ᐃᓕᓯᒪᓃᑦ ᐃᒃᓖᓯᐊᓯᑏᔅ 5:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᒪᓐᓇᑦᑕᐅᖅ ᑕᕝᕙ ᐱᐅᖏᑦᑐᖅ: ᑍᒫᒃ ᓄᓇᒧᑦ ᑎᑭᓚᐅᕋᒥ ᑍᒫᑦᓮᓐᓇᖅ ᐅᑎᕈᒫᕆᕗᖅ. ᓱᓇᒥᒡᓕ ᐱᕙᓪᓕᕈᑎᖃᕐᐹ ᐊᓄᕆᒥᒃ ᐊᖑᓯᓇᓱᖕᓂᕐᒧᑦ ᐊᒃᓱᕈᓚᐅᑐᐃᓐᓇᕐᓗᓂ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:16 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:29

ᐃᒡᓗᒥᐅᖃᑎᒥᓂᒃ ᐃᓱᐊᖏᑦᑐᒦᑎᑦᓯᔪᖅ ᐊᓄᕆᒥᒃ ᑭᖑᕐᖑᑦᔨᓂᐊᕐᐳᖅ, ᓯᓔᑦᑐᕐᓗ ᐱᔨᒋᔭᐅᓂᐊᕐᐳᖅ ᓯᓚᑐᔪᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:3

ᐃᓄᒃ ᓱᓇᒥᒃ ᐱᕚᓪᓕᕈᑎᖃᕐᐹ ᐊᒃᓱᕈᕈᑎᒋᔭᒥᓂᒃ? ᓴᓇᓂᕐᒥᓄᑦ ᓯᕿᓂᐅᑉ ᐊᑖᓂ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:11

ᑕᒪᕐᒥᒡᓗ ᐊᒡᒐᓐᓄᑦ ᓴᓇᓚᐅᕐᑕᒃᑲ ᕿᒥᕐᕈᓚᐅᕋᒃᑭᑦ, ᑎᒥᒪᓗ ᓄᑭᖏᓐᓄᑦ ᐊᒃᓱᕈᕐᓗᖓ ᑕᒪᕐᒥᒃ ᓴᓇᓚᐅᕐᑕᒃᑲ; ᑕᒪᕐᒥ ᑭᓯᐊᓂ ᓱᕙᓕᑭᐊᑦ, ᐊᓄᕆᒥᒃ ᒪᓕᑐᐃᓐᓇᕐᑐᑐᑦ ᑍᒤᑉᐳᑦ. ᓱᓇᒥᒃ ᐱᕙᓪᓕᕈᑎᒥᒃ ᐱᑕᖃᓐᖏᓚᖅ ᓯᕿᓂᐅᑉ ᐊᑖᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:9

ᐱᓇᓱᐊᕐᑎ ᓱᓇᒥᒃ ᐱᕚᓪᓕᕈᑎᖃᕐᐹ ᐊᒃᓱᕈᕐᓗᓂ ᓴᓇᔭᒥᓂᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:13

ᐱᐅᖏᑦᑐᐊᓗᖕᒥᒃ ᓯᕿᓂᐅᑉ ᐊᑖᓂ ᐊᑐᕐᑕᐅᔪᒥᒃ ᑕᑯᓯᒪᕗᖓ: ᐊᒃᓱᐃᑦᔪᑏᑦ ᐱᖃᕐᑐᒥᑦ ᐱᓯᒪᔭᐅᔪᑦ ᐋᓐᓂᐊᕈᑎᒋᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 26:18

ᐃᕐᓂᓱᒃᑐᑎᑐᑦ ᐋᓐᓂᐊᓚᐅᕐᐳᒍᑦ ᓂᒪᒃᓗᑕᓗ, ᓱᓇᒥᒡᓕ ᓴᖅᑭᑎᑦᓯᓚᐅᓐᖏᓚᒍᑦ, ᓄᓇᑦᑕᓗ ᓵᓚᒃᓴᕈᑎᒃᓴᖓᓂᒃ ᓴᖅᑭᑦᑐᖃᓚᐅᓐᖏᓚᖅ, ᐱᕚᓪᓕᕐᓇᕐᑐᒥᒡᓗ ᓴᖅᑭᑎᑦᓯᓚᐅᕐᓇᑕ.

ᔨᕆᒤᐊᐅᑉ ᐊᒡᓚᖏᑦ 2:8

ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᕼᐆᓯᐊᑉ ᐊᒡᓚᖏᑦ 8:7

ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᒫᑯᓯᐅᑉ ᐊᒡᓚᖏᑦ 8:36

ᐃᓄᒃ ᓱᓇᒥᒃ ᐱᕙᓪᓕᐅᑎᖃᕋᔭᕐᐹ ᓯᓚᕐᔪᐊᓕᒫᒥᒃ ᐱᖃᓕᕋᓗᐊᕈᓂ ᓇᖕᒥᓂᕐᓗ ᐃᓅᓯᕐᒥᓂᒃ ᐊᓯᐅᔨᓗᓂ?

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:16

ᑍᒤᑦᑐᓄᑦ ᐃᓄᖕᓄᑦ ᐃᓕᑦᓯᓐᓂᒃ ᑐᓂᓯᒪᖁᕙᑦᓯ ᑕᒤᓐᓄᓪᓗ ᐱᓇᓱᐊᖃᑕᐅᔪᓄᑦ ᐱᓇᓱᐊᕐᑎᓄᓪᓗ.

ᓴᒧᐃᓕ ᓯᕗᓪᓖᑦ 12:21

ᓴᖑᑦᑍᓕᒋᑦᓯ ᓱᓇᐅᖏᑦᑐᓄᓪᓗ ᐱᓇᓱᐊᓕᕐᑍᓕᓗᓯ ᐃᓕᑦᓯᓐᓂᒃ ᐃᑲᔪᕈᓐᓇᖏᒻᒪᑕ ᐱᐅᓕᒃᓯᔪᓐᓇᕋᑎᒡᓗ, ᑕᒪᓐᓇ ᑍᒤᓕᐅᕐᓂᖅ ᐊᑑᑎᖃᖏᒻᒪᑦ.