ᐃᓕᓯᒪᓃᑦ ᐃᒃᓖᓯᐊᓯᑏᔅ 6:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓅᑉ ᑎᒥᒥᓄᑦ ᓴᓇᓗᓂ ᐊᒃᓱᕈᕐᓂᖏᑦ ᖃᓂᕐᒧᑦ ᑐᕌᕐᑐᐃᓐᓇᐅᕗᑦ, ᐃᓄᖕᒥᒡᓕ ᐊᕿᐊᑦᑐᕐᑎᑦᓯᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:7 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:26

ᐱᓇᓱᐊᕐᑎ ᓂᕆᔭᕆᐊᖃᕋᒥ ᐊᒃᓱᕈᕐᓗᓂ ᐱᓇᓱᐊᕐᐳᖅ, ᓂᕆᔪᒪᓂᖓᑕ ᐱᓇᓱᐊᖁᕚ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:8

ᑭᓱᑐᐃᓐᓁᑦ ᑕᖃᓇᕐᑐᐃᓐᓇᐅᕗᑦ, ᐅᖃᐅᓯᕆᔭᐅᔪᐃᓐᓇᐅᕙᒐᑎᒃ, ᐃᔩᒡᓗ ᑕᑯᔭᒥᖕᓂᒃ ᓈᒻᒪᒃᓯᔪᓐᓇᓐᖏᓛᒃ, ᓯᐅᑏᒡᓗ ᑐᓴᕐᑕᒥᖕᓂᒃ ᓈᒻᒪᒃᓯᔪᓐᓇᖏᓐᓂᕘᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:10

ᑮᓇᐅᔭᓂᒃ ᐅᖓᒋᔭᓕᒃ ᑮᓇᐅᔭᓂᒃ ᓈᒻᒪᒃᓯᔪᓐᓇᓐᖏᓚᖅ; ᑍᒫᒃᑕᐅᖅ ᐱᖃᓗᐊᕈᒪᓂᕐᒥᒃ ᐅᖓᒋᔭᓕᒃ ᐱᖃᓗᐊᕐᓂᕐᒥᒃ ᓈᒻᒪᒃᓯᔪᓐᓇᓐᖏᓚᖅ. ᑕᒪᓐᓇ ᑐᑭᖃᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:9

ᑍᒤᒻᒪᑦ ᓄᓇᐅᑉ ᑮᓇᐅᔭᓕᐅᕈᑕᐅᓂᖓ ᑕᒤᓐᓄᑦ ᐊᑐᕐᐳᖅ; ᐊᖓᔪᖅᑳᕐᔪᐊᖅ ᐊᒡᓛᑦ ᐱᔨᑦᓯᕐᑕᐅᕗᖅ ᐱᕈᕐᓰᕕᓕᕆᔪᓂᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:3

ᐊᖑᑦ ᕿᑐᕐᖓᕐᑖᕐᐸᑦ 100ᓂᒃ ᐃᓅᓗᓂᓗ ᐊᕐᕌᒍᓂᒃ ᐅᓄᕐᑐᓂᒃ, ᐅᓪᓗᓂᒃ ᐅᓄᕐᑐᕐᔪᐊᓂᒃ ᐃᓅᒐᓗᐊᕈᓂ ᐊᕐᕌᒍᓂ ᐃᓅᕕᒋᔭᒥᓂ, ᖁᕕᐊᓱᒍᑎᖃᖏᒃᑯᓂᓕ ᐃᓅᓯᕐᒥ ᐱᐅᔪᓂᒃ, ᐃᓗᕕᕐᑕᐅᑦᓯᐊᖏᓪᓗᓂᓗ, ᑍᒤᑉᐸᑦ ᑐᖁᖓᓪᓗᓂ ᐃᕐᓂᐊᖑᓚᐅᕐᑐᖅ ᑖᑦᓱᒪᓐᖓᑦ ᐱᐅᓂᕐᓴᐅᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:8

ᓱᓇᒥᒃ ᓯᓚᑐᔪᖅ ᐊᔪᖏᓐᓂᕐᓴᐅᑦᔪᑎᖃᕐᐹ ᓯᓔᑦᑐᒥᑦ? ᓱᓇᒥᒃ ᐱᕚᓪᓕᕈᑎᖃᕐᐹ ᐊᒃᓱᔪᖅ ᐃᓄᐃᑦ ᑕᒃᑯᐊᓂ ᐃᒻᒥᓂᒃ ᑲᒪᒋᑦᓯᐊᕈᓐᓇᕐᐹᑦ?

ᒫᑎᐅᓯᐅᑉ ᐊᒡᓚᖏᑦ 6:25

“ᑍᒤᒻᒪᑦ ᐅᖃᐅᑎᕙᑦᓯ: ᐃᓅᓯᑦᓯᓐᓂᒃ ᐃᓱᒪᔮᕈᑎᖃᕐᓂᐊᕋᓯ ᓂᕿᓂᒃ, ᐃᒥᒃᓴᑦᓯᓐᓂᒡᓘᓐᓃᑦ, ᐊᓐᓄᕌᒃᓴᑦᓯᓐᓂᒡᓘᓐᓃᑦ. ᐃᓅᓯᓰ ᐊᓐᓂᕐᓇᕐᓂᕐᓴᐅᓐᖏᓚᖅ ᓂᕿᓂᑦ, ᑎᒥᓯᓘ ᐊᑐᕐᓂᕐᓴᐅᓐᖏᓚᖅ ᐊᓐᓄᕌᓂᑦ?

ᓘᑲᓯᐅᑉ ᐊᒡᓚᖏᑦ 12:19

ᑕᕐᓂᕋᓗ ᐅᖃᐅᑎᓗᒍ, ᑕᕐᓃᒃ, ᐊᕐᕌᒍᓂᒃ ᐊᒥᓱᓂᒃ ᐱᐅᔪᓂᒃ ᐱᒃᓴᖃᓕᕐᐳᑎᑦ; ᐱᓇᓱᐊᕈᓐᓃᕆᑦ ᓂᕆᓗᑎᑦ ᐃᒥᓕᕆᑦ, ᖁᕕᐊᓱᒡᓗᑎᓪᓗ.’

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”