ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13 Iomraidhean Croise

ᒨᓯᓯ ᓯᕗᓪᓖᑦ 22:12

ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᕐᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᓂᑐᐊᑦ.”

ᐊᑕᓃᑦ ᓯᕗᓪᓖᑦ 2:3

ᒪᓕᑦᓯᐊᕐᓗᑎᓪᓗ ᐊᑕᓂᐅᑉ ᒎᑎᕕᑦ ᐱᖁᔨᓂᖓᓂᒃ, ᑖᑦᓱᒪ ᐊᑐᕐᑕᐅᖁᔭᖓᓂᒃ ᐃᓅᓗᑎᑦ ᒪᓕᒐᒃᓴᐅᖁᔭᖏᓪᓗ ᓈᓚᑦᓯᐊᕐᓗᒋᑦ, ᐱᖁᔭᓕᐊᕆᓯᒪᔪᓪᓗ, ᐊᑐᕐᑕᐅᖁᔭᖏᓪᓗ, ᐅᖃᐅᓯᕆᓯᒪᔭᖏᓪᓗ ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ, ᑍᒤᒃᑯᕕᑦ ᑕᕝᕙ ᐱᓇᓱᐊᕐᑕᓕᒫᕐᓂ ᐱᔪᓐᓇᑦᓯᐊᕐᓂᐊᕐᐳᑎᑦ ᓇᒧᓐᖓᕋᓗᐊᕈᕕᑦ.

ᔫᐱᐅᑉ ᐊᒡᓚᖏᑦ 28:28

ᐃᓄᖕᒧᓪᓗ ᐅᖃᕐᓗᓂ, ‘ᑕᑯᒋᑦ, ᐊᑕᓂᕐᒥᒃ ᓯᕘᕋᓂᖅ, ᑕᒪᓐᓇ ᓯᓚᑐᓂᐅᕗᖅ; ᐊᔪᕐᓂᕐᒥᒡᓗ ᕿᒤᓂᖅ ᑕᕝᕙ ᑐᑭᓯᓂᐅᕗᖅ.’”

ᐃᓐᖏᕈᑎᑦ 111:10

ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᕕᐅᕗᖅ; ᑐᑭᓯᓯᒪᑦᓯᐊᕐᓂᕐᒥᒃ ᐱᑎᑕᐅᕗᑦ ᑕᒪᕐᒥᒃ ᐱᖁᔭᖏᓐᓂᒃ ᐊᑐᕐᑐᑦ. ᑖᑦᓱᒪ ᓂᕐᑐᕐᑕᐅᓂᖓ ᐃᓱᖃᖏᑦᑐᒧᑦ ᑐᕌᕐᐳᖅ!

ᐃᓐᖏᕈᑎᑦ 145:19

ᑖᑦᓱᒥᖓ ᓯᕘᕋᔪᑦ ᐱᔪᒪᓂᓕᒫᖏᑦ ᓈᒻᒪᒃᓯᑎᑉᐰᑦ, ᑐᒃᓯᐊᕐᓂᖏᓪᓗ ᑐᓴᕐᐰᑦ, ᐱᐅᓕᓪᓗᒋᓪᓗ.

ᐃᓐᖏᕈᑎᑦ 147:11

ᐊᑕᓂᐅᓪᓕ ᓯᕘᕋᒋᔨᓂ ᖁᕕᐊᒋᕔᑦ, ᑖᑦᓱᒪ ᓇᒡᓕᖕᓂᖓᓂᒃ ᓱᖁᓯᔪᐃᑦᑐᒥᒃ ᓂᕆᐅᒋᔭᒃᓴᖃᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:7

ᐊᑕᓂᕐᒥᒃ ᐃᓕᕋᓱᖕᓂᖅ ᑐᑭᓯᐅᒪᓂᕐᒥᒃ ᐱᒋᐊᕐᓂᐅᕗᖅ, ᓯᓔᑦᑐᓪᓕ ᓯᓚᑐᓂᕐᒥᒃ ᓇᕐᕈᕗᑦ ᐃᓕᓐᓂᐊᕐᓂᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:23

ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᐃᓅᓯᖃᕐᓇᕐᑐᒧᑦ ᐱᑎᑦᓯᕗᖅ; ᑕᒪᑐᒥᖓᓗ ᐱᖃᕐᑐᖅ ᓈᒻᒪᑦᓯᐊᕐᑐᒦᓐᓂᐊᕐᐳᖅ; ᑲᑉᐱᐊᓇᕐᑐᒧᓪᓗ ᑎᑭᑕᐅᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:17

ᐆᒻᒪᑏᑦ ᑐᓱᓂᐊᕋᓂ ᐊᔪᕐᑐᓕᔪᓂᒃ, ᐊᔪᐃᓐᓇᓕᕆᑦ ᐊᑕᓂᕐᒥᒃ ᓯᕘᕋᓂᕐᒥᒃ ᐅᓪᓗᖅ ᓈᓗᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:3

ᐆᒃᑐᓚᐅᕐᐳᖓ ᕔᓂᒧᑦ ᖁᕕᐊᓱᓕᕈᒪᓪᓗᖓ, ᓯᓔᓐᓂᕐᒥᒡᓗ ᐊᑐᕐᓗᖓ ᐃᓱᒪᒪᓕ ᓱᓕ ᓯᓚᑐᓂᕐᒥ ᑕᓯᐅᓚᐅᕐᐹᖓ. ᖃᐅᔨᔪᒪᓚᐅᕋᒪ ᐃᓄᐃᑦ ᖃᓄᖅ ᐱᕚᓪᓕᕈᑎᖃᕐᒪᖔᑕ ᐃᓅᓯᕐᒥᖕᓂ ᓁᑐᒥ ᐃᓅᑎᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:14

ᖃᐅᔨᒪᕗᖓ ᒎᑎᐅᑉ ᖃᓄᐃᓕᐅᕐᓂᖏᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᒪᑕ. ᓱᓇᒥᒃ ᐃᓚᔭᐅᔪᓐᓇᓐᖏᓚᑦ, ᓱᓇᒥᒡᓘᓐᓃᑦ ᐃᓚᓐᖓᕐᑕᐅᔪᓐᓇᓐᖏᓚᑦ. ᒎᑎᐅᑉ ᓴᓇᓚᐅᕐᒪᒋᑦ ᐃᓄᐃᓪᓗ ᓯᕘᕋᔭᕆᐊᖃᕐᐳᑦ ᒎᑎᐅᑉ ᓵᖓᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:7

ᐅᓄᕐᑐᓂᒃ ᓯᓐᓇᒃᑑᒪᓂᖃᕐᑎᓪᓗᒍ, ᐅᓄᕐᑐᓂᒡᓗ ᐅᖃᐅᓯᕐᑕᖃᕐᑎᓪᓗᒍ ᓱᓕᖏᓐᓂᕐᑕᖃᕐᒪᑦ. ᒎᑎᓕ ᓯᕘᕋᒋᒍᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:12

ᑭᓇᓕ ᖃᐅᔨᒪᕙ ᐃᓅᑉ ᐱᕙᓪᓕᕈᑎᒃᓴᖓᓂᒃ ᐃᓅᓯᕐᒥ, ᐅᓪᓗᐃᑦ ᐃᓅᔭᖏᑦ ᓱᕙᓕᑭᐊᖑᔪᑦ, ᐊᓂᒍᕐᐸᓪᓕᐊᕗᑦ ᑕᕐᕋᕐᑐᑦ? ᑭᐊᓗ ᐃᓄᒃ ᐅᖃᐅᑎᔪᓐᓇᕐᐸᐅᒃ ᐊᑐᕈᒫᕐᑐᓂᒃ ᑖᑦᓱᒪ ᑭᖑᓂᖓᓂ ᓯᕿᓂᐅᑉ ᐊᑖᓂ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:18

ᓈᒻᒪᒃᐳᖅ ᐊᑕᐅᓯᕐᒥᒃ ᑎᒍᒥᐊᕐᓗᑎᑦ ᐂᑉᐸᖓᓗ ᓴᒃᑯᖏᓪᓗᒍ; ᒎᑎᒥᒃ ᓯᕗᕋᔫᑉ ᑕᒪᒃᑯᐊᓕᒫᑦ ᐊᓂᒍᕈᒫᕐᒪᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:12

ᐊᔪᕐᑐᓕᔪᖅ ᐅᓄᕐᑐᕐᔪᐊᓂᒃ ᐱᐅᖏᑦᑐᓕᒐᓗᐊᕐᐸᑦ ᓱᓕ ᐊᑯᓂ ᐃᓅᕗᖅ, ᖃᐅᔨᒪᕗᖓᓕ ᐃᓄᐃᑦ ᒎᑎᒥᒃ ᓯᕘᕋᔪᑦ ᐱᐅᓂᕐᓴᒥᒃ ᐱᔭᐅᔪᒫᕐᒪᑕ, ᒎᑎᐅᑉ ᓵᖓᓂ ᐅᐱᒍᓱᒃᑐᑦ ᑖᑦᓱᒥᖓ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:5

ᑖᑦᓱᒪ ᐱᖁᔭᖏᓐᓂᒃ ᒪᓕᑦᓯᐊᕐᑐᖅ, ᑲᑉᐱᐊᓇᕐᑐᒥᒃ ᖃᐅᔨᓂᐊᓐᖏᓚᖅ; ᓯᓚᑐᔫᓪᓗ ᐆᒻᒪᑎᖓ ᖃᐅᔨᒪᓂᐊᕐᐳᖅ ᐱᕕᒃᓴᒥᒃ ᖃᓄᕐᓗ ᐱᐅᓯᖃᕆᐊᖃᕐᓂᕐᒥᒃ.

ᒤᑲᐅᑉ ᐊᒡᓚᖏᑦ 6:8

ᑕᑯᑎᓯᒪᕚᑎᑦ, ᐃᓅᔪᑎᑦ, ᓱᓇ ᐱᐅᖕᒪᖔᑦ; ᓱᓇᒥᒡᓗ ᐊᑕᓂᖅ ᐃᓕᖕᓂᒃ ᐱᖁᔨᖕᒪᖔᑦ ᓇᓛᒍᑦ ᐱᓇᓱᐊᖁᓪᓗᑎᑦ, ᓇᒡᓕᒍᓱᖁᓪᓗᑎᑦ ᐱᑦᓯᐊᕐᓗᑎᓪᓗ, ᐃᓅᖁᓪᓗᑎᓪᓗ ᒥᑭᒡᓕᑎᕐᓯᒪᓗᑎᑦ ᒎᑎᐅᑉ ᓵᖓᓂ.

ᓘᑲᓯᐅᑉ ᐊᒡᓚᖏᑦ 1:50

ᓂᑲᒍᓱᒃᐳᖅ ᓯᕘᕋᒋᔨᒥᓄᑦ, ᑭᖑᕚᕇᓂᑦ ᑭᖑᕚᕇᓄᑦ.

ᒨᓯᓯ ᑕᓪᓕᒪᖏᑦ 10:12

“ᒫᓐᓇᓕ ᐃᓴᕆᐊᓕᒥᐅᖑᔪᓯ, ᓈᓚᓚᐅᕆᑦᓯ ᐊᑕᓂᐅᑉ ᒎᑎᑦᓯ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ: ᑖᓐᓇ ᐊᑕᓂᖅ ᑐᒃᓯᐊᕐᕕᒋᔭᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒡᓗᒋᑦ, ᐅᖓᒋᔭᒃᓴᕆᕙᓯ, ᐱᔨᑦᓯᕐᓗᒍᓗ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ,

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’

ᒨᓯᓯ ᑕᓪᓕᒪᖏᑦ 4:2

ᐃᓕᑦᓯᓐᓄᑦ ᐱᖁᓚᐅᕐᑕᒃᑲ ᐃᓚᔭᒃᓴᕆᓐᖏᓚᓯ, ᐃᓚᓐᖓᕐᑕᒃᓴᕆᓇᒋᓪᓗ. ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᐃᓕᑦᓯᓐᓄᑦ ᓈᓚᒐᒃᓴᕆᕙᓯ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ.

ᒨᓯᓯ ᑕᓪᓕᒪᖏᑦ 6:2

ᑍᒫᓐᖓᑦ ᐃᓅᓂᑦᓯᓐᓂ, ᐃᓕᑦᓯ ᑭᖑᕚᓕᒫᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᐱᖁᔭᓕᒫᖏᓪᓗ ᓈᓚᒃᓗᒋᑦ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ, ᑕᕝᕙᓂ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᐃᓅᔪᓐᓇᖁᓪᓗᓯ.

ᐲᑦᑐᕉᓯ ᓯᕗᓪᓖᑦ 2:17

ᐃᓄᓕᒫᓂᒃ ᐅᐱᒍᓱᒋᑦᓯ, ᐅᒃᐱᖃᑎᓯ ᓇᒡᓕᒋᓯᒋᑦ, ᒎᑎ ᓯᕘᕋᒋᓗᒍ. ᐊᖓᔪᖅᑳᕐᔪᐊᒻᒪᕆᒃ ᐅᐱᒋᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:5

ᐃᒃᓯᕙᐅᑕᕐᔪᐊᕐᒥᓪᓗ ᓂᓪᓕᕐᑐᖃᕐᐳᖅ, ᐅᖃᕐᓗᓂ, “ᒎᑎᕗᑦ ᓂᕐᑐᕐᓯᐅᒃ, ᑖᑦᓱᒧᖓ ᐱᔨᐅᔪᓯ ᑕᒪᑦᓯ, ᑖᑦᓱᒥᖓ ᐅᐱᒍᓱᒃᑐᓯ, ᓴᓐᖐᑦᑐᑦ ᓴᓐᖏᔪᓪᓗ.”

ᓴᒧᐃᓕ ᓯᕗᓪᓖᑦ 12:24

ᐊᑕᓂᕐᓕ ᐃᓕᕋᒋᓯᐅᒃ, ᐱᔨᑦᓯᕐᓗᒍᓗ ᓱᖁᓯᔪᐃᑦᑑᓗᓯ ᐆᒻᒪᑎᓕᒫᑦᓯᓐᓄᑦ; ᐃᖅᑲᐅᒪᓗᓯ ᐱᐅᔪᕐᔪᐊᓂᒃ ᐱᓂᐊᕐᓂᖃᓚᐅᕐᒪᑦ ᐃᓕᑦᓯᓐᓄᑦ.