ᐃᓕᓯᒪᓃᑦ ᐃᒃᓖᓯᐊᓯᑏᔅ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓄᖕᓄᑦ ᖃᓄᐃᓐᓂᕆᔭᐅᕙᒃᑐᑦ ᐆᒪᔪᓂᑦᑕᐅᖅ ᐊᑐᕐᑕᐅᕙᖕᒥᖕᒪᑕ; ᐊᑦᔨᒌᒥᒃ ᖃᓄᐃᓐᓇᕐᑐᒧᑦ ᑎᑭᑕᐅᕙᖕᒪᑕ: ᓲᕐᓗ ᐂᑉᐸᖓ ᑐᖁᕐᒪᑦ ᐊᒻᒪᑦᑕᐅᖅ ᐊᓯᐊ ᑐᖁᒋᓪᓗᓂ. ᑕᒪᕐᒥᒃ ᐊᑦᔨᒌᒃᑐᒥᒃ ᐊᓂᕐᓂᖃᕐᐴᒃ; ᐃᓄᒃ ᐊᔪᖏᓐᓂᕐᓴᐅᓐᖏᓚᖅ ᐆᒪᔪᒥᑦ, ᐃᓛᒃ ᑕᒪᕐᒥᒃ ᑐᑭᖃᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:19 Iomraidhean Croise

ᓴᒧᐃᓕ ᐂᑉᐸᖏᑦ 14:14

ᑕᒪᑦᑕ ᑐᖁᔪᒃᓴᐅᕗᒍᑦ; ᐃᒥᕐᑐᑦ ᑍᒤᑉᐳᒍᑦ ᓄᓇᒧᑦ ᑯᕕᔭᐅᔪᑎᑐᑦ, ᑲᑎᑕᐅᓗᑎᒃ ᐅᑎᕐᑎᑕᐅᒃᑲᓐᓂᕈᓐᓁᓪᓕᔪᑎᑐᑦ; ᐊᒡᓛᑦ ᒎᑎᐅᑉ ᑐᖁᖓᔪᑦ ᐅᑎᕐᑎᖃᑦᑕᖏᒻᒪᒋᑦ, ᐊᖓᔪᖅᑳᕐᔪᐊᕐᓕ ᐃᓄᖕᒥᒃ ᐅᑎᕐᑎᑦᓯᔪᓐᓇᕐᐳᖅ ᓇᕐᕈᒋᔭᐅᓕᕐᓯᒪᔪᒥᒃ.

ᐃᓐᖏᕈᑎᑦ 104:29

ᑮᓁᑦ ᑕᓕᑎᑐᐊᕋᕕᐅᒃ, ᑕᕝᕙ ᑲᑉᐱᐊᓱᓕᕐᐳᑦ; ᐊᓂᕐᓂᖏᑦ ᑎᒍᑐᐊᕋᕕᒋᑦ, ᑕᕝᕙ ᑐᖁᕗᑦ ᐅᑎᕐᓗᑎᒡᓗ ᓄᓇᒧᑦ.

ᐃᓐᖏᕈᑎᑦ 49:12

ᑍᒤᒻᒪᑦ ᐃᓄᒃ ᐅᐱᓐᓇᕐᑑᒐᓗᐊᕐᓗᓂ ᑍᒤᑦᓮᓐᓇᕈᓐᓇᓐᖏᓚᖅ; ᐆᒪᔪᑦ ᐊᑦᔨᒋᕔᑦ ᑐᖁᕙᒃᑐᑦ.

ᐃᓐᖏᕈᑎᑦ 49:13

ᑍᒫᒃ ᑕᕝᕙ ᓯᓔᑦᑐᑦ ᐱᐅᓯᖓᑦ, ᒪᓕᒃᑎᖏᑕᓗ, ᐅᖃᐅᓯᕆᕙᒃᑕᖏᓐᓂᒃ ᓈᒻᒪᒃᓴᕐᑐᑦ. ᓰᓚ

ᐃᓐᖏᕈᑎᑦ 49:20

ᐃᓄᒃ ᐅᐱᒋᔭᐅᔪᖅ, ᓱᓕ ᖃᐅᔨᓐᖏᓚᖅ, ᓂᕐᔪᑎᑦ ᐊᑦᔨᒋᕔᑦ ᑐᖁᕙᒃᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:14

ᖃᐅᔨᓯᒪᕙᒃᑲ ᑕᒪᕐᒥᒃ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᔪᑦ; ᑐᑭᓯᕙᒃᑲ ᓱᕙᓕᑭᐊᖑᖕᒪᑕ, ᓲᕐᓗ ᐊᓄᕆᒥᒃ ᐊᓐᖑᑎᓇᓱᐊᕐᑐᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:17

ᐃᓕᓐᓂᐊᓚᐅᕐᐳᖓᓗ ᓯᓚᑐᓂᕐᒥᒃ, ᐃᓱᒤᕈᑎᓂᕐᒥᒡᓗ, ᓯᓔᑦᑑᓂᕐᒥᒡᓗ. ᑐᑭᓯᕗᖓᓕ ᑕᒪᒃᑯᐊ ᐊᓄᕆᒥᒃ ᓲᕐᓗ ᐊᓐᖑᑎᓇᓱᒃᑐᑐᑦ ᑍᒤᑐᐃᓐᓇᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:14

ᓯᓚᑐᔪᖅ ᐃᔨᖃᕐᒪᑦ ᓂᐊᖁᕐᒥᓂ, ᓯᓔᑦᑐᕐᓗ ᐱᓱᒃᐳᖅ ᑖᕐᑐᒥ; ᖃᐅᔨᓕᕐᐳᖓᓕ ᑕᒪᕐᒥᒃ ᐱᕙᓪᓕᐊᔪᓄᑦ ᑎᑭᑕᐅᔪᐃᓐᓇᐅᖕᒪᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:16

ᓯᓚᑐᔪᖅ ᐊᑯᓂᐅᓂᕐᓴᒥᒃ ᐃᖅᑲᐅᒪᔭᐅᓂᕐᓴᐅᓐᖏᓚᖅ ᓯᓔᑦᑐᒥᑦ, ᐅᓪᓗᐃᑦ ᐅᓄᕐᑐᑦ ᐊᓂᒍᕐᓯᒪᔪᑦ ᑭᖑᓂᖓᑦᑎᒍᑦ ᑕᒪᕐᒥᒃ ᐳᐃᒍᕐᑕᐅᔪᒃᓴᐅᕗᒃ. ᓯᓚᑐᔪᖅ ᖃᓄᕐᓕ ᑐᖁᔪᒫᕐᐸ? ᑍᒫᓪᓗᐊᑦᓯᐊᕐᑕᐅᖅ ᓯᓔᑦᑐᑐᑦ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:2

ᐃᓔᕐᓂᕐᒧᑦ ᕿᒃᓵᒃᑐᑦ ᐃᒡᓗᖓᓄᑦ ᐃᑎᕆᐊᒥᒃ ᐱᐅᓂᕐᓴᐅᕗᖅ ᓂᕆᕕᒡᔪᐊᕐᑐᑦ ᐃᒡᓗᖓᓄᑦ ᐃᑎᕐᓂᕐᒥᑦ, ᐃᓄᓕᒫᑦ ᑕᒪᑐᒥᖓ ᑐᕌᒐᖃᕐᒪᑕ, ᐃᓄᐃᓪᓗ ᐃᓅᔪᓕᒫᑦ ᐆᒻᒪᒻᒥᐅᑕᕆᕚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:12

ᑭᓇᓘᓐᓃᑦ ᑲᓄᐃᑲᓪᓚᖕᓂᐊᕐᑐᓄᑦ ᐅᐸᓗᖎᕐᓯᒪᔪᓐᓇᖏᒻᒪᑦ: ᓲᕐᓗ ᐃᖃᓗᐃᑦ ᓄᓗᐊᓄᑦ ᑐᖁᑕᐅᓐᓇᕐᑐᒧᑦ ᑎᑭᒻᒪᑕ, ᐅᕝᕙᓗ ᑎᖕᒥᐊᑦ ᓂᒐᕐᓄᑦ ᑎᑭᒻᒪᑕ, ᑍᒫᒃᑕᐅᖅ ᐃᓄᐃᑦ ᐱᐅᖏᑦᑐᓄᑦ ᖃᓄᐃᓕᓇᕐᑐᓄᑦ ᓂᒐᕐᑎᑕᐅᔪᑐᑦ ᑎᑭᑉᐸᒃᐳᑦ, ᑕᕝᕔᓐᓇᖅ ᐅᐸᓗᐃᔭᐅᓪᓗᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:2

ᑕᒪᕐᒥᒡᓕ ᐊᑦᔨᒌᒃᑐᒥᒃ ᓯᕗᓂᒃᓴᖃᕐᐳᑦ ᐃᓱᐊᕐᑐᑦ ᐱᐅᖏᑦᑐᓕᔪᓪᓗ, ᐱᐅᔪᓪᓗ ᐱᐅᖏᑦᑐᓪᓗ, ᓴᓗᒪᔪᑦ ᓴᓗᒤᑦᑐᓪᓗ, ᑐᓂᕐᕈᑎᒃᓴᓂᒡᓗ ᑐᓂᓯᔪᑦ ᑐᓂᕐᕈᓯᖏᑦᑐᓪᓗ. ᑍᒤᒻᒪᑦ ᐃᓄᖕᒧᑦ ᐱᐅᔪᒧᑦ, ᑍᒤᒃᑭᕗᖅ ᓱᓕ ᐊᔪᕐᑐᓕᔪᒧᑦ; ᑍᒤᒃᑭᕗᖅ ᐊᖏᕈᑎᖃᕐᑐᓄᑦ ᐊᖏᕈᑎᖃᕆᐊᒃᓴᕐᓗ ᑲᑉᐱᐊᓱᒃᑐᓄᑦ.

ᒨᓯᓯ ᓯᑕᒪᖏᑦ 16:29

ᐅᑯᐊ ᐊᖑᑎᑦ ᐃᓄᓕᒫᑦ ᐱᐅᓯᖏᑎᑐᑦ ᑐᖁᑐᐃᓐᓇᕐᐸᑕ, ᑎᑭᑕᐅᒃᐸᑕᓘᓐᓃᑦ ᓱᓇᑐᐃᓐᓇᕐᓄᑦ ᐃᓄᓕᒫᓄᑦ ᑐᖁᑦᔪᑕᐅᕙᒃᑐᓄᑦ, ᑕᕝᕙ ᐊᑕᓂᐅᑉ ᑎᓕᓯᒪᓐᖏᓛᖓ.