ᐃᓕᓯᒪᓃᑦ ᐃᒃᓖᓯᐊᓯᑏᔅ 6:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᖑᑦ ᕿᑐᕐᖓᕐᑖᕐᐸᑦ 100ᓂᒃ ᐃᓅᓗᓂᓗ ᐊᕐᕌᒍᓂᒃ ᐅᓄᕐᑐᓂᒃ, ᐅᓪᓗᓂᒃ ᐅᓄᕐᑐᕐᔪᐊᓂᒃ ᐃᓅᒐᓗᐊᕈᓂ ᐊᕐᕌᒍᓂ ᐃᓅᕕᒋᔭᒥᓂ, ᖁᕕᐊᓱᒍᑎᖃᖏᒃᑯᓂᓕ ᐃᓅᓯᕐᒥ ᐱᐅᔪᓂᒃ, ᐃᓗᕕᕐᑕᐅᑦᓯᐊᖏᓪᓗᓂᓗ, ᑍᒤᑉᐸᑦ ᑐᖁᖓᓪᓗᓂ ᐃᕐᓂᐊᖑᓚᐅᕐᑐᖅ ᑖᑦᓱᒪᓐᖓᑦ ᐱᐅᓂᕐᓴᐅᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:3 Iomraidhean Croise

ᒨᓯᓯ ᓯᕗᓪᓖᑦ 33:5

ᐄᓴᓗ ᑕᑯᓴᕋᒥ ᑕᑯᕗᖅ ᐊᕐᓇᓂᒃ ᕿᑐᕐᖓᖏᓐᓂᒡᓗ, ᐊᐱᕆᓪᓗᓂᓗ, “ᐅᑯᐊᓕ ᑭᓇᒃᑯᑦ ᐃᓚᒋᔭᑎᑦ?” ᔧᑰᑉ ᑭᐅᕚ, “ᐅᑯᐊ ᒎᑎᐅᑉ ᐱᑦᓯᐊᕐᓂᕐᒥᓄᑦ ᐱᔨᖕᓄᑦ ᑐᓂᓯᒪᔭᖏᑦ.”

ᒨᓯᓯ ᓯᕗᓪᓖᑦ 47:9

ᔧᑯᓗ ᐅᖃᕐᐳᖅ ᐰᕉᒧᑦ, “130ᓂᒃ ᐊᕐᕌᒍᖃᓕᕐᐳᖓ; ᐃᓅᓯᓐᓂ ᐱᐅᖏᑦᑐᓂᒃ ᐊᑐᕐᓯᒪᕗᖓ, ᓯᕗᓕᕐᒪᓗ ᐃᓅᓯᕆᓚᐅᕐᑕᖏᑕ ᓴᓂᐊᓂ ᐊᕐᕌᒍᒃᑲ ᖃᑦᓰᓐᓇᐅᓂᕐᓴᒻᒪᕆᐅᕗᑦ.”

ᐊᑕᓃᑦ ᐂᑉᐸᖏᑦ 10:1

ᓴᒥᐊᕆᐊᒥ ᐂᕼᐊᑉ ᑭᖑᕚᖃᓚᐅᕐᐳᖅ 70ᓂᒃ ᔨᕼᐆ ᑎᑎᕋᕐᐳᖅ ᔨᔭᕆᐅᓪᓕᐅᑉ ᐊᖓᔪᖅᑳᖏᓐᓄᑦ ᓯᕗᓪᓕᕐᑎᒋᔭᐅᔪᓄᓪᓗ ᐂᕼᐊᐱᐅᓪᓗ ᕿᑐᕐᖓᖏᑕ ᑲᒪᔨᖏᓐᓄᑦ ᑎᑎᕋᕐᑕᓂᓗ ᐊᐅᓪᓚᕐᑎᓪᓗᓂᒋᑦ ᓴᒥᐊᕆᐊᒧᑦ. ᑎᑎᕋᕐᑕᖏᑦ ᐃᒫᒃ ᐅᖃᐅᓯᖃᕐᐳᑦ,

ᐊᑕᓃᑦ ᐂᑉᐸᖏᑦ 9:35

ᐃᓗᕕᕐᓯᔭᕐᑐᕐᑐᑦ ᐊᓂᒐᒥᒃ ᑎᒥᖓᓂᒃ ᑕᑯᓚᐅᓐᖏᓚᑦ, ᓂᐊᖁᕕᓂᖓ ᐊᒡᒐᕕᓂᖏᓪᓗ ᐃᑎᒐᕕᓂᖏᓪᓗ ᑖᒃᑯᑐᐊᑦ ᐊᒥᐊᒃᑰᔪᑦ ᑕᑯᕔᑦ.

ᑯᕉᓂᑲ ᓯᕗᓪᓖᑦ 28:5

ᐃᕐᓂᓕᒫᓐᓂᓪᓗ (ᐊᑕᓂᐅᑉ ᐃᕐᓂᕐᑖᕐᑎᓚᐅᕐᒪᖓ ᐅᓄᕐᑐᓂᒃ) ᓂᕈᐊᓚᐅᕐᐹ ᐃᕐᓂᕋ ᓲᓗᒨᓂ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᖁᓪᓗᒍ ᐊᑕᓂᐅᑉ ᐊᖓᔪᖅᑲᐅᕕᖓᓂ ᐃᓴᕆᐊᓕᒥᐅᓂ.

ᑯᕉᓂᑲ ᐂᑉᐸᖏᑦ 11:21

ᕆᕼᐅᐳᐊᒻ ᓇᒡᓕᒋᓚᐅᕐᐹ ᒫᑲ ᐋᑉᓴᓚᐅᑉ ᐸᓂᖓ ᓇᒡᓕᒋᓂᕐᓴᕆᓗᒍ ᓄᓕᐊᓕᒫᒥᓂᑦ ᓄᓕᐊᒃᑲᓐᓂᕐᒥᓂᓪᓗ ᓄᓕᐊᖃᓚᐅᕐᒪᑦ 18ᓂᒃ ᓄᓕᐊᖃᕆᐊᓪᓚᒃᓗᓂᓗ 60ᓂᒃ, ᐃᕐᓂᖃᕐᐳᖅ 28ᓂᒃ ᐸᓂᖃᕐᓗᓂᓗ 60ᓂᒃ.

ᐃᔅᑕᐅᑉ ᐊᒡᓚᖏᑦ 5:11

ᑕᕝᕙ ᕼᐂᒪᓂᐅᑉ ᐱᐅᔪᕆᓪᓗᓂ ᐅᖃᕐᕕᒋᓕᕐᐰᑦ ᐊᔪᕐᓴᖏᑦᑐᕐᔪᐊᖑᓂᕐᒥᓂᒃ, ᕿᑐᕐᖓᖏᑕᓗ ᐅᓄᕐᓂᖏᓐᓂᒃ, ᐊᖓᔪᖅᑳᕐᔪᐊᒧᓪᓗ ᐊᖓᔪᖅᑳᕈᕐᑎᑕᐅᓯᒪᓂᕐᒥᓂᒃ, ᐊᖓᔪᖅᑳᕐᔪᐊᓪᓗ ᐊᖓᔪᖅᑳᖁᑎᒋᔭᖏᓐᓂᑦ ᐱᔨᒋᔭᖏᓐᓂᓪᓗ ᐱᓪᓚᕆᐅᑎᑕᐅᓂᕐᓴᐅᓂᕐᒥᓂᒃ.

ᐃᔅᑕᐅᑉ ᐊᒡᓚᖏᑦ 7:10

ᑕᕝᕙᓂ ᕼᐂᒪᓂ ᕿᒥᑕᐅᕗᖅ ᕿᒥᑦᓯᕕᖕᒥ ᓴᓇᔭᐅᑎᓚᐅᕐᑕᒥᓂ ᒧᐊᑎᑬ ᐱᓪᓗᒍ. ᑕᕝᕙ ᐊᖓᔪᖅᑳᕐᔪᐊᖅ ᓮᒻᒪᕐᐳᖅ.

ᔫᐱᐅᑉ ᐊᒡᓚᖏᑦ 3:11

ᓱᖕᒪᓪᓕ ᑐᖁᓐᓂᓐᖏᓚᖓ ᐃᕐᓂᐊᖑᕋᑖᕐᓗᖓ? ᐊᓈᓇᒪ ᐃᒡᓕᐊᖓᓂᑦ ᐊᓂᓕᕐᓗᖓ ᑐᖁᔪᒃᓴᕕᓂᐅᒐᓗᐊᕐᑐᖓ.

ᔫᐱᐅᑉ ᐊᒡᓚᖏᑦ 3:16

ᐅᕝᕙᓗ ᓱᖕᒪᑦ ᐃᓅᕋᑖᕐᑎᓪᓗᖓ ᐃᔨᕐᑕᐅᑐᐃᓐᓇᓚᐅᕐᓂᓐᖏᓚᖓ, ᑕᒪᐅᓁᓐᓇᖅ ᐃᕐᓂᐊᖑᔪᑐᑦ ᖃᐅᒪᔪᒥᒃ ᑕᑯᓚᐅᕐᓯᒪᖏᑦᑐᑐᑦ.

ᐃᓐᖏᕈᑎᑦ 58:8

ᓯᐅᓐᓇᕐᑎᑐᑦ ᐃᖏᕐᕋᓗᓂ ᐊᓯᐅᕙᓪᓕᐊᔪᑎᑐᑦ, ᓄᑕᕋᕐᑎᑐᑦ ᑐᖁᖓᓪᓗᓂ ᐃᕐᓂᐊᖑᔪᑎᑐᑦ, ᓯᕿᓂᕐᒥᒃ ᑕᑯᓂᐊᖏᑦᑐᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:6

ᐃᕐᖑᑕᕆᔭᐅᔪᑦ ᓂᐊᖂᑕᐅᕗᑦ ᐃᑦᑑᓕᕐᑐᓄᑦ, ᕿᑐᕐᖓᐅᔪᓪᓗ ᓂᕐᑐᐊᖑᓂᖓ ᐊᑖᑕᖓᓂᑦ ᐱᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:3

ᑖᒃᑯᓇᓐᖓᓪᓕ ᐱᐅᓂᕐᓴᐅᒋᕗᖅ ᐃᓅᓚᐅᖏᑦᓯᐊᒻᒪᕆᒃᑐᑦ, ᐱᐅᖏᑦᑐᓕᓂᐅᔪᓂᒃ ᓯᕿᓂᐅᑉ ᐊᑖᓂ ᑕᑯᓚᐅᖏᑦᑐᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:4

ᓱᕙᓕᑭᐊᕐᒧᑦ ᑎᑭᑉᐳᖅ ᑖᕐᑐᒧᓪᓗ ᐂᓪᓗᓂ, ᐊᑎᖓᓗ ᑖᕐᑐᒥᒃ ᐅᓕᒃᓯᒪᕗᖅ.

ᔨᕆᒤᐊᐅᑉ ᐊᒡᓚᖏᑦ 22:19

ᐃᓗᕕᕐᑕᐅᓂᖓ ᓯᐅᑎᖅᑯᕐᑐᔪᑎᑐᑦ ᐱᔭᐅᔪᒫᕐᐳᖅ, ᐅᓂᐊᕐᑕᐅᓪᓗᓂ ᐃᒋᑕᐅᑐᐃᓐᓇᕐᓗᓂ ᒪᓂᖅᑲᒧᑦ ᔨᕉᓴᓕᐅᑉ ᐃᑎᕐᑕᕐᕕᖏᑕ ᓯᓚᑖᓄᑦ.”

ᔨᕆᒤᐊᐅᑉ ᐊᒡᓚᖏᑦ 36:30

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᐅᓯᒃᓴᖃᕐᐳᖅ ᔨᕼᐅᐃᐊᑭᒧᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᓐᓄᑦ: ᑍᕕᑎᐅᑉ ᐊᖓᔪᖅᑲᐅᕕᖓᓂ ᐊᖓᔪᖅᑳᖑᔪᒃᓴᖁᑎᖃᕐᓂᐊᓐᖏᓚᑎᑦ, ᑎᒦᑦ ᐃᒋᑕᐅᔪᒫᕐᐳᖅ ᒪᓂᖅᑲᒧᑦ ᐅᓪᓗᒃᑯᑦ ᓯᕿᓂᕐᒧᑦ ᐆᑕᐅᖁᓪᓗᑎᑦ, ᐅᓐᓄᐊᒃᑯᓪᓗ ᖁᐊᕐᓇᕐᑐᒧᑦ ᐱᔭᐅᖁᓪᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 8:2

ᓴᖅᑭᔮᓕᕐᓗᑎᒃ ᓯᕿᓂᕐᒧᑦ, ᑕᖅᑭᕐᒧᑦ ᐅᓪᓗᕆᐊᓄᓪᓗ, ᐅᖓᒋᓗᒋᑦ ᑭᒡᒐᕐᑐᕐᓗᒋᓪᓗ ᑐᒃᓯᐊᕐᕕᒋᕙᓚᐅᕐᑕᖏᓐᓄᑦ, ᑲᑎᕐᓱᕐᑕᐅᓗᑎᒃ ᐃᓗᕕᕐᓄᐊᕐᑕᐅᔪᒫᓐᖏᓚᑦ, ᑕᒫᓃᕐᕆᑐᐃᓐᓇᕈᒫᕐᐳᑦ ᐊᓇᕐᑎᑐᑦ ᒪᓂᖅᑲᒦᑦᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 26:24

ᐃᓅᑉ ᐃᕐᓂᖓ ᐱᓇᓱᐊᕐᕕᐅᓂᐊᕐᐳᖅ ᒎᑎᐅᑉ ᐅᖃᐅᓯᖏᓐᓂ ᐅᖃᐅᓯᐅᓯᒪᓂᖓ ᒪᓕᒡᓗᒍ, ᑲᑉᐱᐊᓐᓇᒦᒡᓕ ᐃᓅᑉ ᐃᕐᓂᖓᓂᒃ ᐱᔭᐅᑎᑦᓯᓂᐊᕐᑐᖅ! ᐊᑲᐅᓂᕐᓴᐅᒐᔭᓚᐅᕐᐳᖅ ᑖᓐᓇ ᐃᕐᓂᐊᖑᓚᐅᖏᒃᑯᓂ!”