ᐃᓕᓯᒪᓃᑦ ᐃᒃᓖᓯᐊᓯᑏᔅ 10:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᓇᓐᖐᑦ ᑐᖁᖓᔪᑦ ᑎᐱᑦᓯᐊᕆᒃᓴᐅᑎ ᐅᕐᓱᕐᑎᕈᑎ ᒪᒤᓕᑎᑉᐹᑦ, ᑍᒫᒃ ᓯᓔᓐᓂᐅᑉ ᒥᑭᔫᑉ ᓯᓚᑐᓂᖅ ᐅᐱᒋᔭᐅᓂᕐᓗ ᓵᓚᒋᕚᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:1 Iomraidhean Croise

ᑯᕉᓂᑲ ᐂᑉᐸᖏᑦ 19:2

ᔨᕼᐆ ᕼᐊᓇᓁᑉ ᐃᕐᓂᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑖᑦᓱᒧᓐᖓᕐᐳᖅ ᐸᕐᕆᐊᕐᓗᓂᐅᒃ, ᐅᖃᐅᑎᕚᓗ ᐊᖓᔪᖅᑳᕐᔪᐊᖅ ᔨᕼᐆᓴᐸᑦ, “ᐃᑲᔪᕐᑐᒃᓴᐅᕖᑦ ᐱᐅᖏᑦᑐᓕᔪᓂᒃ ᓇᒡᓕᒋᔭᒃᓴᕆᕕᒋᓪᓗ ᐊᑕᓂᕐᒥᒃ ᐆᒥᓱᒃᑐᑦ? ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓᑕ ᖁᓚᖏᐊᓕᕐᐹᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 13:26

ᓲᓗᒨᓂ ᐃᓴᕆᐊᓕᒃᑯᑦ ᐊᖓᔪᖅᑳᕐᔪᐊᖓᑦ ᐊᔪᕐᑐᓕᑦᔪᑎᖃᓚᐅᓐᖏᓛᖅ ᐊᕐᓇᓄᑦ ᑍᒤᓕᐅᕐᓂᕐᒥᓄᑦ? ᐃᓅᖃᑎᒌᒡᔪᐊᓕᒫᓂᑦ ᑖᑦᓱᑐᓇᖅ ᐊᔪᓐᖏᑎᒋᔪᒥᒃ ᐊᖓᔪᖅᑳᕐᔪᐊᕐᑕᖃᓚᐅᓐᖏᓚᖅ, ᒎᑎᖓᑕᓗ ᓇᒡᓕᒋᓪᓗᓂᐅᒃ, ᒎᑎᐅᓪᓗ ᐃᓴᕆᐊᓕᓕᒫᒧᑦ ᐊᖓᔪᖅᑳᕐᔪᐊᓐᖑᕐᑎᓚᐅᕐᐹ; ᔫᑎᐅᖏᑦᑐᓪᓕ ᐊᕐᓇᖏᑕ ᐊᔪᕐᑐᓕᑎᓚᐅᕐᐹᑦ.

ᓂᕼᐃᒤᐊᐅᑉ ᐊᒡᓚᖏᑦ 6:13

ᐊᑭᓕᓚᐅᕐᐹ ᑲᑉᐱᐊᓱᖕᓂᕐᒧᑦ ᑍᒤᓕᐅᖁᓪᓗᖓ ᐊᔪᕐᑐᓕᖁᓪᓗᖓᓗ, ᑐᓴᐅᒪᔭᐅᓂᓐᓂᒃ ᓱᒃᑯᐃᔪᒪᓪᓗᑎᒃ, ᐅᕙᓐᓄᓪᓗ ᐊᑭᕋᕐᑐᕈᑎᒃᓴᖃᕈᒪᓪᓗᑎᒃ.

ᔫᐱᐅᑉ ᐊᒡᓚᖏᑦ 6:3

ᐅᖁᒤᓐᓂᕐᓴᐅᒐᔭᕐᐳᑦ ᓯᐅᕋᕐᓂᑦ ᐃᒪᐅᑉ ᓯᓈᓃᑦᑐᓂᑦ; ᑍᒤᒻᒪᑦ ᐅᖃᐅᓯᕆᔭᒃᑲ ᑐᓴᓕᒪᓇᖏᑦᑐᑦ ᑲᒪᓂᐊᕈᑎᒋᓂᐊᕐᓇᒋᑦ.

ᒨᓯᓯ ᐂᑉᐸᖏᑦ 30:25

ᑕᒪᒃᑯᐊᓗ ᑕᕝᕙ ᑲᑎᓪᓗᒋᑦ ᐃᑦᔪᕐᓁᑎᑕᐅᓯᒪᓗᑎᒃ ᒥᖑᐊᕈᑎᒃᓴᐅᔪᒃᓴᐅᕗᑦ, ᑲᑎᓯᒪᓗᑎᒃ ᑎᐱᑦᓯᐊᕆᒃᓴᐅᑎᑎᑐᑦ; ᒥᖑᐊᕈᑎᒃᓴᐅᔪᒃᓴᐅᕗᑦ ᐃᑦᔪᕐᓁᑦᑑᓗᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:18

ᓯᓚᑐᓂᖅ ᐱᐅᓂᕐᓴᐅᕗᖅ ᐅᓇᑕᐅᑎᓂᑦ, ᐱᐅᖏᑦᑐᓕᔪᕐᓕ ᐊᑕᐅᓯᖅ ᐊᓯᕈᐃᕗᖅ ᐱᐅᔪᓂᒃ ᐅᓄᕐᑐᓂᒃ.

ᕼᐊᒊᑉ ᐊᒡᓚᖏᑦ 2:12

‘ᓇᓪᓕᐊᑐᐃᓐᓇᖅ ᓂᕿᒥᒃ ᐃᑦᔪᕐᓁᑦᑐᒥᒃ ᐊᒡᔭᕐᓯᒍᓂ ᐊᓐᓄᕌᒥᓄᑦ ᐃᒻᒧᓯᕐᓯᒪᓗᒍ, ᐊᓐᓄᕌᖏᑕᓗ ᓯᓈᓄᑦ ᐊᒃᑐᐃᒃᐸᑦ ᓂᐊᖂᔭᒥᒃ, ᐊᓗᒐᒃᓴᓕᐊᕆᓯᒪᔪᒥᒡᓘᓐᓃᑦ, ᕔᓂᒥᒡᓘᓐᓃᑦ, ᐅᕐᓱᒥᒡᓘᓐᓃᑦ, ᓂᕿᒥᒡᓘᓐᓃᑦ, ᑖᒃᑯᐊ ᐊᒃᑐᕐᑕᖏᑦ ᐃᑦᔪᕐᓁᓕᕋᔭᕐᐹᑦ?’” ᑕᕝᕙ ᑐᓂᕐᕈᓯᕐᑎᑦᓯᔩᑦ ᑭᐅᕗᑦ ᐅᖃᕐᓗᑎᒃ, “ᑍᒤᒍᓐᓇᓐᖏᓚᖅ.”

ᕼᐊᒊᑉ ᐊᒡᓚᖏᑦ 2:13

ᕼᐊᒊ ᐅᖃᕐᐳᖅ, “ᓇᓪᓕᐊᑦ ᐃᑦᔪᕐᓇᕐᓯᑎᑕᐅᒃᐸᑦ ᐊᒃᑐᕐᓯᓂᕐᒥᓄᑦ ᑐᖁᖓᔪᒥᒃ, ᐃᑦᔪᕐᓇᕐᓯᒐᔭᕐᐹ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᑭᐅᕗᑦ ᐅᖃᕐᓗᑎᒃ, “ᐃᑦᔪᕐᓇᕐᓯᒐᔭᕐᐳᖅ.”