ᐃᓕᓯᒪᓃᑦ ᐃᒃᓖᓯᐊᓯᑏᔅ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐆᒻᒪᑎᑯᑦ ᐃᓱᒪᓚᐅᕐᐳᖓ, “ᒎᑎᐅᑉ ᐃᖅᑲᕐᑐᐃᕕᖕᒧᑦ ᕾᑎᑦᓱᒫᕐᐰᑦ ᐱᐅᔪᑦ ᐱᐅᖏᑦᑐᓕᔪᓪᓗ, ᓇᓪᓕᐅᓐᓂᖃᕐᒪᑦ ᐱᑦᔪᑎᒃᓴᖃᕐᑐᓄᑦ ᓱᓇᑐᐃᓐᓇᕐᓄᑦ ᓴᓇᓯᒪᔪᓄᓪᓗ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:17 Iomraidhean Croise

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:16

ᐃᒫᒃ ᐃᓱᒪᓕᓚᐅᕐᐳᖓ, “ᑕᑯᒋᑦ, ᓯᓚᑐᓂᕐᔪᐊᓕᐊᓘᓕᕐᐳᖓ, ᓯᓚᑐᓂᕐᓴᐅᓕᕐᓗᖓᓗ ᑕᒤᓐᓂᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᓚᐅᕐᓯᒪᔪᓂᑦ ᓯᕗᓂᓐᓂᑦ; ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᐊᖏᔪᒥᒃ ᐊᑐᕐᓯᒪᓕᕐᐳᖓ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:14

ᒎᑎᐅᑉ ᑕᒤᑕ ᐱᓂᐊᕐᓃᑦ ᐃᖅᑲᕐᑐᐃᕕᖕᒧᑦ ᐱᑎᑦᓱᒫᕐᒪᒋᑦ, ᐃᔨᕐᓯᒪᔪᓪᓗ ᐊᒡᓛᑦ, ᐱᐅᔫᒐᓗᐊᕐᐸᑕ ᐱᐅᖏᑦᑑᒐᓗᐊᕐᐸᑕᓘᓐᓃᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:1

ᐅᕙᓐᓄᑦ ᐅᖃᕐᐳᖓ, “ᐊᑏ, ᖁᕕᐊᓇᕐᑐᓂᒃ ᖃᐅᔨᑎᑦᓱᒪᒋᕙᒋᑦ.” ᑕᒪᒃᑯᐊᓕ ᓱᓇᐅᖏᑦᓯᐊᕆᕗᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:1

ᓱᓇᑐᐃᓐᓁᑦ ᐱᕕᒃᓴᖃᕐᐳᑦ, ᕿᓚᐅᑉ ᐊᑖᓃᑦᑐᑦ ᓱᓇᑐᐃᓐᓇᐅᒐᓗᐊᕐᐸᑕ ᓇᓪᓕᐅᓐᓂᖃᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:6

ᓱᓇᑐᐃᓐᓁᑦ ᓈᒻᒪᑦᓯᐊᕐᑐᒥᒃ ᐱᕕᒃᓴᖃᕐᐳᑦ ᓇᖕᒥᓂᕐᓗ ᐱᐅᓯᖃᕐᓗᑎᒃ; ᐃᓅᑉ ᖁᕕᐊᓱᖏᓐᓂᖓ ᐊᖏᔫᒐᓗᐊᕐᑎᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 11:40

“ᑍᑦᓱᒪ ᐃᓱᐊᓂ ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᑦ ᐱᔪᖅ ᐅᓇᑕᖃᑎᒋᔪᒫᕐᐹ, ᐊᖓᔪᖅᑳᕐᔪᐊᓪᓗ ᐅᓐᓄᐊᑉ ᓇᓛᓂᑦ ᐱᔫᑉ ᓱᕐᔪᒍᒫᕆᕚ ᕿᒧᒃᓯᐅᑎᑦ ᐃᑭᒪᕝᕕᖕᒥᒃ ᐅᓂᐊᕐᑐᑦ ᐊᑐᕐᓗᒋᑦ, ᐅᓇᑕᕐᑐᒃᓴᒐᓴᒃᔪᐊᖃᕐᓗᓂ, ᐅᒥᐊᕐᔪᐊᖁᑎᖏᓪᓗ ᐅᓄᕐᑐᑦ ᐊᑐᕐᓗᒋᑦ, ᓄᓇᓕᒡᔪᐊᑦ ᐅᓄᕐᑐᑦ ᐅᓇᑕᕈᒫᕐᐰᑦ ᐃᒪᕐᑐᑦ ᖄᒥᑦᑐᑐᑦ.

ᑖᓂᐊᓕᐅᑉ ᐊᒡᓚᖏᑦ 12:4

“ᐃᕝᕕᓪᓕ, ᑖᓂᐊᓖ, ᑎᑎᕋᕐᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᕐᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᕐᑎᓐᓇᒋᑦ, ᐅᓄᕐᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᒪᑕ, ᐊᖏᓂᕐᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”

ᑖᓂᐊᓕᐅᑉ ᐊᒡᓚᖏᑦ 12:9

ᑭᐅᕚᖓᓗ, “ᑖᓂᐊᓖ, ᐊᐅᓪᓚᓕᕆᑦ, ᐅᖃᐅᓰᑦ ᑕᒪᒃᑯᐊ ᒪᑐᓯᒪᖕᒪᑕ ᓇᕿᑦᔪᓯᕐᓯᒪᓪᓗᑎᒡᓗ ᑭᓯᐊᓂ ᐃᓱᐊᑕ ᓇᓪᓕᐅᑎᓂᖓ ᑎᑭᑉᐸᑦ.”

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 5:22

ᐊᑖᑕ ᐃᖅᑲᕐᑐᐃᓐᖏᓚᖅ ᑭᓇᒥᒡᓘᓐᓃᑦ, ᐃᕐᓂᓂᓕ ᐃᖅᑲᕐᑐᐃᔪᓐᓇᕐᓂᕐᒥᒃ ᑐᓂᓯᕕᒋᓯᒪᕚ.

ᐋᐴᓯᑕᓖᑦ ᐱᓂᐊᕐᓂᖏᑦ 1:7

ᔩᓱᓯᐅᑉ ᑭᐅᕔᑦ, “ᐃᓕᑦᓯ ᑕᒪᑐᒥᖓ ᖃᐅᔨᒪᔭᕆᐊᖃᓐᖏᓚᓯ ᐱᕕᒃᓴᒥᒃ ᓇᓪᓕᐅᑎᕕᒃᓴᓂᒡᓗ ᐊᑖᑕᒪ ᑕᒪᒃᑯᐊ ᐱᔪᓐᓇᕐᓂᕐᒥᓄᑦ ᐋᖅᑭᒃᓯᒪᖕᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:1

᙭ᔅᑑᓯᒥᐅᑕᐅᖃᑎᒃᑲ, ᓇᓪᓕᐅᑦᑐᒃᓴᓂᒃ ᖃᖓᐅᓂᒃᓴᖏᓂᒃᓗ ᐅᓪᓗᓪᓘᓐᓃᑦ ᓇᓪᓕᐊᓐᓂ ᑎᑎᕋᕐᕕᒋᔭᕆᐊᖃᓐᖏᓚᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:18

ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:2

ᑐᕌᒎᓂᓗ ᑎᒍᕚ, ᑖᓐᓇ ᖁᒡᓗᒋᐊᑐᖃᖅ, ᑕᕝᕙ ᐱᐅᓐᖏᑐᒥ ᐱᔪᒥᓵᕆᔨ ᑖᓇ ᓵᑖᓇᓯ, ᑖᓐᓇᓗ ᕿᓚᒃᓱᕐᐹ ᕿᓚᒃᓱᕐᓯᒪᓂᐊᓕᕐᓗᓂ ᐊᕐᕌᒍᓂᑦ 1,000ᓂᒃ.