ᐃᓕᓯᒪᓃᑦ ᐃᒃᓖᓯᐊᓯᑏᔅ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᓱᕙᓕᑭᐊᖅ! ᓱᕙᓕᑭᐊᖅ!” ᐊᔪᕆᑐᐃᔪᖅ ᐅᖃᕐᐳᖅ, “ᑕᒪᕐᒥᒃ ᓱᓇᑐᐃᓐᓁᑦ ᓱᕙᓕᑭᐊᖑᕗᑦ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:2 Iomraidhean Croise

ᔫᐱᐅᑉ ᐊᒡᓚᖏᑦ 11:12

ᐊᖑᑦ ᓯᓔᑦᑐᖅ ᓯᓚᑦᑐᕈᓐᓇᕐᐳᖅ, ᓯᐅᑎᖅᑯᕐᑐᔫᑉ ᓄᔪᐊᕐᑑᑉ ᐃᓕᓐᓂᐊᕐᑎᑕᐅᔪᓐᓇᕐᓂᖓᑐᑦ.

ᐃᓐᖏᕈᑎᑦ 144:4

ᐃᓄᒃ ᐊᓂᕐᓂᓕᔮᕐᓇᕐᑐᒥ ᐊᓂᕐᓂᕐᑎᑐᑦ ᑍᒤᑉᐳᖅ, ᐅᓪᓗᖏᓪᓗ ᓄᓇᐅᑉ ᑕᕐᕋᓕᓂᖓᑕ ᐃᖏᕐᕋᓂᖓᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 89:47

ᐃᖅᑬᓚᐅᕆᑦ ᐃᓅᓯᕐᒪ ᓯᕕᑭᑦᑑᓂᖓᓂᒃ, ᓱᓇᒥᒡᓕ ᐊᑑᑎᒃᓴᖃᕐᑐᓂᒃ ᐃᓄᖕᓂᒃ ᐱᓐᖑᕐᑎᑦᓯᓚᐅᕐᐲᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:10

ᑍᒤᒻᒪᑦ ᐃᓱᒪᔮᕈᑎᑎᑦ ᐲᔭᒃᑭᑦ ᐆᒻᒪᑎᖕᓂᑦ, ᑎᒥᖕᓂᓪᓗ ᐱᐅᖏᑦᑐᓕᓃᑦ ᐲᔭᕐᓗᒋᑦ, ᐃᓅᓱᒃᑑᓃᑦ ᓴᓐᖏᔫᓃᓪᓗ ᓱᕙᓕᑭᐊᖑᖕᒪᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:8

ᐃᓄᒃ ᐃᓅᒃᐸᑦ ᐊᕐᕌᒍᓂᒃ ᐅᓄᕐᑐᓂᒃ, ᐅᓪᓗᓂ ᑕᒤᓐᓂ ᖁᕕᐊᓱᒡᓕ; ᑭᓯᐊᓂᓕ ᐃᖅᑲᐅᒪᓗᓂ ᐅᓪᓗᐃᑦ ᐅᓄᕐᑐᑦ ᑖᕐᑑᓂᐊᕐᒪᑕ. ᑕᒪᒃᑯᐊ ᓱᕙᓕᑭᐊᖑᕗᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:8

“ᑐᑭᖃᖏᑦᓚᖅ, ᐃᓛᒃ ᑐᑭᖃᖏᑦᓚᖅ,” ᐊᔪᕆᕐᑐᐃᔪᖅ ᐅᖃᕐᐳᖅ. “ᓱᓇᑐᐃᓐᓁᑦ ᑐᑭᖃᓐᖕᒋᓚᑦ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:11

ᑕᒪᕐᒥᒡᓗ ᐊᒡᒐᓐᓄᑦ ᓴᓇᓚᐅᕐᑕᒃᑲ ᕿᒥᕐᕈᓚᐅᕋᒃᑭᑦ, ᑎᒥᒪᓗ ᓄᑭᖏᓐᓄᑦ ᐊᒃᓱᕈᕐᓗᖓ ᑕᒪᕐᒥᒃ ᓴᓇᓚᐅᕐᑕᒃᑲ; ᑕᒪᕐᒥ ᑭᓯᐊᓂ ᓱᕙᓕᑭᐊᑦ, ᐊᓄᕆᒥᒃ ᒪᓕᑐᐃᓐᓇᕐᑐᑐᑦ ᑍᒤᑉᐳᑦ. ᓱᓇᒥᒃ ᐱᕙᓪᓕᕈᑎᒥᒃ ᐱᑕᖃᓐᖏᓚᖅ ᓯᕿᓂᐅᑉ ᐊᑖᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:15

ᑕᕝᕙ ᐆᒻᒪᑎᓐᓂ ᐃᓱᒪᓚᐅᕐᐳᖓ, “ᓯᓔᑦᑐᖅ ᖃᓄᐃᑦᑐᒧᑦ ᑎᑭᑕᐅᖕᒪᑦ, ᐅᕙᖓᑦᑕᐅᖅ ᑍᒫᓪᓗᐊᑦᓯᐊᖅ ᐊᑦᔨᖓᓂᒃ ᑎᑭᑕᐅᒋᕗᖓ, ᓱᖕᒪᓪᓕ ᐅᕙᖓ ᓯᓚᑐᓂᕐᓴᐅᕗᖓ?” ᑕᕝᕙ ᐆᒻᒪᑎᓐᓂ ᐅᖃᓚᐅᕐᐳᖓ, “ᑕᒪᓐᓇ ᓱᕙᓕᑭᐊᖑᕗᖅ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:17

ᑍᒤᒻᒪᑦ ᐃᓅᓯᖅ ᐆᒥᒋᓚᐅᕐᐸᕋ ᐱᓇᓱᐊᒐᒃᓮᑦ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᓲᑦ ᖁᕕᐊᒋᓚᐅᖏᓐᓇᑭᑦ, ᑕᒪᒃᑯᐊ ᑕᒪᕐᒥᒃ ᓱᕙᓕᑭᐊᖑᕗᑦ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᓂᐅᔮᕐᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:19

ᑭᓇᓗ ᖃᐅᔨᒪᕙ ᑭᖑᕝᕕᕐᑎᒐ ᓯᓚᑐᔪᒫᕐᒪᖔᑦ ᓯᓔᑦᑑᔪᒫᕐᒪᖔᓪᓘᓐᓃᑦ? ᑭᓯᐊᓂᓕ ᐊᖓᔪᖅᑲᐅᔪᒫᕐᐳᖅ ᐊᒃᓱᕈᕐᓗᖓ ᓴᓇᓚᐅᕐᑕᓐᓂ ᑕᒪᒃᑯᑎᒎᓇᕐᓗ ᓯᕿᓂᐅᑉ ᐊᑖᓂ ᓯᓚᑐᓂᕋ ᓴᖅᑭᑎᓚᐅᕐᓗᒍ, ᑕᒪᓐᓇ ᑐᑭᖃᖏᓐᓂᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:21

ᐊᖑᓪᓕ ᐱᓂᐊᒐᒃᓴᒥᓂᒃ ᐊᒃᓱᕈᕐᓗᓂ ᐱᓇᓱᐊᓚᐅᕐᑐᖅ ᓯᓚᑐᓂᓂ, ᖃᐅᔨᒪᓂᓂᓗ ᐊᑐᕐᓗᒍ, ᐊᔪᖏᓐᓂᓂᓗ ᐊᑐᕐᓗᒍ; ᑕᒪᕐᒥᒡᓕ ᑕᒪᒃᑯᐊ ᕿᒪᒋᐊᖃᓕᕈᒫᕆᕔᑦ ᐊᖑᒻᒧᑦ ᑖᒃᑯᓂᖓ ᐊᒃᓱᕉᑎᖃᓚᐅᖏᑦᑐᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᖏᔪᒥᒡᓗ ᐱᐅᖏᑦᑐᐊᓘᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:23

ᐃᓅᓂᕐᒥᓂ ᐅᓪᓗᖏᑦ ᕿᒃᓵᖕᓇᕐᑑᕗᑦ, ᐱᓇᓱᐊᕐᑕᖏᓪᓗ ᐅᖁᒤᑦᑑᓪᓗᑎᒃ; ᐅᓐᓄᐊᒃᑯᓪᓘᓐᓂᑦ ᐆᒻᒪᑎᖓ ᐃᓂᓪᓚᖓᔪᓐᓇᓐᖏᓚᖅ. ᑕᒪᓐᓇ ᑐᑭᖃᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:8

ᑲᑎᕐᓱᐃᓚᐅᕐᐳᖓᓗ ᐅᓄᕐᑐᓂᒃ ᓯᐅᓪᕕᕆᓂᒃ ᒎᓗᓂᒡᓗ, ᐊᖓᔪᖅᑳᕐᔪᐊᑦ ᓄᓇᓕᒡᔪᐊᓪᓗ ᑮᓇᐅᔭᖁᑎᖏᓐᓂᒃ; ᐃᓐᖏᕐᑎᓂᒃ ᑲᑎᕐᓱᐃᓚᐅᕐᐳᖓ, ᑕᒤᓐᓂᒃ ᐊᖑᑎᓂᒃ ᐊᕐᓇᓂᒡᓗ, ᐊᕐᓇᖁᑎᖃᓚᐅᕐᐳᖓᓗ ᐅᓄᕐᑐᓂᒃ, ᐊᖑᑎᑦ ᖁᕕᐊᒋᔭᖏᓐᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:19

ᐃᓄᖕᓄᑦ ᖃᓄᐃᓐᓂᕆᔭᐅᕙᒃᑐᑦ ᐆᒪᔪᓂᑦᑕᐅᖅ ᐊᑐᕐᑕᐅᕙᖕᒥᖕᒪᑕ; ᐊᑦᔨᒌᒥᒃ ᖃᓄᐃᓐᓇᕐᑐᒧᑦ ᑎᑭᑕᐅᕙᖕᒪᑕ: ᓲᕐᓗ ᐂᑉᐸᖓ ᑐᖁᕐᒪᑦ ᐊᒻᒪᑦᑕᐅᖅ ᐊᓯᐊ ᑐᖁᒋᓪᓗᓂ. ᑕᒪᕐᒥᒃ ᐊᑦᔨᒌᒃᑐᒥᒃ ᐊᓂᕐᓂᖃᕐᐴᒃ; ᐃᓄᒃ ᐊᔪᖏᓐᓂᕐᓴᐅᓐᖏᓚᖅ ᐆᒪᔪᒥᑦ, ᐃᓛᒃ ᑕᒪᕐᒥᒃ ᑐᑭᖃᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:16

ᐃᓄᐃᑦ ᐃᓱᖃᓚᐅᓐᖏᓚᑦ ᐃᓅᓱᒃᑑᑉ ᑖᑦᓱᒪ ᐊᖓᔪᖅᑳᖑᕐᕕᒋᔭᖏᑦ; ᑭᖑᓂᖓᓂᓗ ᑭᖑᕝᕕᕐᓯᔪᑦ ᑖᑦᓱᒥᖓ ᖁᕕᐊᓲᑎᖃᓐᖏᓚᑦ. ᑕᒪᓐᓇᑕᐅᖅ ᑐᑭᖃᓐᖏᓚᖅ, ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᑐᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:4

ᓱᓕ ᖃᐅᔨᓚᐅᕆᕗᖓ ᓴᓇᓂᓕᒫᑦ ᓴᓇᔪᓐᓇᑦᓯᐊᕐᓃᓪᓗ ᑐᓱᒋᔭᐅᖕᒪᑕ ᐊᓯᖏᓐᓄᑦ. ᑕᒪᓐᓇ ᑐᑭᖃᖏᒻᒪᑦ ᐊᓄᕆᒥᒡᓗ ᐊᖑᓯᓇᓱᑐᐃᓐᓇᕐᓂᐅᔮᕐᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:8

ᐃᓄᑐᐊᕐᑕᖃᕐᐳᖅ ᐃᓅᖃᑎᖃᕋᓂᓗ: ᐃᕐᓂᖃᓐᖏᓚᖅ ᖃᑕᓐᖑᑎᖃᕋᓂᓗ. ᑭᓯᐊᓂ ᐊᒃᓱᕈᕐᓗᓂ ᓴᓇᓂᖓ ᐃᓱᓕᑦᓱᓐᓇᓐᖏᓚᖅ, ᐃᔨᖏᒡᓗ ᐱᖃᕈᒪᓂᕐᒥᒃ ᓈᒻᒪᒃᓯᔪᓐᓇᓐᖏᓛᒃ. ᐊᐱᕆᓚᐅᕐᓯᒪᓐᖏᓚᕐᓕ, “ᑭᓇᒥᒃ ᓴᓇᒍᑦᔨᕗᖓ? ᓇᖕᒥᓂᕐᓗ ᖁᕕᐊᓱᖕᓂᒃᓴᓐᓂᒃ ᐊᓯᐅᔨᑦᓗᖓ?” ᑕᒪᓐᓇ ᑐᑭᖃᓐᖏᓚᖅ ᐱᓂᐊᕐᓂᕐᓗ ᖁᕕᐊᓇᖏᑦᑑᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:10

ᑮᓇᐅᔭᓂᒃ ᐅᖓᒋᔭᓕᒃ ᑮᓇᐅᔭᓂᒃ ᓈᒻᒪᒃᓯᔪᓐᓇᓐᖏᓚᖅ; ᑍᒫᒃᑕᐅᖅ ᐱᖃᓗᐊᕈᒪᓂᕐᒥᒃ ᐅᖓᒋᔭᓕᒃ ᐱᖃᓗᐊᕐᓂᕐᒥᒃ ᓈᒻᒪᒃᓯᔪᓐᓇᓐᖏᓚᖅ. ᑕᒪᓐᓇ ᑐᑭᖃᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:11

ᓱᓇᑐᐃᓐᓁᑦ ᐅᓄᕐᓯᖕᒪᑕ ᑐᑭᖃᖏᑦᑐᑦ ᐊᖏᓂᕐᓴᐅᓕᕐᐳᑦ, ᖃᓄᕐᓕ ᐃᓅᑉ ᓇᓪᓕᐊ ᐱᐅᓂᕐᓴᐅᕚ?

ᕉᒪᒥᐅᓄᑦ 8:20

ᐱᓐᖑᕐᑎᑕᐅᓯᒪᔪᑦ ᓱᓇᒃᓴᐅᖏᓐᓂᕐᒧᑦ ᑎᑭᑎᑕᐅᓚᐅᕐᒪᑕ, ᓇᖕᒥᓂᖅ ᐱᔪᒪᔭᒥᖕᓄᑦ ᐱᓇᑎᒃ ᑖᑦᓱᒪᓕ ᑍᒤᑎᓚᐅᕐᒪᒋᑦ ᓂᕆᐅᒋᔭᒃᓴᖃᖁᓪᓗᒋᑦ;