ᐃᓕᓯᒪᓃᑦ ᐃᒃᓖᓯᐊᓯᑏᔅ 2:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓯᓚᑐᔪᖅ ᐃᔨᖃᕐᒪᑦ ᓂᐊᖁᕐᒥᓂ, ᓯᓔᑦᑐᕐᓗ ᐱᓱᒃᐳᖅ ᑖᕐᑐᒥ; ᖃᐅᔨᓕᕐᐳᖓᓕ ᑕᒪᕐᒥᒃ ᐱᕙᓪᓕᐊᔪᓄᑦ ᑎᑭᑕᐅᔪᐃᓐᓇᐅᖕᒪᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:14 Iomraidhean Croise

ᐃᓐᖏᕈᑎᑦ 19:10

ᐱᔪᒥᓇᕐᓂᕐᓴᐅᕗᑦ ᒎᓗᒥᑦ, ᐊᒡᓛᑦ, ᒎᓗᒥᑦ ᐱᐅᓂᕐᐹᒥᑦ; ᕼᐊᓂᒥᑦ ᓰᕐᓇᕐᓂᕐᓴᐅᔪᖅ, ᐃᒍᑦᓴᐅᓪᓗ ᐃᕙᕕᐊᓂᑦ ᐱᓯᒪᔪᒥᑦ ᕼᐊᓂᒥᑦ.

ᐃᓐᖏᕈᑎᑦ 49:10

ᑕᑯᓐᓇᕐᒪᑕ ᓯᓚᑐᔪᑦᑕᐅᖅ ᑐᖁᓂᖏᓐᓂᒃ; ᑍᒫᒃᑕᐅᖅ ᓯᓔᑦᑐᑦ ᐃᓕᓯᒤᑦᑐᓪᓗ ᑐᖁᒋᕗᑦ, ᐊᒃᓗᐃᑦᔪᑎᑎᒃ ᕿᒪᒡᓗᒋᑦ ᐊᓯᒥᖕᓄᑦ.

ᐃᓐᖏᕈᑎᑦ 49:11

ᐃᓗᕕᕐᑎᒃ ᑍᒪᓐᖓᑦ ᐃᓂᒋᓂᐊᕐᐰᑦ ᐃᓱᖃᖏᑦᑐᒧᑦ, ᐃᓂᒋᓂᐊᕐᐰᓪᓗ ᑭᖑᕚᕇᑦ ᓈᓴᒐᒃᓴᐅᖏᑦᑐᑦ ᑎᑭᓪᓗᒋᑦ; ᓄᓇᑎᒡᓗ ᐊᑎᖃᕐᑎᑉᐰᑦ ᓇᖕᒥᓂᖅ ᐊᑎᕐᒥᖕᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:8

ᓯᓚᑐᓂᕐᒥᓄᑦ ᓯᕗᓂᒃᓴᕐᓯᐅᑦᓯᐊᕐᑑᑉ ᐊᖅᑯᑎᒋᔭᓂ ᐅᑦᔨᕐᑐᑦᓯᐊᕐᓗᒍ ᐃᓅᕗᖅ, ᓯᓔᑦᑐᓪᓕ ᐱᓂᐊᕐᓂᖃᕐᐳᑦ ᑕᒻᒪᕐᑎᑦᓯᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:24

ᓯᕗᓂᒃᓴᕐᓯᐅᕐᑐᖅ ᓵᓐᖓᕗᖅ ᓯᓚᑐᓂᕐᒧᑦ, ᓯᓔᑦᑐᕐᓕ ᕿᓂᕐᐳᖅ ᓯᓚᕐᔪᐊᑉ ᑭᒡᓕᖓᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:16

ᓯᓚᑐᔪᖅ ᐊᑯᓂᐅᓂᕐᓴᒥᒃ ᐃᖅᑲᐅᒪᔭᐅᓂᕐᓴᐅᓐᖏᓚᖅ ᓯᓔᑦᑐᒥᑦ, ᐅᓪᓗᐃᑦ ᐅᓄᕐᑐᑦ ᐊᓂᒍᕐᓯᒪᔪᑦ ᑭᖑᓂᖓᑦᑎᒍᑦ ᑕᒪᕐᒥᒃ ᐳᐃᒍᕐᑕᐅᔪᒃᓴᐅᕗᒃ. ᓯᓚᑐᔪᖅ ᖃᓄᕐᓕ ᑐᖁᔪᒫᕐᐸ? ᑍᒫᓪᓗᐊᑦᓯᐊᕐᑕᐅᖅ ᓯᓔᑦᑐᑐᑦ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:19

ᐃᓄᖕᓄᑦ ᖃᓄᐃᓐᓂᕆᔭᐅᕙᒃᑐᑦ ᐆᒪᔪᓂᑦᑕᐅᖅ ᐊᑐᕐᑕᐅᕙᖕᒥᖕᒪᑕ; ᐊᑦᔨᒌᒥᒃ ᖃᓄᐃᓐᓇᕐᑐᒧᑦ ᑎᑭᑕᐅᕙᖕᒪᑕ: ᓲᕐᓗ ᐂᑉᐸᖓ ᑐᖁᕐᒪᑦ ᐊᒻᒪᑦᑕᐅᖅ ᐊᓯᐊ ᑐᖁᒋᓪᓗᓂ. ᑕᒪᕐᒥᒃ ᐊᑦᔨᒌᒃᑐᒥᒃ ᐊᓂᕐᓂᖃᕐᐴᒃ; ᐃᓄᒃ ᐊᔪᖏᓐᓂᕐᓴᐅᓐᖏᓚᖅ ᐆᒪᔪᒥᑦ, ᐃᓛᒃ ᑕᒪᕐᒥᒃ ᑐᑭᖃᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:6

ᐃᓅᒐᓗᐊᕈᓂ ᐊᕐᕌᒍᓂᒃ 1,000ᓂᒃ ᒪᕐᕈᐃᕐᑑᑎᓪᓗᐊᖏᓐᓂᒃ, ᐱᐅᔪᒥᒡᓗ ᖃᐅᔨᖏᓪᓗᓂ. ᑕᒪᕐᒥᒡᓕ ᐊᑕᐅᓯᕐᒧᑦ ᐂᖏᓛᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:8

ᓱᓇᒥᒃ ᓯᓚᑐᔪᖅ ᐊᔪᖏᓐᓂᕐᓴᐅᑦᔪᑎᖃᕐᐹ ᓯᓔᑦᑐᒥᑦ? ᓱᓇᒥᒃ ᐱᕚᓪᓕᕈᑎᖃᕐᐹ ᐊᒃᓱᔪᖅ ᐃᓄᐃᑦ ᑕᒃᑯᐊᓂ ᐃᒻᒥᓂᒃ ᑲᒪᒋᑦᓯᐊᕈᓐᓇᕐᐹᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:2

ᐃᓔᕐᓂᕐᒧᑦ ᕿᒃᓵᒃᑐᑦ ᐃᒡᓗᖓᓄᑦ ᐃᑎᕆᐊᒥᒃ ᐱᐅᓂᕐᓴᐅᕗᖅ ᓂᕆᕕᒡᔪᐊᕐᑐᑦ ᐃᒡᓗᖓᓄᑦ ᐃᑎᕐᓂᕐᒥᑦ, ᐃᓄᓕᒫᑦ ᑕᒪᑐᒥᖓ ᑐᕌᒐᖃᕐᒪᑕ, ᐃᓄᐃᓪᓗ ᐃᓅᔪᓕᒫᑦ ᐆᒻᒪᒻᒥᐅᑕᕆᕚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:1

ᑭᓇ ᓯᓚᑐᔪᑎᑐᑦ ᑍᒤᑉᐸ? ᖃᐅᔨᒪᔪᖅ ᓱᓇᑐᐃᓐᓁᑦ ᑐᑭᖏᓐᓂᒃ? ᐊᖑᑎᐅᑉ ᓯᓚᑐᔫᑉ ᓯᓚᑐᓂᖓᑕ ᑮᓇᖓ ᖃᐅᒪᑎᑉᐹ. ᑮᓇᖓᑕᓗ ᐃᓕᕋᓇᕐᓂᖓ ᑕᐅᑦᑐᑦᓯᐊᕆᒃᑎᑉᐹ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:16

ᐅᖃᕐᐳᖓᓕ, ᓯᓚᑐᓂᖅ ᐱᐅᓂᕐᓴᐅᕗᖅ ᐊᔪᖏᓐᓂᕐᒥᑦ; ᑭᓯᐊᓂ ᐊᔪᕐᓴᕐᑑᑉ ᓯᓚᑐᓂᖓ ᓇᕐᕈᒋᔭᐅᓚᐅᕐᐳᖅ, ᐅᖃᐅᓯᖏᓪᓗ ᓈᓚᒃᑕᐅᓇᑎᒃ.

ᔪᐊᓇᓯ ᓯᕗᓪᓖᑦ 2:11

ᐃᓅᖃᑎᒥᓂᒡᓕ ᐆᒥᓱᒃᑐᖅ ᑖᓐᓇ ᑖᕐᑐᒦᑉᐳᖅ ᑖᕐᑐᒥᓗ ᐃᓅᓪᓗᓂ, ᓇᒧᖓᐅᖕᒪᖔᕐᒥᓗ ᖃᐅᔨᒪᓇᓂ, ᑖᕐᑐᒧᑦ ᐃᔨᖏᒃ ᑕᑯᓐᓇᕐᑎᑕᐅᖏᒻᒪᑎᒃ.