ᐃᓕᓯᒪᓃᑦ ᐃᒃᓖᓯᐊᓯᑏᔅ 11:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐱᕈᕐᓯᐊᒃᓮᑦ ᓄᓇᒧᑦ ᑲᓐᖓᕐᓲᑎᒋᒃᑭᑦ ᐅᓪᓛᒃᑯᑦ, ᐅᓐᓄᒃᐸᓪᓗ ᐊᒡᒐᑎᑦ ᓱᓕᐊᒃᓴᖃᕈᓐᓃᕐᑎᑦᑍᓕᒃᑭᑦ; ᖃᐅᔨᒪᖏᓐᓇᕕᑦ ᓇᓕᐊᒃ ᑲᔪᓯᑦᓯᐊᕐᓂᐊᕐᒪᖔᑦ, ᐅᓇᓘᓐᓃᑦ ᐅᓇᖔᕐᓘᓐᓃᑦ, ᑕᒪᕐᒥᒡᓘᓐᓃᑦ ᐱᐅᔪᐃᓐᓇᐅᓂᐊᕐᒪᖔᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:6 Iomraidhean Croise

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:7

ᖃᐅᒪᔪᖅ ᐱᐅᔫᖕᒪᑦ, ᐱᐅᔫᓪᓗᓂᓗ ᓯᕿᓂᕐᒥᒃ ᑕᐅᑐᒋᐊᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:1

ᑕᒪᒃᑯᐊ ᐆᒻᒪᑎᓐᓂ ᐃᓱᒪᒋᓚᐅᕐᐸᒃᑲ, ᖃᐅᔨᓚᐅᕐᐳᖓᓗ ᐃᓱᐊᕐᑐᑦ ᓯᓚᑐᔪᓪᓗ ᑲᓄᐃᓕᐅᕐᑕᖏᑦ ᒎᑎᐅᑉ ᐊᒡᒐᖏᓐᓃᒻᒪᑕ. ᐃᓄᖕᒥᒡᓕ ᑭᓇᒥᒡᓘᓐᓃᑦ ᖃᐅᔨᒪᔪᖃᓐᖏᓚᖅ ᓇᒡᓕᖕᓂᕐᒥᒃ ᐆᒥᓱᖕᓂᕐᒥᒡᓘᓐᓃᑦ ᐱᓂᐊᕐᕕᐅᓂᐊᕐᒪᖔᕐᒥᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10

ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᐂᓮᐊᓯᐅᑉ ᐊᒡᓚᖏᑦ 55:10

ᕿᓚᖕᒥᑦ ᓯᓚᓗᒃᐸᖕᒪᑦ ᖃᓐᓂᕐᐸᒃᓗᓂᓗ ᓄᓇᒧᑦ, ᐅᑎᕐᐸᒐᑎᒡᓗ ᑕᑉᐸᐅᖓ, ᓄᓇᒥᒡᓕ ᖃᐅᓯᓕᕐᑎᑦᓯᖃᑦᑕᕐᐳᑦ, ᐱᕈᕐᑐᒃᓴᓂᒡᓗ ᐱᕈᕐᑎᑦᓯᕙᒡᓗᑎᒃ, ᑲᓐᖓᕐᓱᐃᔨᓂᒃ ᐱᕈᕐᑐᒃᓴᖃᕐᑎᑦᓯᒃᑲᓐᓂᕐᓗᑎᒃ ᓂᕿᖃᕆᐊᓖᓪᓗ ᓂᕆᔭᒃᓴᖃᕐᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 10:12

ᑲᓐᖓᕐᓱᐃᒋᑦᓯ ᓇᖕᒥᓂᑦᓯᓐᓄᑦ ᐃᓱᐊᕐᓂᕐᒥᒃ, ᑲᑎᕐᓱᐃᓗᓯᓗ ᓇᒡᓕᖕᓂᐅᑉ ᓱᖁᓯᔪᐃᑦᑑᑉ ᐱᕈᕐᑎᑕᖏᓐᓂᒃ; ᓄᓇᓯᓗ ᓱᕐᕋᒃᓯᒪᖏᑦᑐᖅ ᐃᑎᕐᓴᓕᐅᕐᓯᐅᒃ, ᐊᑕᓂᕐᒥᒃ ᕿᓂᕐᓂᖅ ᓇᓪᓕᐅᑎᕗᖅ, ᑖᓐᓇ ᕾᒍᓂ ᑯᕝᕕᓯᖁᓪᓗᒍ ᐱᐅᓕᔭᐅᓂᕐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:6

ᐅᓇ ᐃᖅᑲᐅᒪᓯᐅᒃ; ᐅᓄᖏᑦᑐᓂᒃ ᑲᓐᖓᕐᓱᐃᔪᖅ ᐅᓄᖏᑦᑐᓂᒃ ᑲᑎᕐᓱᐃᔪᒫᕐᐳᖅ, ᐅᓄᕐᑐᓂᒡᓗ ᑲᓐᖓᕐᓱᐃᔪᖅ ᐊᒥᓱᓂᒃ ᑲᑎᕐᓱᐃᔪᒫᕆᕗᖅ.

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.