ᐃᓕᓯᒪᓃᑦ ᐃᒃᓖᓯᐊᓯᑏᔅ 10:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓂᕆᕕᒃᔪᐊᕐᓂᖅ ᐃᒡᓚᕐᓂᕐᒥᒃ ᓄᐃᑎᑦᓯᕗᖅ, ᕔᓂᓗ ᖁᕕᐊᓱᒃᑎᑦᓯᓪᓗᓂ; ᑮᓇᐅᔭᕐᓕ ᑕᒤᓐᓂᒃ ᓄᐃᑎᑦᓯᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:19 Iomraidhean Croise

ᒨᓯᓯ ᓯᕗᓪᓖᑦ 43:34

ᓂᕿᒃᓮᓪᓗ ᔫᓯᐱᐅᑉ ᓵᖓᓂᑦ ᐋᑎᕐᑕᐅᕗᑦ ᑖᒃᑯᓄᖓ, ᐱᓐᔭᒥᓂᐅᓪᓕ ᓂᕆᓂᐊᕐᑕᖏᑦ ᑕᓪᓕᒤᕐᑐᓪᓗᐊᕐᑐᒥᒃ ᐊᓯᓕᒫᒥᓂᑦ ᐊᖏᓂᕐᓴᐅᑎᓪᓗᒋᑦ ᐊᑐᐃᓐᓇᕈᕐᑎᕐᑕᐅᕗᑦ. ᑕᕝᕙ ᓂᕆᕗᑦ ᐃᒥᕐᓗᑎᒡᓗ ᖁᕕᐊᓱᖃᑎᖃᕐᓗᑎᒃ ᑖᑦᓱᒥᖓ.

ᓴᒧᐃᓕ ᐂᑉᐸᖏᑦ 13:28

ᑕᕝᕙ ᐋᑉᓴᓚᐅᑉ ᐱᔨᓂ ᐅᖃᐅᑎᕔᑦ, “ᖃᐅᔨᓴᕐᓂᐊᕐᐳᓯ ᐋᒻᓇᒥᒃ ᐋᖓᔮᓕᑐᐊᕐᐸᑦ, ᐱᖁᔨᓕᑐᐊᕈᒪ ᑐᖁᓐᓂᐊᕐᐸᓯ. ᑲᑉᐱᐊᓱᒃᑍᓕᒋᑦᓯ; ᐅᕙᖓ ᑎᓕᓯᒐᒪ ᐸᓯᔭᒃᓴᐅᓂᐊᕐᐳᖓ ᓯᕘᕋᑦᑍᓕᒋᑦᓯ ᑲᑦᓱᖓᑦᑍᓕᓗᓯᓗ!”

ᑯᕉᓂᑲ ᓯᕗᓪᓖᑦ 21:24

ᐊᖓᔪᖅᑳᕐᔪᐊᕐᓕ ᑍᕕᑎ ᐅᖃᕐᐳᖅ ᐅᐊᕐᓇᓐᒧᑦ, “ᑍᒫᖑᓐᖏᓚᖅ, ᓂᐅᕕᐊᕆᔪᒪᕙᕋ ᐊᑭᖓᓂᒃ ᐃᓗᐃᑦᑐᒥᒃ ᐊᑭᓕᕐᓗᒍ; ᐱᖁᑎᖕᓂᒃ ᑎᒍᓯᔪᒪᓐᖏᓚᖓ ᐊᑕᓂᕐᒧᑦ ᑐᓂᓂᐊᕐᑕᓐᓂᒃ, ᐅᕝᕙᓗ ᑐᓂᕐᕈᑎᒃᓴᒥ ᐆᑕᒃᓴᓂᒃ ᑐᓂᓯᔪᒪᓐᖏᓚᖓ ᐊᑭᓕᓚᐅᓐᖏᑕᓐᓂᒃ.”

ᐄᓱᕋᐅᑉ ᐊᒡᓚᖏᑦ 1:6

ᓯᓚᖅᑲᑎᓕᒫᖏᓐᓄᑦ ᐃᑲᔪᕐᑕᐅᓚᐅᕐᐳᑦ ᑐᓂᔭᐅᓪᓗᑎᒃ ᐅᓄᕐᑐᓂᒃ: ᓂᕆᑦᔪᑎᓂᒃ ᓯᐅᓪᕕᕆᓂᒃ, ᒎᓗᓂᒃ, ᑕᖁᐊᒃᓴᓂᒡᓗ, ᐆᒪᔪᖁᑎᖏᓪᓗ ᐅᓯᓕᕐᑐᕐᓱᒋᑦ, ᐊᓯᖏᓐᓂᒡᓗ ᐱᔪᒥᓇᕐᑐᓂᒃ, ᑐᓂᕐᕈᑎᒃᓴᓂᒡᓗ ᑐᒃᓯᐊᕐᕕᖕᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 5:8

ᐅᖃᐅᑎᓕᓚᐅᕐᐸᒃᑲᓗ, “ᐱᔪᓐᓇᕐᓂᓕᒫᑦᑎᓐᓄᑦ, ᔫᑎᐅᖃᑎᕗᑦ ᐅᑎᕐᑎᓐᓇᓱᓚᐅᕐᐸᕗᑦ ᓂᐅᕕᐊᕆᓪᓗᒋᑦ ᐃᓅᖃᑎᒌᒡᔪᐊᓂᑦ, ᐃᒻᒥᖕᓂᒃ ᓂᐅᕐᕈᑎᒋᕙᓕᕐᓂᕐᒪᑕ ᔫᑎᐅᖏᑦᑐᓄᑦ, ᒫᓐᓇᓗ ᖃᑕᓐᖑᑎᓯ ᓇᖕᒥᓂᖅ ᓂᐅᕐᕈᑎᒋᓕᕆᕗᑦ ᐃᓕᑦᓯᓐᓄᑦ, ᔫᑎᐅᖃᑎᓯ!” ᓯᕗᓕᕐᑏᑦ ᓂᓪᓕᕐᑐᖃᓚᐅᓐᖏᓚᑦ ᐅᖃᐅᓯᒃᓴᖃᕋᑎᒡᓗ.

ᐃᔅᑕᐅᑉ ᐊᒡᓚᖏᑦ 1:10

ᓂᕆᕕᒡᔪᐊᕐᓂᖏᑕ ᐅᓪᓗᐃᑦ 7ᖓᓐᓂ, ᐊᖓᔪᖅᑳᕐᔪᐊᖅ ᐃᒥᕋᒥ ᕔᓂᒥᒃ ᐋᖓᔮᒐᓚᓕᓚᐅᕐᐳᖅ ᖁᕕᐊᓱᓕᕐᓗᓂᓗ, ᑎᓕᓯᓕᕐᐳᖅ ᓇᖕᒥᓂᖅ ᐱᔨᒥᓂᒃ 7ᓂᒃ ᐃᒡᔪᐃᕐᑕᐅᓯᒪᔪᓂᒃ ᐅᑯᓂᖓ ᒥᕼᐅᒪᓐ, ᐱᑦᔾᑕ, ᕼᐊᕐᐴᓇ, ᐱᒡᔅᑕ, ᐊᐸᒐᔅᑕ, ᔨᑦᓴᕐ, ᑳᑲᓯᓗ.

ᐃᓐᖏᕈᑎᑦ 104:15

ᕔᓂ ᐃᓅᑉ ᐆᒻᒪᑎᖓᓂᒃ ᖁᕕᐊᓱᒃᑎᑦᓯᖁᓪᓗᒍ, ᓇᐹᕐᑑᓪᓗ ᐅᕐᓱᖓ ᑮᓇᖓᓂᒃ ᓴᓗᒪᑎᑦᓯᖁᓪᓗᒍ, ᓂᐊᖂᔭᕐᓗ ᐃᓅᑉ ᐆᒻᒪᑎᖓᓂᒃ ᓲᖑᓂᖅᑳᕐᑎᑦᓯᖁᓪᓗᒍ.

ᐃᓐᖏᕈᑎᑦ 112:9

ᐂᑦᑐᕐᑐᐃᖃᑦᑕᕐᑐᖅ ᐊᓐᓂᕈᓱᒐᓂ, ᑐᓂᓯᖃᑦᑕᕐᑐᕐᓗ ᐃᑲᔪᕐᑕᐅᔭᕆᐊᓕᖕᓄᑦ; ᑖᑦᓱᒪ ᓇᓛᒎᕐᓂᖓ ᐃᓱᖃᖏᑦᑐᒧᑦ ᐃᓕᖓᕗᖅ; ᑖᑦᓱᒪ ᐱᔪᓐᓇᕐᓂᖓ ᐊᖏᒡᓕᑎᑕᐅᓂᐊᕐᐳᖅ ᐅᐱᒋᔭᐅᓗᓂᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:3

ᐆᒃᑐᓚᐅᕐᐳᖓ ᕔᓂᒧᑦ ᖁᕕᐊᓱᓕᕈᒪᓪᓗᖓ, ᓯᓔᓐᓂᕐᒥᒡᓗ ᐊᑐᕐᓗᖓ ᐃᓱᒪᒪᓕ ᓱᓕ ᓯᓚᑐᓂᕐᒥ ᑕᓯᐅᓚᐅᕐᐹᖓ. ᖃᐅᔨᔪᒪᓚᐅᕋᒪ ᐃᓄᐃᑦ ᖃᓄᖅ ᐱᕚᓪᓕᕈᑎᖃᕐᒪᖔᑕ ᐃᓅᓯᕐᒥᖕᓂ ᓁᑐᒥ ᐃᓅᑎᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 23:18

ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 24:11

ᐊᖅᑯᑎᓂ ᕾᒐᓛᕐᑐᑦ ᑐᓴᕐᓴᐅᕗᑦ ᕔᓂᒥᒃ ᐃᒥᒐᒃᓴᒥᒃ ᐊᔪᕐᓇᕐᓯᖕᒪᑦ, ᖁᕕᐊᓇᕐᑐᖃᓚᐅᕐᓯᒪᑦᔮᖏᑦᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒥ ᖁᕕᐊᓇᕐᑐᖃᕈᓐᓃᕐᒪᑦ.

ᒫᑎᐅᓯᐅᑉ ᐊᒡᓚᖏᑦ 17:27

ᑖᒃᑯᐊᓕ ᐊᒡᕕᐊᕈᑎᒃᓴᓕᐅᕐᓂᐊᖏᓐᓇᑦᑎᒍ; ᑍᒤᒻᒪᑦ, ᑕᓯᕐᒧᑦ ᐃᖃᓪᓕᐊᓚᐅᕆᑦ; ᓯᕗᓪᓕᕐᐹᕐᓗ ᐃᖃᓗᒃᑍᑦ, ᖃᓂᖓ ᐂᑦᑕᕐᑎᓐᓂᐊᕐᐸᑦ, ᖃᓂᖓᓂᓪᓗ ᑮᓇᐅᔭᓂᒃ ᓇᓂᓯᓂᐊᕐᐳᑎᑦ ᐊᑭᓕᐅᑎᓪᓗᐊᕐᑕᑦᑎᓐᓂᒃ ᑐᒃᓯᐊᕐᕕᒡᔪᐊᕐᒧᑦ; ᑖᒃᑯᐊ ᑮᓇᐅᔭᑦ ᐱᓗᒋᑦ ᐊᑭᓕᐅᑎᒋᓂᐊᕐᐸᑎᑦ ᐊᑭᓕᐅᑎᒋᔭᕆᐊᖃᕐᑕᑦᑎᓐᓄᑦ ᑖᒃᓯᓄᑦ.”

ᒫᑎᐅᓯᐅᑉ ᐊᒡᓚᖏᑦ 19:21

ᔩᓱᓯᐅᑉ ᐅᖃᐅᑎᕚ, “ᓈᒻᒪᑦᓯᐊᕈᒪᒍᕕᑦ, ᐱᖁᑎᓕᒫᑎᑦ ᓂᐅᕐᕈᑎᒋᔭᕐᑐᒃᑭᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᖁᑎᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”

ᓘᑲᓯᐅᑉ ᐊᒡᓚᖏᑦ 12:19

ᑕᕐᓂᕋᓗ ᐅᖃᐅᑎᓗᒍ, ᑕᕐᓃᒃ, ᐊᕐᕌᒍᓂᒃ ᐊᒥᓱᓂᒃ ᐱᐅᔪᓂᒃ ᐱᒃᓴᖃᓕᕐᐳᑎᑦ; ᐱᓇᓱᐊᕈᓐᓃᕆᑦ ᓂᕆᓗᑎᑦ ᐃᒥᓕᕆᑦ, ᖁᕕᐊᓱᒡᓗᑎᓪᓗ.’

ᓘᑲᓯᐅᑉ ᐊᒡᓚᖏᑦ 16:9

“ᐅᖃᐅᑎᕙᑦᓯ, ᐃᓚᓐᓈᖃᕋᓱᐊᕆᑦᓯ ᓯᓚᕐᔪᐊᕐᒥᐅᑦ ᐊᔪᕐᓴᖏᑦᔪᑎᖏᑦ ᐊᑐᕐᓗᒋᑦ, ᐊᔪᕐᓴᓕᕈᑦᓯ ᑐᓐᖓᓱᒃᑎᑕᐅᖁᓪᓗᓯ ᐊᖏᕐᕋᒃᓴᑦᓯᓄᑦ ᐃᓱᖃᖏᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 8:3

ᔪᐊᓇᓗ ᑦᓲᓴᐅᑉ ᓄᓕᐊᖓ, ᐃᕉᑕᓯᐅᑉ ᐃᒡᓗᒥᓂ ᐊᖓᔪᖅᑳᖁᑎᖓᑕ; ᓲᓵᓇᓗ, ᐊᕐᓁᓪᓗ ᐊᓯᖏᑦ ᐊᒥᓱᑦ, ᖃᓄᑐᐃᓐᓇᖅ ᐃᑲᔪᕐᐸᒃᑐᑦ ᐃᑲᔫᑎᒋᔪᓐᓇᕐᑕᒥᒃᑎᒍᑦ ᔩᓱᓯᒥᒃ ᐃᓕᓐᓂᐊᕐᑎᖏᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 11:29

ᐅᒃᐱᕐᑐᑦ ᐋᖅᑭᒃᓯᓚᐅᕐᐳᑦ ᐊᑐᓂᑦ ᑐᔪᐃᔪᒪᓪᓗᑎᒃ ᐊᔪᓐᖏᑕᒥᖕᓂᒃ, ᐃᑲᔫᑎᒋᓂᐊᕐᑕᒥᖕᓂᒃ ᐅᒃᐱᕐᑑᖃᑎᒌᓄᑦ ᔫᑎᐊᒥ ᓄᓇᖃᕐᑐᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 2:45

ᐱᖁᑎᑎᒃ ᓄᓇᖁᑎᑎᒡᓗ ᓂᐅᑦᕈᑎᒋᓚᐅᕐᐰᑦ ᐊᑭᖏᑦ ᐅᒃᐱᕐᑐᓕᒫᓄᑦ ᑐᓂᐅᖅᑲᐅᑎᒋᓪᓗᒋᑦ, ᐱᔭᕆᐊᖃᕐᓂᖏᑦ ᒪᓕᒡᓗᒋᑦ.

ᐲᑦᑐᕉᓯ ᓯᕗᓪᓖᑦ 4:3

ᐊᓂᒍᕐᓯᒪᓕᕐᒪᑕ ᐃᓅᓯᕆᓚᐅᕐᑕᓯ ᐅᒃᐱᖏᑦᑐᑦ ᐱᔪᒪᓂᖏᑦ ᒪᓕᒃᓗᒋᑦ, ᐃᓅᓯᒪᒐᑦᓯ ᑲᓐᖑᓇᕐᑐᓕᓂᕐᓂᒃ, ᐃᒃᖠᒍᖕᓂᕐᓂᒃ, ᐋᖓᔮᕐᓂᕐᓂᒃ, ᓄᓕᐊᕐᓂᕐᓂᒃ, ᐃᒥᐊᓗᖕᒧᑦ ᖁᕕᐊᓲᑎᖃᕐᓂᕐᓂᒃ, ᓇᕐᕈᓇᕐᑐᓄᓪᓗ ᑐᒃᓯᐊᖃᑦᑕᕐᓂᕐᓂᒃ ᒎᑎᐅᖏᑦᑐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 14:10

ᐊᑖᑕᖓᓗ ᐊᕐᓇᐅᑉ ᐃᒡᓗᖓᓄᐊᓚᐅᕐᐳᖅ, ᓵᒻᓲᓂᓗ ᓂᕆᕕᒃᔪᐊᕐᑎᑦᓯᓚᐅᕐᐳᖅ ᑍᑲᓂ; ᑍᒫᒃ ᐅᕕᒃᑬᑦ ᐊᖑᑏᑦ ᐱᐅᓯᖃᓚᐅᕐᒪᑕ.

ᐃᓗᐊᕐᓮᔩᑦ ᐊᒡᓚᖏᑦ 9:13

ᕔᓂᒃᓴᓕᒡᓕᒃ ᑭᐅᕗᖅ, ‘ᕔᓂᓕᐅᕐᓂᕐᒥᒃ ᓄᖅᑲᕆᐊᖃᕋᔭᕐᐳᖓ, ᖁᕕᐊᓱᒃᑎᑦᓯᔪᒥᒃ ᑕᒤᓐᓂᒃ ᒎᑎᓂᒃ ᐃᓄᖕᓂᒡᓗ, ᓇᐹᕐᑐᑦ ᖄᖏᑎᒍᑦ ᐊᓄᕆᒧᑦ ᐊᐅᓚᓗᖔ?’

ᓴᒧᐃᓕ ᓯᕗᓪᓖᑦ 25:36

ᐊᐱᒊᓕᓗ ᐅᑎᓚᐅᕐᐳᖅ ᓁᐳᓪᒧᑦ; ᓁᐳᓕ ᐊᖏᕐᕋᕐᓯᒪᓚᐅᕐᐳᖅ ᓂᕆᕕᒃᔪᐊᕐᓗᓂ ᐊᖓᔪᖅᑳᕐᔪᐊᒧᑦ ᓈᒻᒪᑦᑐᓂᒃ. ᐋᖓᔮᒻᒪᕆᓕᓚᐅᕐᐳᖅ ᖁᕕᐊᓱᓕᕐᓗᓂᓗ; ᑍᒤᒻᒪᑦ ᐅᖃᐅᑎᓚᐅᓐᖏᓛ, ᖃᐅᓚᐅᕐᑎᓐᓇᒍ.