ᐃᓕᓯᒪᓃᑦ ᐃᒃᓖᓯᐊᓯᑏᔅ 5:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᒫᒃ ᑕᕝᕙ ᐱᐅᔪᖅ ᑕᑯᓚᐅᕐᑕᕋ: ᓈᒻᒪᒃᐳᖅ ᓂᕆᓗᓂ ᐃᒥᕐᓗᓂᓗ ᖁᕕᐊᒋᔭᖃᕐᓗᓂᓗ ᓴᓇᔭᒥᓂᒃ ᐊᒃᓱᕈᕐᓂᕐᒥᓄᑦ ᓴᓇᔭᒥᓂᒃ ᓯᕿᓂᐅᑉ ᐊᑖᓂ ᓴᓇᔭᐅᕙᒃᑐᒥᒃ ᐅᓪᓗᓂᒃ ᐅᓄᖏᑦᑐᓂᒃ ᒎᑎᐅᑉ ᑐᓂᔭᖏᓐᓂᒃ ᑖᑦᓱᒧᖓ; ᑕᒪᓐᓇ ᑖᑦᓱᒧᖓ ᑐᕌᖓᖕᒪᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:18 Iomraidhean Croise

ᐃᓐᖏᕈᑎᑦ 42:8

ᐊᑕᓂᐅᑉ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐅᓪᓘᑎᓪᓗᒍ ᑐᓂᓂᐊᕐᐹ; ᐅᓐᓄᐊᒥᓗ ᐃᓐᖏᕈᓯᖓ ᐃᓗᓐᓃᓐᓂᐊᕐᐳᖅ, ᑐᒃᓯᐊᕐᓂᐅᓗᓂ ᐃᓅᓯᕐᒪ ᒎᑎᖓᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:10

ᑕᑯᔭᒃᑲ ᐱᔪᒪᔭᒃᑲᓗ ᐲᑦᑍᓕᓚᐅᓐᖏᓚᒃᑲ; ᐆᒻᒪᑎᒐᓗ ᖁᕕᐊᒋᔭᖏᓐᓂᒃ ᐱᑎᑦᑍᓕᓚᐅᓐᖏᓚᕋ, ᐱᓇᓱᐊᕐᑕᓐᓂᒡᓗ ᑕᒤᓐᓂᒃ ᐆᒻᒪᑎᒐ ᖁᕕᐊᒋᔭᖃᓚᐅᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:24

ᐱᐅᓂᕐᓴᕐᑕᖃᓐᖏᓚᖅ ᐊᖑᒻᒧᑦ ᓂᕆᓗᓂ ᐃᒥᕐᓗᓂᓗ, ᐱᓇᓱᐊᕐᑕᒥᓂᒡᓗ ᐊᒃᓱᕈᕈᑎᒋᔭᒥᓂᒃ ᖁᕕᐊᒋᔭᖃᕐᓗᓂ. ᑕᒪᓐᓇᓗ ᑕᑯᓚᐅᕆᕙᕋ ᒎᑎᐅᑉ ᐊᒡᒐᖏᓐᓂᑦ ᐱᔪᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:3

ᐆᒃᑐᓚᐅᕐᐳᖓ ᕔᓂᒧᑦ ᖁᕕᐊᓱᓕᕈᒪᓪᓗᖓ, ᓯᓔᓐᓂᕐᒥᒡᓗ ᐊᑐᕐᓗᖓ ᐃᓱᒪᒪᓕ ᓱᓕ ᓯᓚᑐᓂᕐᒥ ᑕᓯᐅᓚᐅᕐᐹᖓ. ᖃᐅᔨᔪᒪᓚᐅᕋᒪ ᐃᓄᐃᑦ ᖃᓄᖅ ᐱᕚᓪᓕᕈᑎᖃᕐᒪᖔᑕ ᐃᓅᓯᕐᒥᖕᓂ ᓁᑐᒥ ᐃᓅᑎᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:22

ᑐᑭᓯᓚᐅᕐᐳᖓᓕ ᐱᐅᓂᕐᓴᕐᑕᖃᓐᖏᓚᖅ ᐃᓄᑉ ᓴᓇᔭᓂ ᖁᕕᐊᓲᑎᒋᓗᓂᐅᒃ, ᑖᑦᓱᒧᖓ ᑐᕌᖓᖕᒪᑦ. ᑭᐊᓕ ᖃᐅᔨᑎᑦᓱᓐᓇᕐᐸᐅᒃ ᓱᓂᐊᕐᒪᖔᑦ ᑖᑦᓱᒪ ᑭᖑᓂᖓᒍᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:2

ᒎᑎᐅᑉ ᐃᓄᒃ ᑐᓂᓯᕕᒋᕚ ᐊᔪᕐᓴᖏᑦᔪᑎᓂᒃ, ᑮᓇᐅᔭᖃᕐᔪᐊᕐᓂᕐᒥᒡᓗ, ᐅᐱᒋᔭᐅᓂᕐᒥᒡᓗ, ᓱᓇᒥᒃ ᑭᖒᒪᒋᔭᖃᖁᓇᒍ ᐱᔪᒪᔭᓕᒫᒥᓂᒃ; ᒎᑎᐅᓪᓕ ᑖᒃᑯᓂᖓ ᐃᒻᒥᓄᑦ ᐊᑐᕐᑎᓐᖏᓛ, ᓄᓇᖃᑎᒋᓐᖏᑕᖓᓂᓪᓕ ᑕᒪᒃᑯᐊ ᓄᖑᑕᐅᕗᑦ. ᑕᒪᓐᓇ ᑐᑭᖃᓐᖏᓚᖅ, ᐱᐅᖏᑦᑐᒧᓪᓗ ᐋᓐᓂᐊᕐᑎᑕᐅᓂᐅᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:15

ᑍᒤᒻᒪᑦ ᐃᓅᓯᕐᒥᒃ ᖁᕕᐊᓲᑎᖃᖁᔨᕗᖓ, ᐃᓄᒃ ᐱᐅᓂᕐᓴᒥᒃ ᐱᔭᒃᓴᖃᖏᒻᒪᑦ ᓂᕆᓗᓂ ᐃᒥᕐᓗᓂᓗ ᖁᕕᐊᓱᒡᓗᓂᓗ. ᖁᕕᐊᓱᖕᓂᐅᑉ ᑕᕝᕙ ᐃᓚᒋᓂᐊᕐᐹ ᐱᓇᓱᐊᕐᑕᒥᓂ ᑕᒤᓐᓂ, ᐅᓪᓗᑲᕐᓂᕐᒥᓂ ᑕᒤᓐᓂ ᒎᑎᐅᑉ ᑐᓂᔭᖓᓂᒃ ᑖᑦᓱᒧᖓ ᓯᕿᓂᐅᑉ ᐊᑖᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 52:34

ᖃᐅᑕᒫᓪᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓅᑦᔪᑎᒃᓴᖏᓐᓂᒃ ᑐᓂᓯᕕᒋᓚᐅᕐᐹ ᐃᓅᓂᓕᒫᖓᓂ, ᑐᖁᓂᖓ ᑎᑭᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:16

ᑍᒤᑦᑐᓄᑦ ᐃᓄᖕᓄᑦ ᐃᓕᑦᓯᓐᓂᒃ ᑐᓂᓯᒪᖁᕙᑦᓯ ᑕᒤᓐᓄᓪᓗ ᐱᓇᓱᐊᖃᑕᐅᔪᓄᑦ ᐱᓇᓱᐊᕐᑎᓄᓪᓗ.

ᒨᓯᓯ ᑕᓪᓕᒪᖏᑦ 12:18

ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᓕᕔᑎᓪᓗ ᓄᓇᒋᔭᑦᓯᓐᓂ ᓄᓇᖃᕐᑐᑦ, ᑕᒪᒃᑯᐊ ᓂᕆᔭᒃᓴᕆᕙᓯ ᑐᓂᕐᕈᑎᐅᓯᒪᔪᑦ ᐊᑕᓂᐅᑉ ᒎᑎᑦᓯ ᓇᔪᒑᖓᓂ ᐊᓯᐊᓂᐅᖏᑦᑐᖅ, ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓂ ᑐᓂᕐᕈᓯᕐᕕᒃᓴᐅᖁᔭᖓᓂ ᑕᕝᕙᓂᑐᐊᖅ. ᑕᕝᕙᓂᓗ ᖁᕕᐊᓲᑎᖃᕐᑐᒃᓴᐅᕗᑎᑦ ᐱᓇᓱᐊᕐᓯᒪᔭᓕᒫᕐᓂᒃ.

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 26:11

ᐊᑕᓂᕐᒧᑦ ᒎᑎᖕᓄᑦ ᖁᔭᓕᔪᒃᓴᐅᕗᓯ ᐱᐅᔪᓂᒃ ᐊᑕᓂᐅᑉ ᒎᑎᑦᓯ ᑐᓂᓯᕕᒋᖕᒪᓯ ᐃᓚᑎᓪᓗ, ᑕᕝᕙ ᖁᕕᐊᓱᖃᑎᒌᒃᑐᒃᓴᐅᕗᓯ ᓕᕔᑎᓪᓗ ᓄᓇᖃᕐᑐᑐᖃᐅᖏᑦᑐᓪᓗ ᑕᕝᕙᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ.

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.