ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26 Iomraidhean Croise

ᒨᓯᓯ ᓯᕗᓪᓖᑦ 7:1

ᐊᑕᓂᕐᓗ ᓄᐊᕐᒧᑦ ᐅᖃᕐᐳᖅ, “ᐅᒥᐊᕐᔪᐊᒧᑦ ᐃᑭᓕᕆᑦ, ᐃᓚᓕᒫᑎᑦ ᐃᓚᒋᓗᒋᑦ; ᖃᐅᔨᓯᒪᓕᕋᒪ ᓵᓐᓂ ᓯᓚᕐᔪᐊᓕᒫᒥ ᐃᓱᐊᕐᑐᒥᒃ ᐱᓇᓱᐊᕐᑐᑑᒐᕕᑦ ᒫᓐᓇ ᐃᓅᔪᓂ.

ᔫᐱᐅᑉ ᐊᒡᓚᖏᑦ 32:8

ᒎᑎᐅᓪᓕ ᐊᔪᒐᖃᖏᑦᑑᑉ ᐊᓂᕐᓂᖓᑕ ᐃᓄᖕᒦᑦᑑᑉ, ᓇᔫᑎᓂᖓᓄᑦ ᐃᓄᒃ ᑐᑭᓯᔪᓐᓇᕐᑎᑕᐅᔪᓐᓇᕐᐳᖅ.

ᔫᐱᐅᑉ ᐊᒡᓚᖏᑦ 38:36

ᑭᓇ ᓯᓚᑐᓂᕐᒥᒃ ᓄᕗᔭᓄᑦ ᐱᑎᑦᓯᕙ? ᐅᕝᕙᓗ ᑭᓇ ᑐᑭᓯᓂᕐᒥᒃ ᐆᒻᒪᑎᒧᐊᕐᓯᕙ?

ᐃᓐᖏᕈᑎᑦ 39:6

ᓱᓕᔪᒥᒡᓕ ᐃᓄᓕᒫᑦ ᐱᓱᑲᑕᒃᐳᑦ ᑕᕐᕋᑐᐃᓐᓇᕐᑎᑐᑦ; ᐱᔭᒃᓴᖃᕐᓂᕐᒧᓪᓗ ᓄᖅᑲᔪᐃᑦᑑᕗᑦ ᓱᕙᓕᑭᐊᒧᑦ ᐊᒡᓗᐃᑦᔪᑎᓂᒡᓗ ᑲᑎᕐᓱᐃᕗᑦ, ᖃᐅᔨᒪᓇᑎᒃ ᑭᐊ ᐱᓛᕐᒪᖔᒋᑦ.

ᐃᓐᖏᕈᑎᑦ 51:6

ᓱᓕᑦᓯᐊᕐᑐᒥᒃ ᐱᔪᒪᕗᑎᑦ ᐃᓗᒥᑦ ᐱᔪᒥᒃ, ᐃᓗᒃᑯᓪᓗ ᐃᔨᕐᓯᒪᔪᒃᑯᑦ ᓯᓚᑐᓂᕐᒥᒃ ᖃᐅᔨᑎᓐᓂᐊᕐᐸᕐᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:22

ᐃᓄᑦᓯᐊᕙᒃ ᑭᖑᕐᖑᑎᔭᒃᓴᖁᑎᖃᕐᐳᖅ ᕿᑐᕐᖓᒥ ᕿᑐᕐᖓᖏᓐᓄᑦ, ᐊᔪᕐᑐᓕᔫᓪᓕ ᐊᒃᓗᐃᓐᓂᖓ ᐊᑐᐃᓐᓇᕈᕐᑕᐅᕗᖅ ᓇᓛᒎᕐᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6

ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:8

ᑮᓇᐅᔭᓂᒃ ᐊᑐᕐᑐᐊᕐᑕᐅᔪᓂᒃ ᐃᓚᓯᖃᑦᑕᕐᓂᕐᒧᑦ ᐅᓄᕐᓯᕙᓪᓕᐊᑎᑦᓯᔪᖅ ᑲᑎᕐᓱᐃᕗᖅ ᑖᑦᓱᒧᖓ ᐊᔪᕐᓴᕐᑐᓂᒃ ᐃᓚᑦᓱᒍᓱᒃᑐᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:13

ᐃᓕᓐᓂᐊᓚᐅᕐᐳᖓ, ᕿᓂᕐᓗᖓᓗ ᓄᓇᒦᑦᑐᓕᒫᓂᒃ; ᑐᑭᓯᕗᖓ ᒎᑎᐅᑉ ᐃᓄᐃᑦ ᐅᖁᒤᑦᑐᓂᒃ ᑐᓂᓯᕕᒋᖕᒪᒋᑦ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:14

ᖃᐅᔨᓯᒪᕙᒃᑲ ᑕᒪᕐᒥᒃ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᔪᑦ; ᑐᑭᓯᕙᒃᑲ ᓱᕙᓕᑭᐊᖑᖕᒪᑕ, ᓲᕐᓗ ᐊᓄᕆᒥᒃ ᐊᓐᖑᑎᓇᓱᐊᕐᑐᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:25

ᑭᓇ ᓂᕆᔪᓐᓇᕐᐹ ᐅᕝᕙᓘᓐᓃᑦ ᖁᕕᐊᓱᒍᓐᓇᕐᐹ ᑖᓐᓇ ᐃᓚᐅᑎᓐᓇᒍ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:10

ᑕᑯᓯᒪᕗᖓ ᐱᓇᓱᐊᒐᒃᓴᓂᒃ ᒎᑎᐅᑉ ᑐᓂᔭᖏᓐᓂᒃ ᐃᓄᖕᓄᑦ ᐱᓇᓱᐊᕐᑕᐅᖁᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 1:6

ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 16:24

ᒫᓐᓇᒧᑦ ᑎᑭᓪᓗᒍ ᑐᒃᓯᐊᓚᐅᓐᖏᓚᓯ ᓱᓇᑐᐃᓐᓇᕐᒥᒃ ᐊᑎᓐᓂ; ᑐᒃᓯᐊᕆᑦᓯ, ᑐᓂᓯᕕᐅᓂᐊᕐᐳᓯ ᑕᕝᕙ, ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.”

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.