ᐃᓕᓯᒪᓃᑦ ᐃᒃᓖᓯᐊᓯᑏᔅ 2:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᑯᔭᒃᑲ ᐱᔪᒪᔭᒃᑲᓗ ᐲᑦᑍᓕᓚᐅᓐᖏᓚᒃᑲ; ᐆᒻᒪᑎᒐᓗ ᖁᕕᐊᒋᔭᖏᓐᓂᒃ ᐱᑎᑦᑍᓕᓚᐅᓐᖏᓚᕋ, ᐱᓇᓱᐊᕐᑕᓐᓂᒡᓗ ᑕᒤᓐᓂᒃ ᐆᒻᒪᑎᒐ ᖁᕕᐊᒋᔭᖃᓚᐅᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:10 Iomraidhean Croise

ᒨᓯᓯ ᓯᕗᓪᓖᑦ 3:6

ᐊᕐᓇᐅᓪᓗ ᐅᑦᔨᕆᑦᓯᐊᓕᕐᐹ ᓇᐹᕐᑑᑉ ᐸᐅᕐᖓᖏᑕ ᓂᕆᔪᒥᓇᕐᓂᖏᑦ, ᑕᑯᒥᓇᕐᓂᖓᓗ, ᓯᓚᑐᓂᕐᑖᕈᒪᓐᓇᕐᓗᓂᓗ, ᑕᕝᕙ ᐸᐅᕐᖓᖏᑕ ᐃᓚᖓᓐᓂᒃ ᑎᒍᓯᓪᓗᓂ ᓂᕆᕗᖅ; ᐅᐃᒥᓄᓪᓗ ᐃᓚᖓ ᑐᓂᓪᓗᒍ, ᑖᑦᓱᒪᓗ ᓂᕆᒋᕚ.

ᒨᓯᓯ ᓯᕗᓪᓖᑦ 6:2

ᒎᑎᐅᑉ ᐃᕐᓂᖏᑦ ᑕᑯᓐᓇᓕᕋᒥᒃ ᐊᕐᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᕐᑖᓚᐅᕐᐳᑦ ᓂᕈᐊᕐᑕᒥᖕᓂᒃ.

ᔫᐱᐅᑉ ᐊᒡᓚᖏᑦ 31:1

“ᐊᖏᒻᒪᕆᒡᓗᖓ ᐅᕙᓐᓄᑦ ᐊᖏᕈᑎᖃᕐᓯᒪᕗᖓ; ᐅᐃᒡᒐᓱᖕᒥᒃ ᐃᒃᓯᒎᕐᓗᖓ ᑕᑯᓐᓇᖃᑦᑕᕈᒪᓇᖓ.

ᐃᓐᖏᕈᑎᑦ 119:37

ᐃᔩᒃᑲᒃ ᑲᒪᒋᒃᑭᒃ ᐊᑑᑎᖃᖏᑦᑐᓂᒃ ᑕᑯᓐᓇᖁᓇᒋᒃ; ᐃᓅᓯᖃᕐᑎᓐᖓ ᐃᓅᓯᐅᖁᔭᕐᓂᒃ.

ᐃᓐᖏᕈᑎᑦ 128:2

ᐊᒡᒐᒃᐱᑦ ᓴᓇᔭᖏᑦ ᐃᓅᑦᔪᑎᒃᓴᕆᓂᐊᕐᐸᑎᑦ, ᖁᕕᐊᓱᖕᓂᐊᕐᐳᑎᑦ, ᐃᓱᒫᓘᑎᖃᖏᑦᓯᐊᕐᓗᑎᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:5

ᐊᒃᓱᐃᓕᕐᓂᖅ ᐃᔨᖕᓄᑦ ᑕᑯᒐᕕᐅᒃ, ᑕᕝᕔᓐᓇᖅ ᐊᓯᐅᕗᖅ; ᐊᒃᓱᐃᓐᓂᖅ ᐃᓴᕈᖃᕐᑐᑎᑐᑦ ᑎᖏᔪᑐᑦ ᑍᒤᒻᒪᑦ; ᓇᒃᑐᕋᓕᒃᑐᑦ ᕿᓚᖕᒧᑦ ᑎᖏᔪᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:1

ᐅᕙᓐᓄᑦ ᐅᖃᕐᐳᖓ, “ᐊᑏ, ᖁᕕᐊᓇᕐᑐᓂᒃ ᖃᐅᔨᑎᑦᓱᒪᒋᕙᒋᑦ.” ᑕᒪᒃᑯᐊᓕ ᓱᓇᐅᖏᑦᓯᐊᕆᕗᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:22

ᐊᖑᑦ ᓱᓇᒥᒃ ᐱᕚ ᐊᒃᓱᕈᕐᓗᓂ ᓴᓇᔭᒥᓂᑦ, ᓯᕿᓂᐅᑉ ᐊᑖᓂ ᐃᓱᒪᔮᕈᑎᒋᓪᓗᒋᓪᓗ ᓴᓇᓚᐅᕐᑕᒥᓂᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:24

ᐱᐅᓂᕐᓴᕐᑕᖃᓐᖏᓚᖅ ᐊᖑᒻᒧᑦ ᓂᕆᓗᓂ ᐃᒥᕐᓗᓂᓗ, ᐱᓇᓱᐊᕐᑕᒥᓂᒡᓗ ᐊᒃᓱᕈᕈᑎᒋᔭᒥᓂᒃ ᖁᕕᐊᒋᔭᖃᕐᓗᓂ. ᑕᒪᓐᓇᓗ ᑕᑯᓚᐅᕆᕙᕋ ᒎᑎᐅᑉ ᐊᒡᒐᖏᓐᓂᑦ ᐱᔪᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:22

ᑐᑭᓯᓚᐅᕐᐳᖓᓕ ᐱᐅᓂᕐᓴᕐᑕᖃᓐᖏᓚᖅ ᐃᓄᑉ ᓴᓇᔭᓂ ᖁᕕᐊᓲᑎᒋᓗᓂᐅᒃ, ᑖᑦᓱᒧᖓ ᑐᕌᖓᖕᒪᑦ. ᑭᐊᓕ ᖃᐅᔨᑎᑦᓱᓐᓇᕐᐸᐅᒃ ᓱᓂᐊᕐᒪᖔᑦ ᑖᑦᓱᒪ ᑭᖑᓂᖓᒍᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:10

ᑮᓇᐅᔭᓂᒃ ᐅᖓᒋᔭᓕᒃ ᑮᓇᐅᔭᓂᒃ ᓈᒻᒪᒃᓯᔪᓐᓇᓐᖏᓚᖅ; ᑍᒫᒃᑕᐅᖅ ᐱᖃᓗᐊᕈᒪᓂᕐᒥᒃ ᐅᖓᒋᔭᓕᒃ ᐱᖃᓗᐊᕐᓂᕐᒥᒃ ᓈᒻᒪᒃᓯᔪᓐᓇᓐᖏᓚᖅ. ᑕᒪᓐᓇ ᑐᑭᖃᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:17

ᐅᓪᓗᓂᒃ ᐃᓅᓂᕐᒥᓂ ᓂᕆᕗᖅ ᑖᕐᑐᒥ, ᕿᒃᓵᖕᓂᖃᕐᓗᓂ ᐅᓄᕐᑐᓂᒃ ᖃᓂᒪᓂᖃᕐᓗᓂᓗ ᓂᓐᖓᐅᒪᓂᖃᕐᓗᓂᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:18

ᐃᒫᒃ ᑕᕝᕙ ᐱᐅᔪᖅ ᑕᑯᓚᐅᕐᑕᕋ: ᓈᒻᒪᒃᐳᖅ ᓂᕆᓗᓂ ᐃᒥᕐᓗᓂᓗ ᖁᕕᐊᒋᔭᖃᕐᓗᓂᓗ ᓴᓇᔭᒥᓂᒃ ᐊᒃᓱᕈᕐᓂᕐᒥᓄᑦ ᓴᓇᔭᒥᓂᒃ ᓯᕿᓂᐅᑉ ᐊᑖᓂ ᓴᓇᔭᐅᕙᒃᑐᒥᒃ ᐅᓪᓗᓂᒃ ᐅᓄᖏᑦᑐᓂᒃ ᒎᑎᐅᑉ ᑐᓂᔭᖏᓐᓂᒃ ᑖᑦᓱᒧᖓ; ᑕᒪᓐᓇ ᑖᑦᓱᒧᖓ ᑐᕌᖓᖕᒪᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:2

ᒎᑎᐅᑉ ᐃᓄᒃ ᑐᓂᓯᕕᒋᕚ ᐊᔪᕐᓴᖏᑦᔪᑎᓂᒃ, ᑮᓇᐅᔭᖃᕐᔪᐊᕐᓂᕐᒥᒡᓗ, ᐅᐱᒋᔭᐅᓂᕐᒥᒡᓗ, ᓱᓇᒥᒃ ᑭᖒᒪᒋᔭᖃᖁᓇᒍ ᐱᔪᒪᔭᓕᒫᒥᓂᒃ; ᒎᑎᐅᓪᓕ ᑖᒃᑯᓂᖓ ᐃᒻᒥᓄᑦ ᐊᑐᕐᑎᓐᖏᓛ, ᓄᓇᖃᑎᒋᓐᖏᑕᖓᓂᓪᓕ ᑕᒪᒃᑯᐊ ᓄᖑᑕᐅᕗᑦ. ᑕᒪᓐᓇ ᑐᑭᖃᓐᖏᓚᖅ, ᐱᐅᖏᑦᑐᒧᓪᓗ ᐋᓐᓂᐊᕐᑎᑕᐅᓂᐅᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:9

ᐱᐅᓂᕐᓴᐅᒋᕗᖅ ᐃᔩᒃ ᑕᑯᓐᓇᑦᓯᐊᕐᐸᑎᒃ ᓇᒧᑐᐃᓐᓇᖅ ᐃᒃᓯᒎᕐᓂᕐᒥᑦ. ᑕᒪᓐᓇᑦᑕᐅᖅ ᑐᑭᖃᓐᖏᓚᖅ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᑑᔮᕐᓂᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:15

ᑍᒤᒻᒪᑦ ᐃᓅᓯᕐᒥᒃ ᖁᕕᐊᓲᑎᖃᖁᔨᕗᖓ, ᐃᓄᒃ ᐱᐅᓂᕐᓴᒥᒃ ᐱᔭᒃᓴᖃᖏᒻᒪᑦ ᓂᕆᓗᓂ ᐃᒥᕐᓗᓂᓗ ᖁᕕᐊᓱᒡᓗᓂᓗ. ᖁᕕᐊᓱᖕᓂᐅᑉ ᑕᕝᕙ ᐃᓚᒋᓂᐊᕐᐹ ᐱᓇᓱᐊᕐᑕᒥᓂ ᑕᒤᓐᓂ, ᐅᓪᓗᑲᕐᓂᕐᒥᓂ ᑕᒤᓐᓂ ᒎᑎᐅᑉ ᑐᓂᔭᖓᓂᒃ ᑖᑦᓱᒧᖓ ᓯᕿᓂᐅᑉ ᐊᑖᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:6

ᓇᒡᓕᒍᓱᖕᓂᖏᓪᓗ, ᐆᒥᓱᖕᓂᖏᓪᓗ, ᐊᓐᓂᕈᑦᔨᓂᖏᓪᓗ, ᓄᖑᓯᒪᕗᑦ; ᐃᓚᐅᖃᑕᐅᓂᐊᕈᓐᓃᕐᐳᑦ ᓯᕿᓂᐅᑉ ᐊᑖᓂ ᖃᓄᐃᓕᐅᕐᑕᐅᔪᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:9

ᓄᓕᐊᑦ ᓇᒡᓕᒋᔧᑦ ᓇᔪᕈᒃ ᖁᕕᐊᓱᒡᓗᑎᑦ ᓯᓔᑦᑐᒥ ᐃᓅᓯᕐᓂ ᐃᓅᑎᓪᓗᑎᑦ ᑐᓂᕐᕈᓯᐊᕐᓂ ᓯᕿᓂᐅᑉ ᐊᑖᓂ, ᑕᒪᓐᓇ ᑐᓂᕐᕈᓯᐊᕆᒐᕕᐅᒃ ᐃᓅᓯᕐᒥ ᐊᒃᓱᕈᕆᐊᓕᖕᒥ ᐃᓅᑎᓪᓗᑎᑦ ᓯᕿᓂᐅᑉ ᐊᑖᓂ ᐃᓅᑎᓪᓗᑎᑦ.

ᔪᐊᓇᓯ ᓯᕗᓪᓖᑦ 2:16

ᒪᑯᐊ ᑕᕝᕙ ᓯᓚᕐᔪᐊᕐᒦᑦᑐᑦ, ᑎᒥᐅᑉ ᐃᒃᖠᒎᕐᓂᖏᑦ ᑕᑯᔭᒃᑯᑦ ᐱᔪᒪᔭᖃᓗᐊᕐᓃᑦ ᐃᓅᓯᒃᑯᓪᓗ ᐊᔪᖏᓐᓇᓱᒋᓗᐊᕐᓃᑦ, ᑕᒪᒃᑯᐊ ᐊᑖᑕᒥᑦ ᐱᓐᖏᓚᑦ ᓯᓚᕐᔪᐊᕐᒥᓪᓕ ᐱᕗᑦ.

ᐃᓗᐊᕐᓮᔩᑦ ᐊᒡᓚᖏᑦ 14:2

ᐊᖏᕐᕋᕋᒥᓗ ᐊᑖᑕᓂᓗ ᐊᓈᓇᓂᓗ ᐅᖃᐅᑎᕔᑦ, “ᐱᓕᔅᑍᓂᒥᐅᒥᒃ ᐊᕐᓇᕐᑕᖃᕐᐳᖅ ᑎᒻᓇᒥ ᑕᑯᔭᓐᓂᒃ. ᐂᓚᐅᕐᓯᒃᑯᒃ ᓄᓕᐊᕐᑖᕆᓂᐊᕋᒃᑯ.”