ᐃᓕᓯᒪᓃᑦ ᐃᒃᓖᓯᐊᓯᑏᔅ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑲᑎᕐᓱᐃᓚᐅᕐᐳᖓᓗ ᐅᓄᕐᑐᓂᒃ ᓯᐅᓪᕕᕆᓂᒃ ᒎᓗᓂᒡᓗ, ᐊᖓᔪᖅᑳᕐᔪᐊᑦ ᓄᓇᓕᒡᔪᐊᓪᓗ ᑮᓇᐅᔭᖁᑎᖏᓐᓂᒃ; ᐃᓐᖏᕐᑎᓂᒃ ᑲᑎᕐᓱᐃᓚᐅᕐᐳᖓ, ᑕᒤᓐᓂᒃ ᐊᖑᑎᓂᒃ ᐊᕐᓇᓂᒡᓗ, ᐊᕐᓇᖁᑎᖃᓚᐅᕐᐳᖓᓗ ᐅᓄᕐᑐᓂᒃ, ᐊᖑᑎᑦ ᖁᕕᐊᒋᔭᖏᓐᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:8 Iomraidhean Croise

ᓴᒧᐃᓕ ᐂᑉᐸᖏᑦ 19:35

80ᓂᒃ ᐊᕐᕌᒍᖃᓕᕇᕋᒪ; ᖁᕕᐊᒋᔭᖃᕈᓐᓁᕐᓗᖓᓗ ᓱᓇᑐᐃᓐᓇᒥᒃ, ᓁᒪᔪᓐᓁᕋᒪ ᓂᕆᔭᓐᓂᒃ ᐃᒥᕐᑕᓐᓂᒡᓗ, ᑐᓵᔪᓐᓁᕐᓗᖓᓗ ᐃᓐᖏᕐᑐᑦ ᓂᐱᖏᓐᓂᒃ. ᐃᓱᒫᓗᓇᕈᑎᑐᐃᓐᓇᐅᔪᒪᓐᖏᓚᖓ ᐊᖓᔪᖅᑳᕐᔪᐊᓐᓄᑦ.

ᐊᑕᓃᑦ ᓯᕗᓪᓖᑦ 10:10

ᓰᐸᒥᐅᑦ ᑯᐃᓐᖓᑦ ᑐᓂᓯᕗᖅ ᐊᖓᔪᖅᑳᕐᔪᐊᒧᑦ 10,000ᐸᐅᓂᑦ ᐅᖁᒤᓐᓂᕐᓴᓂᒃ ᒎᓗᓂᒃ, ᓂᕿᓄᓪᓗ ᐃᓚᐅᕈᑎᒃᓴᓂᒃ ᐊᖏᔪᐊᓗᖕᓂᒃ, ᐅᔭᕋᖕᓂᒡᓗ ᐊᑭᑐᔪᓂᒃ; ᑍᒫᒃ ᐊᖏᑎᒋᔪᓂᒃ ᓂᕿᓄᑦ ᐃᓚᐅᕈᑎᒃᓴᓂᒃ ᑐᓂᓯᔪᖃᒃᑲᓐᓂᓚᐅᕐᓯᒪᓐᖏᓚᖅ ᓰᐸᒥᐅᑦ ᑯᐃᓐᖓᑕ ᑐᓂᓚᐅᕐᑕᖏᑎᑐᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.

ᐊᑕᓃᑦ ᓯᕗᓪᓖᑦ 10:14

ᐊᕐᕌᒍ ᑕᒫᑦ ᐊᖓᔪᖅᑳᕐᔪᐊᖅ ᓲᓗᒨᓂ ᑐᓂᔭᐅᕙᓚᐅᕐᐳᖅ 50,000ᐸᐅᓂᒃ ᒎᓗᓂᒃ,

ᐊᑕᓃᑦ ᓯᕗᓪᓖᑦ 10:21

ᓲᓗᒨᓂᐅᑉ ᐃᒥᕈᑎᓕᒫᖏᑦ ᒎᓘᓚᐅᕐᐳᑦ, ᓂᕆᑦᔪᑎᓕᒫᓪᓗ ᓂᕆᕕᒡᔪᐊᕐᕕᐅᑉ ᓕᐸᓇᓂᐅᑉ ᓇᐹᕐᑐᖏᓐᓂᒃ ᐊᑎᓕᖕᒥ ᒎᓘᓚᐅᕆᕗᑦ ᐱᐅᓂᕐᐹᑦ; ᑕᕝᕙᓂ ᐊᑐᕐᑕᐅᔪᖃᓐᖏᓚᖅ ᓯᐅᓪᕕᕆᒥᒃ, ᑍᒤᑦᑐᑦ ᓲᓗᒨᓂ ᐃᓅᑎᓪᓗᒍ ᐊᑭᑐᓇᓱᒋᔭᐅᓚᐅᖏᒻᒪᑕ.

ᐊᑕᓃᑦ ᓯᕗᓪᓖᑦ 11:3

ᓲᓗᒨᓂ 700ᓂᒃ ᓄᓕᐊᖃᓚᐅᕐᐳᖅ, ᐊᖓᔪᖅᑳᕐᔪᐊᕐᒥᐅᑕᓂᒃ, 300ᓂᒡᓗ ᓄᓕᐊᒃᑲᓐᓂᖃᕐᓗᓂ; ᑖᒃᑯᐊᓗ ᐆᒻᒪᑎᖓᓂᒃ ᓴᖑᑎᑦᓯᓚᐅᕐᐳᑦ ᒎᑎᒥᑦ.

ᐊᑕᓃᑦ ᓯᕗᓪᓖᑦ 14:27

ᐊᖓᔪᖅᑳᕐᔪᐊᑉ ᕆᕼᐅᐳᐊᒻ ᓴᓇᔭᐅᑎᑦᓯᓪᓗᓂ ᑭᖑᕝᕕᓚᐅᕐᐰᑦ ᑲᓐᓄᔭᓂᒃ ᓴᐴᓗᑕᕐᓂᒃ, ᓴᐳᓐᓂᐊᕐᑏᓪᓗ ᐊᖓᔪᖅᑳᖏᓐᓄᑦ ᑐᓂᓪᓗᒋᑦ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᓂᒃ ᑲᒪᔨᐅᔪᓄᑦ.

ᐊᑕᓃᑦ ᓯᕗᓪᓖᑦ 9:14

ᕼᐅᕋᒻ ᓲᓗᒨᓂᒧᑦ ᑐᔪᐃᓚᐅᕐᐳᖅ 10,000ᐸᐅᓐᓂᒃ ᐅᖁᒤᓂᖃᕐᑐᓂᒃ ᒎᓗᓂᒃ.

ᐊᑕᓃᑦ ᓯᕗᓪᓖᑦ 9:28

ᑖᒃᑯᐊ ᐅᐱᕼᐃᕆᒧᐊᕋᒥᒃ, ᒎᓗᖁᑎᒥᖕᓂᒃ ᑎᑭᐅᑦᔨᓚᐅᕐᐳᑦ ᓲᓗᒨᓂᒧᑦ 32,000ᐸᐅᓐᓂᒃ ᐅᖁᒤᓐᓂᓕᖕᓂᒃ.

ᑯᕉᓂᑲ ᓯᕗᓪᓖᑦ 25:1

ᑍᕕᑎᓗ ᐊᖓᔪᖅᑲᐅᔪᓪᓗ ᐅᓇᑕᕐᑐᒃᓴᓄᑦ ᓴᓂᕐᕔᒋᕗᑦ ᐱᔨᑦᓯᕐᑐᒃᓴᓂᒃ ᐊᓴᐸᐅᑉ ᐃᕐᓂᖏᓐᓂᒃ, ᕼᐃᒪᓐᑯᓐᓂᑦ, ᔨᑐᑕᓐᑯᓐᓂᓪᓗ, ᒎᑎᐅᑉ ᐅᖃᕐᑕᐅᖁᔭᖏᓐᓂᒃ ᐅᖃᕐᑎᒃᓴᓂᒃ ᓄᖃᕐᑎᓕᖕᓄᑦ, ᕼᐊᕐᐱᓄᑦ, ᓯᕙᓂᕋᐅᑎᓄᓪᓗ. ᓇᓗᓁᕐᑕᐅᓯᒪᔪᑦ ᐱᔨᑦᓯᕐᑐᒃᓴᐅᓪᓗᑎᒃ ᐅᑯᐊᖑᕗᑦ:

ᑯᕉᓂᑲ ᓯᕗᓪᓖᑦ 25:6

ᑖᒃᑯᐊᓕᒫᑦ ᐊᑖᑕᒥᖕᓂᒃ ᐊᐅᓚᑦᓯᔨᖃᕐᐳᑦ ᓂᑦᔭᐅᓯᔭᕐᓂᕐᒥᒃ ᐊᑕᓂᐅᑉ ᐃᒡᓗᖓᓂ, ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᓄᖃᕐᑎᓕᖕᓄᓪᓗ ᐱᔨᑦᓯᕐᓗᑎᒃ ᒎᑎᐅᑉ ᐃᒡᓗᖓᓂ. ᐊᓴᐸ, ᔨᑐᑕᓐ, ᕼᐃᒪᓐᓗ ᐊᖓᔪᖅᑳᕐᔪᐊᑉ ᑕᒪᑐᒥᖓ ᐱᖁᓚᐅᕐᒪᒋᑦ.

ᑯᕉᓂᑲ ᐂᑉᐸᖏᑦ 9:11

ᐊᖓᔪᖅᑳᕐᔪᐊᕐᓗ ᕿᔪᑦᓯᐊᕙᖕᓂᒃ ᐊᓪᒐᒻᓂᒃ ᐊᑎᓕᖕᓂᒃ ᓇᒃᓴᕐᑕᐅᓯᒪᔪᓂᒃ ᒪᔪᕋᐅᑎᓕᐅᕐᐳᖅ ᐊᑕᓂᐅᑉ ᐃᒡᓗᖓᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓄᑦ, ᑖᒃᑯᓇᓐᖓᓪᓗ ᕼᐊᕐᐱᓂᒃ ᑯᑭᑦᑕᐸᐅᑎᐅᔭᓂᒡᓗ ᓄᖃᕐᑎᓕᖕᓂᒃ ᐃᓐᖏᕐᑎᓄᑦ ᓴᓇᓚᐅᕆᕗᖅ; ᑍᒤᑦᑐᓂᒃ ᓯᕗᓂᖓᒍᑦ ᑕᑯᔪᖃᓚᐅᕐᓯᒪᓐᖏᓚᖅ ᔫᑕᐅᑉ ᓄᓇᖓᓂ.

ᐄᓱᕋᐅᑉ ᐊᒡᓚᖏᑦ 2:65

ᐱᔨᖏᑦ ᐊᖑᑏᑦ ᐊᕐᓁᑦᓗ 7,337ᐅᓚᐅᕐᐳᑦ; ᐃᓐᖏᕐᑎᖁᑎᖃᕐᓗᑎᒃ ᐊᖑᑎᓂᒃ ᐊᕐᓇᓂᒡᓗ 200ᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:2

“ᓱᕙᓕᑭᐊᖅ! ᓱᕙᓕᑭᐊᖅ!” ᐊᔪᕆᑐᐃᔪᖅ ᐅᖃᕐᐳᖅ, “ᑕᒪᕐᒥᒃ ᓱᓇᑐᐃᓐᓁᑦ ᓱᕙᓕᑭᐊᖑᕗᑦ.”

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᑖᓂᐊᓕᐅᑉ ᐊᒡᓚᖏᑦ 3:5

ᑐᓴᑐᐊᕈᑦᓯ ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ ᓄᖃᕐᓯᕋᓖᓪᓗ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ ᓂᓪᓕᕐᐸᑕ, ᐹᒻᒪᒃᑎᕐᑐᒃᓴᐅᕗᓯ ᑐᒃᓯᐊᕐᓗᓯᓗ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᓴᓇᔭᐅᑎᓯᒪᔭᖓᑕ ᐃᓄᓐᖑᐊᑉ ᒎᓘᑉ ᓵᖓᓂ.

ᑖᓂᐊᓕᐅᑉ ᐊᒡᓚᖏᑦ 3:7

ᑍᒤᒻᒪᑦ ᑖᒃᑯᐊ ᑐᓴᑐᐊᕋᒥᒃ ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᓯᕋᓖᓪᓗ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᖕᒪᑕ, ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ, ᐅᖃᐅᓯᖃᑎᒌᖏᑦᑐᑦ, ᐹᒻᒪᒃᑎᕐᐳᑦ ᑐᒃᓯᐊᕐᓗᑎᒡᓗ ᐃᓄᓐᖑᐊᒧᑦ ᒎᓗᒧᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᓴᓇᔭᐅᑎᓯᒪᔭᖓᓄᑦ.

ᐂᒨᓯᐅᑉ ᐊᒡᓚᖏᑦ 6:5

ᕼᐊᕐᐱᓄᓪᓗ ᐃᓐᖏᕐᐸᒃᑐᓯ ᐊᑑᑎᖃᖏᑦᑐᓂᒃ, ᑍᕕᑎᑐᓪᓗ ᐃᓐᖏᐅᑎᓕᐅᕐᓗᓯ ᓄᑖᓂᒃ;