ᐃᓕᓯᒪᓃᑦ ᐃᒃᓖᓯᐊᓯᑏᔅ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓇᓪᓕᐅᓐᓂᖃᕐᐳᖅ ᐊᓕᒃᓯᓂᕐᒥᒃ, ᓇᓪᓕᐅᓐᓂᖃᕆᕗᖅ ᒥᕐᓱᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᓂᐰᓐᓂᕐᒥᒃ, ᓇᓪᓕᐅᓐᓂᖃᕆᕗᖅ ᐅᖃᕆᐊᖃᕐᓂᕐᒥᒃ;

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:7 Iomraidhean Croise

ᒨᓯᓯ ᓯᕗᓪᓖᑦ 37:29

ᕉᐱᓂᓕ ᐅᑎᕋᒥ ᐃᑎᕐᓴᒧᓪᓗ ᑕᑯᒋᐊᕋᒥ ᔫᓯᐱ ᑕᑯᓐᖏᓛ, ᐊᓐᓄᕌᓂᓗ ᐊᓕᒃᐰᑦ.

ᒨᓯᓯ ᓯᕗᓪᓖᑦ 37:34

ᑕᕝᕙ ᔧᑰᑉ ᐊᓐᓄᕌᓂ ᐊᓕᒃᐰᑦ, ᖃᓪᓗᓈᕐᑕᒥᒡᓗ ᐳᑐᕐᓛᒥᒃ ᐊᑎᓯᓪᓗᓂ, ᐃᕐᓂᓂᓗ ᕿᒃᓵᒍᑎᒋᕚ ᐅᓪᓗᓂᒃ ᐅᓄᕐᑐᓂᒃ.

ᒨᓯᓯ ᓯᕗᓪᓖᑦ 44:18

ᑕᕝᕙ ᔫᑕᐅᑉ ᐅᐸᒃᓗᒍ ᐅᖃᐅᑎᕚ, “ᐊᖓᔪᖅᑳᕋ, ᕿᓄᕕᒋᕙᒋᑦ ᐱᔩᑦ ᓈᓚᒡᓗᒍ ᐅᖃᕈᓐᓇᕐᑎᓚᐅᕈᒃ, ᐱᔩᓪᓗ ᓂᓐᖓᐅᑎᑦᑍᓕᓗᒍ; ᐰᕉᑐᑦ ᐃᓱᒪᓇᕋᕕᑦ.

ᒨᓯᓯ ᓯᕗᓪᓖᑦ 44:34

ᖃᓄᕐᓕ ᐊᑖᑕᓐᓄᑦ ᐅᑎᕈᓐᓇᕋᔭᕐᐳᖔ ᐃᓅᓱᒃᑐᖅ ᓇᒃᓴᖏᓪᓗᒍ? ᓯᕘᕋᕗᖓ ᑕᑯᔭᕆᐊᒃᓴᖅ ᐱᐅᖏᑦᑐᒥᒃ ᐊᑖᑕᒐ ᑎᑭᑕᐅᑎᓪᓗᒍ.”

ᓴᒧᐃᓕ ᐂᑉᐸᖏᑦ 1:11

ᑕᕝᕙ ᑍᕕᑎᐅᑉ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᐃᓅᖃᑎᓕᒫᖏᓪᓗ ᑍᒤᓚᐅᕆᕗᑦ;

ᓴᒧᐃᓕ ᐂᑉᐸᖏᑦ 3:31

ᑕᕝᕙ ᑍᕕᑎᐅᑉ ᔪᐊᐱᒃᑯᑦ ᐃᓚᖏᓪᓗ ᐅᖃᐅᑎᕔᑦ, “ᐊᓐᓄᕌᓯ ᐊᓕᒃᑐᕐᓯᒋᑦ, ᐊᓐᓄᕌᕐᓗᓯᓗ ᐊᕐᔭᓕᓂᑎᕐᓯᒪᔪᓂᒃ, ᕿᒃᓵᒍᑎᖃᓪᓗᓯ ᐋᑉᓄᒥᒃ.” ᐃᓗᕕᕐᑕᐅᓕᕐᑎᓪᓗᒍᓗ ᐊᖓᔪᖅᑳᕐᔪᐊᖅ ᑍᕕᑎ ᐱᓱᓚᐅᕐᐳᖅ ᐃᒃᓯᕐᕕᐊᑕ ᑭᖑᓂᖓᓂ.

ᐊᑕᓃᑦ ᓯᕗᓪᓖᑦ 21:27

ᐂᕼᐊᐱᐅᓪᓗ ᐅᖃᐅᓰᑦ ᑕᒪᒃᑯᐊ ᑐᓴᕋᒥᒋᑦ, ᐊᓐᓄᕌᓂ ᐊᓕᒃᐰᑦ, ᐊᓐᓄᕌᕐᓗᓂᓗ ᐳᑐᕐᓛᓂᒃ ᖃᕿᐊᓕᕐᑐᕐᓯᐅᑎᓂᒃ, ᓂᕆᑦᑍᓕᓚᐅᕐᐳᖅ ᓯᓂᖃᑦᑕᕐᓗᓂᓗ ᐳᑐᕐᓛᓂᒃ ᐊᑐᕐᓗᓂ, ᑕᑯᑦᓱᓇᕐᓗᓂ ᕿᒃᓵᒡᓗᓂᓗ.

ᐊᑕᓃᑦ ᐂᑉᐸᖏᑦ 18:36

ᐃᓄᐃᑦ ᑐᓵᔪᑦ ᓂᓪᓕᕐᑐᖃᓚᐅᓐᖏᓚᑦ, ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᑍᒫᒃ ᐱᖁᓚᐅᕐᒪᒋᑦ ᑭᐅᒪᓇᓱᐊᕐᑐᖃᖁᓇᒍ.

ᐊᑕᓃᑦ ᐂᑉᐸᖏᑦ 5:7

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᑎᖅᑲᑦ ᐅᖃᓕᒫᕇᕋᒥᒋᑦ ᐊᓐᓄᕌᓂ ᐊᓕᒃᐰᑦ, ᐅᖃᕐᓗᓂᓗ, “ᒎᑎᐅᒐᒫ? ᑐᖁᑎᑦᓯᓚᐅᕐᓗᖓ ᐆᒻᒪᕐᑎᑦᓯᒃᑲᓐᓂᕈᓐᓇᕐᐳᖔ? ᖃᓄᐃᒻᒪᓂᓐᓇ ᐅᕕᓂᕐᓗᒃᑐᒥᒃ ᐸᕐᑎᕐᑐᒥᒃ ᐋᖅᑭᒃᑕᐅᖁᔨᓪᓗᓂ ᐅᕙᓐᓄᑦ ᑎᓕᓯᕙ? ᑕᑯᒋᑦ ᐅᕙᓐᓄᓂᓐᓇ ᐂᕙᑦᔪᑎᒃᓴᕐᓯᐅᑐᐃᓇᕐᑐᖅ!”

ᐊᑕᓃᑦ ᐂᑉᐸᖏᑦ 6:30

ᐊᖓᔪᖅᑳᕐᔪᐊᖅ ᐊᕐᓇᐅᑉ ᐅᖃᐅᓯᖏᓐᓂᒃ ᑐᓴᕋᒥ, ᐊᓐᓄᕌᓂ ᐊᓕᒃᐰᑦ. ᐊᕙᓗᕐᔪᐊᑉ ᑭᒡᓕᖓᒍᑦ ᐱᓱᒃᑎᓪᓗᒍ ᐃᓄᖕᓄᑦ ᑕᐅᑐᒃᑕᐅᒐᒥ ᐅᑦᔨᕆᔭᐅᓕᕐᐳᖅ ᐊᓐᓄᕌᒥ ᐃᓗᐊᒍᑦ ᐊᓐᓄᕌᕐᓯᒪᓂᖓᓂᒃ ᕿᒃᓵᒃᑐᕐᓯᐅᑎᓂᒃ.

ᐃᔅᑕᐅᑉ ᐊᒡᓚᖏᑦ 7:4

ᐃᓅᖃᑎᒃᑲᓗ ᐅᕙᖓᓗ ᓂᐅᕐᕈᑎᒋᔭᐅᓯᒪᒐᑦᑕ, ᐊᓯᕈᕐᑕᐅᖁᓪᓗᑕ, ᑐᖁᑕᐅᖁᓪᓗᑕ, ᓄᖑᑕᐅᑦᓯᐊᖁᓪᓗᑕᓗ. ᓂᐅᕐᕈᑎᒋᔭᐅᓂᐊᕈᑦᑕᓕ ᐊᖑᑎᓪᓗ ᐊᕐᓁᓪᓗ ᓯᐊᓛᒃᓴᐅᖁᓪᓗᑕ, ᓂᓪᓕᕋᔭᓐᖏᓚᖓ, ᑕᒪᓐᓇ ᐅᖁᒤᑦᑐᒦᑎᑕᐅᓂᕗᑦ ᐊᑦᔨᐅᑎᑕᒃᓴᐅᖏᒻᒪᑦ ᐊᖓᔪᖅᑳᕐᔪᐊᑉ ᐊᓯᐅᔨᒐᔭᕐᓂᖓᓄᑦ.”

ᔫᐱᐅᑉ ᐊᒡᓚᖏᑦ 2:13

ᒪᓂᖅᑲᒥᓗ ᔫᐱ ᐃᒃᓯᕙᖃᑎᒋᓕᕐᐹᑦ ᐅᓪᓗᓂᒃ ᐅᓐᓄᐊᓂᒡᓗ 7ᓂᒃ ᓂᓪᓕᕐᑐᖃᓚᐅᕋᑎᒃ, ᐋᓐᓂᐊᕐᑐᐊᓘᓂᖓᓂᒃ ᑕᑯᓐᓇᕋᒥᒃ.

ᐃᓐᖏᕈᑎᑦ 39:2

ᓂᓪᓕᐊᓚᐅᖏᓐᓇᒪ ᓂᐱᖃᕐᓇᖓᓗ, ᓂᐱᖃᓚᐅᖏᓐᓇᒪ ᐱᐅᔪᓂᒡᓘᓐᓃᑦ ᐅᖃᓚᐅᕐᓇᖓ; ᕿᒃᓵᖕᓂᕋᓕ ᐊᖏᓂᕐᓴᐅᓕᓚᐅᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:6

ᓇᓪᓕᐅᓐᓂᖃᕐᐳᖅ ᕿᓂᕐᓂᕐᒧᑦ, ᓇᓪᓕᐅᓐᓂᖃᕆᕗᖅ ᐊᓯᐅᔨᓂᕐᒥᒃ; ᓇᓪᓕᐅᓐᓂᖃᕐᐳᖅ ᐱᓯᒪᔪᒪᓂᕐᒥᒃ, ᓇᓪᓕᐅᓐᓂᖃᕆᕗᖅ ᓴᒃᑯᑦᓯᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 36:21

ᑖᒃᑯᐊᓕ ᓂᓪᓕᓚᐅᓐᖏᓚᑦ ᑭᐅᓚᐅᓐᖏᓚᓪᓘᓐᓃᑦ, ᐊᖓᔪᖅᑳᕐᔪᐊᒥᖕᓄᑦ ᐃᒫᒃ ᐱᖁᔭᐅᓯᒪᒐᒥᒃ, “ᑭᐅᓂᐊᕋᓯᐅᒃ.”

ᔨᕆᒤᐊᐅᑉ ᐊᒡᓚᖏᑦ 36:24

ᐊᖓᔪᖅᑳᕐᔪᐊᖅ ᐱᖃᑎᒋᔭᖏᓪᓗ ᐅᖃᐅᓯᕐᓂᒃ ᑐᓴᕋᓗᐊᕋᒥᒃ ᖁᐊᕐᓵᖓᓚᐅᓐᖏᓚᑦ ᐊᓐᓄᕌᒥᖕᓂᒡᓗ ᐊᓕᒃᓯᓇᑎᒃ.

ᔨᕆᒤᐊᐅᑉ ᐊᒡᓚᖏᑦ 8:14

“ᖃᓄᐃᒻᒪᑦ ᑲᑎᒪᓪᓗᑕ ᐃᒃᓯᕚᑐᐃᓐᓇᕐᐱᑖ? ᕿᒫᓚᐅᕐᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ ᑐᖁᔭᕐᑐᕐᓗᑕ. ᐊᑕᓂᐅᑉ ᒎᑎᑦᑕ ᑐᖁᔪᒃᓴᐅᖁᓕᕐᒪᑎᒍᑦ, ᑐᖁᓐᓇᕐᑐᒥᒡᓗ ᐃᒥᖁᑎᖃᓕᕐᑎᒻᒪᑎᒍᑦ, ᐊᔪᕐᑐᓕᕕᒋᓚᐅᕋᑦᑎᒍ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:28

ᓂᐰᑦᑑᓗᑕ ᐃᓄᑑᓗᑕ ᐃᒃᓯᕙᒃᔪᒃᓴᐅᕗᒍᑦ ᐊᑕᓂᐅᑉ ᑍᒤᑎᑉᐸᒍ.

ᔪᐃᓕᐅᑉ ᐊᒡᓚᖏᑦ 2:13

ᐆᒻᒪᑎᓯ ᐊᓕᒃᓯᒋᑦ, ᐊᓐᓄᕌᓯ ᐱᓇᒋᑦ; ᐊᑕᓂᕐᒧᑦ ᒎᑎᑦᓯᓐᓄᑦ ᐅᑎᓕᕆᑦᓯ, ᑖᓐᓇ ᐱᑦᓯᐊᕐᓂᖃᕐᒪᑦ ᓂᑲᒍᓱᒡᓗᓂᓗ, ᓂᓐᖓᒃᓴᕅᖏᑦᑐᖅ ᓇᓪᓕᒍᓱᒃᑐᕐᔪᐊᖑᓂᕐᒥᓄᓪᓗ ᓱᒋᐊᕐᓯᔪᒪᓐᖏᓚᖅ.

ᐂᒨᓯᐅᑉ ᐊᒡᓚᖏᑦ 5:13

ᑍᒤᒻᒪᑦ ᓯᓚᑐᔪᖅ ᓂᐱᖃᕐᓂᐊᓐᖏᓚᖅ ᑍᒤᑦᑐᒥ, ᐱᕕᒃᓴᖅ ᓇᓪᓕᐅᑎᔪᖅ ᐱᐅᖏᑦᑑᖕᒪᑦ.

ᐂᒨᓯᐅᑉ ᐊᒡᓚᖏᑦ 8:3

ᑐᒃᓯᐊᕐᕕᒡᔪᐊᒥ ᐃᓐᖏᕐᓃᑦ, ᐅᓪᓗᒥ ᑍᑲᓂ ᕿᐊᓂᕐᔪᐊᓐᖑᕐᑎᑦᓱᒫᕐᐸᒃᑲ,” ᐊᑕᓂᖅ ᒎᑎ ᐅᖃᕐᐳᖅ, “ᑐᖁᖓᔪᑦ ᑎᒥᖏᑦ ᐅᓄᕐᑐᕐᔪᐊᖑᔪᒫᕐᐳᑦ. ᓇᓂᑐᐃᓐᓇᖅ ᐊᓂᐅᖃᕐᑕᐅᔪᒫᕐᐳᑦ ᓂᐰᑦᑑᓗᑎᒃ.”

ᒤᑲᐅᑉ ᐊᒡᓚᖏᑦ 7:5

ᑕᑎᖃᕐᑍᓕᒋᑦᓯ ᐱᖃᓐᓇᕆᔭᑦᓯᓐᓂᒃ, ᐅᒃᐱᕈᓱᒃᑍᓕᒋᑦᓯᓗ ᐃᓅᖃᑎᑦᓯᓐᓂᒃ. ᐊᒡᓛᑦ ᐅᖃᐅᓯᓯ ᐅᑦᔨᕐᑐᕐᓯᐅᒃ ᐃᓐᓇᖓᖃᑎᒋᕙᒃᑕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:20

ᐅᕙᒍᒡᓕ ᓄᖅᑲᐅᑦᔨᔪᓐᓇᓐᖏᓚᒍᒃ ᓇᖕᒥᓂᖅ ᑕᑯᓚᐅᕐᑕᑦᑎᖕᓂᒃ ᑐᓴᓚᐅᕐᑕᑦᑎᖕᓂᒡᓗ ᐅᖃᐅᓯᖃᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:39

ᐲᑦᑐᕉᓯ ᐸᕐᓇᒃᑲᒥ ᑖᒃᑯᐊᒃ ᐃᓚᒋᓪᓗᒋᒃ ᐊᐅᓪᓚᕐᐳᑦ. ᑕᕝᕗᖓ ᑎᑭᒻᒪᑕ ᐋᑉᐹᑦ ᐃᒡᓘᑉ ᖁᓛᓃᑦᑐᒧᑦ. ᐅᐃᒡᒐᕐᓃᑦ ᑕᕝᕙᓃᑦᑐᑦ ᕿᐊᕗᑦ, ᐅᕕᓂᕈᕐᓂᒃ ᐊᓐᓄᕌᓂᒡᓗ ᐊᓯᖏᓐᓂᒃ, ᑑᑲᓯᐅᑉ ᐃᓅᓪᓗᓂ ᓴᓇᖃᑦᑕᕐᑕᕕᓂᖏᓐᓂᒃ ᐲᑦᑐᕉᓯᒧᑦ ᑕᑯᔭᐅᑎᑦᓯᕗᑦ.

ᓴᒧᐃᓕ ᓯᕗᓪᓖᑦ 10:16

ᓴᐅᓕᓗ ᐊᒃᑲᖕᒥᓄᑦ ᐅᖃᕐᐳᖅ, “ᐅᖃᐅᑎᑦᓯᐊᓚᐅᕐᐹᑎᒍᑦ ᓯᐅᑎᖅᑯᕐᑐᔪᑦ ᓇᓂᔭᐅᓯᒪᓕᕐᓂᖏᓐᓂᒃ.” ᑭᓯᐊᓂᓕ ᐊᖓᔪᖅᑲᐅᕕᒃ ᐱᓪᓗᒍ, ᓴᒧᐃᓕᐅᑉ ᐅᖃᐅᓯᕆᓚᐅᕐᑕᖏᓐᓂᒃ, ᐅᖃᐅᑎᓚᐅᓐᖏᓛ.