖅ ᑕᕝᕙᓐᖓᑦ ᐊᓂᕗᖅ, ᐊᓈᓇᒥᓄᑦ ᐅᖃᕆᐊᕐᑐᕐᓗᓂ, “ᓱᓇᒥᒡᓕ ᐱᔪᒪᓂᐊᓕᕐᑐᖓ?” ᐊᓈᓇᖓᑕ ᑭᐅᕚ, “ᔪᐊᓇᓯ ᐹᑉᑎᑎᕆᔨᐅᑉ ᓂᐊᖁᖓᓂᒃ.”

ᔧᒥᓯᐅᑉ ᐊᒡᓚᖏᑦ 1:19

᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ.