ᐃᓕᓯᒪᓃᑦ ᐃᒃᓖᓯᐊᓯᑏᔅ 1:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᓕᓐᓂᐊᓚᐅᕐᐳᖓᓗ ᓯᓚᑐᓂᕐᒥᒃ, ᐃᓱᒤᕈᑎᓂᕐᒥᒡᓗ, ᓯᓔᑦᑑᓂᕐᒥᒡᓗ. ᑐᑭᓯᕗᖓᓕ ᑕᒪᒃᑯᐊ ᐊᓄᕆᒥᒃ ᓲᕐᓗ ᐊᓐᖑᑎᓇᓱᒃᑐᑐᑦ ᑍᒤᑐᐃᓐᓇᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:17 Iomraidhean Croise

ᐃᓐᖏᕈᑎᑦ 73:16

ᐃᓱᒪᓕᕌᖓᒪ ᑕᒪᑐᒥᖓ ᑐᑭᓯᔪᒪᓪᓗᖓ, ᐅᕙᓐᓄᑦ ᐊᔪᕐᓇᓗᐊᕐᐸᓚᐅᕐᐳᖅ ᑕᒪᓐᓇ,

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:8

“ᑐᑭᖃᖏᑦᓚᖅ, ᐃᓛᒃ ᑐᑭᖃᖏᑦᓚᖅ,” ᐊᔪᕆᕐᑐᐃᔪᖅ ᐅᖃᕐᐳᖅ. “ᓱᓇᑐᐃᓐᓁᑦ ᑐᑭᖃᓐᖕᒋᓚᑦ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:17

ᑍᒤᒻᒪᑦ ᐃᓅᓯᖅ ᐆᒥᒋᓚᐅᕐᐸᕋ ᐱᓇᓱᐊᒐᒃᓮᑦ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᓲᑦ ᖁᕕᐊᒋᓚᐅᖏᓐᓇᑭᑦ, ᑕᒪᒃᑯᐊ ᑕᒪᕐᒥᒃ ᓱᕙᓕᑭᐊᖑᕗᑦ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᓂᐅᔮᕐᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:3

ᐆᒃᑐᓚᐅᕐᐳᖓ ᕔᓂᒧᑦ ᖁᕕᐊᓱᓕᕈᒪᓪᓗᖓ, ᓯᓔᓐᓂᕐᒥᒡᓗ ᐊᑐᕐᓗᖓ ᐃᓱᒪᒪᓕ ᓱᓕ ᓯᓚᑐᓂᕐᒥ ᑕᓯᐅᓚᐅᕐᐹᖓ. ᖃᐅᔨᔪᒪᓚᐅᕋᒪ ᐃᓄᐃᑦ ᖃᓄᖅ ᐱᕚᓪᓕᕈᑎᖃᕐᒪᖔᑕ ᐃᓅᓯᕐᒥᖕᓂ ᓁᑐᒥ ᐃᓅᑎᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:19

ᐃᓄᖕᓄᑦ ᖃᓄᐃᓐᓂᕆᔭᐅᕙᒃᑐᑦ ᐆᒪᔪᓂᑦᑕᐅᖅ ᐊᑐᕐᑕᐅᕙᖕᒥᖕᒪᑕ; ᐊᑦᔨᒌᒥᒃ ᖃᓄᐃᓐᓇᕐᑐᒧᑦ ᑎᑭᑕᐅᕙᖕᒪᑕ: ᓲᕐᓗ ᐂᑉᐸᖓ ᑐᖁᕐᒪᑦ ᐊᒻᒪᑦᑕᐅᖅ ᐊᓯᐊ ᑐᖁᒋᓪᓗᓂ. ᑕᒪᕐᒥᒃ ᐊᑦᔨᒌᒃᑐᒥᒃ ᐊᓂᕐᓂᖃᕐᐴᒃ; ᐃᓄᒃ ᐊᔪᖏᓐᓂᕐᓴᐅᓐᖏᓚᖅ ᐆᒪᔪᒥᑦ, ᐃᓛᒃ ᑕᒪᕐᒥᒃ ᑐᑭᖃᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:4

ᓱᓕ ᖃᐅᔨᓚᐅᕆᕗᖓ ᓴᓇᓂᓕᒫᑦ ᓴᓇᔪᓐᓇᑦᓯᐊᕐᓃᓪᓗ ᑐᓱᒋᔭᐅᖕᒪᑕ ᐊᓯᖏᓐᓄᑦ. ᑕᒪᓐᓇ ᑐᑭᖃᖏᒻᒪᑦ ᐊᓄᕆᒥᒡᓗ ᐊᖑᓯᓇᓱᑐᐃᓐᓇᕐᓂᐅᔮᕐᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:6

ᐊᑕᐅᓯᕐᒥᒃ ᑎᒍᒥᐊᕐᑐᕐᓂᖅ ᓂᐰᑦᑑᓗᓂ ᐱᐅᓂᕐᓴᐅᕗᖅ ᐃᒡᓗᒃᑐᑦ ᑎᒍᒥᐊᕐᑐᕐᓂᕐᒥᑦ ᓴᓇᔭᒃᓴᓂᒃ ᐊᓄᕆᒥᒡᓗ ᐊᖑᓯᓇᓱᐊᕐᓂᕐᒥᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:9

ᐱᐅᓂᕐᓴᐅᒋᕗᖅ ᐃᔩᒃ ᑕᑯᓐᓇᑦᓯᐊᕐᐸᑎᒃ ᓇᒧᑐᐃᓐᓇᖅ ᐃᒃᓯᒎᕐᓂᕐᒥᑦ. ᑕᒪᓐᓇᑦᑕᐅᖅ ᑐᑭᖃᓐᖏᓚᖅ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᑑᔮᕐᓂᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:16

ᐃᓱᒪᒐ ᐊᑐᕋᒃᑯ ᓯᓚᑐᓂᕐᒥᒃ ᑐᑭᓯᔪᒪᓪᓗᖓ ᖃᐅᔨᔪᒪᓪᓗᖓᓗ ᐱᓂᐊᕐᓂᐅᕙᒃᑐᓂᒃ ᓄᓇᒥ, ᐊᒡᓛᑦ ᐃᔩᒃ ᓯᓂᖕᓂᕐᒥᒃ ᖃᐅᔨᕙᒍᓐᓃᕐᑎᓪᓗᒋᒃ ᐅᓪᓗᑯᑦ ᐅᓐᓄᐊᒥᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:3

ᑕᒪᓐᓇ ᑕᒪᑦᔭ ᐱᐅᖏᑦᑐᖅ ᑕᒪᑭᕐᓗᓂ ᐊᑐᕐᑕᐅᔪᖅ ᓯᕿᓂᐅᑉ ᐊᑖᓂ; ᐊᑦᔨᒌᒃᑐᒥᒃ ᑕᒪᕐᒥᒃ ᐱᓂᐊᕐᕕᐅᖕᒪᑕ. ᓱᓕᔪᒥᒃ ᐃᓄᐃᑦ ᐆᒻᒪᑎᖏᑦ ᑕᒪᕐᒥᒃ ᐱᐅᖏᑦᑐᒥᒃ ᑕᑕᒻᒪᑕ; ᐃᓱᒤᕈᑎᓂᐅᔮᕐᑐᒥᒃ ᐆᒻᒪᑎᖏᑦ ᑕᑕᑉᐳᑦ ᐃᓅᓂᕐᒥᖕᓂ, ᑕᒪᑐᒪᓗ ᑭᖑᓂᖓᒍᑦ ᑐᖁᕙᒃᐳᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:21

ᑕᒤᑕᓕ ᖃᐅᔨᓴᕐᓯᒋᒃ; ᐱᐅᔪᑦ ᐱᓯᒪᑦᓯᐊᕐᓗᒋᑦ.