ᐃᓕᓯᒪᓃᑦ ᐃᒃᓖᓯᐊᓯᑏᔅ 11:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᓄᕆᐅᑉ ᐊᖅᑯᑎᖓᓂᒃ ᖃᐅᔨᒪᖏᓐᓇᕕᑦ, ᐅᕝᕙᓘᓐᓃᑦ ᓴᐅᓃᑦ ᖃᓄᖅ ᐊᖅᑭᒃᐸᓪᓕᐊᖕᒪᑕ ᐊᓈᓇᐅᑉ ᐃᒡᓕᐊᕐᖓᓂ, ᑍᒫᒃᑕᐅᖅ ᑐᑭᓯᔪᓐᓇᖏᓐᓂᕗᑎᑦ ᒎᑎᐅᑉ ᐱᓂᐊᕐᓂᖏᓐᓂᒃ, ᓱᓇᑐᐃᓐᓇᕐᓂᒃ ᓴᓇᓚᐅᕐᑐᑉ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:5 Iomraidhean Croise

ᔫᐱᐅᑉ ᐊᒡᓚᖏᑦ 37:23

ᐊᔪᒐᖃᖏᑦᑐᖅ ᐊᖏᓗᐊᕐᒪᑦ ᓇᒡᕚᕈᓐᓇᓐᖏᓚᕗᑦ; ᐱᔪᓐᓇᕐᓂᕐᔪᐊᖃᕐᐳᖅ ᓈᒻᒪᓈᕆᑦᓯᐊᕐᐸᒡᓗᓂᓗ, ᓇᓛᒎᑦᓮᓐᓇᕐᓂᖓᓗ ᐃᓄᖕᓂᒃ ᐅᖁᒤᒃᓴᕐᑎᑦᓯᓂᐊᓐᖏᓚᖅ.

ᔫᐱᐅᑉ ᐊᒡᓚᖏᑦ 38:4

ᓇᓃᓚᐅᕐᐲᑦ ᓄᓇᕐᔪᐊᕐᒥᒃ ᑐᓐᖓᕕᓕᐅᓕᕐᑎᓪᓗᖓ? ᐅᖃᐅᑎᓚᐅᓐᖓ, ᑕᒪᑐᒥᖓ ᖃᐅᔨᒪᒍᕕᑦ.

ᔫᐱᐅᑉ ᐊᒡᓚᖏᑦ 5:9

ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᐃᓱᓕᑦᑐᓐᓇᕋᑎᒃ.

ᐃᓐᖏᕈᑎᑦ 104:24

ᐊᑕᓃᖅ, ᐱᓂᐊᕐᓂᑎᑦ ᐊᖏᔪᕐᔪᐊᖑᕗᑦ! ᑕᒪᕐᒥᒃ ᓯᓚᑐᓂᕐᓄᑦ ᐋᖅᑭᒃᓯᒪᕙᑎᑦ. ᓄᓇᕐᔪᐊᖅ ᑕᑕᑉᐳᖅ ᐆᒻᒪᕐᑎᓯᒪᔭᕐᓂᒃ.

ᐃᓐᖏᕈᑎᑦ 40:5

ᐊᑕᓃᖅ, ᒎᑎᒐ, ᐱᓂᐊᕐᓂᑎᑦ ᑲᒪᓇᕐᑐᑦ ᐅᓄᕐᑑᕗᑦ, ᐱᓂᐊᕐᓂᕆᖃᑦᑕᕐᓯᒪᔭᑎᑦ. ᐅᕙᑦᑎᓐᓂᒡᓗ ᐃᓱᒪᓕᐅᕈᑎᖃᕐᓂᑎᑦ ᐃᓕᖕᓄᑦ ᑭᖑᓕᕇᒃᓗᑎᒃ ᐃᖅᑲᐅᒪᔭᐅᔪᓐᓇᓐᖏᓚᑦ; ᓇᓗᓁᕋᓱᐊᕈᒃᑭᑦ ᐅᖃᐅᓯᕆᓗᒋᓪᓗ, ᐅᓄᓗᐊᕐᒪᑕ ᓈᓴᕐᑕᐅᔪᓐᓇᖏᓚᑦ.

ᐃᓐᖏᕈᑎᑦ 92:5

ᐊᑕᓃᖅ ᐱᓇᓱᐊᕐᓂᑎᑦ ᐃᓛᒃ ᐊᖏᔪᕐᔪᐊᖑᕗᑦ! ᐃᓱᒪᑎᓪᓗ ᐃᑎᔪᕐᔪᐊᖑᓪᓗᑎᒃ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:13

ᐃᓕᓐᓂᐊᓚᐅᕐᐳᖓ, ᕿᓂᕐᓗᖓᓗ ᓄᓇᒦᑦᑐᓕᒫᓂᒃ; ᑐᑭᓯᕗᖓ ᒎᑎᐅᑉ ᐃᓄᐃᑦ ᐅᖁᒤᑦᑐᓂᒃ ᑐᓂᓯᕕᒋᖕᒪᒋᑦ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:6

ᐊᓄᕆ ᓯᕿᓂᕐᒧᑦ ᐃᖏᕐᕋᕗᖅ. ᓴᖑᓪᓗᓂᓗ ᐅᑎᓕᕆᕗᖅ ᐅᓐᓄᐊᓪᓗᐊᒧᑦ; ᑕᕝᕙ ᐅᐃᑦᔮᖃᑦᑕᓕᕆᕗᖅ ᑍᒪᓐᖓᑦ, ᐊᒻᒪ ᐅᑎᓕᕆᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:4

ᐊᓄᕆᒥᒃ ᖃᐅᔨᒪᓇᓱᐊᕐᑐᖅ ᐱᕈᕐᓯᐊᒃᓴᓂᒃ ᐃᓕᐅᖅᑬᓐᖏᓚᖅ; ᓄᕗᔭᓂᒡᓗ ᕿᒥᕐᕈᔪᖅ ᐱᕈᕐᓯᐊᓂᒃ ᑲᑎᕐᓱᐃᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:10

ᑕᑯᓯᒪᕗᖓ ᐱᓇᓱᐊᒐᒃᓴᓂᒃ ᒎᑎᐅᑉ ᑐᓂᔭᖏᓐᓂᒃ ᐃᓄᖕᓄᑦ ᐱᓇᓱᐊᕐᑕᐅᖁᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:11

ᓱᓇᑐᐃᓐᓇᕐᓂᒡᓗ ᑕᑯᒥᓇᕐᑎᓯᕙᒃᐳᖅ ᓇᓪᓕᐅᓐᓂᖏᑦ ᓈᒻᒪᒃᑎᓪᓗᒋᑦ; ᐊᒻᒪᓗ ᐃᓱᖃᖏᑦᑐᒥᒃ ᐃᓕᓯᕗᖅ ᐃᓄᐃᑦ ᐆᒻᒪᑎᖏᓐᓄᑦ: ᑭᓯᐊᓂᓕ ᑖᒃᑯᐊ ᑐᑭᓯᔪᓐᓇᓐᖏᓚᑦ ᒎᑎ ᓱᓇᒥᒃ ᐱᓚᐅᕐᒪᖔᑦ ᐱᒋᐊᕐᓂᖓᓂᑦ ᐃᓱᐊ ᑎᑭᓪᓗᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:24

ᑕᒪᓐᓇ ᐅᖓᓯᒃᑐᖅ, ᐊᒃᓱᒻᒪᕆᐊᓗᒡᓗ ᐃᑎᔫᓪᓗᓂ, ᑭᐊ ᖃᐅᔨᔪᓐᓇᕐᐸᐅᒃ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:17

ᑕᑯᓚᐅᕆᕗᖓ ᒎᑎᐅᑉ ᐱᓂᐊᕐᓂᕆᓯᒪᔭᖏᓐᓂᒃ ᑕᒤᓐᓂᒃ. ᓇᓪᓕᐊᑦ ᑐᑭᓯᔪᓐᓇᓐᖏᓚᖅ ᖃᓄᐃᓕᐅᕐᑐᖃᕐᒪᖔᑦ ᓯᕿᓂᐅᑉ ᐊᑖᓂ. ᐊᒃᓱᕈᕐᓗᓂ ᑐᑭᓯᓇᓱᐊᕋᓗᐊᕈᓂ, ᐃᓄᒃ ᖃᐅᔨᔪᓐᓇᖏᒻᒪᑦ ᑐᑭᖓᓂᒃ. ᓯᓚᑐᔪᖅ ᐊᒡᓛᑦ ᖃᐅᔨᒪᓂᕋᕋᓗᐊᕐᐸᑦ, ᑕᒤᓐᓂᒃ ᑐᑭᓯᔭᕇᕈᓐᓇᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 40:28

ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐊᑕᓂᖅ ᒎᑎᐅᖕᒪᑦ ᐃᓱᖃᖏᑦᑐᒧᑦ, ᐱᓐᖑᕐᑎᑦᓯᓯᒪᔪᖅ ᓄᓇᕐᔪᐊᕐᒥᒃ ᐃᓱᐊᓃᑦ ᐃᓱᐊᓄᑦ. ᓄᑮᕈᑎᔪᓐᓇᓐᖏᓚᖅ ᑕᖃᔪᓐᓇᕋᓂᓗ, ᓯᓚᑐᓂᖓᓗ ᖃᐅᔨᔭᐅᔪᓐᓇᕋᓂ.

ᔪᐊᓇᓯᐅᑉ ᐊᒡᓚᖏᑦ 3:8

ᐊᓄᕆ ᓇᒧᑐᐃᓐᓇᖅ ᐊᓄᕌᕐᕕᒋᔪᒪᔭᒥᓄᑦ ᐊᓄᕌᕐᐸᒃᐳᖅ; ᓱᓗᒃᓱᕐᓂᖓ ᑐᓵᒐᓗᐊᕐᐸᑦ, ᖃᐅᔨᒪᓐᖏᓚᑎᓪᓕ ᓇᑭᑦ ᐱᖕᒪᖔᑦ ᓇᒧᓪᓗ ᐂᖕᒪᖔᑦ; ᑍᒤᒃᑭᕗᑦᑕᐅᖅ ᐊᓂᕐᓂᕐᒥᑦ ᐃᕐᓂᐊᖑᔪᑦ.”

ᕉᒪᒥᐅᓄᑦ 11:33

ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?