ᐃᓕᓯᒪᓃᑦ ᐃᒃᓖᓯᐊᓯᑏᔅ 3:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓱᓇᑐᐃᓐᓇᕐᓂᒡᓗ ᑕᑯᒥᓇᕐᑎᓯᕙᒃᐳᖅ ᓇᓪᓕᐅᓐᓂᖏᑦ ᓈᒻᒪᒃᑎᓪᓗᒋᑦ; ᐊᒻᒪᓗ ᐃᓱᖃᖏᑦᑐᒥᒃ ᐃᓕᓯᕗᖅ ᐃᓄᐃᑦ ᐆᒻᒪᑎᖏᓐᓄᑦ: ᑭᓯᐊᓂᓕ ᑖᒃᑯᐊ ᑐᑭᓯᔪᓐᓇᓐᖏᓚᑦ ᒎᑎ ᓱᓇᒥᒃ ᐱᓚᐅᕐᒪᖔᑦ ᐱᒋᐊᕐᓂᖓᓂᑦ ᐃᓱᐊ ᑎᑭᓪᓗᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:11 Iomraidhean Croise

ᒨᓯᓯ ᓯᕗᓪᓖᑦ 1:31

ᒎᑎᐅᓪᓗ ᐱᓐᖑᕐᑎᑕᓂ ᑕᒪᕐᒥᒃ ᕿᒥᕐᕈᕔᑦ, ᑕᑯᓪᓗᒋᑦ ᓈᒻᒪᒋᒻᒪᕆᒃᐰᑦ. ᐅᓐᓄᐊᖑᓚᐅᕐᓗᓂ ᐅᓪᓛᖑᓕᕐᐳᖅ ᑕᕝᕙ ᐅᓪᓗᑦ ᐱᖓᓲᔪᕐᑐᖓᑦ.

ᔫᐱᐅᑉ ᐊᒡᓚᖏᑦ 11:7

ᖃᐅᔨᔪᓐᓇᕋᓱᒋᕖᑦ ᒎᑎᐅᑉ ᖃᐅᔨᒪᓂᕐᔪᐊᖓᓂᒃ? ᐊᔪᒐᖃᖏᑦᑐᕐᔪᐊᖑᓂᖓᓗ ᐃᓱᓕᓪᓗᒍ ᖃᐅᔨᔪᓐᓇᕋᓱᒋᕕᐅᒃ?

ᔫᐱᐅᑉ ᐊᒡᓚᖏᑦ 37:23

ᐊᔪᒐᖃᖏᑦᑐᖅ ᐊᖏᓗᐊᕐᒪᑦ ᓇᒡᕚᕈᓐᓇᓐᖏᓚᕗᑦ; ᐱᔪᓐᓇᕐᓂᕐᔪᐊᖃᕐᐳᖅ ᓈᒻᒪᓈᕆᑦᓯᐊᕐᐸᒡᓗᓂᓗ, ᓇᓛᒎᑦᓮᓐᓇᕐᓂᖓᓗ ᐃᓄᖕᓂᒃ ᐅᖁᒤᒃᓴᕐᑎᑦᓯᓂᐊᓐᖏᓚᖅ.

ᔫᐱᐅᑉ ᐊᒡᓚᖏᑦ 5:9

ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᐃᓱᓕᑦᑐᓐᓇᕋᑎᒃ.

ᐃᓐᖏᕈᑎᑦ 104:24

ᐊᑕᓃᖅ, ᐱᓂᐊᕐᓂᑎᑦ ᐊᖏᔪᕐᔪᐊᖑᕗᑦ! ᑕᒪᕐᒥᒃ ᓯᓚᑐᓂᕐᓄᑦ ᐋᖅᑭᒃᓯᒪᕙᑎᑦ. ᓄᓇᕐᔪᐊᖅ ᑕᑕᑉᐳᖅ ᐆᒻᒪᕐᑎᓯᒪᔭᕐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:4

ᐊᑕᓂᐅᑉ ᓱᓇᑐᐃᓐᓁᑦ ᐱᓐᖑᕐᑎᓚᐅᕐᐰᑦ ᐊᑑᑎᒃᓴᖏᓐᓄᑦ, ᐱᐅᖏᑦᑐᑦ ᐊᒡᓛᑦ ᐊᓯᕈᕐᑕᐅᕕᒃᓴᖏᑦ ᓇᓪᓕᐅᑎᑎᑦᓱᒫᕐᐰᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:13

ᐃᓕᓐᓂᐊᓚᐅᕐᐳᖓ, ᕿᓂᕐᓗᖓᓗ ᓄᓇᒦᑦᑐᓕᒫᓂᒃ; ᑐᑭᓯᕗᖓ ᒎᑎᐅᑉ ᐃᓄᐃᑦ ᐅᖁᒤᑦᑐᓂᒃ ᑐᓂᓯᕕᒋᖕᒪᒋᑦ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:5

ᐊᓄᕆᐅᑉ ᐊᖅᑯᑎᖓᓂᒃ ᖃᐅᔨᒪᖏᓐᓇᕕᑦ, ᐅᕝᕙᓘᓐᓃᑦ ᓴᐅᓃᑦ ᖃᓄᖅ ᐊᖅᑭᒃᐸᓪᓕᐊᖕᒪᑕ ᐊᓈᓇᐅᑉ ᐃᒡᓕᐊᕐᖓᓂ, ᑍᒫᒃᑕᐅᖅ ᑐᑭᓯᔪᓐᓇᖏᓐᓂᕗᑎᑦ ᒎᑎᐅᑉ ᐱᓂᐊᕐᓂᖏᓐᓂᒃ, ᓱᓇᑐᐃᓐᓇᕐᓂᒃ ᓴᓇᓚᐅᕐᑐᑉ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:13

ᒎᑎᐅᑉ ᐱᓇᓱᐊᕐᓂᖓ ᐃᓱᒪᒋᒍᒃ; ᑭᓇ ᑐᑭᓕᐊᕐᓯᑎᑦᓯᔪᓐᓇᕐᐸ ᑖᑦᓱᒪ ᓂᐅᖓᒃᑎᑕᕕᓂᖓᓂᒃ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:23

ᑕᒪᒃᑯᐊᓕᒫᑦ ᐆᒃᑐᕐᓯᒪᕙᒃᑲ ᓯᓚᑐᓂᒃᑯᑦ; ᐅᖃᓚᐅᕐᐳᖓ, “ᓯᓚᑐᓂᐊᕐᐳᖓ,” ᑕᒪᓐᓇᓕ ᐅᕙᓐᓂᑦ ᐅᖓᓯᒃᑑᓚᐅᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:29

ᓱᓕᑦᓯᐊᕐᑐᒥᒃ, ᐅᓇᑐᐊᖅ ᖃᐅᔨᓚᐅᕐᐸᕋ: ᒎᑎᐅᑉ ᐊᖑᑦ ᐃᓱᐊᕐᑑᓪᓗᒍ ᓴᓇᓚᐅᕐᐹ, ᑭᓯᐊᓂᓕ ᐃᓱᒪᔮᕐᓇᕐᑐᓂᒃ ᐅᓄᕐᑐᓂᒃ ᕿᓂᕐᐳᒍᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:17

ᑕᑯᓚᐅᕆᕗᖓ ᒎᑎᐅᑉ ᐱᓂᐊᕐᓂᕆᓯᒪᔭᖏᓐᓂᒃ ᑕᒤᓐᓂᒃ. ᓇᓪᓕᐊᑦ ᑐᑭᓯᔪᓐᓇᓐᖏᓚᖅ ᖃᓄᐃᓕᐅᕐᑐᖃᕐᒪᖔᑦ ᓯᕿᓂᐅᑉ ᐊᑖᓂ. ᐊᒃᓱᕈᕐᓗᓂ ᑐᑭᓯᓇᓱᐊᕋᓗᐊᕈᓂ, ᐃᓄᒃ ᖃᐅᔨᔪᓐᓇᖏᒻᒪᑦ ᑐᑭᖓᓂᒃ. ᓯᓚᑐᔪᖅ ᐊᒡᓛᑦ ᖃᐅᔨᒪᓂᕋᕋᓗᐊᕐᐸᑦ, ᑕᒤᓐᓂᒃ ᑐᑭᓯᔭᕇᕈᓐᓇᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 11:27

“ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.

ᒫᑎᐅᓯᐅᑉ ᐊᒡᓚᖏᑦ 13:22

ᐱᕈᕐᑐᒃᓮᓪᓕ ᑲᑕᒃᑐᑦ ᐅᕐᐲᑦ ᑲᑭᓪᓚᐅᑎᓖᑦ ᐊᑯᕐᖓᓐᓄᑦ ᐃᒤᑦᑐᒥᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᓄᑦ; ᑕᒪᑐᒪᓕ ᐃᓅᓯᐅᑉ ᐃᓱᒪᔮᕐᓇᕐᓂᖓᓄᑦ ᐊᔪᕐᓴᖏᑦᑑᔪᒪᓂᕐᒧᓪᓗ ᐅᖃᐅᓰᑦ ᐃᐱᑎᑕᐅᕗᑦ, ᐱᕈᕐᕕᐅᓇᑎᒡᓗ.

ᒫᑯᓯᐅᑉ ᐊᒡᓚᖏᑦ 7:37

ᑕᒪᑐᒥᖓ ᑐᓴᕐᑐᑦ ᑲᒪᒻᒪᕆᒃᐳᑦ ᐅᖃᕈᓐᓇᕐᑕᖏᑕ ᐅᖓᑖᓄᑦ, ᐅᖃᕐᓗᑎᒃ, “ᖃᓄᐊᓗᖏᓐᓇ ᓱᓇᑐᐃᓐᓇᕐᓂᒃ ᐊᔪᓐᖏᓚᖅ; ᐊᒡᓛᑦ ᑐᓵᖏᑦᑐᑦ ᑐᓴᓕᕐᑎᑉᐰᑦ ᐅᖃᕈᓐᓇᖏᑦᑐᓪᓗ ᐅᖃᕈᓐᓇᕐᓯᑎᓪᖢᒋᑦ.”

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᕉᒪᒥᐅᓄᑦ 11:33

ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.