ᐃᓕᓯᒪᓃᑦ ᐃᒃᓖᓯᐊᓯᑏᔅ 3:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑐᑭᓯᓚᐅᕐᐳᖓᓕ ᐱᐅᓂᕐᓴᕐᑕᖃᓐᖏᓚᖅ ᐃᓄᑉ ᓴᓇᔭᓂ ᖁᕕᐊᓲᑎᒋᓗᓂᐅᒃ, ᑖᑦᓱᒧᖓ ᑐᕌᖓᖕᒪᑦ. ᑭᐊᓕ ᖃᐅᔨᑎᑦᓱᓐᓇᕐᐸᐅᒃ ᓱᓂᐊᕐᒪᖔᑦ ᑖᑦᓱᒪ ᑭᖑᓂᖓᒍᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:22 Iomraidhean Croise

ᔫᐱᐅᑉ ᐊᒡᓚᖏᑦ 14:21

ᑖᑦᓱᒪ ᐃᕐᓂᖏᑦ ᐅᐱᓐᓇᕐᑎᑕᐅᕗᑦ, ᑖᑦᓱᒪᓕ ᖃᐅᔨᓐᖏᓛ; ᐅᖃᐅᑦᔭᐅᓯᒪᓐᖏᓚᓪᓗ ᑲᓐᖑᓇᕐᑐᒦᑎᑕᐅᓂᕐᒥᖕᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:14

ᓯᓔᑦᑐᖅ ᐅᖃᐅᓯᕐᓂᒃ ᐅᓄᕐᑐᕈᕐᑎᑦᓯᕗᖅ. ᐃᓄᖕᒥᒡᓗ ᖃᐅᔨᒪᔪᖃᓐᖏᓚᖅ ᓱᔪᖃᕐᓂᐊᕐᒪᖔᑦ; ᑭᐊᓗ ᐅᖃᐅᑎᔪᓐᓇᕐᐹ ᑭᖑᓂᖓᓂ ᓱᔪᖃᕐᓂᐊᕐᒪᖔᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:18

ᐅᕙᖓᓗ ᓄᑭᓐᓄᑦ ᐊᒃᓱᕈᕐᓗᖓ ᓯᕿᓂᐅᑉ ᐊᑖᓂ ᐱᓇᓱᐊᓚᐅᕐᑕᒃᑲ ᐆᒥᒋᓚᐅᕐᐸᒃᑲ, ᐅᕙᓐᓂᒃ ᑭᖑᕝᕕᕐᓯᔪᒃᓴᒧᑦ ᕿᒪᑐᐃᓐᓇᕈᒫᕋᒃᑭᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:24

ᐱᐅᓂᕐᓴᕐᑕᖃᓐᖏᓚᖅ ᐊᖑᒻᒧᑦ ᓂᕆᓗᓂ ᐃᒥᕐᓗᓂᓗ, ᐱᓇᓱᐊᕐᑕᒥᓂᒡᓗ ᐊᒃᓱᕈᕈᑎᒋᔭᒥᓂᒃ ᖁᕕᐊᒋᔭᖃᕐᓗᓂ. ᑕᒪᓐᓇᓗ ᑕᑯᓚᐅᕆᕙᕋ ᒎᑎᐅᑉ ᐊᒡᒐᖏᓐᓂᑦ ᐱᔪᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:12

ᑭᓇᓕ ᖃᐅᔨᒪᕙ ᐃᓅᑉ ᐱᕙᓪᓕᕈᑎᒃᓴᖓᓂᒃ ᐃᓅᓯᕐᒥ, ᐅᓪᓗᐃᑦ ᐃᓅᔭᖏᑦ ᓱᕙᓕᑭᐊᖑᔪᑦ, ᐊᓂᒍᕐᐸᓪᓕᐊᕗᑦ ᑕᕐᕋᕐᑐᑦ? ᑭᐊᓗ ᐃᓄᒃ ᐅᖃᐅᑎᔪᓐᓇᕐᐸᐅᒃ ᐊᑐᕈᒫᕐᑐᓂᒃ ᑖᑦᓱᒪ ᑭᖑᓂᖓᓂ ᓯᕿᓂᐅᑉ ᐊᑖᓂ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:14

ᐅᓪᓗᒥᒃ ᐊᔪᕐᓴᖏᑦᓯᐊᕐᓇᕐᑐᖃᕐᐸᑦ ᖁᕕᐊᓱᒋᑦ, ᓇᓪᓕᐅᑎᔪᓪᓕ ᐊᒃᓱᕈᕐᓇᕐᐸᑕ ᐃᒫᒃ ᐃᓱᒪᒋᑦ: ᒎᑎ ᐆᒥᖓ ᓴᓇᓯᒪᕗᖅ ᐊᒻᒪᓗ ᐊᓯᐊᓂᒃ, ᐃᓄᒃ ᓱᓇᒥᒃ ᖃᐅᔨᖁᓇᒍ ᑭᖑᓂᕐᒥᓂ ᖃᓄᐃᑦᑐᖃᕈᒫᕐᒪᖔᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:15

ᑍᒤᒻᒪᑦ ᐃᓅᓯᕐᒥᒃ ᖁᕕᐊᓲᑎᖃᖁᔨᕗᖓ, ᐃᓄᒃ ᐱᐅᓂᕐᓴᒥᒃ ᐱᔭᒃᓴᖃᖏᒻᒪᑦ ᓂᕆᓗᓂ ᐃᒥᕐᓗᓂᓗ ᖁᕕᐊᓱᒡᓗᓂᓗ. ᖁᕕᐊᓱᖕᓂᐅᑉ ᑕᕝᕙ ᐃᓚᒋᓂᐊᕐᐹ ᐱᓇᓱᐊᕐᑕᒥᓂ ᑕᒤᓐᓂ, ᐅᓪᓗᑲᕐᓂᕐᒥᓂ ᑕᒤᓐᓂ ᒎᑎᐅᑉ ᑐᓂᔭᖓᓂᒃ ᑖᑦᓱᒧᖓ ᓯᕿᓂᐅᑉ ᐊᑖᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:7

ᐃᓄᐃᑦ ᓇᓪᓕᐊᓐᓂᒃ ᓯᕗᓂᒃᓴᒥᒃ ᖃᐅᔨᒪᔪᖃᖏᒻᒪᑦ, ᑭᐊ ᐅᖃᐅᑎᔪᓐᓇᕐᐸᐅᒃ ᓯᕗᓂᕐᒥ ᖃᓄᐃᓐᓂᐊᕐᑐᒥᒃ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:12

ᑭᓇᓘᓐᓃᑦ ᑲᓄᐃᑲᓪᓚᖕᓂᐊᕐᑐᓄᑦ ᐅᐸᓗᖎᕐᓯᒪᔪᓐᓇᖏᒻᒪᑦ: ᓲᕐᓗ ᐃᖃᓗᐃᑦ ᓄᓗᐊᓄᑦ ᑐᖁᑕᐅᓐᓇᕐᑐᒧᑦ ᑎᑭᒻᒪᑕ, ᐅᕝᕙᓗ ᑎᖕᒥᐊᑦ ᓂᒐᕐᓄᑦ ᑎᑭᒻᒪᑕ, ᑍᒫᒃᑕᐅᖅ ᐃᓄᐃᑦ ᐱᐅᖏᑦᑐᓄᑦ ᖃᓄᐃᓕᓇᕐᑐᓄᑦ ᓂᒐᕐᑎᑕᐅᔪᑐᑦ ᑎᑭᑉᐸᒃᐳᑦ, ᑕᕝᕔᓐᓇᖅ ᐅᐸᓗᐃᔭᐅᓪᓗᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:6

ᓇᒡᓕᒍᓱᖕᓂᖏᓪᓗ, ᐆᒥᓱᖕᓂᖏᓪᓗ, ᐊᓐᓂᕈᑦᔨᓂᖏᓪᓗ, ᓄᖑᓯᒪᕗᑦ; ᐃᓚᐅᖃᑕᐅᓂᐊᕈᓐᓃᕐᐳᑦ ᓯᕿᓂᐅᑉ ᐊᑖᓂ ᖃᓄᐃᓕᐅᕐᑕᐅᔪᓂ.

ᑖᓂᐊᓕᐅᑉ ᐊᒡᓚᖏᑦ 12:13

ᐃᕝᕕᓪᓕ, ᐊᖏᕐᕋᓕᕆᑦ ᐃᓱᐊ ᐅᑕᖅᑭᓗᒍ ᑕᕾᕐᓯᕐᓗᑎᑦ, ᐅᓪᓗᐃᑦ ᐃᓱᓕᑉᐸᑕ ᒪᑭᑦᓱᒫᕋᕕᑦ ᓇᓚᐅᑦᑖᕈᑎᒃᑯᓪᓗ ᐱᑖᕆᔭᒃᓮᑦ ᐃᓕᖕᓄᑦ ᑐᓂᔭᐅᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 6:34

ᑍᒤᒻᒪᑦ ᐃᓱᒪᔮᕈᑎᖃᕐᓂᐊᕋᓯ ᖃᐅᒃᐸᐅᓂᐊᕐᑐᒥᒃ; ᐅᓪᓘᓂᐊᕐᑐᖅ ᓇᖕᒥᓂᖅ ᐃᓱᒪᔮᕈᑎᖃᓛᕐᒥᖕᒪᑦ. ᐅᓪᓘᑉ ᐊᑕᐅᓯᐅᑉ ᖁᕕᐊᓇᖏᑦᑐᕐᑕᖃᕐᓂᖏᑦ ᐃᓚᒃᑲᓐᓂᕆᐊᖃᖏᒻᒪᑕ.”

ᒨᓯᓯ ᑕᓪᓕᒪᖏᑦ 12:18

ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᓕᕔᑎᓪᓗ ᓄᓇᒋᔭᑦᓯᓐᓂ ᓄᓇᖃᕐᑐᑦ, ᑕᒪᒃᑯᐊ ᓂᕆᔭᒃᓴᕆᕙᓯ ᑐᓂᕐᕈᑎᐅᓯᒪᔪᑦ ᐊᑕᓂᐅᑉ ᒎᑎᑦᓯ ᓇᔪᒑᖓᓂ ᐊᓯᐊᓂᐅᖏᑦᑐᖅ, ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓂ ᑐᓂᕐᕈᓯᕐᕕᒃᓴᐅᖁᔭᖓᓂ ᑕᕝᕙᓂᑐᐊᖅ. ᑕᕝᕙᓂᓗ ᖁᕕᐊᓲᑎᖃᕐᑐᒃᓴᐅᕗᑎᑦ ᐱᓇᓱᐊᕐᓯᒪᔭᓕᒫᕐᓂᒃ.

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 28:47

ᐊᑕᓂᐅᑉ ᓮᒻᒪᕐᑎᓯᒪᓚᐅᕐᒪᓯ ᑕᒤᑎᒍᑦᓯᐊᖅ, ᐱᔨᑦᓯᓚᐅᓐᖏᓚᓯᓕ ᖁᕕᐊᓱᖕᓂᕐᒧᑦ ᐊᓕᐊᓁᒍᓱᖕᓂᕐᒧᓪᓗ ᐆᒻᒪᑎᒃᑯᑦ.